Anmelden
  • Index
  • » Benutzer
  • » vreni
  • » Profil

Beiträge

Beiträge

06-Mär-2014 18:20:47
Lustige Geschichten
Kategorie: Esel
Forum: Diverses

Im Riedli z`Bönige isches ganz spannend gsi.
Am letzte Mäntig isch näbem Stall gholzet worde. Aber nid normal. Nei, mit em Helikopter. Wo mir hei dmäldig übercho. Hei mir sofort gseit, dass mir den bi üsne Esle wärde si. Am Morge am 8.00h hei si dr Strom abgstellt u nadisna si zimli Manne cho. Es isch rächt spannend gsi, die einte sie uf Bäum klàtteret u Seili dragmacht. Di andere hei Fahrzüg Ume fahre Usw. Dr Carlos het ganz Gspannt zugluet. Är het fascht vergässe sis Haselstäckli zgnage. Dr Spirou isch ja ganz e coole. So ab und Zue het ou zuegluegt aber sis Stäckli isch scho wichtiger si. Nach öppe 2Std. isch di sach hektischer Worde, Bedi Esle si am Hag gstande u hei Gpannt zuegluegt. Da hani dr Helikopter ghört. Das hei DÈsle ja scho meh gseh, aber jetz chunnt dä Heli so nach a Stall!!! Das cha de nüt si!!! Dr Carlos het afa ume galoppiere u dr Spirou hindernache. Ig muess säge , Ig ha mi nüm drfür kha nächer a D Èsle zga. Mir hei versuecht se i Stall zjage. Dr Carlos isch inne Gsprunge u Spirou ou Grad. Ig bi ou inne u ha Türe grad zue Ta. Im Stall si die Zwe relativ Ruehig gsi. I hane nu es Gudeli gä u ne immer wider gseit, dass das nüt macht u mir da bliibe bis alles verbii isch.  Mi gwunder isch scho gross gsi, so öppis gseht me ja nid grad hüfig. D`Esle hani im Stall glah u bi use ga luege,ha aber obertörli offe gla,dass D Êsle mi geh hei. Nach ere halb Stund isch dä Gspass verbii Gsi. U bi wider i Stall. Dr ganz Stall  isch verbööletlet gsi. Dr Carlos isch zhingerscht i Spirou`s Box gstande u het Grännet. I ha ne gchäbelet u gstrichlet u im gseit wi är e guete u e brave isch gsi. Dr Spirou isch ganz ruehig gsi. Ou mit ihm hani gschüselet u chrääbelet u ne grüemmt.
Da hani dr Stall wider ufta, dass si wider chöi ufe Trocheplatz ga. Aber nüt isch gsi, kene het use wölle. Da bi ig use u em Spirou grüeft. är het dr chopf use gha u wahrschinlech dänkt, we di das  überläbt, macht das mir ou nüt, u isch use cho. Aber vo carlos ke Spur. Dä Hani muesse use begleite, abernär isch ou är wider zfriede gsi.

Ig muess säge, das e Esel so cha Panik ha hani nid dänkt.

17-Jul-2013 14:43:10
Lustige Geschichten
Kategorie: Esel
Forum: Diverses

Üse Carlos isch e chli es Schlitzohr worde. Scho zwöite Mal isch är gester us em abhagete Breich uf dr Weid uusbüxt. Zluschtige dranne isch dr spirou chunnt üs das albe cho säge. Är chunnt id nächi fo üs, u luegt ganz uufgregt id richtig vo Carlos. Dr Carlos tuet so als wär gar nüd passiert. We mir aber när zu ihm loufe ,De seklet är ab. U de chame ne nume no mit Rüebli locke. Ig gloube das är das gmerkt het, u drum ab und zue mal usbüxt. Gester hani ne mit rüebli glockt, aber z`rüebli hani ihm nid gä. Das het dr Carlos gar nid lustig gfunde. Är het afa bätle u isch mer ständig nache glüffe. Ig ha ihm du erklärt, dass mir ihm nid nu chöi belohnig gä, für setige Seich wo är heig gmacht. Mal Luege, ob das het gwürkt. Hi,HI,Hi

23-Jun-2013 08:58:19
Lustige Geschichten
Kategorie: Esel
Forum: Diverses

Jetz isch dr Summer ändli da. Üse Spirou u dr Carlos lö ihri Winterhaar la gah. Äs isch ungloublich wievil Haar di Esle im Winter umetrage. Ei Tag,  wos eso isch Heiss gsi, si beidi Esle Plotschnass am Buuch gsi vom Schwitze. Mir tüe ja üsi Esle immer 2mal bürschte. Einisch am morge und einisch am Abe. A däm Abe isch das Bürschte allwäg no besser gsi. Dr Carlos hat si Chopf a di chüeli Muur vom Stall drückt, u mit jedem Bürschtestrich het är müesse Stöhne. Zeinzige wo dr Carlos stört isch, wes de chli rüpft am Buuch. Das het är nid gärn. Mir säge ihm de albe, dass mir ganz fescht düe uufpasse u de macht das nümme.
Dr Spirou tuet ganz töif stöhne bi jedem bürschtestrich u luegt üs albe aa, wie wenn är wett merci säge für jedes Haar wo wäg isch. Beidi Esle überchöme wider e ganz schlanke Chopf u überhoupt het meh zgfüel, si heige abgnoh.
Bis jetz heimer ofe e 35lt. Sack voll mit Haar, aber es chunnt no vil meh.

01-Mai-2013 18:29:24
Lustige Geschichten
Kategorie: Esel
Forum: Diverses

Mir hei üse Carlos u dr Spirou langsam wider a ds Grase gwöhnt. Zersch nume am Halfter 5 min. , u de  5 min. meh usw. Geschter hei die Zwe zerschte mal frei uf D`Weid dörfe. für e halb Stund. Läck hei di Zwe Esle e Freud gha. Dr Spirou het afe mal es Muul voll gno u isch när umegsprunge. Vor luter Freud het är dr Chopf so hin u her Gwagelet.. Dr Carlos het ou mal sis Muul gstopft u het sech grad müesse walle, u will dr Spirou so isch umesprunge het är natürlich ou müsse D`verfolgi ufnäh. Ab u Zue hei si Ihres Füdli glüpft während em ganze umegalppiere.
.Es schöns Bild isch das, weme gseht wie glücklich das D Esle si. Nach emene Moment hei si du doch no chli Gras gfrässe. Aber sicher weniger, als no am Halfter. Hi, Hi, Hi

25-Feb-2013 10:31:23
Lustige Geschichten
Kategorie: Esel
Forum: Diverses

Üse Spirou isch e richtige Tuschi worde. We mir am morge e Haselsträcke ids gheg inne gheie, isch dr Carlos sofort dranne u beansprucht dä Stacke grad für sich. Mir säge de albe scho," Dä Stäcke ghört de bedne, gäll Carlos." Aber uf däm Ohr ghört üse Carlos gar nüd. Är steit so richtig breidspurig da. U we dr Spirou id nächi chunnt, De lüpft är sis Füdi u gigset. Dr Spirou het sech albe verteidiget, u isch emel zu sim Stäcke cho. Das het jetz aber gänderet, Dr Spirou chunnt öper vo üs cho stüpfe, u de müesse mir use, di sach ga klar stelle, wenn nötig dä Stäcke halbiere, u de het Spirou wider si Fride. Äs chunnt mer vor, wi we är ke Erger mit Carlos wott.
Hüt am Morge hani no Schnee grumt, u da het dr Spirou es Problem ka. Är het mi ja gar nid chönne cho Stüpfe, u Rüefe cha är ja o nid. Also het är mit em Chopf gäge dr Igang drückt, u mit de Huf gscharet, bis ig bi zue im cho. Ig ha ne gfragt, was är o heig, da het är mi gmüpft u het si Underlipppe verwurget u isch sofort zum Stäcke gloffe. Da ha ig ds Problem gseh. dr carlos isch quer über em Stäcke gstande u het D òhre aglehnt ka. Da ha ig dä Stäcke halbiert u em Spirou o chli gä. U so hani müesse schmunzle u dr Spirou het ke Erger ka mit sim Fründ. HiHiHi

13-Feb-2013 12:45:14
Lustige Geschichten
Kategorie: Esel
Forum: Diverses

Ganz am Afang wo mir D Esle hei gha, simmer ja wi witer obe erwähnt no zimmlich unsicher gsi. Wo mir si ga loufe, hei mir e Herr gseh mit emene Jagdhund. Dä Herr het dä Hund a d`leine gno u mir si mit üsne zwe Esle näbe dürre. Mir hei nid gmerkt, dass dä Herr dä Hund wider het losgla. Dä Hund het üs vo hinde aagschliche u direkt hinder üs afa Bälle. Nid nume mir si verchlüpft, sondern o Dr Spirou u dr Carlos. U si hei sech losgrisse vo üs. Mir hei dene zwene nachewölle, aber e Esel wo galopiert isch nid zum erreiche.
Dä Herr het sim Hund grüeft u grüeft aber dä Hund het vo folge allwäg no nie öppis ghört. Mir hei em Spirou u em Carlos grüeft, aber di neugwunni Freiheit isch scho no cool gsi. Bis uf zwe Meter si mir ase häre cho. U när si si wider absecklet. Mir hei scho chli Angst ka um di Zwe, will a däm Wäg hets o no Eibe ka. U witer vorne wär de D àutobahn cho.
Dä Herr het si Hund wider chönne ifaa u mir hei im znötige no zugrüeft. Was gnau möcht ig jetz nid im Detail erwähne. Item, mir si üsne Esle nache u hei gmerkt, we mir nid springe sondern loufe, bliibe di länger stah. Dr Vater het du afe dr Carlos chönne ifaa. Dr Spirou het das Spiel so langsam nüm lustig gfunde. Soo ohni si Fründ. Ig ha im du chönne uf ds Führseil stah u ne wider häbe. Mir hei doch e chlini Verschnuf Pouse brucht u D Esle o. Mir hei de Esle no itz Gwüsse gredt, dass si nümme dörfe abga. Aber im brinzip si wider Mir zwenig ufmerktsam gsi bi dere Gschicht. We mir hüt gö ga loufe isch immer öper zhinderscht mit dr Gerte.. U we mir Hünd gseh, warne mir enand u o D èsle warne mir..
Dä Herr mit sim Jagdhund hei mir scho no meh gseh. Aber är nimt ne jetz a D`leine, wenn är üs gseht. U D`Gerte würd ig Isetze, gäg dä Hund.

10-Feb-2013 09:11:43
Lustige Geschichten
Kategorie: Esel
Forum: Diverses

Letzte Sunntig simer wieder ga loufe. Diesmal aber die alti Strecki übere Flugplatz. Will dr Waldwäg isch steihert gfrohre u das isch üs gfährlich gsi mit de Esle dert düre. Äbe wo mir si mit de esle anders abboge si, hei si richtig freud gha. Dr Spirou het sech fasch nümm chönne behersche mir hei ne zwöit müesse häbe, dass är üs nid übere huufe grüert het. Dr Carlos het näb dr Alexandra ganz langsam dschöggerlet. Nach emene MOment hei sech di zwe beruhiget gha. U mir hei di schön verschneiti Gägend, bir schönschte Sunne chönne gniesse. Dr Spirou het nu gwüsst wo düre das dä Wäg geit, u het es rächts Tempo vorgleit. Immer wieder hei mer es Kürfeli gmacht u hei dr Carlos füre gla. Dr Spirou het das nid eifach eso hinoh, u het wider überholt. Da hei mer im gseit, wen du jetzt nid aständig tuesch de loufe mir de nu Holzgass uuf. (D`Holzgass isch sehr stozig, u dr Spioru louft die gar nid gärn ) Zum Ablänke het är mit üs währet em loufe wölle schmüsele. So richtig es Schlitzohr isch är gsi. Dr Carlos het eifach D`Natur gnosse u het Di vile neue Sache müesse aaluege. Aber bedi Esle si so richtig Glücklech gsi. Mi het mess also agseh.
Dä Wäg isch ziemlech wiit, u ufem retourwäg isch dr Spioru e chli Müed worde, ä het eifach wölle schmüsele u D`Muetter het ne afa strichle u plötzlich het dr Spirou ihres Halstuech verwütscht u het zoge. Wo D`Mueter het he he grüeft, hat är ganz unschuldig das Halstuech losgla u sofort es Müntschi nache glieferert. Ir Panoramastrass  si di zwe du würkli müed worde. Dr Spirou het e Hufe Pouse brucht, u dr Carlos isch i sim Trapp eifach gloffe. Nach 2 1/2 Std. simer wider dehei gsi. Dr Carlos u dr Spirou si i Stall inne gstande u hei sech e moment gar nüm bewegt. Abe rsi si so richtig glöcklech gsi.

02-Feb-2013 13:11:19
Lustige Geschichten
Kategorie: Esel
Forum: Diverses

Am 06. Februar sis de 3 Jahr wo mir üsi Esle, dr Spirou u dr Carlos bir Dolores Telley si ga abhole. Am Afang si mir scho rächt unsicher gsi. Bim chlinschte Gix hei mir scho Himmelangst gha, mir heige öppis falsch gmacht. Telefon isch ziemli heiss gloffe uf Mutier. Gäll Dolly. Üsi Esle hei das sicher o gmerkt, u hei üs gholfe, ds Richtige ds mache. Sicher o zu Ihrne Gunste.  Mir hei glehrt, bim loufe uf anderi Gfahre zluegge als vorhär. Mir hei o glehrt, uf Körpersprach zluegge u no ganz vil meh. Daderzue verzelle ig euch jitz e Gschicht.

Mir si mit üsne Esle am loufe gsi. U hei immer wider neui Wägli gsuecht, wo me nu chönnt ga loufe. Da heimer es Waldwägli gseh, wo under dr Outobahn düre geit u witer i Wald fürt. Mir hei gfunde, da chönne üsi Esle scho düre u si gloffe. Dr wäg isch steil opsi gange u immer schmäler worde. Da simer zu re Stäge cho. U jetz, was mache mir. ? Dr Spirou isch wi e Boum bliibe stah. Als" hü u chum" het nüt gnützt. Da hani didee gha, dr Carlos vorab zlah, de chöm de dr Spirou ou nache. Dr Carlos isch di Stäge ufegloffe wi är das Alltag miech. Ar Stäge dobe hei mir em Spirou grüeft, u dr Carlos isch ganz verwundert blibe stah. Dr Spirou het eifach Angst gha. Nach langem hei mir üs entschlosse zum ne Träffpunkt getrennt zloufe, will e Stäge ab loufe, hani mir nid chönne vorstelle. So si miner Eltere mit em Spirou wider abwärts gloffe, u DÀlexandra u ig mit em Carlos obe ume zum Träffpunkt z`loufe. Üse Wäg isch vil chürzer gsi, aber dä hei mir schwär müesse verdiene. Dr Carlos het nid ohni si Fründ wölle loufe. Immer wider ischer Blibe stah u het wölle umdräie, zrügg zur Stäge. Ig ha mit im gredt u ne Agfleht, är sölli doch cho, Ig wüssi wo das dr Spirou seg. u mir gönge jitz schnäll zu ihm. Zwe Drei Schritt isch dr Carlos gloffe, u isch wider Blibe stah. Da hani gseh, dass är Träne i de Ouge het gha. Ig hane versuecht ztröschte u mini Tochter ou. Zmiz im Wäg bini zu ihm a Bode Ghocket, u hane gstrichlet u mir hei ihm immer wider gseit, dass mir wider zum Spirou loufe. Mir hets fasch Ds`Härz verschrisse, E Esel wo grännet u churz dervor het är ja vo sim Mami o müesse Abschid näh. Dr Carlos het mi würklech duret. Wider hei mir es Parr Schritt chönne gah. U wider hei mir dr Carlos tröschtet. Nach langem isch üs e Spaziergänger begägnet, wo het gmerkt, dass mir grossi Problem hei. Är het üs gseit" Dr gross Brüdscht warti de da vorne ume Egge." Ig ha zu Carlos gseit, loos das cha nume Spirou si. Chum mir gö ga luegge. Är het mir nid würkli trouet, aber wo mir ume Egge si cho. Isch Carlos churz blibe stah, u het glost. Mini Eltere hei ihm Grüeft u dr Spirou isch im Wäg gstande. Da het dr Carlos aber di schnälle Bei füregno. Wo mir si bim Spirou gsi, hei sech die Zwe müesse abschnuppere. Mir hei üsne Esle Zyt gä, sech begrüesse. U DÈltere hei üs verzellt,dass dr Spirou dr ganz Wäg zügig Gloffe seg. u Da (bim Träffpunkt) wi e Bock seg blibe stah.  Si warte sicher scho 5 minute. Ig ha dr Carlos u dr Spirou gstrichlet u ne versproche, mir düe si nie meh trenne.

Bis hüt, si mir nie meh über di Stäge gloffe,aber ufem Wäg obe düre si mir öppe die underwägs. No hüt cirka 3 jahr später luege üsi Esle dä Punkt immer no aa. Sider denn luegge mir di Wäge vorhär besser a. U we e Gfahr chunnt, gömer alli düre oder niemer.

19-Jan-2013 18:46:13
Lustige Geschichten
Kategorie: Esel
Forum: Diverses

wo mini Mueter letschti isch i stall gange am Morge, het si üsi 2 Esle putzt u bürtschtet u natürli gschmüselet. Si het nid mitübercho, dass mir am Abe vorhär hei e Holzast ids Gheeg hei inne gheit. Si het di Esle use glah. U dr Carlos isch sofort use. Dr Spirou isch ou use aber grad wider inne cho u het D^mueter gstüpft.mit dr nase. si het mitem wölle schmüsele aber das isch nid em Spirou sis Problem gsi. Si het im gseit "Gang doch o use, so chalt isch es emel nid. U Di Fründ dr Carlos isch ja o duse". Dr Spirou isch bim Usgang häregstande u immer wider zrügggluet, ob si ächt chömm. Aber si het dr Stall gmacht u ish gar nid drus cho. Warum dä Spirou nid use göng. Wo si isch fertig gsi, isch si mit em Spirou use, u da het si ds Problem gseh. Dr Carlos het dä Stäcke grad für sich beansprucht u het dr Spirou gar nid häre gla. Si het dä Stäcke halbiert u dr Spirou het ou e Stäcke gha. Är het di Hilf , allwäg früecher wölle, aber Di Mönsche hei halt mängisch e längi Leitig.

08-Jan-2013 18:09:34
Kategorie: Esel
Forum: Hufpflege

Üse Spirou het immer chli weichi Huf gha. Di chline Steinli het är zimli teuf i di wissi Linie istalpet. U nachem Steine usenä hets Löcher hinderlah. Mir hei mit em Hufschmid gredt, aber är het o ke rat gwüsst, usert di Huf immer suber zhalte. was mir ja immer hei gmacht. Eines Tages heimer im Fernseh e Sändig gseh vo me ne Pferdeflüsterer. Das Ross wo är het behandlet, het genau glich problem gha. Me muess nachem Huf useputze di Huf vo unde mit Fischtranöl ipinsle, u de wärde di Huf hert. . Mir si dere Sach chli Skeptisch entgäge gstande, u glich hets üs nid i Rueh gla. Mir hei du dr Hufschmid gfragt, u är het gmeint. Schade chönn das ja Nüt, mi chas ja probiere. All Abe hei mir di Huf suber useputzt, d`Steine usegno, u mit Fischtranöl igsalbet. U  nadisnah hei mir gmerkt, dass är nachem Loufe immer wenigr Steine het istalpet gha. O dr Hufschmid het gstuunet, U het sine Chunde dä Tip witergä. Hüt nachem loufe, hets chum me Steinli i de Huf. Probieret das doch ou mal us. Das Fischtranöl isch i de Drogerie erhältlich.

06-Jan-2013 09:08:15
Lustige Geschichten
Kategorie: Esel
Forum: Diverses

Üse Spirou het immer chli weichi Huf gha. Di chline Steinli het är zimli teuf i di wissi Linie istalpet. U nachem Steine usenä hets Löcher hinderlah. Mir hei mit em Hufschmid gredt, aber är het o ke rat gwüsst, usert di Huf immer suber zhalte. was mir ja immer hei gmacht. Eines Tages heimer im Fernseh e Sändig gseh vo me ne Pferdeflüsterer. Das Ross wo är het behandlet, het genau glich problem gha. Me muess nachem Huf useputze di Huf vo unde mit Fischtranöl ipinsle, u de wärde di Huf hert. . Mir si dere Sach chli Skeptisch entgäge gstande, u glich hets üs nid i Rueh gla. Mir hei du dr Hufschmid gfragt, u är het gmeint. Schade chönn das ja Nüt, mi chas ja probiere. All Abe hei mir di Huf suber useputzt, d`Steine usegno, u mit Fischtranöl igsalbet. U  nadisnah hei mir gmerkt, dass är nachem Loufe immer wenigr Steine het istalpet gha. O dr Hufschmid het gstuunet, U het sine Chunde dä Tip witergä. Hüt nachem loufe, hets chum me Steinli i de Huf. Probieret das doch ou mal us. Das Fischtranöl isch i de Drogerie erhältlich.

10-Dez-2012 18:36:50
Eselausbildung fur Samichlaus
Kategorie: Esel
Forum: Diverses

Mir hei am 06. Dez. üse erscht uftritt als Samichlous gha. Mir si scho e chli ufgregt gsi. Wo mir am Namitag üsi Esle si ga parat mache, si di zwe gar nid druss cho. Wills so vil Schnee het gha, hani dr Aahänger witer unde la stah. Dr Spirou het richtig freut gha, dürre Schnee Z'loufe. Dr Carlos isch nid e so z?fride gsi aber het doch ou mitgmacht. Bim Verlade isch dr Carlos grad nonstop i Aahänger ine, bim Spirou hei mir e chli überzügig bruucht. Ds Niederried aacho, hei mir gmerkt, dass Stras Spiegelglatt isch. Langsam simer opsi glofe, u d Esle im Schneewalm la loufe. Für e Spirou isch das kes Problem gsi, aber dr Carlos het immer wider i dr Stras wölle loufe. Bim Chlouseplatz aacho, heimer de Esle e chli Heu gä. U d`chind hei em Samichlous ihri Versli verzellt u es Seckli übercho. Dr Spirou isch ja gar gwunderig u het D`Nase immer zforderscht gha. Das isch em Carlos zguet cho. Im hets eifach zvil Lüt gha u Chind hei ne Gstrichlet, dass het er o nid so gärn gha. Ig bi nid verchleidet gsi, u ha mi e chli um Carlos kümmertet. Ig bi eifach bi im blibe u im eso chli sicherheit gä. Dr Spirou hets Gnosse so vil Chind hei ne gstrichlet, är het gar nid gnue übercho. Ir zwüschezyt hani mit dr Verantwortliche gred, ob me nid chönnt d`stras cho Salze. Im Fistere mit de Esle di Stras nids izloufe chönnt gfährlich wärde. U Gmeind isch tatsöchlich cho Salze. Nach cirka 2 Std. simer wider Nidzi zue. Ds Loufe  u Verlade isch tiptop gange. Deheime heimer uuslade u D`Esle si nonstop hei zue gloffe. Es isch wunderschön gsi u dÈsle hei sicher guet gschlafe.

04-Dez-2012 13:08:48
Lustige Geschichten
Kategorie: Esel
Forum: Diverses

Üse Siprou het dr Winter sehr gärn. Bim spazire louft är sehr gärn im Schnee. U da störts ne ou nid, dass es opsi geit. Ei morge wos het gschneit gha, da hani em Spirou erklärt dss ig no e überraschig heig. Nachem Putze  bini mit im use. läck het dä Spirou freut gha. Är het dr Chopf abegha ganz liecht tschoget u dr Chopf gschüttlet. Dr Carlos isch e kei Winterfän. Wo är isch usecho, het är sech grad wider umdreit. "Das wisse Zeug isch nume chalt" het är allwäg dänkt. Ig ha di zwe la mache u ha dr Schtall use putz. Ufzmal chunnt dr Spirou inne u het ganz e wissi Nase. " soso Spirou itz hesch di Schnee " u Carlos bini ga tröschte u hanim gseit bim strichle " Dr nächscht Summer chunnt o wider, da chasch sicher si. Aber da müesse mir alli düre, weisch ig ha dr Winter o nid gärn." Dr Spirou het mit sim dicke Winterfähli o praktisch nie chalt. Dr Carlos het zwar o ganz es schöns winterfähli, aber am Abe het är ganz chalti Bei. Da hei mir agfange di Bei am Abe warmzrubble. U jetz, we dr Carlos chalt het lüpft är sini Bei u stellt se gar nüm ab bis mir di Bei grubblet hei. U das mir nid vergässe witerzfahre, lüpft är grad sofort znächste Bei zum rubble.
Am Sunntig isch es ja ganz chalt worde, U üse Spirou het sech la iischneie, dr Carlos het nume dr Chopf am Schnee ka. Am Abe hei si ganz chalti Ohre gha. Ig ha em Spirou mini Chappe über D`Ohre agleit. Das isch wahrschinlech ganz agnähm gsi. Nach emene Moment hani D^Chappe em Carlos über dOhre zoge. Das het är gnosse. Wo dr Spirou si Fründ het agluegt isch är grad verchüpft, so e Carlos mit Chappe ,gseht gar nüm nach sim Fründ us. Är het wider gluegt u sofort furt luegt, är het sogar sis Füdi wölle lüpfe so e Panik het är gha. Drum hani ig em Carlos di Chappe wider abzoge. Dr Spirou het nu 2mal gluegt, bis är het gloubt, das da wider si Fründ steit.
Ja , so isches ou im Eselläbe. Des einen Freud, des andern Leid.

26-Nov-2012 17:48:44
Lustige Geschichten
Kategorie: Esel
Forum: Diverses

Üsi Esle si gar nid zfride gsi mit mir. Am Fritig isch dr Tierarzt cho u het se Untersuecht u Gimpft. Är het mer nu es Entwurmigsmittel gä. Bir Untersuechig si üse Carlos u Spirou wi immer di Liäbste Esle gsi. Alls hei si Mitgmacht u bim Impfe, hei si nid emal zuckt.
Hüt am morge hani di zwe nu müesse entwurme. Wo dr Carlos het gseh dass ig mit dere Paste chume, het är sis Muul ganz fest zämme drückt. Ig kenne das Spili ofe, drum hani ig im das Muul wider uftah. Eifach d`hand uf d`nase gleit. Sofort mit dere Paste is Muul,schön id Zahnlücke u drücke. Är het ganz fescht müesse Schnalze u d Nase het är a dr Wand gribbe, dr chopf schüttle, als het nüt gnützt di Paste isch nüm use cho. Mit schmüsele ha ig du päch gha. Nüt schmüsele het är wölle. Agluegt het är mi o nid grad liäb. Dr Spirou het sis Muul o zäme drückt. Oh im ha ig das Muul uftah. u sofort di Paste innedrückt. Aber oha. Dr Spirou het nüt abegschlückt. Ig ha im sis muul chli zue gha u am Halszäpfli ganz zärtlich gchräbbelet. Nüt gschlückt het är. Da hani gseh das är bi de Muulegge di Paste wider afaat usedrücke. Sofort hani im e Fiige gä u ds Muul zuedrückt. Di Fiige het är allwäg grad ganz abegschlückt, aber Paste nid.
Da bini es Muul voll Heu ga hole u ha im das gä, mit de Wort " da muesch aber Cheule". Är het das Heu wölle use lah, aber da het är du D`Rächnig ohni mi gmacht. Ig ha im dr Chopf ufegha u ds Halszäpfli gchräbbelet bis das är gschlückt het. Churz hani kontrolliert ob di Paste furt isch u hane när lah ga. Är het o müme wölle schmüsele. aber är isch ständig so häregstande das ig nume ds Füdli gseh ha.
Hüt am Abe si die Zwe näbe mir düre als gäbs mi gar nid. Mit so üpisem hani grächnet, drum hani es Manderindli mitgno. wo ig das ha afa schinte, bi ig doch wider interessant worde. Mir 3 hei das Manderindli zäme gässe u ig gloube si hei mir das Entwurme verzeit.

19-Nov-2012 14:24:41
Lustige Geschichten
Kategorie: Esel
Forum: Diverses

Am Frytig isch ganz e ufregende tag gsi für üsi Esle. Am Morge isch es ganz chalt u näblig gsi. Dr Carlos het dusse sofort sini backehaar ufgstellt. U Spirou isch scho gar nid use, da gseht me ja gar nüt so dicke näbel hets gha. Am Namitag isch du D`sunne cho. U dr Hufschmid isch cho schöni Füess mache. Dr Spirou u dr Carlos hei dr Hufschmid sehr gärn, will s git ja albe es Rüebli nach dr Pedigür. Das Mal het är bim Spirou agfange u dr Carlos isch fasch verzwiflet, will är het müesse warte. Mit dr Nase het är ne stüpft, dass er doch e chli schnäller söll mache. Äs geit ja schliesslech um nes Rüebli. Wo dr Hufschmid isch fertig gsi, hani agfange Chüngeli mischte, u dr Carlos isch mer ganz interessiert cho zueluege. Zwüsche inne hane muesse frage, ob är kurzsichtig seg, so nach het me müesse luege. Ig ha im alles erklärt was ig mache u är het überall sini Nase innegsteckt. Aber mir hei würkli glachet, als ob üse Carlos druss chiem, wie me Chüngeli mischtet. Am Schluss hani im eis Chüngeli no zeigt, aber will dä so zapplet het, isch du Carlos liäber gange.
Nachem Mischte hei mir dr Hag uf dr Weid zämmegrumt. Das Het dr Spirou nid begriffe, ständig het är dr Chopf gschüttlet u wieder ganz gspannt zuegluegt. Wie är mir hät wölle säge, "nid wägrumme ,dä bruchi no." Wo ig Stäcke ha verrummt,isch är grad mitcho. Grad eso wi är müesst wüsse, wo die de si, im Früehlig. När hei mer no agfange laube, dass hei üsi Esle nid gärn. Will Ds`Gebläse isch ne whrschinlech zlut. Si zwe si inne i Stall ga warte. Langsam isches Fister worde, u mir hei D Èsle afa Putze u bürste, D`huf si natürlech schnäll gmacht gsi. U Bim schmüsele het dr Spirou ganz e teufe Schnuf gno. Ig ha im gseit, hüt schlafisch de guet, wen du so hesch müesse ufpasse. Dr Carlos wo bim Putze ja immer uf ds Bänkli ufe steit, für dr Muetter azlehne, isch fascht ab em Bänkli abe gheit, will D`Muetter witer wäg gstande isch, als süsch. I gloube di Zwe hei würkli när guet Gschlafe.

11-Nov-2012 09:00:10
Lustige Geschichten
Kategorie: Esel
Forum: Diverses

Ja. D`Esele hei ja bekanntlich nid gärn Wasser. Es git aber usnahme u daderzue verzelle ig euch jetz e chlini Gschicht.
Mir hei zGlück gha us ere Gärtnerei Rüebli ab em Fäld, wo nüm chöi verchouft wärde, gratis für üsi Esle zübercho. Wo si mi gfagt hei, gwäsche oder nid, hani gseit liäber ungwäsche de bliibe si länger. jetz überchöme üse Spirou u Carlos jede Morge nachem Bürste , schmüsele,  pflege u Miste, äs Rüebli. Di muess me aber jetz no zerscht wäsche,u da hälfe üs üsi Esle sehr gärn.
Immene Gschirrli holeni Rüebli, ga i stall zum Wasserhahn u da warte üsi Esle scho. ganz liecht lani z`Wasser la loufe u riibe di Rüebli ab. Der Carlos chummt mit der Nase richtig undere Wasserhahn u wott mer das Rüebli Stibize. Ds Wasser louft ihm über d`Nase u über Backe. zwüschdri muess er D^Nase schnütze u de ergrifft der Spirou grad Chance u chunnt ou cho hälfe. ds Wasser louft ou ihm über Nase u Backe u git nid uf bis ¨är das Rüebli het. Der Carlos chunnt när ou u wott sis Rüebli u het D Nase wider undere Wasserhahn bis är das Rüebli het. Si si aber sehr vorsichtig bim stibize das si üs de nid öppe weh düe. Also all das nur mit de Lippe u nid öppe mit de Zähn.

Nach däm lustige Prozedere cha me ja de wider Angst ha voem Wasser. Mir zeigt das , dass e Esel jedi gfahr überwindet, we der Wille öppis z`erreiche so gross isch.

16-Okt-2012 18:09:30
Lustige Geschichten
Kategorie: Esel
Forum: Diverses

Bi üs im Riedli isch dr Wald ganz nah. Im Herbst chöme öppe Hirsche oder Reh id Nächi u das ghöre üse Carlos u Spirou natürlich. Letschti si üsi 2 Esle uf dr Weid gsi u da si grad 3 Reh, chuum 10 Meter vo üs ewäg, über D`Weid gsprunge. I Muess säge, es wunderschöns Bild. Dr Carlos het scho vorhär dr Chopf ufgha u het glost u ufpasst. Dr Spirou het ersch dr chopf ufgha, wo di Reh scho wider si wäg gsi. Är het no lang gluegt u glost, isch über d`weid glofe, aber är het nüme gseh.
Ja üse Spirou isch halt e chli e träumer. Aber är het när bim chlinschte Grüschli sofort sini Ohre ufgstellt u ufpasst.

Am nächste Morge, hani die 2 Putzt u Bürstet. u da isch mer ufgfalle, dass dr Spirou e chli närvös isch. Er het gar nid Zyt gha,zum Schmüsele. Da hani ne Usglachet u gseit. Di 3 Reh vo gester si scho lang über alli bärge. Ig ha si Usegla uf e Trocheplatz. Sofort si beidi Esle a Hag gstande u hei d`Ohre gspitzt u Ufpasst. Ig ha du doch müesse chli gnauer luege. Gseh hani nüt,aber es raschle im Wald hani o Ghört. Am Namitag si di 3 Reh am Waldrand am grase gsi.

Ig ha mi bim Spirou entschuldigt, will er het die Reh am Morge scho ghört. Es Isch scho Viil los im Riedli. gäll?

10-Okt-2012 11:49:58
Lustige Geschichten
Kategorie: Esel
Forum: Diverses

Ja. Das schlächte Wätter momentan, hei üse Carlos u Spirou nid gärn. Mir hei vorgester scho gmerkt, dass ds Wätter änderet. üse Spirou wird albe hässig u schnappet, aber er bisst nid. Dr Carlos het gester am Morge scho d Òhre laa hange, wo mer i Stall si inne cho. Wo ig mitem ha gredt, was er emel o heig, het grad d Ohre hindere gleit u dr Chopf abdreit. Das söll warschinlech heisse " Schiss Wätter, lami la si." Dr Spirou het öppis umeghässelet. Nachem Putze u bürste hani Stalltür uftah für ufe Trocheplatz. Dr Carlos het churz dr Chopf usegstreckt u sech gard wider umdreit." nei , da wird me ja nass. das cha nüt si, ig blibe dinne." het er öppe dänkt. Dr Spirou isch vor Türe gstande , churz dürre schnuffet u när isch är voll a räge use stande. är het öppe dänkt: " mir doch glich, dass hört de scho wider uf rägne," Ig ha ihm grüeft: spirou,chum inne du muesch also nid dusche, du bisch doch jetz e so e schöne" är luegt mi aa, u blibt stah. I bi  es Rüebli ga hole, u när ischer du innecho. Dr Carlos het mer gholfe d`rüebli  wäsche u natürlich ds frässe. Am Abe isch carlos geng no troche gsi, u dr Spirou füecht. Är liebt s albe, we me ne mit em Frotiertuech tuet abrubble, da het är grad d wöhli. Dr Carlos hets o gärn, aber am liebste ohni di glänzige Wasserperle uf sim Fähli. ig bi gspannt wi di 2 Esle hüt usgseeh.

26-Sep-2012 19:48:46
Lustige Geschichten
Kategorie: Esel
Forum: Diverses

Wir hei dr Ballenberg ou sehr gnosse und üse spirou u carlos ou. Mir hei am Mäntig am morge nid schlächt glachet, wo mir i Stall si cho.
Begrüessig isch wi geng mit schmuse u rüefe losgange. wo mir hei Boxtüre uftah hei üsi 2 Esel gar nid rächt use welle. Nach es bizeli "Hü und Chum" si sie doch no use cho. wo ig ha gseh wie sie loufe, hani müesse lache, eso gstabig hani sie no nie gseh. Wahrschinlech hei si Muskelkater oder eifach ganz müedi Bei ksa. Nachem bürste u pflege si sie eifach bliibe stah. Süsch springe sie ja sofort use u müesse dr Chf abkläre. aber am Mäntig nachem Ballenberg, het allwäg jede dänkt, dr ander söll doch dr chef si. Nume nümm bewege. Hi Hi Hi

16-Sep-2012 19:29:06
Lustige Geschichten
Kategorie: Esel
Forum: Diverses

Der Dank geht an dich Dolly.
Ja wir lieben unsere 2 Esel und ich glaube sie uns auch.
Denn die Schmusestunden geniessen die beiden sehr. Obwohl Carlos das Schmusen auch sehr geniesst, aber wenn er genug hat, läuft er einfach weg.
Spirou aber kriegt wohl nie genug. Er könnte wohl 24 Stunden schmusen, da müssen wir halt doch mal abrechen.
Ja . Das Sozialleben hat Spirou auch gelernt, dazu möchte ich euch eine kleine Geschichte erzählen.

Diesen Frühling haben wir den Trockenplatz firsch machen lassen. Das hiess 1 Woche durften unsere 2 Esel nicht auf den Trockenplatz. Damit sie doch raus konnten, stellten wir ein Zelt auf etwas weiter vorne,wo kein Gras wächst.
Das Wetter spielte natürlich nicht mit. Es regnete immer wieder, deshalb das Zelt. Doch dieses war sehr gefährlich, da konnte Carlos nicht unterstehen. Also haben wir die Beiden am Halter immer wieder in den Stall und wieder raus.
Wir liessen ihnen das Halfter gleich an, und das war der Fehler. Carlos wälzte sich, natürlich im grössten Dreck, Spirou natürlich auch. Ihr könnt euch nicht vorstellen, wie die 2 aussahen. Hi Hi Hi.
Durch die Nässe und den Dreck schürfte sich Carlos das Kinn auf, so das wir den Tierarzt haben mussten. Er war ganz ein armer Kerl.
Jeden Morgen und Abend musste die Wunde ausgewaschen und Desinfiziert werden.

Spirou sah seinem Freund immer zu. und er hatte wahnsinniges Bedauern mit im. Spirou wollte nicht mit ihm spielen, raufen und liess im Immer den Vortritt. Sogar beim füttern, liess er seinem armen Freund den Vortritt.

Als es Carlos wieder gut ging, dachte sich Carlos wohl dasss es so weiter geht. Er trat gegen Spirou und wollte gar nicht mehr zurückstehen.

Erst als ich Spirou sagte, das Carlos gar nicht mehr ein "armer" ist, und er sich ruhig wehren dürfte, wurden sie wieder 2 gleichberechtigte Eselfreunde.

06-Sep-2012 12:59:38
Lustige Geschichten
Kategorie: Esel
Forum: Diverses

Wir haben diesen Sommer sehr gestaunt, und uns wurde bewusst wie einfühlsam Esel sind.

Meine Mutter hat sie im mai das Bein gebrochen, da fingen etliche Probleme an. Sie konnte nicht mehr selber zum Stall laufen um mit Carlos und Spirou zu schmusen und zu pflegen, sie konnte auch nicht mehr mit um zu spazieren. Also musste ein Taxi dienst organisiert werden.

Das erste Mal als sie mit den Krüken zum Stall kam, gab es grosse Augen und reiss aus von unseren Eseln. Dies hat meine Mutter sehr getroffen. Am Abend haben wir gemerkt, dass die Flucht nicht mit meiner Mutter zu tun hat sondern an den Krücken lag. erst als sie die Krücken beiseite stellte , stand dem Schmusen und begrüssen nichts mehr im Weg. Dies ging einige Male so. Spirou beobachtete uns immer, wie wir die Türe öffneten um meiner Mutter den Zugang zu den Eseln zu verschaffen. da staunten wir eines Tages nicht schlecht, als Spirou kam und mit seinen Lippen das Törli so öffnete, dass meine Mutter zu ihm kommen konnte. Dies tat er wohl auch um eine Belohnung zu ergattern, aber er wollte sicher auch helfen.
Dies tat er einige Male so.
Carlos hat sich etwas im Hintergrund aufgehalten, war aber sehr ruhig.

Als meine Mutter dann wieder mal das Putzzeug ergreifen konnte, staunten wir wieder. Den Carlos und Spirou bewegten sich keinen Milimeter vom Fleck und dies trotz Fliegenplage, nur um meiner Mutter ja nicht Schmerzen zu zufügen.

Solche Situationen hat es diesen Sommer etliche gegeben und es zeigte uns wie Einfühlsam die Esel sind.

05-Sep-2012 14:29:44
Lustige Geschichten
Kategorie: Esel
Forum: Diverses

Ja. Mein Stallpersonal hat ein neues Spiel entdeckt. Sie trainieren mit uns einige Hindernisse. Neulich hat unser Eseltanti einfach ein Stück Plastik beim Ausgang auf dei Weide, hingelegt. Mein Freund Spirou hat sich kurz gewundert, und als die Eseltante vormachte, was sie von uns will, lief mein mutiger freund einfach über das Plastik auf die Weide. Nun war ich an der Reihe. Wahnsinn, da soll ich wirklich drüber laufen. Nein. Aber die Weide ist sooo saftig und mein Freund frisst schon.
Die Eseltante versuchte mich zu motivieren. " Macht doch nüt, probiers e mal.usw. " Aber meine Angst war zu gross. Ich suchte nach einem Ausweg. Vielleicht gehts ja unter dem Hag durch, leider habe ich dort auch keinen Mut. Da kam mir mein Freund Spirou zu Hilfe. Er lief zurück zum Plastik nahm es ins Maul und lief damit weg. So war mein Weg zur Weide gefahrlos Geöffnet. Danke Spirou. Zum Dank sprangen wir zwei Esel lange auf der Weide herum.

05-Sep-2012 14:28:53
Lustige Geschichten
Kategorie: Esel
Forum: Diverses

Ja. da bin ich ( Carlos 4 J. ) wieder.
Inzwischen habe ich nicht mehr so Angst vor Plastik. Aber unser Stallpersonal läst nicht locker. Die Eseltante stellte uns eine Holzlatte vor den Ausgang zum Trockenplatz hin. Hi Hi Dies ist wirklich einfach, das kenne ich von unseren Ausflügen in den Wald. Da muss man ab und zu über Holz steigen. Die Eseltante lobte uns sehr. Nun kommt der Hammer. diese Holzlatte war auf einmal Rot. Nein, dass ist zuviel. Mein freund Spirou ist sehr mutig, er stieg einfach über die Latte. Meine Angst war nicht zu übersehen. Die Eseltante holte feine Rüebli und gab Spirou eines. Ich wollte auch ein Rüebli und streckte mein Hals ganz weit hinaus,aber es reichte nicht. Also muss ich darüber steigen. ich nahm allen Mut zusammen, und sprang mit einem riesigen Satz über die Latte. Unser Eseltanti freute sich riesig und lobte mich ganz toll. Ich war richtig stolz auf mich und sprang mit Spirou auf dem Trockenplatz herum. Bei der ganzen Freude habe ich ganz vergessen,dass ich noch etwas zu Gute hatte. Erst als mein Eseltanti mich rufte und mir das Rüebli zeigte, sprang ich zu ihr und genoss das Rüebli und die Streicheleinheiten. Es hat sich doch gelohnt. Oder?

04-Sep-2012 19:23:27
Lustige Geschichten
Kategorie: Esel
Forum: Diverses

Ich frage mich, wieso solche Leute überhaupt Esel besitzen. Ich hoffe dies Leute werden in ihrem Leben auch mal so gestraft, so wie die treuen Eselgefährten. Man sollte sich wirklich die Zeit nehmen sich mit dem Wesen " Esel" auseinander zu setzen. Die Esel werden es einem nämlich danken.
Ich beobahte unsere Esel viel, wie sie am Morgen sich liebevoll Balgen, um dann wieder zärtlich zu schmusen. Wahrscheinlich wird da der Chef geklärt, welcher von beiden wohl heute das sagen hat. Auch wie sie uns zu verstehen geben, was sie sich in diesem Moment von mir wünschen. Schmusen, betteln usw. Man muss wirklich gefühllos sein,um dies nicht zu verstehen.

Aber diese Leute werden nie erfahren wie intelligent und einfühlsam die Esel sind.

02-Sep-2012 14:20:03
Kategorie: Esel
Forum: Diverses

Wir sind eine 4- köpfige Patchworkfamilie. Meine Eltern Jürg und Dori, Ich Vreni und meine Tochter Alexandra.
Wir leben im schönen Berner Oberland, nämlich in Bönigen am Brienzersee.

Wir haben sehr lange von Eseln geträumt, da uns dieses Tier faszieniert und interessiert hat. Vor 2 1/2 Jahren wurde unser Traum war. Wir durften bei Dolores Telley in Moutier, auf der Eselfarm, unseren Spirou und Carlos erwerben.

Es war eine Herausforderung, trotz vielen Büchern, die Praxis und den Umgang mit unseren 2 lieben Eseln zu erfahren und wir lernen immer noch dazu.

Wir können uns ein Leben ohne unsere Esel nicht mehr vorstellen. Also, der Eselvirus hat uns gepackt.

Viele eselige Grüsse aus dem Berner Oberland

01-Sep-2012 18:57:32
Kategorie: Esel
Forum: Sommer

Hallo. Wir scheren unsere Esel auch nicht. Wir unterstützen die Esel beim natürlichen Abstossen des Winterfells durch 2-mal tägliches bürsten. Die Esel geniessen dies sehr,

  • Index
  • » Benutzer
  • » vreni
  • » Profil

Board Info

Board Statistiken
 
Gesamtzahl Themen:
140
Gesamtzahl Umfragen:
5
Gesamtzahl Beiträge:
1111
Benutzer-Info
 
Gesamtzahl Benutzer:
603
Neuester Benutzer:
walterk21082848