Anmelden

Anekdoten mit unseren Langohren

Re: Anekdoten mit unseren Langohren

Schöner Bericht und schöne Bilder !

Das Wetter war anscheinend auch gut !?

LG
aus Bayern

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Vielen dank Rahel für deine Zeilen und Fotos, wenn ich das so sehe mag ich nicht bis im September warten um wieder in den Ballenberg zu fahren, es sind immer besondere Tage, selber schuld wer nicht kommt der verpasst viel. Langsam ist es an der Zeit einen Platz für Sandro zu finden, im April wird er 1j. alt, er ist sowas von Kuul, man glaubt s fast nicht. Letzten Montag wurde er Kastriert aber das hält ihn nicht davon ab die Stuten weiterhin zu beglücken, ich hab ihm nachgerufen " hei Sandro, du bist Kastriert das bringt nichts mehr" und was antwortet er mir? " psst nicht so laut die Stuten haben das doch nicht mitbekommen", ha ha ha, ich sag ja der ist Kuul, der hat die Kastration weggesteckt wie sonst keiner vor ihm.. Er misst ca. 90cm, Farbe ist ganz speziell wie er auch nämlich Antrazyt, er läuft schön am Seil, hat das Esel ABC intus, kleine Kinder können ihm die Hufe auskratzen. Innert 4 Tagen hat er gelernt ohne Mutter zu schlafen, wenn ich am morgen in den Stall komme und in zu seiner Mutter lassen will putzt er zuerst den Stallgang, ich denke zum zeigen dass es ihm überhaupt nicht pressiert. Er ist sehr Selbsicher, einfach ein kleiner Schatz der weiss was er will, na hab ich sie Wunderig gemacht? dann kommen sie vorbei und überzeugen sich doch selber. Die zwei Trockenplätze die wir gemacht haben in 5 Tagen werden gerne von den Eseln benutzt, sie fragen sie allerdings warum wir so lange gebraucht haben.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So, wir sind fix und fertig, die 20 Qubikmeter Jurakies sind verarbeitet, vor lauter Trockenplätze wissen die Langohren bald nicht mehr wo stehen. Mitten vor meinem Küchenfenster wollten sie ihr Klo einrichten, nein nein ihr Ferkel nicht mit mir, sofort hab ich von ihrem Knaberholz hingelegt, man muss nur Ideen haben. Bitte an alle die auch altholz anbieten zum Knabern, immer wieder kontrollieren ob nicht plötzlich Metall rausschaut, da die Bauern früher gerne den Stacheldraht direkt an die Bäume genagelt haben, mit der Zeit hat der Baum die Hagraffen überwuchert, und nun kommen sie hervor wenn die Esel die alten Bäume fressen.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Die ganze Gruppe, ich meine natürlich Eselherde versucht mir weiszumachen dass ich sie viel  viel zu knapp halte mit Heu. Am Mittag fressen sie alle zusammen auf dem Trockenplatz, ich mache bestimmt 20 Haufen damit Ruhe herrscht und sie sind auch gute 20 Minuten damit beschäftigt alles ratzeputz zu verschlingen. Aber wehe ich strecke meinen Kopf aus der Tür um zu schauen ob ich Wasser nachfüllen muss, ein 15 Faches rufen bläst mich fast von den Beinen "he das war viel zu wenig, du lässt uns verhungern"   jammern sie mir vor. Ich hab mir schon lange abgewöhnt ihnen zu glauben, wenn ich die vielen Hinterlassenschaften zusammenkehre können die gar keinen Hunger mehr haben. Eine Tierärztin hat mir einmal erklährt dass man von 7 Haufen Bollen in 24 Stunden ausgeht, das sei normal. Und was machen die Esel? sie gehen zum Holz und stillen ihren " Riesenhunger" eben mit Holz, natürlich nicht ohne immer wieder zu mir zu schauen ob ich ja auch sehe was sie für arme Tiere seien, ha ha ha.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Langsam muss ich Malala beibringen dass sie bald an einen andern Platz gehen wird, das ist die Zeit die mir nicht sehr gefällt. Aber wer Züchtet weiss das dieser Tag kommt wo es heisst Abschied zu nehmen, das erste Jahr gehört uns und das wird auch sehr ausgenützt mit Schmusen, Schmusen und noch mal Schmusen, und dann wird das ganze Esel ABC gelernt. Ihre Mutter ist ja Zwilling mit Kaila, seit Tabea Mutter ist fragt sie gar nicht mehr nach ihrer Zwillingsschwester, Kaila hat sich halt an Dunja gehalten, es ist lustig die zwei trächtigen Stuten zusammen zu sehen. Wenn dann Malala geht hat Kaila ihr Fohlen und die Zwillinge werden wieder nicht zusammen sein können, es ist spannend zu sehen an wen sich Tabea dann halten wird.  Leute ich brauche eure Unterstützung, ich bin auf der Suche nach einem schönen schwarzen Hengst um Darinka zu Decken. Auf der Hengstliste sind genau drei aufgeführt, die Leute vom ersten haben keine Zeit um fremde Stuten zu Decken, vom nächsten habe ich leider nichts gutes gehört, zwei die da Gedeckt haben, hatten Pech und die Fohlen verlohren, die die überlebt haben hatten irgendwie Probleme mit zu langen Fesselgelenken und da Darinkas Mutter dieses Problem auch hat will ich nichts Riskieren. Der dritte ist nicht der schönste aber es wird mir wohl nichts anderes übrig bleiben als zu ihm zu gehen. Bei Agate sind über 1200 Hengste registriert, klar da sind viele Fohlen dabei und Zwerge, aber es muss doch auch grosse geben, da bin ich mir sicher. Wer weiss wo ein grosser Hengst steht soll es mir doch bitte melden, vielen dank im voraus.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Cindy und ich sind mitten in einem Geduldsspiel, als wir die neuen Boxenwände reingepasst hatten, schoben wir ein abschnittholz unter die Wände um sie etwas vom Boden zu heben. Als wir uns das so anschauten und da wir ja unsere Esel kennen, hat mein Mann die Boxenwände doch noch mit Schrauben an die Pfosten geschraubt. Eins von diesen abschnitten war noch etwas eingeklemmpt bei der Seitenwand von Cindy, jeden morgen wenn ich misten will liegt das ding in der Boxe und ich schieb es wieder drunter. Kaum ist mir bewusst was ich eben gemacht habe nerve ich mich und denke "morgen entsorge ich das Holzteil", blöd ist einfach dass ich es am andern Tag wieder vergessen habe und Cindy hat die grösste Freude jede Nacht das Holz wieder unter der Boxenwand hervor zu klauben. Jetzt die grosse Frage "wer gewinnt?? könnt ihr euch auch an so kleinen Sachen "vertörlen??? wenn man bedenkt dass wir die Boxen vor 2 Monaten umgebaut haben und seither dieses kleine Holzteil Cindy und mich beschäftigt. Diese kleine Maus hat sowieso ausdauer für sieben, mein Mandeli hat es geschafft sämtliche "Gudeli" zu verfüttern, immer hinter meinem Rücken, ich kaufe keine, aus Prinzip nicht, aber die Besucher bringen gerne mit. Aber einmal ist fertig, und eben, alle Vorräte sind weg, das kann jetzt Cindy überhaupt nicht verstehen, jeden Tag macht sie ihr Spiel und kommt alleine in den unteren Stall und verlangt ihr "Gudeli". Wir bringen ihr ein Stück Apfel, Karotte oder auch einmal ein Stücklein Brot, sie frisst alles mit Wonne um dann lautstark zu Reklamieren "das ist kein Gudeli, ich will endlich mein Gudeli", und da sagt doch tatsächlich mein Mandeli " die wird langsam Nervig mit ihrem Geschrei, ja wer hat sie den so Dressiert??????????

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ja so geht das nicht mehr weiter, seit ich am Mittag alle zusammen auf dem Trockenplatz füttere, bekommen meine drei Problemesel eindeutig zu viel. Also heisst es zuerst die drei in die Quarantänestation zu treiben und das Tor zu schliessen, dann wird das Heu verteilt und für die drei eben nur soviel wie ich Verantworten kann. Klar haben sie ihre Portion schnell mal aufgefressen und schauen dann Sehnsüchtig zu den andern die genüsslich weiter mampfen, tut mir leid, aber alle drei haben das gleiche Problem, viel zu schnell viel zu viel fressen. Ihr solltet mal ihre Vorwurfsvollen Blicke sehen die sie mir zuwerfen aber manchmal muss man einfach hart bleiben, ich betreue schon bald 30 Jahre Esel und habe immer noch Probleme nicht zuviel zu füttern. Ich denke das ist das Schwierigste an der Eselhaltung -  die Fütterung.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Alle Esel waren schon in ihren Boxen nur Tabea und Malala warteten noch bei den oberen Ställen, auf was wohl? ach ja, weil Cindy Rossig war, ich trieb sie in den Weg und sperrte zu. In aller Ruhe fütterte ich die kleinen und Kontrollierte die Hufe, zwischendurch sah ich raus ob die zwei endlich abgezottelt seien aber sie standen immer noch da, normalerweise wenn ich die Wege zu mache und mich nicht mehr um sie kümmere gehen sie nach Hause. Diese zwei wollten und wollten einfach nicht gehen, "was ist los? warum geht ihr nicht runter?, die grossen hörte man rufen aber es nützte alles nichts, irgendetwas Irritierte sie. Da hörte ich einen komischen Ton, fast wie wenn Kinder rufen oder so ähnlich, die Esel und ich konnten es nicht einordnen, wohl eher der Nachbar der 100 Meter weiter wohnt und wohl Metal bohrte. Dieses Geräusch war so Gefährlich dass die beiden einfach nicht zu bewegen waren endlich heim zu gehen, ich hatte noch das Problem dass ich hinter meinem Rücken die geschnittenen Karotten mit einer Hand hielt und somit nur mit einer Hand versuchen musste die zwei zu treiben und nirgens irgendetwas um meinen Arm zu verlängern, das kommt davon wenn man immer alles wegräumt. Ich gab nicht auf, versuchte alles um sie zu bewegen, endlich machten sie zwei drei Schritte, o nein, sie blieben wieder stehen, "was ist denn nun schon wieder? Tabea sagte "siehst du nicht die Wildkatze auf dem Weg sitzen? wir können da doch nicht durch. Ha ha ha eine ganz gewöhnliche kleine Hauskatze sass auf dem Weg und freute sich dass zwei so grosse Esel sich nicht getrauten neben ihr durch zu gehen. Der Katze wurde es zu blöd und sie trollte sich auf die Weide, endlich konnten die Esel gehen, was heisst hier gehen? im gestreckten Galopp gings nach Hause, da hatte Tabea ja ihrer Tochter etwas schlaues gezeigt, von wegem guten Beispiel.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Da Sandro ja jetzt selber eine Boxe hat und da schläft muess man auch nicht mehr aufpassen dass ihm seine Mutter das Kurzfutter wegfrisst. Für Malala habe ich leider keine lehre Boxe und sie ist noch mit ihrer Mutter zusammen, das heisst das jeden abend jemand Wache schieben muss  zwischen den zweien. Mein Mann steht in der Box von Darinka, visavis von Malala, die nimmt einen Mund voll , geht damit zu Fredys Nase, kitzelt ihn mit ihren langen Haaren an der Nase und anschliessend nimmt sie das nächste Mund voll. Ich stehe zwischen den zweien und meistens Striegle ich mal Malala oder Tabea, es gibt auch Tage so wie heute da steh ich einfach daneben und streichle sie, ich geniesse die zweisammkeit und mein Herz zerspringt fast vor Liebe. Ihr lacht? kein Grund dazu, ich liebe diese Malala so von ganzem Herzen das es manchmal fast schmerzt.Ich gebe ihr fast alle Liebe die ich zu vergeben habe und sie gibt sie sofort zurück, wenn man Liebe sehen könnte währe das wie Ping Pong, Liebe von mir zu Malala, Liebe von Malala zu mir, immer hin und zurück.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Heute beim misten hörte ich plötzlich den Hahn einen Mordsspektakel machen, ich ging sofort schauen ob etwa der Hühnervogel gekommen sei, die Hühner pickten Sehlenruhig weiter und ich wusste nicht was der Hahn hatte. Manchmal springt auch eine Katze bei den Kaninchen runter und das regt ihn auf, ich ging wieder an meine arbeit wo schon Cindy auf mich wartete. Der Hahn hörte nicht auf zu lärmen, wieder ging ich zu den Hühnern und Kontrollierte diesmal besser und da sah ich das Problem, ein Huhn hatte sich im Flexinet verhedert, wie, weiss ich auch nicht. Mühsam löste ich die Dame aus ihrer Misslichen Lage und sie flatterte aufgeregt davon, "ok Gokkel, jetzt kannst du wieder mit diesem Lärm aufhören" sagte ich zu ihm, langsam wurde er ruhiger, ich hatte das Gefühl - es kam mir auf jeden Fall so rüber - das er sagte "hättest schon das erste besser schauen können". Recht hat er. Mein Mann will immer einen oder mehrere Hähne mit den Hühnern halten, der Verkäufer machte ihn darauf aufmerksam dass man immer ungerade Hähne halten sollte, also auf 50 Hühner mindestens 3. Wenn zwei zusammen raufen geht der dritte dazwischen, eine Zeitlang ging es gut, doch plötzlich fingen sie an den kleinsten zu Pisacken, der getraute sich gar nicht mehr recht aus dem Häus-chen und mein Mann verschenkte ihn. Na jetzt waren wir gespannt wie es mit zwei Gokkeln klappe, nach einem Monat wieder das gleiche Spiel, einer wurde blutig gepickt, mein Mann sperrte ihn  in eine Kanichenbox aber am andern Tag war er Tod. Auf einmal hörte man Schreie aus dem Hühnerhof, sofort schauten wir was los sei und da sahen wir den Hühnervogel auf einer Henne, wie er mit seinem Schnabel auf sie einhämmerte. Als wir ganz nah waren flüchtete er, was war passiert? Zuerst waren wir Sprachlos, warum waren die Hühner nicht im Stall wenn doch der Gokkel gewarnt hatte? aber dann kam uns die ganze Situation in den Sinn. Ihr Gokkel war ja nicht mehr da und sie hatten sich noch nicht daran gewöhnt auf den verbliebenen zu hören, ja das hätte schlimm  ausgehen können. Unser Hühnerhof ist an einem Bord, wir haben extra gelbe Bänder gespannt um den Hühnervogel abzuhalten, aber der kam von unten, über das Bord rauf, aus diesem Grund hat mein Mann das Flexinet gespannt wo sich eben das Huhn verhedert hatte.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Bitpull!!!!!!!!!!!!!!!!!!!!!!!! Sachen gibts die gibts gar nicht. Seit zwei Tagen sahen wir im Wald einen Hund umher streunen, immer nur kurz, wir hatten keine ahnung wem er gehört. Natürlich  hatte ich bedauern mit ihm und ging ihn suchen, mein Nachbar riet mir davon ab, wie er gehört hatte seien zwei Bitpull die eine Garage bewachen sollten abgehauen. Einer habe im Ort schon eine Frau angefallen und gebissen die ihren kleinen Hund auf den Arm nahm um ihn zu beschützen. Ok, lassen wir ihn halt wo er ist, schliesslich war es ja nicht mein Problem, dachte ich. Heute morgen als ich zum oberen Stall ging um die Esel zu füttern lief Sina unsere Hündin schon voraus, und plötzlich schnüffelte sie an diesem Hund, oje mineee, gottlob hatte ich noch Hundebiskuit im Auto damit lockte ich den Bitpull in die Futterkammer. Aus lauter Hunger kam sie rein und ich schloss schnell die Türe, sofort ging ich zur Nachbarin um die Telefonnummer des Besitzers zu holen, der Nachbar hatte gestern abend mehrmals versucht anzurufen aber niemand ging ran. Ich versuchte mein Glück auch, doch wieder nahm niemand ab, also Telefonierte ich der Polizei, man werde im laufe des morgens vorbeikommen und ihn abholen, was es den für eine Rasse sei? ich denke Bitpull, gab ich zur antwort. Mit Wasser und mehr Futter ging ich wieder rauf, inzwischen wusste ich das es eine Hündin war, eingesperrt zu sein passte ihr gar nicht und mir ihre nähe immer weniger. Sie hatte schon irgendwie die Türe zum Heulager aufgemacht und von da war es nur noch eine 120cm hohe Türe bis in den Tagesraum der Esel. Würde sie wohl auch da drüber springen?? Vorsichtshalber schloss ich da auch alles zu und anschliessend liess ich meine Esel raus, die waren ganz aufgeregt, hatten sie doch den Krach gehört. Mir war gar nicht mehr wohl in meiner Haut, was wenn sie irgendwie rauskam und auf meine Esel losging? Ich Telefonierte noch einmal mit der Polizei und verlangte dass sofort jemand diesen gefährlichen Hund abhole. 5 Minuten später kamen sie vorbei, machten ein Foto, versuchten wie ich, vergeblich den Besitzer zu erreichen und sagten "dann holen wir halt her" nach 10 Minuten waren sie zurück und ich konnte die Hündin übergeben, sie war wirklich schon im Aufenthaltsraum der Esel, gottlob hatte ich da auch zugemacht. Im nach-hinein wurde mir erst richtig bewusst wie gefährlich die Situation für alle war, ende gut alles gut.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ich frage mich schon warum ich alleine bin in diesem Forum, das ist doch nicht intressant, LEUTE wo seit ihr???????  Langsam wirds spannend, Kaila, Dunja und Inca werden bald Fohlen, hoffe ich jedenfalls, Kaila war am 15 und 17 beim Hengst und Dunja anschliessend. Die drei stehen viel zusammen, etwas abseits von den andern, vielleicht besprechen sie wer den anfang macht. Alle haben erst kleine Euter, bevor ich zu Bett gehe kontrolliere ich ob alles in Ordnung ist, aber nachts stehe ich noch nicht auf. Dunja und Kaila tragen vom gleichen Hengst, Inca trägt zum ersten mal von einem dreifarbencheck, die Spannung ist gross ob es diesmal endlich mal einen Schecken gibt. Heute hatten wir mal wieder Besuch, ein Ehepaar und ein Behinderter 12 j. Malala hatte ihn zum fressen gern, sie liebt alle Leute so dass sie ganz nah auf Tuchfülung geht, dass wird noch ein Stück arbeit ihr zu lernen ein wenig abstand zu wahren.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Meine drei Trächtigen Stuten geben mir schon zu denken, normalerweise haben die Stuten schon gute drei Wochen vor ihrem Termin ein volles Euter, aber diesmal nicht. Alle drei haben nur kleine Kissen und sollten doch nächste Woche ihre Fohlen kriegen, am Dienstag ist Vollmond, vielleicht hat das was zu sagen, wir werden sehen. Kommt mir jetzt bitte nicht mit diesem Spruch "Esel können 13 Monate tragen"  bei mir kommen sie immer aufs Jahr, sie sind 5 Tage beim Hengst und genau in dieser Zeitspanne kommen die Fohlen. Zügeltermin für Malala ist der 11 Mai, das heisst, mir bleibt nur noch kurze Zeit um ihr das "Mödeli" von der alzunahen Tuchfühlung abzugewöhnen, aber ich bin sicher wir schaffen das.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hallo liebe treue Leser meiner Eselgeschichten, leider muss ich heute "adiö" sagen. Verschiedene Leute glauben dass ich zuviel schreibe, obwohl es ja jedem freisteht zu lesen oder eben nicht, auch wurde ich angehalten Hochdeutsch zu schreiben aber das bin nicht ich. Weni nid darf schriebe wiemer dr Schnabu gwachse isch de machts mer ou ke fröid meh u drum verabschied i mi. Do i no angeri Hobby ha wo ir letschte Zyt z churz cho si, i ha mi gliebti Mueter pflegt bis si uf di letschti Reis isch, möcht i jetzt wieder zrügg zu minere Musig. I schpiele Konzärtzithere, Schtrichpsauter u nöi probieri e singendi Sagi äbe zum singe z bringe, dass isch gar nid eifach u drum höri uf schriebe u go go üebe. Säubverschdäntlich chöit dir mir jeder Zyt alüte weder es Problem heit mit öiem Esu u i wirde versueche z häufe, ou Bsuecher si härzlich wiukomme, am 25 Mai füehre mir üsi Esuwanderig düre, äs het no Plätz frei. Aues gueti a öich aui.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Dolores , ich hab Deine Beiträge auch so oder so gelesen !

Sehen wir uns vieleicht am 21.09.2014 bei Erna ? Ich hab es ja letztes Mal zum Tag der offenen Tür zu Euch nicht mehr
geschafft , denn der Grund meiner Fahrt zu Erna war in 1. Linie zu Helfen und keine Lustreise !

liebe grüße

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hallo zema!
Jetzt bruch i mal oia Raat.
I bi überglücklich mid mina zwai Eselbuaba und ha mi ez au no a 2 Kürs agmolda zum no mee über mini Langoohre lerne.
Si sind richtig zuatraulich und maistens sehr guad im Spaziara oder bi Parcours usw.
Dia zwai Jungs stönd bi minem Fründ sinner Familia im Stall. I ha det no a Schnitzelplatz usw g macht und s hed au schu 2 Boxe gha.
Sid ma Monet staht ez au no s Ross vo minem Fründ sinner Schwester det.
Ez zu mim Problem. I ha s Gfühl d Esel und s Ross werdet aifach nid warm midenand. Jedesmal wenn i deta bi und aswas mid da Eseli wil macha, drängt sich s Ross derzwüscha und will d Ufmerksamkeit.
Usserdem Schnappt si jedes Mal nach de Eseli, wenn si an Schritt uf si zuamacha wend. Trüllt ina oft den au gad s Fütli zua und droht. D Esla macheds ira denn glich aber suchad d Wiiti.
I denka für s Ross wers hald am Besta wenns a Artgenoss hetti..
Hend iar z Gfühl dass sich dia mal no verträged oder denked iar, dases garnüm besser wird? I main s isch jetzt glich scho an Monet lang so..Danka für d Hilf
Grüassli

Msstrawberrycupcake
Saskia
useravatar
Offline
39 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hoi Saskia
Freut mich, dass es dir und den Eseln gut geht!
Bei deiner aktuellen Situation gibt es von mir aus gesehen schon Probleme. Ich denke, Pferde und Esel werden nie so gute Freunde wie mit Artgenossen. Sie verhalten sich teilweise ja auch anders. Es mag Ausnahmen geben, wenn die Tiere jahrelang nichts anderes kennen, aber sonst denke ich, fehlt dem Pferd ein zweites Pferd. Ich finde das nicht artgerecht (kein Vorwurf! nur eine Feststellung, in der Natur ziehen die Tiere auch nicht zusammen umher.)

Zudem hast du noch das Problem, dass es 3 Tiere sind. So halten ganz bestimmt die beiden Esel zusammen und das Pferd ist alleine. Ich denke, so wie sich das Pferd verhält, fühlt es sich in dieser Situation nicht wohl. Zwar brauchen die Tiere oft eine längere Eingewöhnungszeit, ich habe öfters gehört, dass die Tiere erst so nach einem Jahr "zu Hause" angekommen sind (war auch bei unseren Eseln so, nach einem Jahr hat sich eine Art Routine eingependelt). Aber so agressiv, wie das Pferd reagiert, glaube ich, es liegt nicht am eingewöhnen, sondern daran, dass es mit den Eseln einfach nicht klar kommt.
Ich würde schauen, dass das Pferd wieder unter Pferde kommt oder einen Artgenossen erhält.
Liebe Grüsse und viel Erfolg!
ps. was für Kurse besuchst du? wir fahren übrigens inzwischen tatsächlich Kutsche, sehr empfehlenswertes Hobby :-)

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hoi Saskia, mir hei zerscht Ross gha u när si nah dis nah immer meh Esle derzue cho, lueg doch dass du ds Ross chasch abschperre we öpis mit de Esle wotsch mache. U wie d Cornelia scho schriebt bruche di verschiedene Tier e gwüssi Zyt um sich anag z gwöhne, i finde scho wichtig dass di zwe zwüschine abgschperrt si so chöisi i Rueh schpiele u müesse nid immer uf z Ross rücksicht näh .

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

JANOSCH:) sit am 15 Apriu wart i uf d Füli u schtoh jedi Nacht uf, äntli het z Ingeli vorwärts gmacht, letschti Nacht woni am 11 bi go luege isch si gläge u do hani gwüsst dass es losgeit. Schnäu hani mi wermer agleit u bi wieder zrügg i Schtau u scho isches losgange, zerscht het me d Blotere gseh mit de gschützte Hüfli, si si chli unglichmässig usecho. I ha probiert dass uszgliche, u de hani d Nüschtere gseh, aber bis dä Chopf düre geit isch immer der gröschti Chrampf, zäme heimirs gschafft. I ha d Huut ufgrisse u d Nüschtere hei sich ufbläiht, z Ingeli isch ganz kaputt bliebe liege u de isch haut z Füli langsam gäge Chopf vor Inca "gschnoget". I ha Migottsdüri no nie e Eselin gseh wo so guet gschläcket het wie sie, miner Häng si o grad dra cho, schliesslich hei si jo wie z Füli gschmöckt. D Nabuschnur isch grisse u i ha das Füli ufe Rügge dräit um dr Schtumpf z Desinfiziere, es het ihm de öpe gar nid gfaue aber es het müesse si. U denn isches los gange mit ufschtohversüech, übrigens hani gseh das es e Janosch gä het, dä het glismet mit sine länge Scheiche, i ha scho gmeint är schaffis nie. D Inca het immer no d Nachgeburt noche gschleift, äs het se langsam hässig gmacht u mir Sorge, sött sie doch schpöteschtens nachere Schtung dusse si, süsch droht e Vergiftig u git Hufreh. Aues warte het nüt gnützt u i ha am 00.45 müesse dr Tierarzt lo cho, z Füli isch a dere Situation nid ganz unschuldig gsi, är het nämmli das chogge Bübi nid gfunde und i ha schnäu drei Schprütze abgmulche und ihm gä, ou das isch wichtig dass si di erscht Miuch innerhaub dr erschte Schtung überchöme. Jedesmou we dr Janosch abgläge isch het ihn d Inca sofort wieder ufgjagt u gseit "solang du nicht drinksch wird ou nid gschlofe". Weme dere Sach so zuegluegt het isch das scho ganz idrücklich, är het zwüsche dr Wand u ihre düre wöue, haub het si ne düre gloh u de z Hingerteil a d Wand drückt, so ischer sanft iklempt worde u isch genau uf dr Höchi vode Zitze gsi. I ha müesse 20 Liter warms Wasser bringe damit d Tierärztin het chönne d Gebährmueter düre schpüehle, 2 Froue mit je zwe Händ git vier, mir hätte aber siebe söue ha, i ha z Schwänzi vor Inca aglüpft, d Tierärztin het dr Schluch i Muetermund gfüehrt u dört feschtghaute u mit dr andere Hang z andere ändi vom Schluch mitem Trichter i d höchi gschtreckt u dört hani z Betadinwasser drigschüttet. Mit eim Bei hani versuecht z Füli bim Chopf vor Inca z bhaute u mit dr Hüft hani d Inca dra ghinderet sich z dräie. Ganz eifach gsi, äs het gheisse z Schmutzwasser loufi de ine lähre Chessu, aber anschinend het das niemer dr Inca erklährt u si het sich schneuer glährt aus das dr Chessu hinger ihre gschtande wär, Fazit, di schön dick igschtröiti Boxe unger Wasser. I cha doch nid am zwöi am morge go drochnigs Schtrou abegheie, i bi am Babettli ir Nachbarbox go Schtrou chlaue. Am viertu vor drü het dr Janosch äntli säuber d Zitze gfunde, so lang het würkli no nie eine gha, äntli hani chönne go schlofe. Wo mir am morge nach de Ichöif d Sache verrumt hei, gsehni plötzli dass i dr Ring vo mire Mueter nüme am Finger ha, das darf doch nid wohr si, sones liebs erinnerigsschtück. I ha gschdutiert wene z letschtemou gseh ha, am obe woni no Telefoniert ha, isch mir ufgfaue dass er zviu Schpiu het u i ha probiert ober amene angere Finger besser hauti, ke Chance. I muess dä i dr Boxe verlohre ha,z Füli isch jo so gschlieferig gsi u d Miuch o, nüt eifachers aus ihre abfoubox e Goldring im gäube Schtroh z finde, i ha mit dr Gable immer e chli Schtrou gno u gschüttlet, viellicht ghöri jo wener abegheii. Mueter du muesch mir häufe dä Ring z sueche hani bättet, eigentlich chönnti scho mou d Bolle use näh dört hani nüt gmacht hani mir überleit, u was hocket do schön obedruf???? Mi Ring, we das nid Hiuf wo obe isch gsi de weis i ou nüt meh, DANKE DANKE. Hüt het d Inca ufzmou no es Handtäuer grosses Schtück Nachgeburt use gäh, i has dr Tierärztin wöue zeige, betonig uf wöue, dr Hund hets gfrässe, mir heisi nomou gschpüehlet u morn mache mirs ou no mou. Auso a aui Lüt wo Füli erwarte, es geit würkli nid immer säubverschtändlich guet, bitte kontrollieret öii Eseli guet.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hallo zema!
Danka für oii Sicht.
I bi au der Mainig, dass da no a Artgenoss hera muas.
Mal luaga wia miar das hera kriagad.
I ga a 2 Kürs vo Eselmüller.ch Am 17. und 24. mai.
hihi kutsche fahre wili den glaub au mal mid mina. :)
schicksch mal a föttleli vo oiem gspann?

Msstrawberrycupcake
Saskia
useravatar
Offline
39 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hei, i cha wieder schriebe , dass isch de schön, so lang si di Anektote zue gsi u niemer hets se wieder wöue uftue, do hani bitti bätti gmacht u z Wunder isch gscheh. Langsam verleidet mir z Zucht, es wird immer schwieriger gueti Plätz z finde für di liebe, liebevou ufzogne Füli u z schlimmschte a dere Sach, i cha mi fasch nüme trenne vone, i liebese vo ganzem Härze. I ha gmeint i chönni do ihr Schwyz e aschdändegi u Seriösi Zucht ufboue, aber erschtens hets kener Hängschte ume u d Lüt si nid bereit eim d arbeit z zahle. Do chöme si cho Füli gschoue u wesi de dr Pris ghöre de weisi zerscht no drüber schlofe, isch jo rächt, weni aber e Wuche druf noche froge ob si jetzt wüsse was si wei? heissts plötzli "mir hei jetz e Esu bimene Händler kouft" u weni noche froge wie viu dä koschtet het? isches meischtens no meh aus i verlangt ha, u dä Händler het das Tier womüglich erscht vor es paar Tag Importiert, git aber aui Garantie. U mir wo es ganzes Johr zu däm Füli luege, söue de nüt übercho für üsi arbeit? He nu i wott nid chlage, schliesslich weit dir hi jo luschtegi Sache läse, oder?

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Schnee, Schnee und no einisch Schnee, e uchauti Bise, das isches wasi gseh weni use chume, aber wo si de eigendlich di viele Esle???? aui si Mucksmüslischtiu im Schtau, "he weiter nid e chli usecho? frog i se, "chaisch dänke das mir üs wei z Füdli abfrühre, mir bliebe lieber im Schtau bis dä chaut Winter düre isch" über chumi zur antwort. Es isch sowieso z gfährlich uf dr Schtross, di reinschti Iisbahn, sogar dr Hund het mit aune vier Pfote müess verschteue, no es paar Tag u de wirds wieder besser, was dir gloubets nid?  dir müesst natürli ganz fescht dra gloube.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Machet dir ou mängisch Sache u hingerdri froget die öich wieso  dir eso u nid angers reagiert heit? was nei ? auso mir passiert das ömu zwüsche d ine. Lang hani gschdudiert was i ächt söu verzeue u do het d Cindy dänkt si häufi chli. Mir drü (Eselin Cindy, Hund Sina u ig) si ufene Schpaziergang gange, wunderschöns Wätter, d Sunne het gschune u dr Schnee bländet. D Hündin isch chli kompliziert Polet, si macht ihres Gschäftli nid öpe ufem Wäg zum Robidog, nei nei immer ufem Heiwäg damit i das Schtinkseckli jo lang muess trage, mir hei bim Robidog umkehrt u si wieder gäge Heizue tschöttelet. Nach 50 Meter het d Sina ihres obligate Hüfeli gsetzt, i has zämeputzt u zrügg i Robidog wöue entsorge, d Cindy het sich wehement gweigeret di 50 Meter zrügg z loufe, für Hei göngs nämli ganz sicher i di anderi Richtig het si mir z verschtoh gä. U do het Diskussion agfange, gwinnt jetzt d Schefin oder d Eselin?, beidi heimer zoge u nid wöue noh gä, z Schicksau het igrieffe u dr Ring unde am Haufter isch ufgange, i ha fascht mis Glichgwicht verlohre u wär bimene Hoor ufem Hingerteil glandet. Woni äntli wieder sicher gschtande bi hani öpis unerklährlichs gmacht, do i mim Chopf jo vorhär d Idee isch gsi das Seckli go z entsorge hanis ou gmacht u bi di 50 Meter zrügg, wieso?? Erscht bim Robidog hani mi umkehrt um z luege wo mi Eselin sig, di isch näbem Tierschtopp verbi u gäge Heizue glüffe, "hei Cindy wart uf mi " hani grüeft, aber si het nid reagiert. Vom Robidog bis Hei sis 1200 Meter, zwüschedüre hets si einisch gwartet u hingere gluegt obi ou chömm u do isch blöderwis dr Hund näbe mir düre gschprunge, u närs hets gnursch erscht rächt agfange. Jedesmou weni grüeft ha "Cindy warte" isch dr Hund abgsässe u het gwartet, 30 Meter schpöter hani gmerkt dass ig ke Hung me ha, woni mi ümdräit ha hanse gse sitze u warte, he jo Cindy u Sina töhnt haut ähnlich. Plötzli het si sogar afo Galoppiere, i ha Null Schance gha um se i z hole, jetzt chunnt de nämli gli d Abzweigig wos gäge Hei zue geit, dänkt si ächt dra? o wesi doch numme äntli würd uf mi warte. Woni äntli zur Abzweigig chumme, jo was schteit do u wartet schön? üsi Cindy, am Buur wo am Houze isch gsi sini Hündin het d Cindy vo aune site abgschnüfflet, si isch eifach do gschtande wie bschteut u nid abghout. I ha z Seili wieder chönne amache, dr Ring het sich nume bim zieh ufdoh, u  zäme simmer di letschte 600 Meter Heizue, "gäu Cindy so öpis machsch de nüme" hare natürli no is Gwüsse gredt, es hät jo nume üse "lieb Nachbar" wo üs so hasset müesse mit em Outo cho.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Dä cheibe Schnee isch hartnäckig grad wie Chätschgummi a de Schueh, fasch ischer wäg u de schneits wieder 10cm druf, oder was no schlimmer isch, äs rägnet druf u git sone richtegi IIIsbahn (Schlittschuhbahn). Langsam verleidets mir, i weiss scho baud nüme wieme normau louft, bschtändig bini am düssele dass i jo nid überflüge. Woni hüt am Bolle zäme putze bi gsi u d Bise wieder het afo blose hei d Füli afo schpinne, natürli het wieder dr Janosch agfange, vom obere Schtau ischer cho abe z galoppiere u het grad di andere Füli agschteckt. He Haut, hani grüeft, es isch jo no aues veriiset das isch doch viu z gfährlich" aber kene het uf mi ghört, di si so schnäu Galoppiert dass d Hüfli gar ke Zyt hei gha zum usrütsche. Mir isch fasch schlächt worde, i ha grad müesse d Ouge zuemache, immer u immerwieder hani probiert di Luser ab z brämse, mi hets fasch dünkt, je me i se ha wöue brämse je me hei si Gas gäh u ob mes gloubt oder nid, es isch kene gfloge, Gottlob.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Letschte Samschtig het mi Nachbar äntli wieder einisch Luscht gha zum ufruhme, äntli äntli e Dütschschwyzer  Düpflischisser u e wäutsche "schmangfou" (ist doch gleich) probiere enang nämli immer wieder vo ihrer überzügig z überzüge. Jedesmou wemer froge "wotsch das nid ufruhme? " lohters sicher ätzdra no 6 Monet lo liege, wie zum säge "i loh mir doch nüt vo somene dütschschwyzer lo säge. Viellicht wärs guet wemer üs 4 Persone würd ine grossi Tonne schperre, gut schüttle u de wieder useloh, mängisch würd üs e chli me "isch doch glich) guet tue u em Nachbar e chli meh Ordnigssinn. Vor churzem het är sis Huus nöi deckt u vo dere Bouschteu isch no viu Züg umegläge u so het er äbe e afau vo Ufruhmitis übercho, sämtlechi Metausache het är uf si Ahänger gschosse, dir chöid öich sicher vorschteue wie das tönt het. D Esle si vorem Schtau umegsecklet, si hei eifach dä Lährme nid chönne i Ordne, nachem Mittag si dr Rudolf u d Sandra uftoucht um mit ihrne Esle go z loufe, wie immer het si ihre Rucksack u d Jagge vorem Huus ufe Bank gleit. Wosi wäg si hani mine Esle gseit "chömmit dir chöit no chli zu de chline ufe cho", i ha z Seili vorem Huus düre gschpannet damit mini Blüemli nid gfrässe wärde u de z Tor ufto. Eine ume anger isch ganz zögerli use cho u het das komische züg ufem Bank agluegt, aus letschti bini zum Töri use u ha grad wöue hinger mir zuemache, i däm Momänt het mi lieb Nachbar wieder öpis grosses uf si Ahänger gschosse u di ganzi Esuschar het z Gfüul gha dä Lärm chömi eidütig vo däm gfährliche Züg ufem Bank, si rächtsumkehrt gmacht u si uf mi z Dorf cho. Mi Kopf het sofort gschautet das i muess flüchte, dr Oberkörper het d Dräiig super anebrocht aber miner Scheiche si irgendwie Blockiert gsi u i bi so läng wieni bi gfloge, u aui Esle si näbe u über mi düre, äs het mi kene tschaupet. Es het scho chli Tabete koschtet a mine Euböge, mi Maa wo bim obere Igang gwartet het, het afo bäge, isch jo klar schliesslich ischer 20Meter witer obe gsi u natürli nid dr gliche Meinig gsi wie ni. "Rum das blöde Züg wäg vom Bänkli"  "Nei nei ganz sicher nid" hani zrugg grüeft" "meinsch we mir ungerwägs si dass aui Lüt ihri Sache müesse wägruhme? do geit jitz jede Esu düre u wense grad einzeln muess dürefüehre, nume  nid ufgäh. Nachere haub Schtund hani äntli aui dobe gha u si hei chönne am Nachbar zueluege wiener Lärme macht bim ufruhme. Mi hets dünkt si sige wieder normau, aber oha, womer di ganzi Gseuschaft am obe wieder hei  wöue vorem Huus düreloh hets ganze Theater wieder vore agfange, auso weni z Fleisch lieber hät de häts am liebschte Verwurschtet, mängisch chöisi eim scho zur Wiisgluet bringe.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mängisch hani z Gfühl dass di schönschte Wörter nume erfunde si worde um dermit dr Figaro i z decke, e rächte Sürmu ischer 100 Prozänt u zwüschedüre so Finfüelig dass mes gar nid cha gloube. Ei Tag hani z Höi ufem Drocheplatz verteilet u woni hingerem Figu düre bi het dä fräch Dachs doch tatsächlich a Höisack gschtüpft, natürli het er öpis ghört vo mir, soöpis geit jo gar nid, anschtatt dr Höisack hät är jo ou mi breiche chönne. U geschter woni wieder am Höi usem Sack näh bi gsi ums schön ufem Drocheplatz z verteile ischer mit dr offne Schnörre cho um z beschte Höi z verwütsche u bisst mi grad i Arm, i cha öich säge dass het viellicht Weh do. I bi go d Bisszange reiche u hanim grad Zähn uszoge, jetzt chaner haut nume no Masch frässe, säuber tschuuld, mi Arm gseht us, schwarz, blau, rot u gäub, so bini no nie Bisse worde. Irgendöpis a dere Gschicht schtimmt nid, findet ihr ächt use was???

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ok i gibes zue, dr Figaro het no aui sini Zähn aber der räscht vo dere Gschicht schtimmt. Mi gloubt gar nid was i aues für a froge überchumme u weni de dr Platz go go aluege schtruuusets mi fasch, i gloube mi Garte isch grösser aus das Plätzli wo di gueti Frou het wöue zwöi Eseli druf schteue. Betohnig uf drufschteue, si hätte sich nämli praktisch nid chönne Bewege, jo aber si göng doch de jede Tag go loufe, het si gseit. Erschtens gloub i das nid, u zwöitens  bim Loufe müesse si jo aschdändig si u wenn dörfe si denn ihri Energi los wärde? Nei nei für üse Sandro u dr Janosch isch das wäger nüd, weni gseh wi die dr ganz Tag umeseckle u Jagis mache, wär chunnt dene zwene cho zueluege gseht dr Sinn vomene groose Uslouf sofort i. Lieber es Schtück vor Weid opfere u drus e Wäg rund um d Weid mache, das bringt di Herschafte i Bewegig, eine geit es paar Meter uf däm Wäg u bliebt wieder schtoh, dr nöchscht geit go luege wo ächt dr erscht higöng u würkt grad tribend u eso geit das dr ganz Tag. Was ? dir chömet nid rächt drus wieni das meine? de chömet doch eifach mou cho luege uf d Esufarm Moutier, was ganz luschtig isch, d Esle merke wesich öper für di Wäge intressiert u zirkuliere grad äxtra flissig.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So üse Janosch isch ou erfougrich Kaschtriert worde, süferli het dr Tierarzt mou für 100kg. d Narkose Dosiert u är het dr Chopf lo Hange, aber das isch ou grad aues gsi, auso no einisch für 30kg. "Nei nei het är dänkt u i go nid z Bode, u no einisch für 20kg. u do ischer doch du abgläge, dr Tierarzt lachet mi geng us weni mit mim Sitz hingere Esu hocke um mitem Seili z Bei dobe z bhaute, isch doch viu bequemer aus sich solang z bücke. Kaschtration isch gli einisch beändet gsi u mir hei em Tierarzt siner siebe Sache zämegruhmt, zwüschedüre hani em Janosch gseit es wär de langsam Zyt zum verwache, aber solang wiener brucht het zum ischlofe het er jetzt brucht zum verwache, sicherli  het är sich dänkt "schliessli heit dir wöue das i schlofe auso schlof i jetzt". D Glägeheit isch günschtig gsi em Tierarzt Löcher i Buch z froge nume ischmer nüd i Sinn cho, schono blöd, JANOSCH JANOSCH hani grüeft u d Inca het ou ghuuefe, aber üses rüefe het dä Kärli gar nid be-idruckt. Do äntli het är sich doch äntli derzue entschlosse ufzschtoh, aber do hets Theater erscht rächt agfange, mir hei doch Migottsdüri scho mänge Kaschtriert aber dr Janosch het aui übertroffe, e ganzi Schtund het är brucht biser wieder allei het chöne loufe. Langsam eis Bei vors andere simer zäme ume Mischschtock, aubott hani müesse luege das er nid überflügt, z Blut het er dermit schön verteilet, überau hets Tröpfli gäh. I weiss nid ob öii Esle ou so schpinne wes Blut am Bode het, das git e richtige Kampf wele das zerscht darf schläcke bis si baud e wundi Zunge hei, Bluet het doch sone Metaugschmack u uf das fahre di ab. Am angere Tag het me gar nüt gmerkt, dr Janosch het d Schtuetene probiert z Decke u mit de angerne Wallache gschpiut, super isch das ou erledigt.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

D Frou K.. usem Thurgou het sich gmäudet da eis vo ihrne aute Eseli gschtorbe isch, gottlob hani ihre z Trudi chönne vermittle u es het sofort klappet. Do mäudet sich d Frou Cl...... usem Züribiet u git ihri 2 Eseli, 15 u 18j. i d Vermittlig, am Sunndig suecht e Frou usem Neueburgische e Schtuete wüu si eis verlohre het, u am Mändig chunnt no einisch es Telefon für ne Schtuete. Hm viellicht chönnt me di zwöi vo dr Frou Cl.. usnang näh? Woni noche froge heissts di sige scho z dr Frou K.. is Thurgou, hä? aber si het doch scho z Trudi zu ihrem Eseli gno, i ha dänkt i müess das gnursch löse u ha aglüte. D Frou K.. verzeut wies Trudi di ganzi Wuche grüeft heig, si heig schier nüme wöue ufhöre, jo aber werum de? Wües si doch allei sig gsi, het si zur antwort gä, i gibes zue i bi überhoupt nüme noche cho, do seit si d Sina ihres zwöite Eseli sig ihr zwüschezyt ou gschtorbe u drum sig z Trudi allei gsi u do heig si haut dr Frou Cl... aglüte das si ihri zwöi Eseli übernähmi?????????????"Jo vohär kenne dir de d Frou Cl.. hani ganz verdatteret gfrogt, he dr Hufschmid heig ihre doch früecher gseit das die Frou  es Plätzli suechi u do het si dr Frou mi Name aggäh damit di Eseli i d Vermittlig chömi, ihr zwüschezyt isch ihres Eseli gschtorbe u si het dringend wieder eis oder zwöi gsuecht. Do söu no öper säge z Läbe sig mängisch nid Kompliziert.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Auso i bi scho di ermschti uf dr Wäut, was dir gloubet das nid oder froget öich werum?? Es isch eso, i mischte jo jede Tag 4 Schtund mitem Bouelletaxi, was das sig? henu das hani scho mängisch erklährt, normalerwys heisst das STALLBOY soöpis gwöhnlichs. Bi mir heisst das Bouelletaxi, schliesslich nimi d Bouelle uf u bringese ufe Mischschtock de isches doch es Taxi oder öpe nid? Jetzt isch mis Problem das es urschprünglich mitemene schwähre Chröieli glieferet wird u das passt mir nid, do hani Chinderloubräche kouft u di gö viu besser. I weiss gar nid werum si immer aues müesse abändere wo doch so guet funkzioniert, jetzt hei si nämli us däm Loubräche es Rächeli gmacht u do fot mis Problem äbe a. Mis Sischdem, i schpicke di Bouelle is Taxi u das geit jetzt nüme mit dene nöie Rächeli, di si viu z fescht abboge u so chani nüme schpicke. Weme aber d Bouelle wott mit Rächele zum Schtrou usnäh chunnt viu z viu Schtroh mit, das heisst dr Mischschtock wachst viu z schnäu u i muess meh Schtrou ichoufe. Dr Loubräche het d Zingge viu wyter usnang u somit chame mitem userschte Zingge di Bouelle is Taxi schpicke, mit de Johre hei miner Loubräche sehr glitte u wienes Ching bim Zahnwächsu gseh si us, grad die Zingge woni am meischte bruche si abbroche u jetzt heisi es Zahnloses Lächle. Mir klappere sämtlechi Landi Gschäfter ab uf dr suechi nach de aute Chinderloubräche, aber überau gits nume no di nöie.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mi gloubts fasch nid aber sit geschter dörfe üser Esle ou langsam is Gras, es het zwar no nid viu aber nach dr Höiration dörfe si 10 Minute go Gresli sueche, i schteue z Eierürli genau, u de jede Tag 2 Minute lenger. Obwou i so süfferli afo hets doch dr eint oder anger dünne Mischt gäh, weni ungerwägs bi u Esle scho dr ganz Tag im Gras gseh dänki immer "o Gott we das nume guet chunnt". Aui 4 Füli hei es Plätzli in usicht, afang Mai wärde si üs verloh, aber zerscht wird mit de nöie Bsitzer no güebt. Hoffentlich heit dir öich dr 31 Mai scho reserviert de isch doch üsi Esuwanderig u mir hoffe uf vieli amäudige.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Vor öpu 2 Wuche hani im obere Schtau es Schwaubeli gseh, voller fröid hani mitihm afo schwätze "WAS bisch du scho da, wie geitz dir? schön das du wieder zu üs bisch cho" u do het das Schwaubeli afo chiffle "numme das de dr Fau klar sig, ig heig de nüt i dere Boxe z mischte wo grad ungerem Näschtli sig" . Mir isch grad z Muu offe bliebe ab dere Tirade wo das chline Vögeli het abgloh, oder isches viellicht ganz angers gsi u i has nume fautsch verschtande? viellicht het das Schwaubeli mir wöue verzeue wie sini wyti Reis sig gsi, i gloube fasch d Esuschproch verschtoni viu viu besser. E Tag schpöter isch ou z zwöite im Schtau gsi, was uuuschön isch, si hei fasch ke angscht meh, si sitze uf de zwüschewänd vo de Boxe u di si 120cm höch. Ou weni 50cm näbe dra mischte flüge si nid wäg, u dr Esu darf sogar bis uf 20cm mit dr Nase ase ane. Ei Tag isch das Begattigsritual wieder losgange, beidi sitze uf dr Boxewand öpe 70cm usnang, dr Mani probiert aues um bim Wibli z lande, es tönt öpe so "hei wie wärs mit üs zwöi? i wär grad parat? z Wibli seit nume eis Wort "nö", dr Mani träppelet 10cm gäge z Wibli zue u versuecht sis Glück ufs nöie " äh bis doch nid so abwiesend, chum mir maches" d antwort tönt geng glich "nö". So geit das di ganzi Zyt bis dr Mani ganz noch bim Wibli isch u de machts Schwupps u das Gschäftli isch erledigt, woni däm Schpieli so zuegluegt ha isch ei Esu ume anger ine cho u het ou zuegluegt, plötzlich isches dene zwöi Schwaubeli doch z Bunt worde u si si dervo gfloge. Di nöie Bsitzer vo de Füli si no nid fertig mit zwägmache, de bliebe si haut no chli lenger bi üs, i ha probiert aues schön z Plane aber es chunt sowieso immer angers, 2 mou Füli liefere, Schtuete zum Hägscht bringe, Füli wärde gebore u de wei mir no umboue u das aues im Mai, u z letscht no d Esuwanderig.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Letschdi Wuche hei d Inca u d Dunja afo z zeige si sige rössig, hurra jetzt warte mir 4 Tag u de bringise zum jewiliege Hängscht, dr Fritig hani is Oug gfasst. Am Fritig womer d Esle usegloh hei het plötzlich niemer meh inträsse gha a dr Dunja, was söu de das? i ha dr Hängschthautere aglüte u gseit mir chömi nid, schöne Seich, dr Hängscht geit nämli wyt wäg go Decke. Am Samschtig morge si d Esle Schlange gschtande um uf d Dunja z goggere, sofort wieder es Telefon mir chömi jetzt glich, sofort nachem Boxe mischte hase brocht. D Inca isch scho sid em Donnschtig bim Hängscht gsi, düre Tag isch dr Janosch gar nid gross ufgfaue aber z Nacht allei i dr Boxe het er di ganzi Matratze vo eire Wand zur angere krauet, arms Weisechindli, aber ines paar Tag geit er sowieso mitem Sandro z de nöii Lüt. D Dakota hets ou super gmacht, z Nacht allei i dr Boxe het si nume zweimou gjammeret u när isch si di ganzi Nacht ruhig gsi. Am Mändig bini zerscht go d Inca hole, hoi dä Janosch het glückli us dr Wösch gluegt wo sis Mami wieder do isch gsi, aber oha lätz, woner het wöue go drinke het z Mami gseit "mit däm blödsinn höre mir sofort uf". Am obe hani Dunja ou greicht, woni se i d Box gfüehrt ha het si es gabaree abgloh, si isch ganz hässig gsi gäge Dakota, di armi het grad gar nüme verschtande, äntli isch z Mami wieder do u jetzt jagt si se i Egge. I ha es paarmou müesse säge "he Dunja es längt", es het fasch usgseh wie wesi gmeint hät es sig e frömde Esu, i ha no chli Höi inegäh damit si abglänkt isch gsi. Am morge woni bi go fuettere het Dakota dr Chopf uf Dunjas Rügge gleit u ganz seelig usgseh, z Mami het se doch no gärn u drinke het si ou dörfe, eigendlich chli blöd jetzt wär di Miuch fasch abgschteut gsi u jetzt isches wieder akurblet worde.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Im Apriu si di 4 Füli verschproche worde, d Lüt hei eifach no d Alag müesse fertig mache. D arbeit um üses Dach z Isoliere hani in Uftrag gäh u schön aues planet damit mir jo nid i  Schtress chömi u de sötte jo no di nöiie Füli gebore wärde, auso i minere Agända het aues wunderbar usgseh aber äbe es chunnt sowieso aues angers. Zerscht het dr Schriner erscht am 11 Mai Zyt gha u di nöiie Bsitzer vo dr Dakota u Kalinka u em Janosch u Sandro si irgendwie ou nid fertig worde. Zletscht hei mir vom Mändig bis Mittwuch ghulfe z Dach Isoliere und denn het dr Schriner d Brügg gmacht u isch go Cämpe, am Donschtig morge hani dr Sandro u dr Janosch iglade u bi is Friburgische gfahre zu de nöiie Bsitzer. Di Buebe hei müesse luege u schtuhne, aues isch ganz angers gsi aus dehei, aber di Lüt hei sich würklich müeh gä, mi si is Nachbarhuus go ässe u womer vom Balkon us übergluegt hei si si am frässe gsi u doch hei si üs sofort gseh. Nach 4 Schtund hets mi dünkt i chönn jetzt go d Esle u d Lüt heige sich beruhigt  u so hani mi ufe 2 Schtündig heiwäg gmacht. Am andere morge hets für Dakota u Kalinka gheisse bitte ischtige mit fahre nach Dütschland zu öiine neue Bsitzer, d Fahrt het nume ei Schtund duuret derfür am Zoll e haub Schtund wartezyt, u denn simer im nöiie Schtau acho. Natürli hets afo rägne u di zwone hei sofort gmerkt das do jo e Chirsiboum schteit u däm siner Escht si herrlich wyt unger gsi, hmm es git doch nüt schöners aus im Rägewätter go unrifi Chirschi go abläse wo sich doch gar no nid wei vom Boum löse so das me fescht muess risse u meh duschet wird. D Bletter u d Escht hei mir nüt usgmacht aber di unrife Chirschi si natürli viu z gfährlich gsi u de hets no es Pflümliböimli gha u ou do si unrifi Frücht am Bode gläge, i ha erklährt das si di Sache jede morge zerscht müesse zämeläse bevor d Esle ufe uslouf dörfe. Ou do bini bliebe bis aui ruhig si gsi u d Esle ohni angscht ufem ganze Gländ umeglüfe si, trurig hani mi ufe Heiwäg gmacht. Am angere morge hets trurig usgseh sone chlini Herde, klar es si immer no 13 Tier aber so längwilig si aui umegschtande, niemer het gschpiut, es isch scho viu gsi i zwe Tag 4 Esle abzgäh, i gloub wemer nid so am arbeite wäre gsi mit dr Renovation hätts mi no viu me betroffe. D Renovation isch nach 5 Tag abgschlosse gsi, di 4 Füli si guet acho mir hei natürli viu Telefonisch Kontakt, jetzt fähle nume di nöiie Füli u di wei eifach nid cho.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Schöne Geschichte und wünsch Euch viel Glück bei der weiteren Erziehung !

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Dunja, d Mueter vo dr Dakota u d Kaila, d Mueter vor Kalinka hei am angere morge rächt viu Miuch gha u do hani dänkt i chönnt mi doch bi SOS Fohlen mäude, viellicht dasmer amene arme Füli wo d Mueter verlohre het chönte häufe. Nachere haub Schtund isch scho e Aruef cho, ds Junge Hängschtli heig si Mueter vor 4 Tag verlohre, si heige scho bire Schtuete probiert aber di heig gschlage gäge das Füli. Dr Herr vo SOS Fohlen het agrate d Schtuete z Sediere damit si sich nid wehri, nei nei das mach i nid, üsi Dunja het jo nid ihres Füli verlohre sondern es isch mit 1j. verchouft worde u de chani doch dere Schtuete nid es Jungs Füli aus ihres ungere juble, nei mir mache das mit ihrem Verschtand. Uf eire Site das hungrige Füli u uf dr andere Site üsi Dunja mitemene praue Uter wo jedere Chueh cha Konkuränz mache. Jo aber wi de das sig isch d Frog cho, d Schtuete düeg doch d Miuch immer de Bedürfnis vom Füli apasse? So öpis het no gar nie öper Untersuecht, i dänke mir probieres eifach, di Lüt si am Mittag abgfahre u mir hei gwartet, ir zwüschezyt hani d Dunja bearbeitet u a ihri Vernunft appeliert. Am Nomittag am vieri si si äntli cho u wosi dr Hänger hei uftoh jo was schteit do? es wunderschöns Araberhängschtli, zum Knuddle härzig. D Esle si ufem Drocheplatz gschtande u hei gschtuhnet womer vorne düre si, mir hei z Füli i di mittleri Box vor Darinka do u de bini go Dunja hole, zerscht hetsi ganz vorsichtig über d Boxewand anim umegschnüfflet, d Ohre schön gäge füre, hm gseht nid schlächt us, heimer fröid gha. I ha d Dunja chli abgmuulche, si hets nid gärn gha, es het weh do wüus so vou isch gsi, e Schprütze vou hani däm chline chöne go gäh. Plötzli heter afo ir Boxe ume schpringe u d Dunja isch i hingerscht Egge, es hetere gar nüm gfaue. Do bini go Kaila hole u hase i ihri Box gschteut, ou di het sofort anim umeschnüfflet u zwar so higäbigsvou das i z Gfüuu ha gha i dörf mit däm Füli zuere ihne, vo vor bis hinge u vo unge bis obe het si ne abgschmöckt. Das gseht gar nid schlächt us, es isch ihr zwüschezyt Fuetterzyt gsi u so si di angere Esle ou ihne cho u mir hei afo fuettere, dr Kaila hani z Höi genau vorem Füli siner Bei higleit damit si ganz noch si, u den hanere z Chübeli mitem Churzfueter hi-gha, einisch isch ihre Chopf drin gsi u de wieder am Füli sine, wesi wieder het wöue es Muu vou näh het si sis Chöpfli ganz fin wägdrängt. Aber chumm hets Füli es paar schnäui Schritt gägse gmacht, isch ou si i hingerscht Egge usgwiche. Do isch Tabea i ihri Box cho u het sich sofort  i dä Schnüggu verliebt, läck het die e Schou abzoge "nei du arms Chindli, was isch de mit dini Ohre passiert? si het mit ihrne Lippe eis Ohr ums andere ganz fin gno bis si Plotschnass si gsi, auso we Tabea Miuch hät gha de häts 100 Prozänt klappet. Mir si no ufe Huusplatz mit dene 4 Schtuetene u hei dä chli lo umegaloppiere, nei dir gloubets nid, d Dunja,Darinka u Kaila hei sich hingerem Mischtschtock verschteckt u nume Tabea isch bim Füli bliebe u het ihm zue gluegt.  Nach 3 Schtund heimir ufgäh, wesi meh Zyt hätte gha de viellicht hätte si sich a das läbige Füli gwöhnt, aber die Lüt hei wieder 3 Schtund Heiwäg gha. Z Füli het im Tierschpitau glehrt useme Chübeli z drinke, auso mir het das nid so gfaue, är het sis Chöpfli bis über d Nüschtere i d Miuch dünkt u denn  igsogge u wäg isch di Miuch gsi, füre Mage sicher nid guet u denn het er ou viu brünzlet, viu öfters aus normau isch, Hunger het er nid müesse ha aber es Mami wo fürne luegt u ihm Maniere bibringt wär äbe ou wichtig.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hurra üsi Salome isch hüt Nomitag uf d Wäut cho, aber schön dr Reihe no, am morge bim useloh hani gseh das sich d Zitze bir Cindy veränderet hei,  bis jetzt het si nume es grosses Uter gha u d Zitze si no chli gsi u so bini ou nid z Nacht ufgschtande. Dr ganz Tag hase im Oug bhaute, si het wiudi Weh gha, mi hets gmerkt wüu si plötzli bi ihrer Tätigkeit ine ghaute het, dr Blick i d Witi grichtet, het si i ihre Buch glost. Am Mittag wosi im Gras si gsi isch si ufe Wäg u het gschtudiert wo si ächt hi söu, im Schtächschritt isch si zu de obere Schtäu, i ha scho ufse gwartet u ha iladend ihri Boxetüre ufgmacht, si het ine gluegt -  gschtudiert - i Ufenthautsruum gluegt überleit u isch doch wieder zrügg is Gras. Wose schpöter gsuecht ha isch si im ungere Schtau ir hingerschte Box gschtande, i hase e viertu Schtung i Rueh glo u bi de wieder go luege, i däm Momänt si di angere ou abe cho, "chum Cindy mir gö ufe de hesch Rueh zum Füle", si  isch ufe Trabet so hets pressiert. Chum i ihrer Box isch si z Bode, aber irgendwie het d Lag vom Füli nid gschtume, nachere haub Schtund het me geng no nüt gse u si isch mehreri mou wieder ufgschtande u het sich dehnt u es hous Chrütz gmacht um z Füli z reise. I ha scho befürchtet i müess dr Tierarzt ha do si d Scheichli langsam ufdoucht, gottlob, zäme heimers gschafft u när isch si gschafft gsi, di lengschti Zyt het si nüme wöue ufschtoh. O i ha no öpis vergässe, wo d Vorderbei u dr Chopf si dusse gsi hani d Hut verisse u z Füli het scho am Buch afo sueche, läck das muess es Schtüetli si hani dänkt, u  wos näbe dr Muetter isch gläge hets bschtändig Grüsch vo sich gä u do isch dr Fau klar gsi, eidütig Wiblich. Di andere Esle hei gmerkt das do öpis passiert isch u si cho i Schtau luege, "lueget nume d Cindy het ihres Füli übercho". Tabea het aui wäggschtosse u isch fasch über d Boxewand so hets si zu däm Füli wöue, i hase usem Schtau triebe u do isch si mit alouf is Töri butscht, i hare z Füli aneghebt damit sis chön schmöcke, si het fasch düre träit u so hase ufe Drocheplatz triebe u dr Wäg zuegschperrt. Tabea u Füli das isch es Kapitu für sich, das wird no öpis gäh weni de d Cindy u d Salome wott id Gruppe zrügg lo.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

E härzliche dank a aui wo am Sunndig a üsere aujährliche Esuwanderig hei teilgnoh, es isch e wunderschöne Tag gsi, d Cindy het natürli mit der chline Salome aui oder fasch aui Ufmerksamkeit igheimscht. Mir hei wieder zwe Gruppe gmacht u vor luter Lüt u Esle hei dr Rudolf u i beidi dänkt d Sina üse Hund sig mitem andere ungerwägs, womer mit dr erschte Gruppe wieder hei cho si het si üs abäuet u i ha ganz verdatteret gfrogt "was machsch de du dehei"? aui si am schpaziere nume dr Hund bliebt dehei, si het äuä ufene äxtra iladig gwartet, henu dr Rudolf isch du am obe no einisch äxtra nume mit ihre go loufe. 23 Erwachsni, 4 Chinder u 14 Esle si ungerwägs gsi, es het e länge Datzelwurm gäh düre Waud, schad für aui wo nie so öpis mitmache. Am Sunndig isch d Cindy u d Salome natürli dehei bliebe u hei ihri Rueh gha, u hüt isch si ufzmou geng wieder abgläge, nid eifach so zum schlofe ,nei nei das hät si scho dörfe, nei si isch ganz abgläge u es het grad usgseh wie wesi  wieder wett Füle. I hase ufgjagt u zum Schtau us triebe aber si isch grad wieder zrügg u wieder hiegläge, "nei aber ou Cindy was isch mit dir?" e Kolik isches nid da si sich nid über e Rügge tröhlet het, emänd het si Nochweh? aber erscht zwe Tag schpöter? Mir het das gar nid gfaue u i ha dr Tierarzt lo cho. Si het aues Kontrolliert, dr Puls isch scho schneuer gsi u het azeigt das si Schmärze het nume wo u werum? Sie het sich jo guet versüberet u isch suber gsi hinde, gfrässe het si ou u düre morge gmischtet, bliebt eigentlich nume Nochweh u di gits jo bi jedem Füli meh. D Tierärtin het es Hömoepatisches Schmärzmittu gäh u agrate eifach z beobachte was sie witer macht.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jo d Cindy het mir nid gfaue, si isch richtig grob mit mir umgange, jedesmou weni i ihri nöchi cho bi isch si mit ihrem Chopf i mi Buch plötschet u het griebe das es mir richtig weh het do, uf ihrere Schtirne het me chönne läse "i ha Schmärze bitte hiuf mir". Weni nume wüsst wie? wieder u wieder hani aui müglichkeite i Bedracht zoge, i ha gschdutiert " Cindy i verschtoh das du Schmärze hesch nume wo u werum? I ha probiert mini Kinesologin z erreiche aber si isch bsetzt gsi, i ha umene Rückruef bäte, am Mittag womer is Gras si hani Esuhüeterin gschpiut damit d Cindy i Rueh chöni frässe, i bi ufem Schtuel ghocket u dr Salome zuegluegt. Wienes schturms Wäschbi isch si uf dr Weid ume gsusset, auem anschin het si Super tanket, wesi z noch as Schtromband cho isch hani grüeft "Schtop" u de hetsi abdräit, mit dr Zyt het sis begriffe, es isch luschtig zuezluege gsi wisi gäge z Band Galopiert isch u im letschte momänt brämset het, 20 Sekunde öpis gschdutiert - abdräit u wieder dervo isch wis Bisiwätter. Zwöi mou hets si sich verschetzt bim Brämswäg usrächne u isch grad ungerem Band düre, si het ganz verdatteret gluet wosi mitts ir Herde glandet isch. Dr Figaro u d Aisha heise afo abschnüffle, d Cindy het gränet u i bi d Salome wieder go hole. D Cindy het nid rächt wöue frässe, wüe si öpis gha het u no geng dr chline hingernoche het müesse, do hani d Salome abgleit u se i Schlof gschtrichelet, d Cindy isch cho Kontrolliere was i ächt do machi mit ihrem Chindli "gang jetz go frässe Cindy, i cha dänk scho luege". Wiederwiuig isch si dervo tschöttelet, mitts uf dr Weid wachst "Mädesüess" normalerwis frässe das dEsle nid u mir tröchnes für d Chüngle, aber d Cindy isch drü Eschtli dervo go frässe, i ha gmeint i gseng nid rächt, wose nachem Grase wieder zu de ungere Schtäu do ha hets mi dünkt si sig ruhiger. Nachem Schtaune het mir d Kinesologin zrügg glütet u i ha ihre di ganzi Gschicht verzeut, si isch go Google u het mir de erklährt dass das es Pflanzlichs Aspirin isch auso es Schmärzmittu u d Cindy het genau gmerkt dass das ihre hiuft. D Kinesologin isch jo ou Osteopatin u het dr Cindy vor es paar Monet z Becki grichtet u genau do ischs Problem gsi, dür di schwähri Geburt wos d Beckichnoche usnang drückt si ihri Schmärze cho. I wirde dr Cindy jede Tag Mädesüess abiete u si wird wüsse wie lang sis brucht

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Entwarnig dr Cindy u dr Salome geits wieder guet, u uf dr Weid hets no Mädesüess, d Salome isch sone luschtegi Bohne mi muess immer zwöimou luege bis me se gseht zwüsche dene grosse Esle wo si grad unger Buch düre passt. Momentan gösi wieder e Weid go nocheputze wo di Schottische Hochlandrinder si gsi, de muess i zerscht de Chüeh dr Wäg abschperre wosi zum Wasser gö, d Weid ufdue, dr Zuun ufdue u de z Tor gäge d Esle ouno u de chöi di Langohre cho. Da i jo 4 Füli verchouft ha, hanis nüme so im Griff wie mänge Esu i no ha, woni d Esle nach 2 Schtund wieder usetriebe ha hets mi dünkt i heig jede gse dürego, nacheme Kontroublick hani aui Züün wieder richtig zuegmacht. E Frou het wöue cho d Zwillinge aluege woni usgschriebe ha, woni mitem Outo Schlüssu gäge z Outo ufe go chöme plötzli zwe Esle ganz verschtöhrt derhär z Galoppiere, i some Fau wott i wüsse werum? i ha zum Rudolf gseit "do schtimmt öpis nid". Für ihn isch das nid so wichtig gsi aber für mi scho auso bini go luege u was hani gseh? dr Figaro bi de Chüeh ine, hä???????? sofort bini zuenim go luege. Auso dä hagu het sich uf dr Weid versteckt u woni aues zueto ha het er gmerkt das er ganz allei isch u het ou use wöue u woner das schteile Bord ab Galoppiert isch het er dr Droht nid gseh u isch dri gsecklet, natürli het dr Torgriff das nid mitgmacht u isch wyt furt gschpickt u genau das isches gsi wo di zwe Esle dermassen verchlüpft hei. Dr Figaro het das gar nid beunruhigt u är het 4 Meter vor de Hochlandrinder graset "chumm Figu chumm use"hani ne glöhkt aber dä hagu het nid glost u so isch mir nüt angers übrig bliebe ausne go z hole, wou gmerkt unger Todesangscht. I has jo scho gschriebe gha wie mächtig dä Schtier isch mit sine Hörner vo 120cm, wies use cho wär weni nid währ go luege mani mir gar nid voschteue, u genau us däm Grund gömer säute zäme furt, eis vo üs isch immer de Heime wüue mi nie weiss uf was für Ideene di Langohre chöme.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I wirde öfters gfrogt wini das machi dass i bi de Geburte chönni derbi si? I beobachte di Schtuete wo noche wär u si zeiges meischtens a, betohnig uf meischtens. Auso üsi Darinka wo meh aus e Monet übertreit het, het dr Vogu abgschosse, am obe am nüni bini go Kontrolliere u si het döset, d Bruscht isch nid nassgschwitzt gsi wis vorchunnt bi Wehe u si het ganz ruhig usgseh. Bevor i is Bett bi am haubi eufi bini no einisch lieslig go ineluege u ha grad e Schrei losglo, hinger ungerem Wasserchessu isch es Füli gläge wo het probiert ufzschtoh, es het usgseh wie imene Schlachhof. Z Füli isch vou Bluet gsi u z Schtrou isch so öpis vo vermohret gsi, soöpis hani no nie gseh, jo was um Himmelswiue isch do passiert???? Bi üs Froue gits jo e sogenanti Schturzgeburt u di Eselin het sehr wahrschinlich e Turbo Geburt hiegleit. Normalerwis hei si mehreri Presswehe u we de z Füli äntli dusse isch de liegst zerscht benomme öpe 10 Minute näbe dr Muetter u z Bluet ir Nabuschnuer pulsiert immer weniger. I dänke mir das sie das Füli sehr schnäu gebore het u när ir ganze ufregig viu z schnäu ufgschtande isch u das viele Bluet us dr Nabuschnur gschtrömt isch wo z schnäu verrisse isch. He nu mir hei jo afo üebig z Nacht am eufi dr Notarzt lo z cho um di Schtuete z Kontrolliere, faus nämli Verletzige ihr Scheide gnäiht müesse wärde, de sofort u nid erscht am angere Tag. D Tierärztin het nüt chönne feschtschteue u het du grad z Füli gimpft, mir si bi de angere Esle go Schtrou chlaue damit mir di Souerei hei chönne zuedecke. Das Füli isch Rabeschwarz u isch du ufe Name Dabasco touft worde

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Nei nei dir müsst mir nid schriebe u mi uf dä schriebfähler hiwise, ig weiss dänk scho das me di scharfi Sosse Tabasco schriebt, aber üses Füli heisst äbe Dabasco wüus ke Soose isch sondern e härzige Esubueb, aues klar sowit? he nu de isch jo guet. Am morge wenn i i Schtau go sägi guete morge u när schpezieu sälü Salome, sobaud ig ihre Name säge chunnt si grad zum Töri u frogt "hesch du mir grüeft? do bini, düemer Schmuse?" das isch sone chlini luschtigi Nudle. Im ungere Schtau genau z gliche, zerscht sägi aune gute morge u denn sälü Dabasco, dä chunnt ou fasch über d Boxewand u schtreckt sis Chöpfli miner Hand entgäge, di angere müesse haut no chli warte bis si ihres Höi überchöme schliesslich chani doch nid dr Dabasco lo warte. Chumm si aui dusse hane scho am Rockzipfu, är begleitet mi uf Schritt u Tritt, mängisch chunter so schtürmisch das sim grad muess wüescht säge, wenn er so ungeschtüm chunnt vo hinger goni äxtra grad zwe Schritt rückwärts u schlo miner Arme ufe um mi grösser z mache, he cha de dä verdutzt us dr Wösch luege. Einisch isch är mit dr Dunja ungerwägs u de wieder mit dr Darinka, är luegt nid gross wärs isch, eifach bruni Bruscht wird scho öper us dr Familie si dänkt er sich, woner am afang einisch bi dr Dunja het probiert z drinke het sine glo. Auso womer Dunja hei wöue aus Amme bruche isch si eifach überforderet gsi wües es Araberfüli gsi isch, äs Esufüli hät si akzeptiert, do bi ni mir 100 Prozänt sicher, si hets jo bim Dabasco dütlich zeigt.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Bi dere Hitz schwitze mir jo aui, aber di ermschte si di Junge Schwaubeli, di wärde fascht kochet im Schtau. Obwou i aui Fäischter offe ha bring i di Hitz nid use u d Vögeli hängke grad d Chöpfli übere Rand dass i fascht angscht ha si sige scho gschtorbe. D Schwaubeeutere flehe mi a z häufe, wett i scho aber wie??? I ha probiert nassi Nastücher ufe Rand vom Näschtli z lege aber do hei d Eutere fasch düre dräit "hei no mole do säge dir i söu häufe u när machet dir sone Schpeckdacku" woni nach es paar Minute d Nastüchli wieder abegnoh ha si si uf dere Site wosi uf d Chöpfli vo de Junge cho si ganz heiss gsi, auso hani das Schpieli es paar mou gmacht u de wieder ufghört u bi zum Schtau us damit d Eutere hei chönne go luege dass ihrem Nachwuchs nüt passiert isch. Uf d lengi hani gmerkt das ig so nid witer chume u ha z Näschtli abgschrupt u 15cm witer unger wieder agschrubt, es het mi dünkt si heige de meh Luft, aber oun das het nid viu brocht. I bi mim Mandli go z Problem erklähre u ha gmeint i chönnt doch e Fäntilator hieschteue wo d Luft umwäuzt, W A S für di Vögeli wotsch eine ufschteue u i darf nid??? het er gschumpfe. Auso hani eine für mi Maa u eine für d Vögeli abem Eschtrich ghout u i bedrieb gno, i muess säge es isch viu besser worde u sobauds chüehler wird bruche mirs natürli nüme, d Esle hei komisch dri gluegt aber wosi di chüeli Luft gschpürt hei si si ou dankbar gsi. D Salome schteit hinger immer no nid richtig, sobaud es nüme so heiss isch gömer de is Tierspitau u dört wärde de chlini Holzschtück unger d Hüfli kläppt wo hinger lenger si aus z Huf u so chasi nüme immer uf de Balle loufe.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Nei nei, i bi nid i de Ferie aber di Hitz lähmt mi grad, aues was über 25 Grad isch isch eidütig z viu für mi, i bi wi ne nasse Wäschlappe. Ou d Soraya het mit mire Hiuf es wunderschöns grosses Füli uf d Wäut brocht, d Cindy isch jo d Mueter vor Soraya u misst 89 cm u d Soraya misst 92cm, d Salome vor Cindy het bir Geburt 11kg. gwoge u isch 61cm chli gsi, d Sofia vor Soraya isch 19kg. u 73cm gsi, e riese Ungerschied. Jetzt geit Poscht ab mit drü Füli, d Salome isch eidütig di Flinkschti derfür isch ds Söffeli di frächschti si akzeptiert d Schtrombänder nid gross, da mir äxtra z ungerschte Band 30 bis 40cm ab Bode hei damit d Esle ungerdüre z Gras putze u mir nid müesse Fädele,het ds Söffeli eifach dr Chopf abe u schwupps isch si scho uf dr andere Site. Dr Dabasco probiert mit dr Salome z schpiele aber di isch so difig dass er Null Chance het däm chline Ding noche z möge. Aber was isch ächt mitem Figaro los? är het no gar nid afo schpiele mitem Dabasco u so wott mi dä Kärli immer i d Wade chlemme. D Lüt verzeue mir mängisch das d Schtuete z Füli düegi schtüpfe wes am Bode liegi, jetzt isches zerschtmou ou bi mir passiert, mis Mandli isch go luege was di zwöi machi u ischmers cho säge, sofort bini wieder go luege u derbi hät i söue uf d Eiertuur go. D Sofia het d Zitze is Muu gno aber nume abgschläckt schtatt das si zoge hät, i ha däm Schpieli es Zytli zue gluegt u den hani zwe Schprütze vou abgmulche u em Sofia langsam is Muu gä. I ha no e chli uf mini Hand gschprützt u a de Zitze verteilet u do äntli isch si richtig go söige. E Schtuete weiss genau, solang z Füli nid richtig drunke het darfs nid abliege, si wärde nämli schnäu schwach. U äntli mit verschpöhtig hani miner Eier chönne go verchoufe.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt morge woni ha wöue go Fuettere schteit dr Dabasco vorem Schtau use, hä??? wo chunsch du de här? was söu das? i bi grad schnäu nüme drus cho. D Boxetüre isch zue gsi u d Darinka i eire Ufregig, dä Kärli muess dürs Fäischter us si, aber wie?, wener ihr Boxe schteit de chaner grad schüsst dr Chopf chli useschtrecke u de isch no e Schtange uf 20cm, dä het ömu sicher nid dört derzwüsche düre möge, oder ächt doch? Oder ischer über di Schtange gumpet? auso i ha chönne Hirne u ne froge aber är het mirs nid verrate u so isch mim Mandli nüt angers übrigbliebe aus es Gitter vor z Fäischter schrube, jetzt si di zwöi haut hinger Gitter. Woni i ober Schtau ufe bi heimi d Schwaubeli erwartet, di 6 Junge u d Eutere si ufem Zuun ghöcklet u wosi mi hei gseh cho hei si grüeft "hei lueg wi mir chöi Flüge" u när hei si Flugschtund gha, es isch immer wieder es Wunder, ohni das si vorhär chöi üebe chöis sis eifach. D Esle hei afo rüefe "chaisch doch nid üs lo verhungere nume wüu dene Schwaubeli zueluegsch", wosi rächt hei si rächt, sofort bine go z Läbe rette.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Normalerwis het mi Tierarzt d Zähn vo de Esle graschplet, jetz hani e äxtra Zahnarzt lo cho, dr Ungerschied isch gwautig. Mi Tierarzt het 60.- Fr. verlangt u mi hets dünkt är machis nid schlächt, u jetzt dä äxtra Zahnarzt wo 250.- höischt, woni aber gseh ha wiener schaffet hani müesse säge "mou dä nimmts de gnau, do isch z Gäud doch nid vergüdet". D Cindy het doch immer gjammeret dass si Schmärze heig, am hingerschte Backezahn het si e Schpitz gha wo jedesmou i d Zunge gschtoche het bim zuebisse, es isch aues endzündet gsi u scho Vereiteret, di armi Seeu. Si isch jedesmou e wundervoui Mueter, aber dasmou hets mi dünkt si heig dr Vogu abgschosse. Bir Geburt heimer d Salome 11kg. gwoge, es munzigs Schtüetli, jetzt isch dr Hufschmid cho um ihri Beischtellig hinger z Korigiere u eventuell öpis a z chläbe, für das müess me di chlini Muus Sediere si dörf sich nid bewege bim chläbe. Mir Froue hei nid uf d Woog wöue, wär wott scho wüsse wie viu är Wiegt? auso heimer haut dr Tierarzt gwoge u das grad drü mou? He klar zerscht allei u den mit dr Salome, womers usgrächnet hei simer uf 31kg. cho, nei nei das cha unmüglich schtimme hani bhouptet, är söu das Mungeli doch no einisch uf d Arme näh u no einisch Wäge, aber ou das mou si mir uf z gliche Resultat cho, i bi immer no nid überzügt gsi u ha se wöue uf d Arme näh, wöue, i hase nüme möge. Di Salome het i 6 Wuche 20kg. zuegnoh, i chas no hüt fasch nid gloube. übrigens hei mir zwe Froue das Schtüetli so chönne ruhig haute das dr Tierarzt gar nid het müesse Sediere.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Voremene Monet isch d Rahel do gsi u het mir ghulfe d Esle us dr Weid z driebe, uf einisch het si bägget, das macht si no öfters, "was hesch? was isch passiert?" "öpis het mi gschtoche" het si gjammeret, he jo das chas gäh weme dürs Gras louft. Uf einisch hani miner Esle fasch nüme i di Weid brocht, eine het blöder do aus dr ander "he was söu das? di Weid isch no lang nid richtig putzt", i ha nid ufgäh bis aui z düruf si, obe si si wiud ume Galoppiert, pure Lebensfreude hani dänkt. Do ei Tag hane wieder zuegluegt wisi i d Weid si, do plötzli het z Ingeli afo zabble u den isch dr Figaro näbe ihre düre u het ere grad e Schtupf gäh, was isch los? hani gfrogt u scho isches mit dr Darinka los gange, ganz ufgregt het si probiert ihre Chopf am Dabasco z riebe, si het so fescht drückt das er baud umgheit isch u do äntli hets bi mir klick gmacht. Di arme Esle si vo Wäschbi blogget worde u drum si si uf dr ganze Weid ume Galoppiert umse los z wärde, i bi go Pföschtli u Band hole um ab z schberre damit si bim abecho nid wieder d Wäschbi ufschüche. Am andere Tag wieder z gliche Schpiu, hei no mole hani öpe gar nid di richtegi Schteu abzuuhnet? langsam bini Schritt für Schritt obsi u do äntli hani z i u usflugloch gseh, hm hm was söui ächt mache das i miner Esle gfahrlos wieder us dr Weid cha näh? I bi gone Wuuldechi  hole u hase is Wasser gleit, mitere Gable hase us sicherer Entfernig uf das Loch gheit, mini überlegig isch gsi das d Wäschbi nüme use chöi. Komplett fautsch überleit oder dänkt, di hei Hei wöue u nid use, sofort isch ei ufregig gsi u e ganze Schwarm isch über dere Wulldechi ume gfloge. Hei Mandeli du muesch mir cho häufe, i ha es Problem, i cha d Esle nüme us dr Weid näh" bini go bättle, hiufsbereit wiener isch het er sofort igwiuigt, mir hei no e räschte Wäschbischbrei gha u so het er vorsichtig di Wulldechi drab zoge u när sofort gschpreiet. I bi miner Esle go hole u bim nidsigo gö si sowiso im Galopp u de het ne nüt chöne passiere u i säuber bi witer äne übere Zuun. Do het me e riesegi Weid u genau im imgangs bereich e Wäschbischwarm im Bode, soöpis blöds, mir weis no einisch mit Schprei probiere, viellicht gömer z Nacht wesi schlofe u de chöimer mit dr Bombe genau zum Loch zum schprütze, i wett nid gärn wieder 150.- zahle wie letschtmou, oder was no besser wär we dr Fuchs das Näscht würd uftue de gösi nämli witer.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mi merkt guet das d Salome z Chindli vor Cindy isch, si isch nämli genau dr glich Frächdachs, d Salome u d Sofja si meischtens zäme ungerwägs u das geit vollgendermase, d Salome Galoppiert wie nes schturms Wäschpi dervo u d Sofja hinger dri. Das uf üsne Wägli jo immer witer geit u ke Sackgass isch Galoppiere di zwöi bis si nüme möge, schwär schnuffend haute si a u de geits Gschrei los "MAMI wo bisch???, d Cindy dänkt, di loni jetzt emou e chli lo zabble i ma dere doch nid dr ganz Tag noche loufe. D Salome lot ei Schrei ume anger los u de geit äntli d Cindy oder äbe de ig u zeige däm Waisechindli wo z Mami sig, es geit nid lang u z gliche Schpiu geit wieder los, es isch unheimlich wie di zwöi bi dere Hitz möge ume Galoppiere. Ei Tag chunnt mir d Soraya entgäge, si isch cho i ober Schtau luege u när isch si dr Dunja hinger noche, komisch was söu ächt das? do isch mir erscht ufgfaue das ke Sofja ir nöchi isch "hei Soraya hesch dis Chindli verlohre? muesches haut go sueche, si isch sicher mit dr Cindy u dr Salome im ungere Schtau, gang go luege. I eire Ufregig isch si i d Mittuschtation go luege u wo si se dört nid gfunde het, het si mir wieder grüeft, do i sowiso obe fertig bi gsi bini mit ihre i unger Schtau u dört si di drü gsi, läck isch di Soraya glücklich gsi ihre Chindli wieder z ha. U eso geits dr ganz Tag, d Sofja schpringt eifach dr Salome noche u we de d Soraya nid ufpasst de muess si se haut wieder go sueche

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

UPPS SCHPIELZEUG KAPUTT, grad öpe so chönnti d Ueberschrift heisse zu däm Fau, aber fömer doch vovorne a damit dir drus chömet. E Ma lütet a u frogt obs bi de Esle ou e Schteu gäb womer es Waisefüli oder Muetter findi? "Was isch passiert? isch mini frog, "Hüt am morge sig das Füli tot im Schtau gläge" "jo aber werum de? hets nid drunke? isches z schwach gsi? heit dir dr Nabu Desinfiziert? öbe 20 Froge hani gschteut. Das Füli sig am vortag gebore, äs heig schön drunke u sig ume gschbrunge, äs sig ihm guet gange. Auso öpis schtimmt do gar nid, wes emene Füli nid guet geit de merkt me das sofort, aber nid zerscht isch aues i dr ornig u am nöchschte Tag isches Tod, do muess öpis vorgfaue si, i bore witer u do äntli rückt er mit dr Worheit use." Auso das sig so gsi, wodas Füli gebore sig sig niemer dehei gsi u wo du d Chinder vor Schul heicho sige heigesis gseh u sige sofort zuenim, si heiges gschtrichelet u uf d Schoss gno, viellicht heig sis scho chli übertriebe. Mir hets grad d Schproch verschlage, "dir sit doch säuber Vater? wo öii Frou gebore het hei do di ganze Bsuecher das Bebe uf d Arme gno? sicher nid, e sones Füli isch doch kes Schpiuzüg!!!!! Weni dänke wievieli schöne Schtunde ig scho dörfe verbringe mit üsne Füli u do het eis müesse schtärbe wüu d Chinder nid glehrt hei wieme mitemene Füli umgeit, i bi ganz trurig.  Klar mi cha nid mit 100 Prozäntiger Sicherheit säge dass es wäge däm gschtorbe isch aber i dänke scho u das isch mini Meinig.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I weiss nid ob dir d Gisela kennet? si isch ou im Vorschtand u betröit d Esuberatig via Mails, letschte Samschtig het si Ghürote u mir si natürli go Schpalier schtoh mit 4 Eseli. Do d Madlene mit Poitou Esle het wöue cho hani dänkt es wär doch schön we uf dr andere Site ganz chlini schtöh. I ha d Cindy mit dr Salome u d Soraya mit dr Sofia iglade, dr Rudolf het  mi begleitet u mis Mandeli het dehei zum rächte gluegt, für di zwöi Füli isches di erschti Fahrt mitem Transporter gsi, aber di hei das mit links gmeischteret. Mir si bi dr Chiuche düre gfahre u zum Burehus ufe wo de nach dr Trouig z Apero uf üs gwartet het, mei das isch de no es Schtück Wäg gsi, d Esle u mir hei doch no nüt z Mittag gha u mir hei dermit grächnet das d Esle zerscht no chli chönni grase. Nüt isch gsi oder ömu nid viu, i hase Dekoriert u scho hei mir müesse abeloufe, schliesslich weis me jo nid genau wie lang dr Pfarrer red, mir si rächt Zytig vor dr Chiuche gschtande, aber wo si ächt d Poitou Esle? wyt u breit hei mir niemer gseh. Dr Chiuche Platz isch fasch z chli gsi für aui Lüt wo hei wöue Schpalier schtoh, dr Ritverein, vom Muliverein, d Fürwehr, d Hornnusser u süsch no vieli, d Sofia het dörfe üses schöne Decheli mit em Logo vor Esufarm Moutier trage, mir si schön i  gschtande aber das fräche Eseli het nid wöue wie ni. Immer isch si mitts i Wäg gschtande u i hase wieder zwüsche üs gno, nachem vierte mou zrügg näh hani liesli gschumpfe "Söffeli äs längt jetzt du bliebsch a dim Platz" do hets si mi agluegt u gseit "weni doch zwüsche de andere Eseli iklempt bi cha doch niemer mis schöne Decheli läse" upps do het doch das chline Eseli meh überleit aus i, klar het si dörfe mitts im Wäg schtoh wo di viele Lüt us dr Chiuche gschtrömt si. Di Fahrt isch für di zwöi Füli grad e gueti üebig gsi, mir gö doch nöchscht Wuchenänd ufe Ballebärg, judihui, chömet doch ou, es isch immer mega hammer mässig kuhl.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Am Samschtig morge am haubi achti bini mitem Transporter vou Eseli richtig Ballenbärg gschtardet, vor i Schpitz hani di zwöi Füli abunde u de eis vo de zwüschelatte ighänkt, den isch d Soraya cho, d Cindy, d Babete u z letscht d Inca, i bi no nid lang ungerwägs gsi wos nid ufghört het bouderet. I bi bir nöchschte glägeheit näbeus u go hinger ine luege, d Salome isch scho unger düre gsi u vor dr Soraya gschtande u z Söffeli het probiert über d Latte z chlättere u so hani di zwöi haut wieder los glo, äs het jo ke roue gschpiut wosi hi si da di angere jo so iklempt si gsi das d Füli gar nid näbe si hei chönne sondern nume vor dra u do het nüt chönne passiere. Churz vor de zähni simer acho u i ha afo uslade, schön eis ums andere u do isch ou scho d Rahel derhär cho, womer aues usglade hei simmer no go dr Ahänger go parkiere, 2 Persone gleich 4 Hände, 6 Eseli, dr Sack mitem Taxi u de no z Leiterwägeli hei gwartet dass mir mit ihne zum Pärkli ufe gö. " Rahel wär nimmsch? si het churz überleit u sich den für di zwe Müettere mit ihrne Füli entschiede u em Sack, do hani d Babette u z Inggeli gno u das chogge schwähre Leiterwägeli, wenn i doch nume äntli öper würd finde wo mir das Wägeli chönnt abändere damit me eis vo de Eseli chönnt i schpanne, de bin i haut dr Esu gsi. Mir si aui froh gsi womer äntli a üsem Platz si gsi, hurtig heimer üs inschtaliert u scho hets gheisse abmarsch zur Wanderig düre Ballebärg, d Müettere mit de Füli si dört bliebe. Am Nomittag hei mir Schtrichuzoo abote u ou rite was flissig gfrogt isch gsi, di zwöi Füli si gschtrichelet u bürschtet worde bis zum geht nicht mehr, aber si hei aues brav mit gmacht. Am Sunndig isch ou d Alexandra u z Noemi cho häufe, Gymkhana, rite u Esuumzug gäbe geng sehr viu z tue, aber es isch eifach schön weme gseht wi fröid d Lüt u d Chinder a üsne gliebte Langohre hei.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mini Gschicht Nummere 1163 woni gschriebe ha "upps Schpiuzüg kaputt" het sich doch nid ganz eso zuetreit wienis gschriebe ha, "di Chinder heige das Füli nid ufglüpft u uf d Schoss gno" so het mir di Frou bscheid gä, äs heig sich usegschteut dass dr Hängscht z Herbes Virus bim Decksprung uf d Schtuetene übertreit heig u so ou uf d Füli, anschienend het keis vo sine Nachkomme überläbt. Somit hani di Chinder zu unrächt verdächtigt u entschuldige mi bi dere Familie. Dr Hängscht isch ihr zwüschezyt Kaschtriert worde, gottlob. Wo mir no Freibärger Züchtet hei si di Schtuetene gäge z Herbesvirus gimpft worde während dr Trächtigkeit, bi de Esle hei mir niemeh gimpft u i bi doch bi viele verschiedene Hängschte gsi go Decke, do hani aue mah Glück gha bis jetzt.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mis Mandli isch mir scho lang i de Ohre gläge är müess äntli e Hoflader oder e Traktor ha, är mögi nüme di schwähre Rundbaue vo Hand abnang abe näh. Dr Buur wo üs die lieferet het zeigt wieme di gut chönni umgheie, wit unger mache mit de Finger z Netz kaputt so dass me chönni d Händ ine schtrecke u de hob gheie di Baue fasch vo allei. Das isch e luschtige, dusse wo me Platz het geit das scho, aber bim i d Schür bige wärde di Rundbaue ganz noch a di angere gschteut u do bliebt wägerli ke Platz derzwüsche wo mis Mandli derzwüsche chönnt. Nach langem hin und här hei mir üs für ne Hoflader entschiede, ganz  unger üs, äs isch mir scho chli übertriebe vorcho, natürli e Ocasion, es isch no so tüür gnueg cho, wo dr Händler üs dä brocht het, het er gmeint "chöit de luege do macht d arbeit dopplet fröid". Zerscht hani nid rächt dra gloubt aber plötzli heimer e Wäg vo de Esle mit Jurachies nöi beleit, är het z Materiau a Platz kippet u z Feriemeitschi u n i  heis verrächelet, mi gloubts fasch nid aber nachere haub Schtund simer scho fertig gsi. Z nöchschte isch gsi dr Parkplatz vergrösseret, zack u fertig, imene ungerschtand isch dr Härd hinger nid fertig abtreit gsi, es paar Fahrte vom Fredeli mit em Fredi, so het är nämli si Hoflader touft, u ou das isch fertig gsi. I muess baud schtudiere was mir no chönnte mache mit dere Maschine, müesst öich das Biud vorschteue, mis Mandeli ufem Fredi git Befäu "d Schürtüre uf - d Keile unger de Redli wägnäh - u de fahrt dr Herr Gemahl mit gschwellter Brust übere Platz u i hüpfe hinger dri u nime mitem Taxi dr Härd zäme wo vo de Redli abgheit. Mängisch fro i mi was do nid ganz schtimmt, für ihn  isches arbeits erliechterig u mir gitz me arbeit, komisch komisch.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I muess mes Mandeli chli verdeidige, dä Hoflader he ke Bräms meh u dr Händler het gmeint das bruchis nid, jo weme viellicht aues grads Terrän het aber bi üs geits meischtens nidsi oder obsi, das Grät het es Fuesspedau vor abe geits vorwärts u hingerabe isch für hingertsi u weme abem Pedau geit isches Nöitrau u sött bliebe schtoh. Aber es isch eifach z gfährlich ou weme d Schufle ufe bode schteut de voter afo wägröuele, so heimir üs entschlosse das mir doch e Handbräms wei lo iboue, de cha nämli mi Fredeli abschtige u häufe. I ha jo scho es paarmou vo üsem Wägsyschdem für d Esle verzeut, z Problem isch, we di nassi Zyt im Herbscht u Winter vor dr Gfrühri di Wägli Pfloschtig macht de gö d Esle nüme gärn düre, isch jo klar u i chratze ou nid gärn Pflüderhuf us u so heimir d Esle vorem Huus düre glo u i ha de wieder dörfe wüsche. Jetz heimir e nöie Wäg gmacht aus abchürzig, zerscht isch Flies verleit worde u de heimir mit länge Holzrugle dr Rand gmacht, e räscht Ecoraschter heimir no gha u es het praktisch glängt füre ganz Wäg u de het dr Fredeli mit sim Fredeli Jurachies drüberglährt u scho hei d Esle ihre nöi Wäg teschtet u für super guet befunde. Am angere morge hets mi Wunder gno ob si dra dänke ? d Darinka isch cho u näbe düre, ihre Suhn dr Dabasco het sim Mami läng noche gluegt "hei Mami hie geits doch düre" aber di isch witer ufem aute Wäg dervo glüfe u so isch är haut ou ihre noche. Di ander aui si dr nöi Wäg uf u si sofort ufem Trocheplatz gsi, Darinka het vo wytem gluegt u d Wäut nüme verschtande, jetzt het si sich doch aus erschti ufe Wäg nach obe gmacht u jetzt si di andere scho dört, i ha schön müesse lache.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jo d gschmäcker si verschiede was me aus schön betrachtet, mir hei doch dr nöi Wäg mit haublatte gmacht u si richtig schtouz gsi uf üses Wärch, do si d Esle cho u hei gfunde das sig jetzt ömu schono lieb vo üs Zwöibeiner di Lattene grad uf Muuhöchi vo ihne z Montiere das erliechteri z abfrässe ungemein. Das si so Luus-cheibe, di hei üs komplett missverschtande, üs isch nüt angers übrigbliebe aus no es Schtromband z montiere u natürli Schtrom druf z gä, das wiederum hei d Langohre du gar nid luschtig empfunde u üs Schpiuverderber usteilet. Dä Esle geits aune prächtig, fasch e chli z guet, das jo no nid chaud isch verteili ihre Höi ufem Drocheplatz u ha ke ahautspunkt wie viu i gibe, i bi diräkt froh wesi de wieder i ihrne Boxe frässe de geits z Portioniere viu eifacher. D Füli endwickle sich super, d Salome bliebt sehr wahrschinlich wie ihres Mami unger 90cm, z Sofia isch ihre scho übere Chopf gwachse. D Sofia isch ganz e bequemi Tante, wesi dr aschluss a di angere verlohre het, luegt si churz wosi jetzt müesst go chehre um zu de angere z cho u de dänkt si das sig ihre zwyt u de nimmt sie eifach d abchürzi ungerem Schtromband düre u isch wieder bi de angere, wehe i gsehs de gibi sofort Schtrom druf dass es ihre sicherbim zwöite mou eis putzt. Dr Dabasco isch scho rächt e grosse u het nume eis Inträsse, rössigi Dame z beglücke, i hoffe mir hei nid e länge Winter mit viu Schnee wo lang bliebt liege damit mir ne chöi früeh gnu Kaschtriere bevor öpis passiert. I füehle mi doch no so jung u doch hani uf beidne Ouge dr grau Schtar woni gli eis muess go Operiere, das liegt mir de scho ufem Mage, au Lüt säge "das isch doch nüt das geit schnäu verbi" villicht hei si jo rächt aber scho nume d Vorschtellig isch gruusig, aber irgendwie geits jo aues verbi we dir mir aui gueti Wünsch schicket, im vorus scho danke.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mir hei geschter e nätti Familie z bsuech gha wo sich für d Zwillinge intressiert, i ha de Längohre no nüt gseit dass ig e nöiie Platz für se sueche, schliesslich u emänd wett se jo bhaute, aber mis Mandli liegt mir immer i de Ohre "mir müesse üse Esubeschtand verchlinere di arbeit isch viu z viu". Da mir üs entschlosse hei mit dr Zucht abe z fahre bruche mir nume zum Schmuse wägerli nid 11 Esle, aber mir verschrissts schier mis Härz bim Gedanke dass di zwohne gö. Die Familie wo isch cho luege het 2 Wallache u zwöi Ross, Platz heisi ou gnueg, d Tabea isch di ganz Zyt zwüsche üs gschtande u het zueglost was mir z verzeue heige. Dr Maa het sich sofort ise verliebt, d Frou het ender dr Droht zur Kaila gfunde, d Tochter het a aune zuetrouliche Esle dr Narre gfrässe, dr Dabasco wär natürli ou ganz e härzige, jo jo es isch nid eifach we di Esle mit ihrne grosse Ouge eim so lieb aluege. Mir löse jetzt es paar Tag oder besser gseit es paar Nächte do drüber lo schlofe u de gsehmer jo wie si sich entscheide, aber eis isch jetzt scho klar usser de Füli verchoufe ke Esu meh u we mis Mandli immer no schtürmt de suechi haut für ihn e nöiie Platz, paschta.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jo d Entscheidig isch gfaue u zwar füre Dabasco, mir isch no nid ganz klar was se überzügt het, siner grosse Ouge oder dr Name "Dabasco" isch haut eifach e bsundere Name wie när ou. So mis erschte Oug isch Operiert, es isch aues guet gange nume mit dr uflag mi 2 Wuche z schohne isch uuu schwierig, wie söu me sich ruehig haute weme kener Schmärze het us eim eigentlich guet geit? I eire Wuche chunnt de ds zwöite Oug dra u de heissts haut nomou 2 Wuche nid Huf putze da me sich jo nid darf bücke, jede Bsuech wo chunnt darf grad uschratze, hi hi hi heit dir nid ou im Sinn gha mi cho z Bsueche?

Bearbeitet von: Dolotelley - 11-Apr-2016 18:36:26

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Auch das zweite Auge wurde Operiert aber leider wurde aus der Op eine Not Op, anstatt 10 Minuten dauerte die Op 50 Minuten, jetzt sind 18 Tage vorbei und ich seh links nur Nebel, dabei haben wir hier im Jura doch selten Nebel. Nächste Woche werden wir sehen wies weiter geht, Geduld Geduld und noch einmal Geduld brauche es nach so einer Op, man denkt doch wer mit einer Herde Esel zusammen lebt der weiss was Geduld ist. Alle Esel sind Putzmunter und dank des milden Winters können wir jeden Tag Spazieren gehen, manchmal sogar in den Gloggs, macht man nicht ich weiss ist aber so bequem. Wie ich ein paarmal erklährt habe, hat Cindy unsere kleine Maus manchmal ein bisschen mehr Recht als die andern, als es ein paar Tage etwas kälter wurde wollte sie nicht mehr aus dem Stall und mistete sehr dünn, ein Zeichen dass ihr sehr kalt war, also bekam sie eine Decke, zum dank sah sie mich ganz Seelig an. Kaum trat sie aus den Stall gings schon los, jeder und jede wollte sehen was sie den da auf ihrem Rücken trug. Figaro machte kurzen Prozess, man konnte auf seiner Stirne lesen "wenn wir alle keine Decke haben brauchst du auch keine, wart ich zieh dir sofort dein Pychama aus". Die kleine Cindy Galoppierte vom oberen Stall in den unteren, nirgens konnte sie sich verstecken, Figaro fand sie überall, rauf - runter - rauf- runter, endlich wurde mein Mann aufmerksam und sperrte Cindy und Salome in ihre Box, eines ist 100 Prozent sicher, kalt war ihr nicht mehr.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Gestern hatten wir grossen Impftag, ja das gibt arbeit, in Gruppen habe ich die Esel angebunden und dann konnte der Tierarzt im Akkord impfen, zuerst natürlich Desinfizieren dann jedesmal eine neue Nadel montieren, was jetzt denken sie dass sei doch normal? Denkste, ich weiss von einem Fall da wurden über 10 Esel mit der gleichen Nadel gepieckst. Es liegt an uns die arbeiten zu kontrollieren und gegebenenfalls zu reklamieren, auf jeden Fall ging alles Ruck zuck, ich weiss ja inzwischen welche Esel ein Theater machen und binde diese zuletzt an. Komischerweise sind es 2 Pflegeesel nämlich Nela und Figaro der Macho, Nela liess sich wiederwillig anbinden und Figaro riss sich kurz vor der anbinde los und stürmte in seine Box "gut gemacht Figaro " sprach ich zu ihm und dachte für mich "Blödmann nun sitzt du in der Falle, hi hi hi". Kaum sah Nela den Tierarzt auf sich zukommen versuchte sie zu steigen um ihm das impfen zu verunmöglichen, aber es half alles nichts, gemeinsam konnten wir sie überlisten und bevor sie es richtig mitbekam war es schon geschehen. Nun gingen wir zu Figaro vor seine Box, ich mache dann immer viel Lärm um nichts um die Tiere auf mich aufmerksam zu machen und auch diesmal klappte es bestens. Ich band ihn umständlich an den Türpfosten und mit lauter Stimme verkündigte ich ihm dass auch er drankomme, in der zwischenzeit hatte der Arzt die Einstichstelle schon Desinfiziert und ehe Figaro sein Theater loslassen konnte war es schon geschehen und ich zog ihm sein Halfter wieder ab. "WAS soll denn das ? fragte Figaro "wollt ihr mich gar nicht impfen? er war immer noch auf abwehr aus aber niemand versuchte ihn zu halten, wir verliessen einfach den Stall. Figaro stand da wie "ein gekläpfter Affe", "aber Figaro es ist doch schon geschehen, du kannst wieder raus kommen" er hörte einfach nicht zu und stand ganz baff in der Boxe und verstand die Welt nicht mehr, ganze 10 Minuten studierte er warum er wohl nicht geipft wurde, ob wohl seine abwehr uns davon abgehalten hatte? wir liessen ihn stehen und gingen noch zu den kleinen. Soraya hasst es wenn sie entwurmt oder geimpft wird, also haben wir zuerst wieder die gemacht die schön hinhalten, auch Sofia ihre Tochter wurde vor ihren Augen gestochen. "Siehst du Soraya wenn deine Tochter das so gut macht kannst du das auch, ich zog ihr das Halter an und hielt sie fest, der Tierarzt machte anstalten wie wenn er noch einmal Sofia impfen würde, Soraya drückte ihren Kopf tief runter da sie dachte wir wollten ihr was in den Mund geben und zack wars erledigt, als ich sie wieder losliess ging es fast zu wie bei Figaro sie verstand die Welt nicht mehr. 14 Tiere impfen ging schneller als alles in die Pässe zu schreiben, ach der leidige Bürokram.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Nach der Augenoperation hiess es ja nicht mehr als ein Kilo heben oder ziehen, na dann nehme ich doch Babette mit auf einen Spaziergang mitem Hund, gesagt getan, sie ist 25j. und geht normalerweise überall problemlos durch. Es war ein sehr windiger Tag, man konnte fast schon sagen ein stürmischer Tag, als wir beim Robidog angekommen waren ging das Theater los,gottlob war da ein Pfosten wo ich das Seil drumschlingen konnte. Einmal stürmte sich drum bis das Seil ganz kurz war und dann wieder in die andere Richtung, "Babette spinnst du? was ist los mit dir?" ich versuchte rauszufinden was ihr Problem war, ob sie vielleicht einen Ast am Schwänzchen mitschleifte der sie immer wieder an denn Beinen berührte? aber da war nichts. Wie sollte ich wohl wieder nach Hause kommen mit einer wildgewordenen Eselin die bestimmt mit mehr Kraft als einem Kilo am Strick zog? Ich stand sicher 10 Minuten bei diesem Pfosten und Babette hob ihr Hinterteil und schlug mit beiden Beiden nach hinten aus, dann wiederum zog sie ihr Hinterteil ein, langsam dämmerte mir ihr Problem, genau bei diesem Robidog war eine Kreuzung und von allen Seiten blies der Wind und es musste einen Wirbel gegeben haben den sie an ihrem Hinterteil spührte und nicht einordnen konnte. "Ach Babettchen nun versteh ich dich, ich werde dich jetzt lösen und du gehst ganz artig neben mir her, du wirst sehen sobald wir etwas weiter weg sind spührst du den Wirbel nicht mehr" gesagt getan und nach 10 Metern trottet sie neben mir her wie wenn nichts gewesen wäre.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hallo, ja wir leben noch aber ich bin Komplett neben der Spur, seit dem 17 Dezember nach der zweiten Augenoperation bin ich ein Einöiger, die arbeit geht mühsam, ich steh in der Boxe und versuche die Hinterlassenschaften der Esel zu finden, dann kommt mein Mann und macht mich auf Häufchen aufmerksam die ich übersehen habe -MENSCH MANN WAS LIEB ICH DICH. Nun wurde endlich am 9.2.16 das Auge mit dem Laser behandelt um die kaputte Haut die im Auge rum schwamm zu zerbröselen, mein Gott ich lag 4 Tage wirklich flach, mein Mann musste sich Hilfe suchen um die 16 Esel zu betreuen. Nun ist die Haut zerstöhrt dafür habe ich nun ein Hämathom im Auge und sehe wieder nichts und der Augendruck will nicht runter, das heisst Medis nehmen. Kein auskratzen, mit den Eseln laufen zu gehen ist auch nicht sehr einfach da ich manchmal das Gleichgewicht verliehre, mein Nervenkostüm ist sehr sehr Strapaziert und dieser Zustand kann noch Wochen dauern, Mist, lesen und schreiben ist auch sehr mühsam da die Brille ja nicht mehr stimmt, irgendwann wirds wieder normal und dann hab ich auch wieder was zu erzählen.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es heisst ja immer man soll versuchen die Esel zu verstehen aber verstehen die Esel auch uns? Bei diesem schönen Tag konnte ich unmöglich zu Hause bleiben also beschloss ich zwei Esel mitzunehmen auf die Wanderschaft mit dem Hund. Wir haben ein paar Kilometer entfernt uralte Bäume, zu denen wollte ich um mir Kraft zu holen, Soraya und Sofia durften mit. Als wir in das Gebiet der "Gusti" kamen wollte Soraya keinen Meter mehr vorwärts, hinter jedem Baum wähnte sie die gefährlichen Kälber und Kühe, "Mensch Soraya die sind doch noch nicht da, es hat ja gar kein Gras" ich brauchte meine ganze überredungskraft um sie zum weitergehen zu überzeugen. Da blieb sie schon wieder stehen "was ist den nun schon wieder? ach in der ferne sah man zwei Pferde auf uns zukommen, da musste Soraya natürlich warten um zu sehen wer die Pferde ritt, wie wenn sie die Leute alle kennen würde, erst als die Pferde verschwunden waren konnte ich Soraya zum weiterwandern überzeugen. Man sollte wirklich nicht zu Hause noch zwei Gläser Tee drinken wenn man eine längere Tour vorhat, ok es war Zeit um in die Büsche zu verschwinden, die Esel an einen Baum gebunden dann noch einen Kontrollblick nach links und nach rechts, ohh nein da kam schon wieder ein Ehepaar daher, mir egal ich geh jetzt Pinkeln. Schliesslich haben die Leute ja zwei Esel und einen Hund zu bestaunen bevor sie die Person suchen die dazu gehört, schnell ein paar Worte gewechselt und endlich kamen wir bei den alten Bäumen vorbei. Es hat etwa 8 über hundert Jahre alte Bäume und einer davon ist mein Lieblingsbaum, ich hatte die Esel am langen Seil und bat den Baum mir ein bisschen seiner Kraft zu überlassen.Ich wollte ihn umarmen und drückte den Kopf an den Stamm, da dachte Soraya ich wollte auf den Baum klettern sie drückte ihren Kopf unter mein Gesäss und drückte mich wirklich fast den Stamm hoch. Also sie hatte mich komplett falsch verstanden, wenn mir sowas passiert währe hätte sie mich sicher ganz entgeistert angeschaut, ok Batterien aufgeladen gehen wir wieder nach Hause. Manchmal fragen mich Leute ob Esel gut hören, da kann ich nur sagen ja ja ja, auf einmal bleiben sie stehen und ich versuche rauszufinden was sie hören oder sehen, zwei Minuten später kommen Leute aus dem Wald.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Man merkt schon dass ich meine arbeit nicht recht machen konnte, die Esel sehen nicht sehr schön aus, ein jeder kratzt sich irgendwo bis er Löcher im Pelz hat. Keine angst es geht nicht ums sterben, irgendwann sehen sie wieder schön aus, eins ums andere. Wir hatten Besuch und Gloria das Pflegekind war auch da, na bei sovielen Leuten musste ich doch profitieren und wir überlegten wenn wir alles mit auf den Spaziergang nehmen wollten. Es war ein rechtes hin und her doch endlich konnten wir uns entscheiden, bei mir gehts eigendlich immer gleich ab dass jeder seinen Esel selber zurecht macht und beim putzen Kontakt aufnimmt mit "seinem Esel". Edith bekam Soraya und ihre Tochter Sophia zugeteilt, ich hatte mich für Cindy und Salome entschieden, nun blieb noch je ein Esel für Emil und Gloria, sie hatte ein bisschen mühe sich zu entscheiden und so hiess es plötzlich "Emil du gehst mit Babette". Wie immer lief ich zu hinterst um gleich einzu greifen wenn es Probleme gäbe, da sah ich Babette wie sie ganz zaghaft mit Emil los zog, es stimmte überhaupt nicht für sie. Sie schaute ganz verdattert auf den Rücken von Emil und dachte sich wohl "was ist das für ein Tipp? der hat mich noch nicht mal angeschaut oder gebürstet, was denkt der sich? ich bin doch auch jemand so lass ich mich doch nicht behandeln" also wenn sie mit ihren Blicken hätte Löcher bohren können währe sein Rücken gelöchert geworden. Normalerweise lese ich den Eseln auf ihrer Stirne was sie denken aber diesesmal konnte man es auf ihrem Hinterteil lesen.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt het dr Nachbar wieder einisch siner Guschti i Schnee usegloh, dass isch öpis gsi für üser Esle, in Reih u Glied si si am Zuun gschtande u hei uf d Gmeinsweid über gluegt, di ganze Körper si i Alarmbereitschaft gsi, ei falsche Ton u di ganzi Gseuschaft wär i d Luft. Am Mittag hase wieder im Schtau gfuetteret u wose du am Nomittag usegloh ha do isch Poscht aber ab, d Salome het agfange u d Sophia het sofort mit gmacht, dr Wäg uf dr Wäg ab, über d Hinderniss um di angere Esle im Slalom, eine ume andere het sich lo aschtecke bis di ganzi Herde gschpune het. Das isch es luege gsi, i hät grad chönne idtritt höische für das Schpektaku, do bliebt eim nume no z luege u z schtuhne, di hei sich sicher dänkt "was di Guschti chöi, das chöi mir scho lang u erscht no viu viu lenger u lüter" u do heisi rächt gha.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Chöit dir öich ou a so chline Sache erfreue? hüt bi ni wieder mit dr Cindy dr Salome u dr Sina ungerwägs gsi, d Salome isch wahnsinnig uf üsi Hündin fixiert, jedesmou we dr Hund näbe verbi  schpringt de wott d Salome grad hinger noche aber das lo ni nid zue. Do isch e Maa  mit sim Hund entgäge cho, das isch öpis gsi für d Salome ei Hung vo hinge u eine vo vorne, hei het die müesse luege. Dä Maa isch witer u mir ou, u do isch doch tatsächlig e Täutasäggler über üs gfloge," nei was isch de das für ne Vogu? ke Millimeter me het sich d Salome bewegt, ganz fasziniert het si däm zuegluegt u do isch doch vo hinge wieder dä Maa mit sim Hung cho, di Ohre vore si fürezi u hingerzi grichtet worde u di gueti Seu isch schierr überforderet gsi mit dere ganze Situation u i ha natürli härzhaft chönne lache u d Cindy het sich sicher gfrogt wenn mir äntli witer gönge.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Chöit dir öich ou a so chline Sache erfreue? hüt bi ni wieder mit dr Cindy dr Salome u dr Sina ungerwägs gsi, d Salome isch wahnsinnig uf üsi Hündin fixiert, jedesmou we dr Hund näbe verbi  schpringt de wott d Salome grad hinger noche aber das lo ni nid zue. Do isch e Maa  mit sim Hund entgäge cho, das isch öpis gsi für d Salome ei Hung vo hinge u eine vo vorne, hei het die müesse luege. Dä Maa isch witer u mir ou, u do isch doch tatsächlig e Täutasäggler über üs gfloge," nei was isch de das für ne Vogu? ke Millimeter me het sich d Salome bewegt, ganz fasziniert het si däm zuegluegt u do isch doch vo hinge wieder dä Maa mit sim Hung cho, di Ohre vore si fürezi u hingerzi grichtet worde u di gueti Seu isch schierr überforderet gsi mit dere ganze Situation u i ha natürli härzhaft chönne lache u d Cindy het sich sicher gfrogt wenn mir äntli witer gönge.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt heimer wieder liebe Bsuech gha nämli  das Ehepaar wo dr Dabasco kouft het, si chömme sicher jede Monet einisch verbi u so lehre si ihre schpötere Schtaugnoss scho guet kene u wener de im Mai züglet isches für aui eifacher. D Gloria isch ou do gsi u so hei mir üs mit dr Darinka, Dabasco, Babette u em Hung uf d Socke gmacht, hei isch das öpis gsi füre Dabasco aui di nöiie Idrück, überau si so chlini Mönschli am schpaziere gsi u de het er wieder wyt wäg es Outo gseh wo ufem Parkplatz ume gfahre isch. Ganz gfährlechi grossi wiissi rundi Bauene wone hei wöue agumpe, u de wieder öpis links vom Wäg u de wieder rächts, i dänke hüt z Nacht het er veiechli viu z verarbeite. Es isch immer wieder schön weni früeh gnue nöii Bsitzer finde u si es paar mou verbi chömme so wie jetzt das Ehepaar u di Füli mit ganz vertroute Lüt i d Zuekunft cha go, es grosses dankeschön a di beide. Heiter eigentlich gwüsst das dr Hund u d Esle es gheims abkomme hei? nei wüsst dir nid? es isch nämli folgendermasse, ungerwägs wird doch nid gfrässe u was macht mi Hung? mindeschtens zwöi mou ungerwägs macht si ihre Huufe wit is Grasland ine u weni de wott putze de hei di chogge Esle scho dr Gring z bode u näme es paar Muu vou u i ha müeh se wieder usem Gras z füehre, auso vo mir us isch das vorsätzlich igfädlet vo dene Viecher.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Möge dir öich no erinnere? i ha öich doch verzeut dass mir im Herbscht d Oupfu für d Esle ine Palloxrahm lege, immer e Legi Schtroh u de wieder e Legi Oupfu, bis dr Rahme vou isch. Hüt het mi Maa dr letschte Chorb Oupfu usem Rahmen gno, sit letschtem Herbscht bis hüt het jede Esu jede Tag eine übercho, probierets doch ou einisch, dä Rahme schteit ihr Schüür obe bim Höi u Schtrou. No öpis vo mim Hung, jede morge wemer us dr Tür chöme geit mi Maa u lot se usem Gartehüsli wosi z Nacht unter brocht isch u git ihre es Söiöhrli u mit däm geit si gäge ober Schtau, i go ir zwüsche Zyt im ungere Schtau go fuettere. Weni mi de ufe Wäg mache zum obere Schtau de chunnt d Hündin scho wieder obe abe "hei Sina chumm mit ufe cho zeige wo dis Pfung gmacht hesch" sägi zuere u was antwortet sie? " nei jetzt chumi nid no einisch ufe chaisch säuber go luege wo mi Hufe liegt". Nei aber ou e sone frächi Täsche dänk i mir u go haut go sueche, hüt morge isches angers glüfe, woni gäge ufe loufe gsehni wie sie hingerem Pferdetransporter führe glühset. Hmm was het si ächt hani schtudiert u do woni nöcher chume geit si is Gras u macht ihre Hufe, di het äntli begriffe wienis gärn hätti, i muess immer wieder schtuhne ab dene verschieden Tier, aber äbe mi muess offe si u di Sache gseh u verschtoh.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ei Tag bini ungerwägs gsi mit dr Soraya und ihrer Tochter Sophia churz Söffeli gnannt, jedesmou wemer näbe dr Hündin wo grad hingäbigsvou a Grasbüscheli gschnüfflet het düre si het d Söffeli afo am Seili schriesse u isch sitwärts u hingerzi gäge Hund zue." Hei Söffeli hörsch uf das macht me nid d Sina wohnt ou uf dr Esufarm", d Hündin isch so vertieft gsi mit Zitigläse dass si d Gfahr gar nid bemerkt het, di junge frächi Täsche hani für mi dänkt u se ganz fescht gha.  Woni geschter wieder mit dene zwöine ungerwägs bi gsi u nise uf dr haube Wägschtrecki chli ha lo Gras frässe het z agfange mit üsne Diskusione. Nach es paar Minute hani witer wöue, i scho aber ds Söffeli isch ganz angerer Meinig gsi, d Soraya isch sofort cho aber das Fröilein het u het nid usem Gras wöue, do het haut z Seilizieh agfange. Di cheibe Luusmeite het veiechli Chraft gha, sobaud se äntli wieder uf dr Schtross ha gha het si sofort dr sitwärts hingertsi Gang igleit u dr Hung isch öpe 20 Meter witer vorne gsi, auso isches nid wägem Hung gsi sondern ganz eidütig z Gras, jo so chame sich düsche.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Für d Salome u d Sofia vot dr ärnscht vom Läbe a, si müesse langsam ohni ihres Mami lerne schlofe, geschter hani agfange di zwöi ines lährs Böxli z schberre zum Nachtässe, zerscht hei si mi mit grosse Ouge agluet, i hane erklährt dass si jetzt do söue frässe u ig de ihre Schtung chömi u si de wieder zum Mami dörfe go schlofe. Woni nachere Schtund zum Schtau gschliche bi, si si ganz ruehig gsi, i hase globet wie si doch scho zwöi grossi Eseli sige u de hase ganz ruehig zu ihrne Mamis glo, die si nämli fasch e chli närvöser gsi aus d Füli. Am Mittag si si scho ganz ruehig zäme i ihr Böxli, u hüt obe bini erscht nach zwe e haub Schtund gange, ds Söffeli isch sofort zum Mami go drinke u d Salome het ou hinger zum Mami wöue het aber im letschte momänt im Schtaugang es schübeli Höi gfunde u het das zerscht müesse frässe, si isch gar nid pressiert gsi. Weni Platz ha machi das mit aune Füli, erschtens lerne si ohni z Mami z schlofe u wesi de verchouft wärde u a nöi Platz gö isches für aui eifacher, e guete näbeeffekt het nämli ou. We d Füli di ganzi Nacht de wäg si het d Schtuete am morge sones grosses Uter dass es ihre weh tuet, u de schteut si das Söige gli einisch ab, d Füli si jo scho 10 u 11 Monet aut u hei Migottsdüri gnue drunke.  I möcht no säge dass mir am 29 Mai üsi aujährlechi Esuwanderig düre füehre, chömet doch ou, aber bitte amäude, danke.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Di zwöi Füli mache das würkli super guet, hüt obe bini erscht am haubi zähni gange um se wieder zu ihrne Müettere z loh, woni zum Schtau cho bi het me gar niemer ghört jammere, i dänke morn no einisch öpe am 11 z Nacht u den lose bis am morge. D Salome isch nämli äs rächts Mütschli worde, so öpis hani no nie gha äs Füli mit übergwicht, dr Cindy muess i gnue gäh u de frisst haut d Salome meh aus ihre guet tuet u de no d Miuch vom Mami, dass isch eifach z viu.  D Inca u d Dunja heis nid pressant mit sich parat mache zum Füle, beide hei no fasch ke Uter gmacht u schliesslich wäre si für ändi April noche, aber so chani ömu no i Rueh schlofe.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Uii mir isch eine passiert, i hät doch no einisch am eufi söue go d Füli zu ihrne Müettere lo u i bi eifach is Bett u hase vergässe, am morge woni mi agleit ha isches mir plötzli z Sinn cho. So schnäu mi miner Scheiche dreit hei bini i ober Schtau u hase erlöst, jetzt hei de zwöi das i drei Tag kapiert, dass isch dr absolut Rekord. Viellicht isches ou so schnäu u problemlos gange wüu si säb d zwöit si, oder eifach wüus Schtuetli si, i bi froh hei mir das ou gschafft. Am 6.5 heissts de füre Dabasco zügle, mir hei dr Pferdetransporter wieder zum Uslouf gschteut u si si fliessig am üebe füre ärnschtfau hihi hi. Miner Schwaubeli si no nüt uftoucht, es isch ne sicher no viu z chaut, so wie mir. I bi bimene angere Ouge Arzt gsi, är het öpis feschtgschteut was mit mim Oug nid iderornig isch, am 4.5. wird no einisch mitem Laser öpis wäg gschnite wo schtöhrt, aber dass i eifach immer wie düre Näbu gseh mit däm Oug isch immer no unklar. D Operation sig guet gmacht het er gmeint, är wöui de no d Makula untersueche ob si eventuell no endzündet sig, e längi Gschicht wo no kes Happy änd gfunde het.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jo di zwöi Schtüetli si scho guet igschpiut nume das mitem mischte isch äuä es Problem gsi, i ghöre se grad wies si zäme Diskutiert hei "Sophia seit - i muess mischte aber ig weiss nid wo? schliesslich hets ke früsche Mischt vom Mami, wo söui jetzt mache? u d Salome git zur antwort "he dänk am Rand oder meinsch öpe i wöu im Mischt schlofe? Es isch nämli so d Cindy d Mueter vor Salome isch suber u macht aues am Rand endlang u d Soraya macht grad vo si schteit u drum het ds Söffeli nid gwüsst wo mache. Am morge lose jo sofort zu ihrne Müettere u do isches ou sehr verschiede wie di beide reagiere, d Soraya isch froh dass z Uter glährt wird u dr Cindy duets weh wüus so prall isch u de chlemmt si d Salome am afang geng is Bei u erscht nach zwe Minute wird si ruig. Geschter hani zerscht mou Schwaubeli gse übers Huus flüge aber es isch no kes i Schtau cho grüezi säge, viellicht isch das Päärli wo letscht Johr ihri Junge ufzoge hei u so Zuetroulich si gsi no nid cho. Hei ächt die Schwaubeli schpührt dass es bi üs no so chaud isch dass si 14 Tag schpöter aus letsch Johr ufdoucht?

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Eine vo mine Pflegesle heisst jo Figaro u das isch so ne richtige Macho, är het immer z gfüu är sig dr Schef. Wies jo so  im Fäuwächsu isch gseh si mängisch rächt verhudlet us, genauso isches mit ihm gange, langsam het er wieder Manierlich usgseh. Sini Bsitzere het drei Wuche nid chönne cho u jetzt hei mir se erwartet, i ha zu ihrne Esle gsei "morn chunnt öii Schefi u de wärdeter de wieder u wäuts guet putzt u verwöhnt. Auem anschin a isch das füre Figaro no nid gnue gsi u är het sich dr haub Gring über d Nacht bis uf d Huut abgwetzt. Woni das am morge gseh ha hets mir fasch eine gä" super Sürmu het das müesse si? jetzt meint dini Bsitzere emänd no i heig nid guet zue dir gluegt, hesch es äxtra gmacht gäu damit si beduure het mit dir? Chumm isch si ume Egge cho het si das Malheur scho vo wytem gseh "o mi lieb Figaro was hesch de du wieder gmacht? chumm mir düe chli wäsche u säubele u de gits no es Gudeli wüu doch sone arme bisch" i wett säge am Figaro sini Lischt isch vou glunge, äbe grad eso si si di gliebte Längohre-Schlitzohre.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So geschter isch am Dabasco si gross Tag gsi, i ha ihn u Darinka guet vorbereitet u es isch Bilderbuech mässig abglüfe, zerscht hei mir dr ganz Papierkram erledigt u de isch sini nöii Bsitzere mit ihm gäge Transporter, langsam het si ihn aues lo abschnüfle. I ha wöue häufe ilade aber si hets  uf ihri art gmacht u do bini haut go mischte, Darinka isch am Zuun gschtande u het zuegluegt was do mit ihrem Büubu passieri, zwüschedüre bini näbe si gschtande, beidi hei mir Träne i de Ouge gha, "lueg Darinka mir müesse ihn lo go, är isch jetzt e grosse u cha nid immer bim Mami bliebe. Wo dr Dabasco immer wieder vom Ahänger zrügg cho isch het si nim vorgmacht wieners söu mache u isch i üse Transporter gschtiege u het ume Egge glüset ob ärs ächt gseh heig. Am afang ischer scho einisch dine gsi aber niemer vo üs isch do gsi um hinger zue z mache u so ischer haut wieder usecho, Darinka het bis do no nie gröchelet, si isch u brav gsi aber do het Bsitzere e Fähler gmacht. Si isch im Outo go e Sack Höi hole um ihn wieder zum Transporter z lööcke, aber für di ganzi Herde isch das zviu gsi u si hei aui afo gränne si wöui ou Höi. Dr Dabasco het natürli gmeint si rüefe aui ihm är söu wieder zu ihne cho, i ha für mi dänkt "liebi Frou langsam aber sicher geits z lang, lo dir doch lo häufe" für mi hani dänkt i gibe ihre no 10 Minute u wes bis denn nid klappet de wird ghuulfe, plötzli hets bouderet u är isch dine gsi u mir hei schäu chönne zuetue. Mir hei üse Transporter scho zwe Wuche ufem Trocheplatz gha u är isch dört ine u use grad wies in dünkt het, aber äbe vo sire gliebte bekannte Umgäbig allei i di ungwüssi Zuekunft isch scho e grosse Schritt gsi, aber är het das super guet gmacht. Am obe isch z zwöite Telefon cho u do ischer scho schier am nöiie Platz dehei gsi, überau ischer go schnöigge u schnüffle, aues isch uuu intressant gsi u di zwe Wallache heine ganz lieb begrüsst. Eso machts fröid we aues so guet klappet.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Wie chönnts angers si, mir hei am Muettertag äntli chönne Füle, d Miuch isch scho zwe Tag glüffe u i ha überleit ob ig ächt söu abmäuche u i Chülschrank due, aber de hani wieder überleit we de z Füli gli druf abe chunnt de muess igs jo Schöppele u das isch ou nid grad schlau. E ganzi Wuche simmer z Nacht aui zwe Schtund go luege was si machi, immer z gliche Biud, wesi gläge isch de hets ihre aues zäme drückt u si het gschtöhnet dass me schier dänkt het es göngi los, u wesi gschtande isch de het si gschwantzet wie verruckt u de ab u zue mitem Bei gschtampfet. He nu am Sundig wo miner Ching aui wieder hei si u ni no mi obeschpaziergang mitem Hung ha absolviert hase du grad verwütscht wie si het afo drücke am achti. I bi schnäu mim Mandli ine go säge es göngi jetzt aber sicher los do isch är mir grad entgägecho, gschlotteret vor Schüttufroscht u eme Gring das mer grad het chönne angscht übercho, "du bisch wägerli ke Hiuf gang lieber is Bett u dek di zue" hanim gseit u bi haut du wieder säuber i Schtau "selbst ist die Frau". Im Schtau isch Dunja gläge u het vo Zyt zu Zyt presst aber mi hets dünkt nume haubpatzig,"was isch los Dunja? du muesch scho me presse i cha erscht häufe zie we öpis useluegt" Zyt isch vergange, scho e haub Schtund verbi u mi het immer no nüt gseh, langsam hani mir afo Sorge mache. Si isch wieder ufgschtande u ume glüffe, i dänke z Füli het nid e gueti Schtellig gha, wieder isch si z bode u het drückt u do äntli het eis Hüfli use gluegt,"jo witer so drück drück u ou z zwöite isch witer hinger cho, i ha versuecht z chürzere chli meh z zieh damits gschtreckt wird. Langsam hani chönne häufe u z Näsli het sich zeigt, aber wo dr Chopf immer breiter isch worde isches ernöit bi de Ouge nüme witer gange, i ha zoge was i ha chönne u d Dunja het irgendwie nid rächti Presswehe gha. I muess hiuf ha aber wär froge? dr Tierarzt het 20 Minute, i bi zum Nachbar go klopfe u dr Nachbarin gseit i bruch sofort ihre Maa zum häufe Füle, o dä sig grad vouer Seife unger dr Duschi, het si gmeint. I bi scho wieder ungerwägs i Schtau gsi do isch si ufdoucht u het gfrogt ob si chönni häufe, klar geit ou , i hare zeigt wie zieh u denn jedesmou we Dunja drückt het hani gseit "Maintenant", mi muess wüsse das di Frou eigendlich angscht het vor de Esle aber es isch äbe ou e Muetter u si het aus angere vergässe. Zäme hei mirs gschafft u das Schtüetli uf d Wäut brocht,jetzt hani i zwe Tag 4 mou dr Name gänderet, zerscht hani wöue säge DATOOBA, denn Donka, mi Maa isch cho mit Dorina, weni zum Füli bi hani ghirnet wie söusch du jetz heisse? wie heisst dä Anke oder Oel?  nei nei du heisisch DANA DATOOBA, du u di Name si einmahlig.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Auso i weiss scho hüt dass d Dana Datooba e Concouresu wird, si isch nämli bschdändig im Transporter u luegt vo dört fräch i d Wäutgschicht use, ob mitem Mami oder ohni schpiut ihre ke roue, si findet eifach dä transporter mega mässig luschtig. Es  isch sowieso e chlini Wiudsou, dr ganz Tag schpringt si hin und här u di armi Dunja hinger noche, abgläge wird dr ganz Tag nie u e haub Schtund nachem z Nacht liege beidi u schlofe wie d Herrgöttli so si sie kaputt. Di erschte Tage hase nachem Weide i ne Boxe gschberrt damit di chlini chli chönni schlofe, aber dr Dunja het das gar nid gfaue u si het dr chline geng wieder e mupf gä, si söu gffäligscht bliebe schtoh, jetzt wärdi sicher nid gschlofe u das arme Chindli het müesse fouge. Si isch mega mässig verschmust, di erschte Tage hase immer wieder müesse ifo, si het eifach ke Zyt gha zum schmuse, aber hüt ischs ihre äuä längwilig gsi, si isch mir di ganz Zyt hinger noche cho u het mi am Rockzipfu zupft. Chumm lose am morge us dr Boxe galoppiert si grad zum ober Schtau u d Mueter hinger dri, di angere chömme aube gar nid drus wo di zwöi jetzt sige. Vom Dabasco ghört me nume z bescht, aui hei sich guet anang gwöhnt, jo bi mir isch das so, ou wesi verchouft si wott i sicher si dass aues klappt, schliesslich hani es heiss gliebts Füli vo mir verchouft.  D Sina üsi Hündin wird langsam aut, si wott nüme wyt go loufe, womer geschter bim Bovischtopp niemer atroffe hei hase  gfrogt, "was meinsch Sina mache mir no di grossi Tuur? si het mi agluegt u de bäuet wie zum säge klar, auso simmer dä gäi Schtutz uf u de wyter gäge di aute Böim zue, woni umeluege gsehni mini Hündin wyt hinge sitze. "Sina chumm " hani gfrüeft aber ke Reaktion oder besser gseit, si isch dört ghocket  zum säge "bis hierher und kein Schritt weiter" mir isch nüt angers übrig bliebe aus wieder um z chehre, super für was heimer ächt dä blöd schteil Schtutz uf müesse numme für wieder abe z go. Z nöchschte mou wese froge söu si de chli düttlicher rede ob jo oder nei wese froge ob si no wyter mögi.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hurra i has gschafft, nach 25 Johr Esel züchte isches mir glunge aus Krönig e Schäggesu z Kreiire. Lang lang hanis probiert, eigentlich sit d Inca vor 12 Johr zu mir cho isch, i ha verschiedeni Hängschte usprobiert, jedesmou mit grosser Spannig z Füli erwartet u das mitem male het eifach nie wöue klappe. Geschter z Nacht hani no einisch vorem z Bett go bir Inca inegluegt u es het mi dünkt si sig rächt närvös, totmüed bini no chli go Huushaute u hare no 15 Minute Zyt gä, woni wieder bi go luege hei d Scheichli scho use gluegt u mi gloubts fasch nid aber es isch e wiise Chopf noche cho. Jetzt woni eigendlich nüme dra gloubt ha isch es Schäggeseli zum vorschin cho, mir hei üs jo vorgnoh mit dr Zucht uf z höre, es wird jedesmou schwieriger gueti Esulüt u Plätz z finde u de isch doch das d Krönig vo mire Jahrelange arbeit, ds Schtüetli hei mir ufe Name Yakari touft. D Muetter us Chindli si beidi wohluf, hüt bi däm Rägewätter heis haut müesse drine bliebe, i ha z Fäischter e Schpaut offe glo, es het e Esuuflouf gäh, jede het wöue das Füli go beschtuhne u dr nöchscht het afo dränge "heb de öpe di Gring wieder einisch use i wott ou ine luege". Mi hets dünkt d Dunja heigi sehr kritisch gluegt u äuä überleit wär ächt das Füli so farbig a-gmahlet heig, ihres brune Füli sig ömu grad so schön u do het si rächt. D Lehrerin vo üser Pflegtochter het agfrogt ob i ächt nid e chli Esumiuch hät si näme ihr Schuul grad z Thema Miuch düre, o je mine wie söi i ächt das wieder aschteue?, d Füli gö jo aubot go drinke do bliebt wäggerli ke Tropf übrig. I ha scho wöue säge es göng nid aber haut es geit doch, di zwöi letschjährige schlofe jo ohni z Mami u de si di Uter am morge vou Miuch, auso hani es Tassli mit gno, di zwöi Füli zue de Müettere glo u säuber sofort näbe dr Soraya abknöilet u afo mäuche. Ds Söfeli het a eire Zitze drunke u ihr ar angere gmulche, e ganz e luschtigi innigi Situation u d Soraya isch mir cho ihre warm Atem i Nacke,  blose äuä zum säge "gäu losch mim Chindli ou no chli Miuch?"

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es passiert soviel dr ganz Tag dass ig gar nüme derzue chumme hie öpis z verzeue, aber jetzt bini do. I ha mi vor dr Esuwanderig uf di nöiie müglichkeiten vo dr Wättervorhärsag verloh, am Samschtig obe hei si gmäude bis am 5fi ke Räge. Isch doch super de chöimers doch düre füehre, sofort hani aune bscheid gä u de heimer afo Salat mache, wo aues parat isch gsi simer müed is Bett. Am andere Tag hets gheisse pressiere mit mischte bevor d Gescht chömmi, nah dis nah si si idrudlet u natürlich sofort zu de Esle uf d Weid anschtatt zerscht mim Mandli go grüezi säge, jo jo das passiert dene Esu verückte Lüt immer wieder. Uf z Apero heimer bewusst verzichtet, het jo sowiso niemer inträsse gha, überau het me Lüt mit Esle gseh schmuse. Jedes Johr het mis Mandli z Fleisch VIU VIU z früeh ufe Grill gleit u üs dermit gschtresset dass es de öpe schwarz wärdi wemer nid SOFORT chömi, dass Johr nid, hani dänkt u mit dr Hiuf vo de Froue aues schön ufs Büffet gschteut. Hmmm nüt isch passiert, mis Mandli het nid reagiert u witer gschwätzt, nach 5 Minute hani mou grüeft "Fleisch!!!!! ke Reaktion, aui hei afo merke um was es gange isch u z glächter isch los gange, u mis Mandli? dä het witer gschwätzt u nüt gmerkt. HALLOOOOOOOOOOOO   HERR TELLEY MIR HEI HUNGER hei mir afo rüefe u do äntli het er reagiert. Mir si no am ässe gsi wos het afo rägne, nei nei mir hei nid bis am 5fi gässe, di Wättervorhärsag isch vou i d Hose, z nöchschte mou verlohni mi wieder uf mini eigeni Vorhärsag u di geit nämli so, i schtrecke d Nase use u wesi nass wird de rägnets ganz eifach u schtimmt immer 100 %. Nachem ässe hei mir d Esle zwäg gmacht u de si mir natürli go loufe, es bizzeli räge het üs sicher nid dervo chönne abhaute. Nach dr Wanderig simmer füre Kaffe u Chueche natürli du id Schtube ghöcklet, es isch zwar rächt äng worde aber umso luschtiger isches gsi, no einisch aune e härzleche dank wo trotz em schlächte Wätter doch cho si. Mir si 15 Erwachseni u eis Chind u vo de Esle si 13 mitcho, nume di zwe Müettere si dehei bliebe.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

D Cindy het wieder eine bote, wini scho es paarmou gschriebe ha het si e Sonderschtatus wüi si sone luschtegi Nudle isch darf si sich eifach chli meh erloube aus di angere, da si Gwichts problem het heissts haut ou für das verwöhnte Froueli e Weidechrate azlege. Aber o ha lätz, dass geit jetzt gar nid i ihre Chopf dass si das muess ertrage u si lot es henne Theater ab, es isch eidütig unter ihren Niveau sones verhassts Ding müesse alege, he jo de isch si jo wie di angere 4 Esle wo ou mitem Chrate is Gras gö. Die angere heis sofort akzeptiert nume d Cindy het müeh dermit aber es muess jetzt eifach si, woni schpöter zum Fäischter useluege gsehni d Cindy im Gras liege. I giebi ihre no zwe drei Minute Zyt viellicht wott si mir nume es schlächts Gwüsse irede aber si schteit nid uf auso Alarmschtufe rot, we sone verfrässni Cindy schtatt frässe im Gras liegt de schtimmt öpis gar nid. I bi zuere use u ha gfrogt was de los sig mit ihre, si isch langsam ufgschtande u i hare dr Chrate abzoge, l a n g s a m het si zwöi drü Häumli abgrisse. Hmmm das isch nid mini Cindy, während desse i bi go dr Fiebermässer hole hani überleit was ächt los sig, i ha grad uf dr Weid Fieber gmässe für so öpis eifachs muess i ömu miner Esle nid äxtra abinde. Es het nüt azeigt, woni so näbe ihre gschtande bi het si plötzli grad aschtaute gmacht wiesi wett Brünzle oder äbe bim Gebähre die erschti richtigi Pressweh. Es isch öpis sehr zäiflüssigs use cho u do isch dr Fau für mi klar gsi, es isch nämli grad drei Wuche här gsi dass mir im Tierschpitau si gsi um z probiere di Chugle id Gebährmuetter z tue u obwou doch dört suber isch garbeitet worde het d Cindy e Gebährmuetter endzündig übercho. Wosi im Gras gläge isch het si ihre warm Buch küehlet, i bi zum Telefon ine u ha em Tierarzt mini beobachtige gmäude u är het mir es Homeopatisch Mitteli zwäg gmacht, hüt geits ihre wieder guet. E viertuschtund bevor d Esle wieder us dr Weid müesse ziehni dr Chrate ab u si chöi no e viertu Schtund normau frässe, i go id Weid u rüefe si söue cho d Chörb abzieh. 4 Esle chöme sofort nume d Cindy macht wieder e äxtra tur, 3m vor mir bliebt si schtoh u luegt mi a "chumm Cindy abzieh" locki si u si antwortet "chaisch zu mir cho schliesslich hesch du mir das blöde Ding agleit"  Cindy sägi wieder dasmou scho chli gnärvter "chumm äntli süsch goni wieder u du bhautisch ne a" es richtigs kräftemässe zwüsche üs zwone, weli het dr herter Gring. Innerlich muesse i natürli lache aber ig zeiges nid, genau so isch äbe d Cindy si liebt wieni die Diskusione. "auso de bhautisch ne haut a " sägi u chere mi um u due der gliche i göng uu do chasi de plötzli ganz ganz schnäu cho, jupii i ha gwunne, viellicht lose de morn gwinne es macht doch so fröid di schpieli.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I ha richtig vermuetet mit de Schwaubeli, letscht Johr si si z letschtemou im Schtau gsi u hei zwe Bruete ufzoge u si so zuetroulich gsi dass me bis uf 30cm a se ane het chönne, das Johr si früschi cho luege wo si ächt ihri Eier wöue lege. Woni i Schtau bi heiss si uwäuts angscht übercho u si sofort wieder use, jetzt hei si im Ufenthautsruum e Bruet ufzoge u wehe i go dört ine go putze de geits Gschrei scho los. Bi dene heisse Thämparature hei di arme Vögeli natürli wieder viu z heiss gha grad ungerem  Eternitdach u so si si ufe Rand vom Näschtli ghocket, woni ine bi go putze hani eis am Bode gseh höckle "hei du chaisch nid hie bliebe gli chömme de d Eseli do ine u vertschaupe di". I bi mitem Rächeli langsam gäge ins do isches use gfloge aber nume öpe 20cm überem Bode, ojemine we jetzt e Chatz chunnt de isch das arme Vögeli gfrässe. D Muetter vonim isch cho u het Zeter Mordio kifflet derbi hani doch wöue häufe, wieder bini mitem Rächeli gägins u do isches mit dr Muetter dervo gfloge, je witer je höher isches gfloge, guet so. I has dr ganz Tag niene meh gseh u jetzt hei mir doch letsch Nacht sones riese Gwitter gha, i froge mi scho wos ächt gschlofe het u obs überhoupt no läbt.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

U wieder einisch öpis vom Figaro dä het nämli immer wieder so luschtigi Ifäu. Momentan gösi wieder e Weid nach de Chüeh go nocheputze u do müesse si näbe dr Schtande vo dene verbi, dört hets no chli auts Höi drin, di zwöi Schottische Hochlandrinder si grad am frässe gsi. Dr Figaro het si Chopf ganz noch a d Schtande gha u intressiert zuegluegt, dr Schtier het e Schpannwiti vo 1m20cm vo eim Hornschpitz zum andere, aues andere aus e schmusi Schtier, wo das Monschtrum dr Chopf dräit het mitem Muu vou Höi het dr Figaro si Chopf  dräit u isch zwüsche de  Pänels düre em Schtier go z Höi zur Schnörre us frässe, es isch würkli schad chani so Aktione vo de Esle nid Fiume, jetzt müesst dir öich das haut Biudlich vorschteue.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Woni ei Tag hingerem Söffeli gloffe bi hani öpis gse bi de Zitze unger, hmm was isch ächt das? hani mi gfrogt, im Schtau obe hani unger dä Buuch gluegt u ne Gschwulscht gse sitwärts näbe de Zitze. Si isch hert gsi u öpe so läng wiene Dumme u drei Zentimeter dick, es het sich grad wiene Hode agfüehlt, mi het mit de Finger di Gschwulscht guet chönne umfasse si isch auso nid mit dem Buuch verwachse gsi. Am andere Tag hani em Tierarzt bscheid ghä obs ächt mügli wär soöpis dehei z Operiere de chöms viu biuiger aus im Tierschpitau, är het jo gsei u we Tag schpöter si si sogar z dritt cho, zwe Tierärzt u e Schnupperschtifti. Si hei das Ding untersuecht u si när genau glich schlau gsi wieni, ke ahnig was das sig uf au fäu müessis use u so hei mir aues vorbereitet, d Soraya hani id Quarantänebox gschberrt so hei di zwöi enang gseh. D Sofia isch Narkotisiert u di Schteu guet gwäsche worde, i ha wieder dörfe z Bei ufehebe damit dr Arzt freis Arbeitsfäud het gha. Langsam het er di Huut ufgschnitte u es het grad wie imene Grusufium usgseh, plötzli hei schwarzi schpitzi Sache usegluegt, woner dra zoge het isches grunnigs Bluet gsi grad so chrumm wie chlini Babane. Uf einisch isch öpis angers zum Vorschin cho so wie frömts Gwäb so gross wienes Fingerbeeri, intressiert hets eis ums angere agluegt u niemmer het usegfunde was es ächt gsi isch, dr Tierarzt hets de ihr Praxis wöue untersueche. Das Loch ihr Buchwand isch no guet gschbüehlet  u de wieder zuegnäit worde u de het das Fröilein wieder dörfe erwache, si het auerdings gmeint "dir heit mi igschlöfft ause de schlofi jetzt no grad e rundi". I ha d Soraya wieder useglo u di isch nid öpe ihres Töchterli go wecke, chaisch dänke, go Bluet schläcke isch si u het schier nümme wöue ufhöre, d Wunde het no rächt blüetet schliesslich isches jo viu z warm gsi, do heimir haut mitemene Ischbüttu küehlet u do hets äntli ufghört. Vom angere Tag a hani sofort drü bis viermou dick Eutergel drufgschmieret damit kener Viecher a d Wunde gö u es verheilet wunderbar.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Am Sunndig si zwe Esle für drei Tag i d Ferie cho, si wei nämli mit uf Trekking u so hei si sich chönne anang gwöhne. Am Mändi si Begleitpersone itrudlet u hei afo Gepäck büschele u Wääge, wele Esu wieviu dreit, was aues mitmues, isch gar nid so eifach dass me nüt vergisst. Am Zischtig morge si d Chinder mitem Zug in Moutier acho u si scho fröidig vo de Esle erwartet worde, es isch e schöni überaschig gsi für d Chinder, si hei grad am Bahnhof ihre Esu fürs Trekking usegläse u si mitim uf d Esufarm glüffe. Mini ufgab isch gsi ihri schwähre Rucksäck mitem Outo ufe Hof z Kutschiere, he jo einisch darf me se scho verwöhne, ufem Trekking müessi si de säuber trage. Es isch veiechli e Rummu gsi um di Esle, am Nomitag hei jewills zwöi Chinder glehrt ihre Esu z packe, dass jo jedes Riemli richtig azoge wird, dr Sattu am richtige Platz ufgsetzt u di wo Schueh trage ou di richtig alege. Am obe si si i Wald füre go schlofe so gseht d Leitere grad wär das nid cha verchrafte u suber het ei Bueb Problem übercho u het wieder hei wöue u vo hie us geit das natürli viu besser aus wesi de irgendwo wit absits vomene Bahnhof si. Hüt morge auso Mittwuch heisi am nüni afo d Esle zwäg mache u mi gloubts fasch nid aber am haubi eufi isch di ganzi Gruppe dervo tschöttelet, wott heisse 11 Chinder, 5 Erwachsni, 6 Esle u e Hung. Ihre Wäg füehrt si wia Berscherie de Eschert - übere Wisseschtei -  Gränchebärg - Büren, dört sötte si am Sunndig acho, hoffe mirs bescht, ömu am Wätter chas nid liege, di andere Esle wo si dehei bliebe si irgendwie ganz verlohre gsi, kene het grüeft, si hei äuä überleit ob si wieder hei chömi.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ok do bini wieder einisch, ha wieder e Ougeoperation müsse ertrage u zwe Wuche nüt dörfe mache, chaisch dänke dass ig mi do dra ha chönne haute? i ha eifach probiert nid zviu i Schtoub z cho, ha mis Mandli lo z Schtrou i d Boxe z Gable. Klar hei miner Esle fasch d Ohre a dr Dieli agschlage do mis Mandli haut ganz es angers Gfüu het wieviu es würkli brucht, wenis gseh sägim "gäu es isch grad e chli viu, morn gisch de VIU weniger" jo jo meint er droche u hets scho 10 Sekunde schpöter wieder vergässe, nume weni säge überchunsch me Sackgäud de vergisst ers nid. Ou mitem Höi gä isches so ne Sach, är meints immer viu z guet, auso hani mis Oug zue kläbt u bi säuber go fuettere. Letschte Sunndig si d Salome u d Sofia a ihre nöi Platz züglet, i ha scho di ganzi Wuche mitne gred u erklährt dass we me scho so gross wie z Mami oder sogar grösser isch, es langsam Zyt wird um amene angere Ort z läbe. Mir heine mit schwärem Härze di nöie Haufter agleit, si schön bürschtet u de hani de Müettere gseit " lueget öii Füli gö jetzt furt", d Cindy hets verschtande u üs noche gluegt. "Hei Soraya lueg d Sofia geit jetzt nid dass se när suechsch", aber si het nid gluegt u do simmer haut go ilade, z ganze Outo isch vou Sache gsi womer vorsorglich mit gno hei. Mir hei soviu Sache dass ig guet ihri Chrüpfli ha chönne mitgäh u ou dr Wasserchessu mit Hauterig, so gsehts am nöie Ort fasch e chli us wie dehei. Ufe Mittag simmer acho u hei di zwöi usglade, nöigierig heissi aues agluegt u de hei si afo ihri Müettere sueche, "nei nei do si kener angere Eseli, dir sit jo säbszwöit". Langsam simmer düre Schtau bis zu ihrem Böxli, si hei sofort agfange Schtrou u Höi z frässe, mir si dür z Tenn wo es Wägli abtrennt isch worde hinger use u es isch nid lang gange wo di zwöi scho dr Wäg use gfunde hei. Ruihig heisi afo Gras frässe, mir si wieder zum Böxli u d Eseli si nachemene churze Ougeblick ou cho, das het jo sofort klappet, guet so, mir si go z Mittag ässe. Am Nommitag simmer go e Schpaziergang mache, klar heisi aues müesse intressiert aluege aber im grosse u ganze hei si sich super verhaute, chumm simmer wieder bim Schtau gsi hets Bsucher gschneit, aui Töchtere mit ihrne Familie hei nümme chönne warte u si cho luege, di zwöi Eseli hei gschtuhnet dass si ufeinisch so im Mittupunkt gschtande si u mir hei üs am vieri wieder ufe heiwäg gmacht. Dehei si di zwe Schtuetene uf dr Suechi nach ihrne Füli gsi, i hane erklährt dass es dene zwöine guet geit, beide hei z Uter vou Miuch gha u do hase mit Gamfer dick igschmieret, ines paar Tag wird di Miuch wäg si. Für aui wosich froge ob i di Füli z früech verchouft heig? nei nei d Salome isch im Mai u d Sofia im Juli Jährig gsi, aber miner Schtuetene hei immer sehr lang Miuch da si guet gfüetteret wärde.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I ha sider scho drümou nochegfrogt wies mit dr Salome u em Söffeli göngi, i ghöre nume guets. Zerscht hei di Lüt gmeint di zwöi choschti de ömu ou no gnue u do hane aues vorgrächnet was si im däm Johr koschtet hei u was i dra "verdiene"u schliesslich isch doch mini arbeit ou öpis wärt oder? Jetzt nachem dritte Telefon hase gfrogt "weisch jetzt werum si söfu choschte? wüu si ganz pflegelicht si u z Esu ABC glehrt hei, do het sis igseh. Für d'Müettere isch d Situation ganz e angeri, nid nume dass si d Miuch nüme loswärde, si si sich gwöhnt gsi dass immer z Füli hingernoche dässelet isch, u jetzt loufe si dür d Wägli u wesi hingere luege isch niemer do u si schtöh ganz allei. Jetzt müesse si i dr Herde wieder nöi ihre Platz sueche, d Miuch isch baud ganz wäg. Drei Pensionsesle si 4 Wuche in Frankrich i de Ferie gsi u geschter wieder heicho, langsam isch d Herde wieder vouzählig u es chunnt wieder Rueh dri.
. He jo zerscht si di drei i d Ferie abgreist u do heiss sich di angere scho gfrogt "was söu das? chömme si wieder ume? wen jo, wie lang si si wäg?. Klar hani versuecht dr Herde z erklähre dass si nume i d Ferie sige, aber si si aui ganz ruhig gsi u hei a dere Sach umegschtudiert, u denn si di zwöi Füli wäggange, ou das het wieder müesse verarbeitet wärde u jetzt si di Ferieesle zrügg cho, isch guet wes ir nöchschte Zyt ruhig bliebt.

Bearbeitet von: Dolotelley - 29-Aug-2016 11:37:21

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I findes scho no schad dass üseri schöni Site nid meh brucht wird, mängisch muess ig mir lo säge es sig längwilig nume geng miner Gschichte z läse, aber i cha jo nüt derfür we niemer angers schriebt, de bliebe haut nume ig übrig. Wieder isch bi üs e Huusrenovation agschdande, u di Esle wo mängisch ungerwägs säge si heige vor öpisem angscht hei d Nase nid noch gnue chönne ha. Do isch z aute Houz vom dritte Schtock abegheit worde, Isolation isch nidsi gsäglet, es isch Ghämmeret u gschosse worde, ke angscht natürli nid mit Munition sondern mit dr Nagupischtole. Ping u Päng dr ganzi Tag u d Längohre si i Reih u Glied gschtande u hei dere Sach intressiert zuegluegt. Mir hei bau di zwe Handwärker leid do, so  mängs Ougepaar het gluegt dass ömu ou aus rächt gmacht wärdi. Jo nähr isches drum gange d Farb use z läse um d Fassade nöi z schtriche, mi Maa isch für öpis Gremefarbigs gsi, ig aber ha chli Farb wöue bimische, mir hei di Farbpallette dürebletteret. Das isch feiechli schwierig weme nume sones chlises Papierli vo 4 mou 5 cm gseht u de nähr sich z ganze Huus sött vorschteue, mir hei üs für es FINS häugrüen entschiede, woner di Farb het wöue bschteue ischim gseit worde d Sunne bleiche de das no us u de heigemer nume no Gremfarbig. Nei nei das hani nid wöue u drum hani schnäu gseit de söu er haut di nöchschti Schterchi nä, mim Mandli hani nüt gseit, am angere Tag simmer uf üsne Beobachtigspöschte ghöcklet u dr Maler het afo schtriche -hmm- mg-mg-mg das heisst, mir hei drümou lähr gschlückt, he nu ufem Papier het das ganz angers usgseh het mi Maa gmeint, mi hets fasch küblet vor Lache. Eis isch 100% sicher jede Mönsch wo zu üs chunnt dänkt sofort "mou das isch de ömu ou no schön farbig" äs gseht us wienes nöis Huus, obe z Houz häubrun, d Fäischter u d Fäischterläde brun, d Fassade im Schatte grüenlich u ar Sunne gäub u de z ungerscht dr Socku vom Huus wieder brun, äs gfaut üs guet, mir hei üs eifach zerscht müesse dra gwöhne. Dir froget öich was de das ömu ou mit de Esle z tüe heig, es isch eifach d Esufarm wo sich nöi useputzt het, da mir jo im Winter zwe Monet ke Sunne hei gha bis jetzt -  wird das nöchschte Winter ganz angers usgseh. So miner Esle si gnue lang im Gras gsi, i muess se wieder go usehitzge u säge ne de si söue wieder e chli Seich mache damit ig öpis z verzeue heig.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jo di hei mi Wunsch grad e chli z gnau gno, d Aisha het scho es Zytli problem gha mit de Huf gä, ömu vorne, wosi vo de Ferie hei isch scho nach vier e haub Schtund Fahrt, isch si ganz süfferli glüfe u jedesmou wesi schtiu gschtande isch so het si ihres rächte Bei wyyyt füre gschteut. Hm was isch ächt das wieder?? hesch öpis am Huf oder i dr Schultere vom versteue im Ahänger? Gli drufabe isch d Hufortopädin cho u het gmeint das sig uf au fäu d Schultere, si het afo Stretsching mache, si het das Bei gno u was ganz wichtig isch immer zerscht ungere Buch schtrecke u denn gäge vorne bi de vorder Bei u nach wyt hinde bi de Hingerbei. Mou es het mi dünkt es gfauere guet u es lösi di verspanntheite, aschliessend het si d Huf gmacht u isch wieder hei. Mi hets dünkt es sig besser u doch het d Aisha immer no Problem gmacht bim Huf us chratze. Do eines Tages woni mitem scharfe Löffeli ha wöue es Schteinli usegrüble hanis wou no witer abe drückt u äbe dört het scho lang öpis gschlummeret, äs isch sehr empfindlich gsi u do im blötschte momänt het d Aisha mitem Huf zuckt u i bi grad mitem Löffeli inegheit u es het afo blüete. Mein Gott so öpis isch mir jetzt würkli no nie passiert, so töif abe hani doch gar nid grüblet? i bi sofort ine gone Schprütze mit Betadin-Wasser go hole u has i di Wunde gschbrützt u den das Huf no grad für 5 Minute is Wasser gschteut woni ou no mou e gutsch Betadin dri do ha. Hoffentlich git das ke Souerei hani dänkt oder emänt no e Abszäss, am andere morge hani ganz gschpannt gluegt wiesi loufi aber si het no nüt azeigt. Nach drei Tag het si afo schone, na bravo, es het doch wieder e Abszäss gä hani dänkt , gottlob chunnt d Hufortopätin i zwe Tag de chasi de grad luege. I ha mir di gröschte Vorwürf gmacht das mir soöpis passiert isch aber d Bsitzere het mi tröschtet u gmeint "dört isch sicher scho öpis nid guet gsi süsch hätsch du nid chönne düregheie" u genau so isches gsi. D Hufortopätin het afo uftue u do isch wyt unde dä Abszäss gsi u i bi den mitem Löffeli dört dri gheit. Es isch scho e riesige ungerschied ob me emene Ross oder Esu soöpis muess uftue, es Ross probiert eim z schlo aber dr Esu drückt eim eifach a d Wand zum säge "hör jetz uf du duesch mir weh". D Hufortopädin hets guet gha si isch nämli immer uf mir glandet, äbe schön weich, i hase scho afo froge ob si öpis vo mir wöui, hi hi hi, gmeinsam hei mirs gschafft, nume das mit de Hufverbänd muess si no chli lehre, am angere Tag si si meischtens scho abgheit. Da d Aisha jo Schueh het machi gar kener Verbänd meh, nume einisch e chli Watte is Loch den e chli Isolierband drüber u den dr Schueh u z Nacht ir Boxe ohni Schueh, so geits prima.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Wie dir sicher heit mitübercho, si Esubsitzer gsuecht worde wo in Solothurn am "Tag des Pferdes" wette mit ihrne Esle am Umzug teilnäh. Klar si mir do derbi hani mir dänkt, do isch d Gisela  mit dr frog cho "was wei mir für nes Thema?" "am liebschte chöme mir wie mir si d Esle si schön gnue u i due mi nid gärn verchleide, hani gantwortet u so heiss di angere akzeptiert. Woni so noche dänkt ha hets mi dünkt öpis chlises wär jo scho schön, hmm hmm aber was??? i bi chli i mine Schublade go nusche u do si mir Schpitzebändeli i d Finger cho woni scho Johrelang hüete. U wie söii ächt di befeschtige? am beschte machi Schtirnbänd drus, i ha fini churzi Schuebändle gno u se am Rand vo dene Schpitze düregfädlet u den am Haufter befeschtigt, d Yakari het dörfe Modäu schpiele. I ha müesse lache, si het uwäuts guet usgseh, irgend öpis fäut aber no. weme  nöii Schueh chouft do isch doch immer mitemene chline Chötteli es Schtückli Läder abunde zum säge di Schueh sige us Läder, u äbe genau die Chötteli hani chönne bruche. D Schpitze si so wie 6 Rondeli gsi u genau so mängs Chötteli hani gha, unger jedes Rondelli isch eis cho, u wieder aprob, d Yakari het scho chli komisch gluegt, genau über jedem Oug het es Chötteli baummelet, si isch eifach e Guldschatz u macht  aues mit, denn isch no es Fulaar ume Hals gschlunge worde u fertig isch mis Wärk gsi, mega Hammer mässig. Di andere hei ou aui es Schpitzschtirnband übercho eifach ohni Chetteli u es farbigs Fular, d Inca het es Sätteli dreit zum zeige si trage mängisch Chinder ume. D Babette het di Marokanische Chörb dreit womer üsi Sache hei chönne verschtoue u obe drüber isch u Jutesack mit Höi cho. Da d Cindy mit ihrem dicke Buch immer hochträchtig usgseht het si d Ehr gha u dr Rahel ihres Decheli mit dr ufschrift "Eselfarm Moutier"dörfe trage u d Soraya het e schöni Dechi dreit. Mir si 5 Persone u 5 Esle gsi, d Yakari het d Esuparade agfüehrt wie wesi jede Tag so öpis würd erläbe,  mir hei dä wunderschön Tag gnosse.

Bearbeitet von: Dolotelley - 27-Sep-2016 19:02:54

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Oje mine, es schriebt würkli niemer meh, de muess i äuä wieder emou öpis verzeue. I dänke immer wieder "so mir cha ke Esu meh öpis vormache i kenne se in und uswändig" denkste, di lusscheibli verwütsche mi doch geng wieder. Auso mir hei für 5 Esle e Hufortophädin, di macht ihri arbeit super u drum duurets haut e chli, i bi jo gwunderig u luege zue schliesslich chame immer wieder öpis lehre. Bim zueluege chräbele natürli mini Finger dr Esu, mit dr Zyt dänki "i chönnt jo go witer mischte, chumm loufi dervo wird dr Esu unruehig u wott sich umdräie zum luege woni hie göng. Hmm so öpis geit jo gar nid, wie söu ächt die Ortopädin i Rue arbeite we das verflixte Längohr sones Theater macht? Auso schtohni wieder zum Esu u chräbele witer, sie cha i Rueh arbeite u dr Esu verdräit d Ouge vor wöhli u mir wird bewusst das dr ESU WIEDER GWUNNE HET, aber i cha dermit läbe u schmunzle für mi. Ou dr Hufschmid het sich scho gwunderet wie miner Esle uf mi fixiert si, aber i finde das isch doch fasch normau weme dr ganz Tag mitne zäme isch. Vo wäge uf mi fixiert - do isch no e angeri Gschicht passiert, i ha jo scho mou verzeut vo de Hochlandrinder wo bi üs läbe aber nid üs ghöre, mis Mandli luegt füre e Buur zuene u di si jo komplett verwiuderet wüu si eifach frei uf de Weide si Tagi u Tagus. Ei Tag chunnt dr Buur u frogt "woisch d Chueh? i weiss nid i muess luege" gib i zur antwort, "do chaisch lang luege di isch nämli sit 2 Tag bi de Guschti uf dr Gmeinsweid, dir sit no Senne merket nid emou wen es Tier fäut" furzt er mi a. Schön blöd, aber immer wieder seit me ihm er söu besser cho Zuune u är verschiebts immer wieder bis äbe so öpis passiert wie jetzt, wie söu me ächt die wieder zrügghole? D Gmeindsweid chunnt genau bis zu üsere Weid u we d Guschti chömme de göi üsi zwöi bis a Zuun um mit dene z schnörrle u dasmou isch si haut grad mit. E ganzi Wuche het dr Buur schtudiert wieners söu mache u när het er di verruckti Idee gha di Chue z Narkotisiere u wesi de schloft mit dr Schufle vom Weidemann se ufzlade u di fasch 2 Kilometer zu üs z bringe. Am haubi zwöi het er se gschtoche i weiss zwar nid wie,da si sich jo nid lot lo alänge, i ha dr ganz Nomittag gwartet aber es isch niemer cho auso bini nachem Schtaune go luege. Di Chue het nid gschlofe isch aber waggelig uf de Bei gsi, irgendwie het ers gschafft ihre es Schpannset über d Hörner z lege u ume Haus, langsam ischer hingerzi gäge Hei zue gfahre u het di Chue abschleppet. Mir het si schön leid do u so bini di ganzi Zyt hinger ihre nocheschpaziert u hare Muet gmacht, "chumm Marie das schaffsch mir hei scho baud d heufti vor Schtrecki gschafft" ehrlich gseit hani nid dänkt das di Chue das überläbt. Womer äntli dehei si gsi hani für mi dänkt die hät ke Meter me gschafft, si het pumpet vor aschträngig u het ke Schritt me gmacht, i bi mit dem Hung go loufe u woni nachere Schtung wieder dehei bi gsi het si immer no so pumpet. Dr ganz ander Tag isch si gläge, i ha ihre Name grüeft u do het si dr Chopf bewegt so hani gseh das si no läbt. Normalerwis het di Chue eim übere  Zuun so bös agluegt zum säge "entweder geisch oder i schpiess di uf u do bini haut aube gange.  Sit dere Gschicht luegt si immer woni bi, sobaud si mini Schtimme ghört luegt si abe u i rüefe ufe "gäu Marie bliebsch hie so öpis mache mir nieme mit, si macht ganz e angere Chopf u luegt mi richtig lieb a.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mi Bärner Sennehündin Sina het ufem Chopf es Summerekzem übercho, dass gits bi länghörige Hünd no gärn. Zerscht hani gmeint si heig sich i öpisem grusigem tröhlet, aber es isch immer e grössere nasse Fläck worde u woni gneuer gluegt ha hani di Souerei gse, "chumm Sina mir düe wäsche u säubele". Mitere ganz gwöhnliche Seife hase gwäsche, es isch nid sehr guet gange "Sina mir müesse chli Hoor schniede süsch chummi nid guet derzue, weisch das wachst de schnäu wieder noche" gesagt getan, denn hani mit Betadin Desinfiziert u när natürli e rächti Portion Eutergel mi Gheimwaffe drufgschmieret. Obwohl i mir di gröschti müeh ha gäh isches doch grösser worde, i ha i Tierarztpraxis aglüte u gseit i bruchi e äxtra Seife zum wäsche u e angeri Saubi, si het gfrogt "weiter nid lieber cho dr Hund zeige" äuä chumm hani zur antwort gä, dir wüsst jo sicher wie e Bärner Sennenhund usgseht, hi hi hi, mir kenne üs guet drum darfi so rede. Geschter woni wieder mit ihre ungerwägs bi gsi het si sich immer a mir wöue cho riebe oder de hets si wieder versuecht sich z chraue, "nei due warte sobaud mir dehei si düe mir wieder säubele das nimmt de dr Juckreiz". Womer ufe Hof cho si hani überau Esubolle gseh, sofort hani mis BoueleTaxi gno u ha afo putze u mi Hung ganz vergässe, di isch ganz beleidigt i ihri Hundshütte u het kifflet. Woni zu mim Maa abe chume seit dä "es nimmt mi de scho no wunder mit wäm üse Hung so chifflet, jesses di hani jo ganz vergässe i hare doch gseit mir düege de grad säubele" sofort hani ghandlet u mi Hund isch wieder zfriede gsi, a jo no d übersetzig vo ihrem gekiffu "äs isch doch immer z gliche, chumm gseht si ihri Esle vergisst si aus andere, exgüsi Sina.

Bearbeitet von: Dolotelley - 19-Nov-2016 12:46:31

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es warte jo immer mehreri Esle um go z loufe, "hmm Sina wär weimer äch hüt mitnäh?" Cindy u Soraya heimer geschter mitgnoh, z Ingeli u d Yakari chöme am Sunndig mit uf d Esuwanderig im Jura, ajo d Babette ou. D Dunja isch ganz noch as Töri cho zum zeige si wetti gärn mitcho, aber wie hei di zwöi usgseh? im Matsch hei si sich tröhlet, auso soviu Zyt hani nüme gha zum di beide z bürschte. Do gsehni wie mi Darinka bittend aluegt, e jo du chaisch mitcho chumm nume chos Haufter alege, d Sina het scho e mordsschpektaku abgloh vor Fröid, i ha schier müesse Ghörschutz montiere. Mir drü hei e wunderbare Schpaziergang gmacht, z Wätter hät nid schöner chöne si, e wahri fröid so ungerwägs z si. Langsam simmer wieder gäge hei zue cho, nid langsam im Tämpo sondern vo dr Schtrecki, Darinka het nämli e rächte Zagge druf gha. Jedes vo üs isch so sine Gedanke nache ghanget, d Sina het sicher dänkt "weni hei chumme de goni sofort zum Fredeli de über chummi sicher es Gudeli, dä isch nämli immer sehr schpändabu". D Darinka het usgrächnet ob mir ächt zur rächte Zyt hei chöme oder ämänd di angere scho am Znacht sigge? dass wär de gar nid rächt. I für mi ha dänkt was ächt Tabea wieder gmacht heigi? si isch schier nüme uf ihres Bei gschtande  aber z Huf isch nid heiss u am Bei hani ou kener warme Schteue gfunde???? Do seit doch plötzli e Maa 1,50m näbem Wäg "Bonjour", drei Läbewäse wo töif i Gedanke versunke si so go z verchlüpfe geit jo gar nid, vo mir hets natürli e Schrei gä, d Sina het ganz verdatteret gluegt, wie ihre aus Wachhund soöpis het chöne passiere dass sie dä Ma nid gseh het u Darinka het ne mit grosse frogende Ouge agluet"was machsch de du da? är chömi jede Tag i d Schwümm, es heig mega vieli, guet für ihn.

Bearbeitet von: Dolotelley - 19-Nov-2016 12:49:35

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Wie so mängisch hei mir Bsuech gha wo de irgend einisch Eseli wott ha, i findes guet we sich d Lüt früehzitig informiere was di Längohre so für bedürfniss hei. Vieli Lüt dänke , mir nähme e Esu mit däm het me nüt z tue, falsch dänkt, ou e Esu het Bedürfniss wemene rächt wott ha u süsch lot me gschider d Finger dervo. Auso wie gseit isch das Ehepaar mit sine drei Töchtere cho luege, mir hei aues erklährt u zeigt wie mirs mache u vorauem wiso, si hei viu Froge gschteut was zeigt dass si das Thema würkli intressiert. Natürli hani ou Gschichte vo de verschiedene Esle verzeut, d Cindy isch i üsere nöchi bliebe, werum ächt? mir si i d Fuetter u Sattuchammere go zeige was die verschiedene Tier z frässe über chömi, komischerwis isch mir grad es Gudeli i Sack gumpet. Mir si witer go dr gross Schtau zeige, d Cindy isch mitts zwüsche üs cho schtoh u het mi mit grosse Ouge agluegt - zum säge "woisch mis Gudeli"? jo Cindy do hesches, gnüsslich hets sis gfrässe. Aber das het däm Fröilein natürli nid glängt, si het eis ums andere mit ihrne tröie Ouge agluegt u gfrogt "hesch du ou eis für mi? was du nid? u de duuuu? si hets garnid chönne verschtoh das niemermeh öpis für si im Sack het gha, arms arms Eseli. Irgendwie isch das die chlinschti aber luschtigschdi, was dere immer wieder i Sinn chunnt u vorauem mi verschteit si guet, mi chas grad uf ihrer Schtirne läse. I ha im Sinn gha Schtrou u Höi vo dr Resärve übere i z chline Böxli im Schtau z näh vo dört us woni de Fuettere, es isch nume d Cindy ir nöchi gsi, i ha natürli scho gwüsst dass si wird cho aber es het jo nüt chönne passiere. Chumm hani d Türe offe gha u afang zwe Schtrohbaue ufe Sackcharre bige isch si scho derhär cho " aha so gseht das hie us, aha intressant, do bini jo no nie gsi" ganz intressiert het si im Lager umegluegt grad wie wen si würdi d Baue zeue. I bi mit minere fuer zum Böxli übere gfahre u ha abglade, isch jo klar das si sider es paar Muhvou gno het, wo si mi het ghört cho het si sofort ufghört frässe u het wieder ganz unschuldig di Rundbaue Höi u Schtrohbaue agluegt, wie zum säge si heig de öpe ir zwüschezyt sicher ke Seich gmacht, i hare wieder dr Rügge zuedräit u Schtrohbaue glade u us de Ougewinkle gseh wie si gfrässe het u mi beobachtet, woni mi dräit ha het si wieder ganz intressiert der räschte vo dere bigi zeut wie wits ächt no längi oder ob si ächt baud müessi Hunger ha. I findes eifach herrlich wie u was me mit dene Esle immer wieder cha u duet erläbe, aber äbe mi muess offe si us gseh u verschtoh.

Bearbeitet von: Dolotelley - 19-Nov-2016 12:52:39

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Letschte Fritig hani es Telefon übercho vomene besorgte Vater, är het mir verzeut dass sis Bebe Küchhueschte heig us no z chli sig für Antibiotika, dr Arzt heig gseit do häufi nume no Esumiuch. Was? Esumiuch isch jo scho guet aber grad aus letschti müglichkeit i somene Chrankheitsfau? i has nid rächt chönne gloube. Grad im momänt isch mir niemer i Sinn cho wo erscht grad es Füli um die Zyt het übercho, i ha sicher 10 Telefonat gmacht. Am Samschtig hani scho wieder e bsorgte Vater dra gha, aber nid dr glich, i ha nim z gliche gseit wie scho am erschte, i sig am sueche, miner Füli sige äbe scho grösser u de heige d Müettere nüme soviu Miuch. Am Mittwuch hani immer no a dere Gschicht umegschtudiert, u bi zum ergäbnis cho dass ig säuber bi mine muess mäuche. Es isch e richtige Schturm gsi u trotzdäm si d Sandra, dr Rudolf u ig mit dene zwe Müettere u Füli e Schtung go loufe, plotschnass simmer heicho u d Sandra het sofort afo mäuche, d Füli hei proteschtiert, mir sige Scheume dass sig de gfäligscht ihri Miuch. Jo Jo Dana Datooba u Yakari, müesst eifach no chli warte di nöchschti Miuch ghört de wieder öich, mir bruche di Miuch für zwöi chranki Chinder. 2 Fläsche het d Sandra abgmulche, i bi zum Telefon u ha versuecht di zwe Vätere z erreiche, i hane uf ihre Telefonbeantworter gschproche. jetzt zwe Tag schpöter u nach mindeschtens 10 Versuch di zwe Herren z erreiche muess ig äuä igseh das ig verarschet bi worde, he nu wesi das luschtig  finde? i wirde di Miuch haut igfrühre, viellicht chase plötzlich öper bruche.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mängisch ghöri vo de Lüt dass ihri Esle Problem heige we dr Hufschmied chömi, das dünkt mi eigentlich komisch weme doch jede Tag d Hüfli uschratzet söttis die jo kenne. Bi üs louft das folgendermasse ab, i lege aune wo söttit bim Hufschmid verbi ihres Häufterli a. Sobaud eine fertig isch, zieht er ihm das Häufterli ab u bindet dr nöchscht a, so chani ir zwüschezyt mischte, är arbeitet im Ufenthatsrum u i bi näbedra im Schtau. Mir hei es Fäischter vom Schtau i Ufenthautsrum, es isch sehr luschtig z luege we e Esu dört schteit u übere luegt es gseht grad us wie wener würdi Fernseluege. Woni so am mischte bi gsi u überegluegt ha hani gseh wie d Eseli schön näbedra schtöh u warte bis d Reihe a ihne isch, d Ronja isch no bi mir bliebe. "Hei Ronja muesch jetzt de ou übere es isch sicher baud a dir" hare gseit, si isch dervo träppelet zum Hufschmid übere, isch churz bliebe schtoh u woner kener aschtaute gmacht het se azbinde isch si wieder zu mir cho, "werum chunsch jetzt wieder Ronja ? hani gfrogt, "är het no ke Zyt für mi" het si mir gantwortet, jo genauso louft bis üs, alles klar?

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I ha jo einisch verzeut wie mir dr Esuschtuete wo z Warzevirus vom Hängscht bim Decke verwütscht hei, mit Blutegle hei chönne heile. Jetzt hani dänkt i chönnti das bi mir ou einisch probiere, vom viele mischte isch mi ling Euboge mängisch endzündet u de hani einisch bimene Unfau mi Mittufingerchnoche a-broche, do ig so müeh ha mi de Dökter hani haut dä Finger eifach a Ringfinger kläbt, z blöde a dere Gschicht isch das dä Mittufinger schregg zämegwachse isch u genau dört drin hani jetzt Artrose. Geschter isch mini Kinesologin cho, si het dr ganz Tag es riese Programm gha, zerscht simer zäme i Jura zu zwene Esle, u den bi üs het si dr Figaro behandlet, sis ganze Hingerteil isch plockiert gsi, är isch jetzt 26j. u si Sänkrügge lot nüme zue dass är Chinder oder dr Trekkingsattu treit, sehr schwär für sini Bsitzer das z akzeptiere. Bi dr Tabea het si Schulterglänk glokkeret, u denn isch d Aisha dra cho," u wenn chumme ni dra? i muess de am obe no a d Vorschtandsitzig" hani ganz schüch gfrogt, d Kinesologin hät mir doch söue d Egle asetze. Di het gantwortet "das chasch vergässe, Zyt längt nüme, nach de Egle muesch e chli ruehig liege u nid ir Wäutgschicht ume Furze. Cheibe blöd was söu i de jetzt mache? Si het gantwortet "dänk morn säuber alege" ups ups so isches de scho nid dänkt gsi, schliesslich grüsslets mi dervo, aber äs git äuä ke angeri Lösig, i hase zaut u si isch mit mim Maa is Zimmer um ihn ouno z behandle u i bi go schtaune u när a d Sitzig. Hüt nachem Mittagässe hani aues z rächt gleit u mis Mandli het mir ghulfe, woner dr Dechu vom Glas het gno hei di Egle scho afo useschnogge u gsuecht wo si ächt chönni adogge, äs isch nid lang gange u di erschte drei si a mim Euboge ghanget, äs tuet nid unbedingt weh, es isch es gfühl wi weme sich mit Brönnessle brönnt. Jetzt isches no um di zwe angere gange wo a mim Finger hätte söue abisse, es isch es paar Minute gange u do het äntli eine am richtige Finger adogget u dr zwöit het am Ringfinger zuebisse, "hei das isch dr fautsch Finger, aber i hane nüme chönne wägnäh u so het är haut dört Blutabzapft. Vorsorglich hani es grosses Plastigbecki ufem Tisch gha, äsisch zerschte mou gsi woni das gmacht ha u mini überlegig isch gsi das jo nid aui mitenang wieder lö logo us de sofort afoht blüete u de chani jo nid verbinde we di angere no hange. Nid schlächt überleit nume isch z Becki z chli gsi, wos nämli am Euboge u a dr Hand mitenang blüetet het, hets überau anedropfet, i ha wöue ei Tropf putze u ha sider drei angeri Tröpf verlohre uf dr Zitig, em Tisch am Bode, äs het usgseh wie im Schlachthuus, nüt für schwachi Närve oder Lüt wo ke Bluet chöi gseh. D Egle si um di eis abgheit u blüetet hets bis am obe am achti. I wett säge i ha nid schlächt Bluet gschpändet, z nöchschtemou geits de besser, hi hi hi

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jede Tag weni a dr Dana Datooba zueluege wesi vomer wäg louft muess i lache, si isch jo im Mai gebore u i ha ihre d Mähne no nie gschnitte. Dir kennet sicher no d Sängere Dodo Hug? di het doch es Lied gsunge wo dr ganz Tegscht nume öpe so tönt "söui söui nid? söui söui nid? u das ganzi drei Minute lang u bis am ändi di glichi Frog söui söui nid. Bir Dana Datooba frogt ihri Mähne "söui oder söui nid, söui nach rächts gheie oder nach links, äbe söui söui nid gheie. Si isch ihr zwüschezyt sicher 15cm höch u bi jedem Schritt bambelet si hin u här, i gloube i muess e entscheidig träffe, entweder i schnidese bis uf 5cm ab oder i mache chlini Züpfli uf ei Site abe u nachere Wuche heisich de d Hoor dra gwöhnt. I muess no einisch drüber schlofe u villicht erschint si mir de im Troum e de weiss ig d Lösig, miner angere Esle hei aui e Schtehmähne wües se immer schön zrügg schniede.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Wieder einisch bini mit dr Cindy u dr Soraya u natürli mitem Hung ungerwägs gsi, plötzli isch d Cindy bliebe schtoh "he was isch los? i gseh niemmer, chumm witer" aber d Cindy het sich nid bewegt u immerno nach hinge gluegt. Uf einisch heis ou miner Ohre ghört, d Ise vomene Ross hetme vernoh, i weiss nid ob dir das mit öine Esle ou heit, miner müeine immer si müessi bliebe schtoh bis si gsenge weles Ross do derhär chömi, grad wie wenns si aui würde kenne. I ha mi schön a Schtrosserand gschteut u dr Sina gseit si söu Sitz mache, scho vo witem het das mindeschtens 165cm groose Ross angscht zeigt, es isch geng wieder bliebe schtoh u het ganz verdatteret zu üs gluegt. Wemer doch nume einisch es Ross chönnt verzeue werum si so viu angscht heige vor üsne chline Esle? Mir si ganz ruhig gschtande u hei dere Riterin fründli entgäge gluegt, für mi hani scho dänkt "hoffentlich schaffsches näbe üs düre z cho" ufere Schtrecki vo 20 Meter si si mindeschtens 5 mou bliebe schtoh. Mini zwöi hei däm Schpieli vo däm Ross ruhig zuegluegt u auem aschin heissi ou gmerkt dass sis nid kenne, genau i däm momänt wosi näbe üs düre het wöue het mini chlini 89cm Cindy zwe Schritt nach vorne gmacht u das Ross isch 30 Meter is Fäud abe Galopiert. I ha so müesse lache dass ig mi fasch nid ha chönne entschuldige bi dere Riterin, aber si het sich gottlob nid ufgregt u isch rächt Sattufescht gsi. I gloube fasch das d Cindy gar nid het wöue luege wärs isch sondern wie sis cha verchlüpfe, sones Lusmeite.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I bi agfrogt worde ob i ächt nid möchti Esurite abiete zwe Tag am Wiehnachtsmärit, nei danke dass dueni mir nid a, erschtens bringi ei Esu schlächt vo de andere wäg, wär luegt mir de sider zue de angere? u weni drü mou dr glich Cher gmacht ha seit mir mi Esu plötzli "das isch mir z blöd chaisch säuber go" u när bschtändig Chind ufe - Chind abe - Helm uf Heum ab, nei nei das finde mir gar nid Luschtig. Aber was mir natürli gärn abiete isch Schtrichuzoo für d Chinder, dr Maa het sich dermit iferschtande erklährt u mir hei üs geinigt uf 4 - 5 Schtund am Samschtig u Sunndig. Am Samschtig hani no e Arzttermin gha u d Gloria üses Behinderete Pflegchind het scho ungeduldig gwartet bis mir mit üsne Esle hei chönne abmarschiere. Si het d Cindy u d Soraya gfüehrt u ig di hochbeladeni Babette, zur vorsicht hani drei Dechine mitgnoh, es Schüfeli u Chröieli damit dr Platz immer schön suber isch u d Chinder u d Eseli nid i de Bolle umeloufe, üses Picknick u natürli Heu für di drü nid das si amänd no verhungere. D Gloria het das ganz guet gmacht mit ihrne zwöi Eseli, dr Waud z derfüre denn übernes Schtopufäud übers Plateau u denn dürs Quartier ab, unger dr Ungerführig vor Bahn düre u denn mitts dür Moutier, über Zebraschtreife u z letsch mitts düre Wiehnachtsmärit zu üsem Gheg. Es isch nid lang gange si scho mängs Chind bi de Eseli ine gsi u heise gschtrichelet u Bürschtet, üsi Babette isch jo fasch schwarz aber wo di chline Chinder oft gäge d Hoor gfahre si mit de Händ oder Bürschte hani u plötzli e graue Esu gha, "jo migottsdüri wo chunnt de ömu ou au de Schtoub här????" I ha veiechli müesse Bürschte bisi wieder e schwarzi Babette gha ha, d Sunne het am Samschtig wundervou uf üses Plätzli gschune u mir hei schier e Sunnebrand übercho, doch  wosi hinger de Hüser verschwunde isch hani hantli de Eseli ihri Dechine agleit, mi hets de dünne Mischte agseh dass es nötig isch worde. Am viertu ab vieri hei mir üs wieder ufe dreiviertu Schtündig Heiwäg gmacht, mir si froh gsi üs äntli wieder chönne z bewege. Am Sunndig no einisch z gliche Schpili, grad wo mir dehei hei wöue abmarschiere hets churz chli grägnet u i ha schnäu Ghüderseck über d Dechine gleit nid das si nass wärdi, chumm ungerwägs hei mir gmerkt dass es überau Glatt isch gsi, u so mir übers Land marschiert. D Schtrossene si scho gsauze gsi aber d Trottuar no nid u so heimir haut mitts uf de Schtrosse müesse loufe, d Lüt wo z Bredig hei wöue si a de Gartezüün entlang düsselet, ir Autschtadt ischs Chopfschteipflaschter ou chumm z passiere gsi, nume guet hani no Schtrou mitgschleipft um üses Plätzli chönne izschtröie. Mir hei zwe schöni Tage chönne verbringe u mängs Chind glücklich gmacht, mängs Mami het gseit "chumm mir wei witers " u z Chindli gmeint het "nei i wott bi de Eseli bliebe", eso hets für aui gschtume, i findes immer wieder dass dr Schtrichuzoo viu besser achunnt bi de Chinder. Zwüsche dri weni vor cheuti ganz schtief bi gsi hani de Chinder gseit "chömed mir mache e Schpaziergang düre Wiehnachtsmärit de chöi d Eseli u ni üs wieder e chli bewege u gesh mou e chli öpis angers". Es isch u Härzig dene Chinder i d Gsichter z luege wesi mitemene ganz verklährte usdruck ihres Eseli füehre u d Eseli ganz brav mit dene Chinder loufe, i bi sicher dass mir nöchscht Johr wieder dörfe go.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch jo ganz klar bi aune mine Gschichte woni verzeue dass ig miner Esle nid äxtra i Gfahr bringe aber weme viu ungerwägs isch de chas mou passiere dass me ine blödi Situation gratet, i bi ehrlich u schtoh derzue was mir zueschtosst u dä Esubsitzer wo no nie ine ungmüetlechi Lage isch cho dä wett i lehre kenne. I bi i mire Tätigkeit als Esubeschützere u Behüetere amene Esubsitzer uf Zeie gschtande u do hets du tönt dass me mi ou chönnti Azeige was ig do für Sache verzeui, uf mini Frog was de gnau so gfährlich sig gsi hani ke antwort übercho, henu mir si d Esle wichtiger aus ihri Bsitzer, di chöi nämli öpis verbessere dr Esu isch üs Hilflos usglieferet. So lang i cha wird i mi für d Esle isetzte u haut em eind u angere uf Zeie tschaupe, i weiss i cha alei nid di ganzi Wäut rette aber jedem Eseli woni cha häufe macht mi glücklich.           
Bis üs isches gägewärtig u chaut, z Nacht isches öpe 10 Minus, mir hei aui Schtäu guet zue gmacht u gö erscht e chli schpöter go mischte, d Blache düe mir nume e chli uf das d Eseli schnäu use chöi go luege wie chauts isch. Si chöme no so gärn wieder ine u de machi nachem Schtaune aues wieder zue u si gö eifach vo eire Box i di angeri go nocheputze u dr Schtau bliebt einigermasse warm. Hüt am zäni isch no Minus 7 Grad gsi u im Schtau 4 Grad das macht 11 Grad ungerschied u so het me zgfüu weme vo dusse ine chunnt es sig warm, bis jetzt isches no ohni Dechine gange aber wes no lang so chaut bliebt muess i de doch no afo idecke, i luege eifach uf d Eseli u sobaud eine afot schlottere de wird er deckt. So i wünsche aune e gute Schtart is nöiie Johr mit vielne schöne Schtunde mit üsne gliebte Langohre.

Dolotelley
Eselfarm Moutier
useravatar
Offline
635 Beiträge
Anonyme Beiträge sind nicht gestattet. Bitte einloggen oder registrieren.
Es sind 0 weitere Gäste in diesem Thema. Es sind 0 weitere Mitglieder in diesem Thema.

Board Info

Board Statistiken
 
Gesamtzahl Themen:
138
Gesamtzahl Umfragen:
5
Gesamtzahl Beiträge:
1086
Beiträge diese Woche:
1
Benutzer-Info
 
Gesamtzahl Benutzer:
585
Neuester Benutzer:
Isa