Anmelden

Anekdoten mit unseren Langohren

Re: Anekdoten mit unseren Langohren

Z einzige wo louft si d Schweissperle bir Tabea, si isch pflotschnass, di angere hei ou heiss aber si gseht grad us wi weme se Duschet hät. Weni nume wüsst uf was si wartet ? ömu sicher nid uf schöner Wätter, für mi isch aues wo über 25 Grad isch viu z heiss, do chani es Gjammer abloh u bi nume zumene viertu z bruche. Das heisst am morge ganz früeh uf, min i arbeit schnäu schnäu mache u de sofort ufe Ligischtuu ungerem Oepfuboum u dört machi Pouse Pouse u no grad einisch Pouse, zwüschedüre go luege was Tabea macht u de sofort wieder ungere Boum. Mi nimmt scho Wunder was d Babette macht wes los geit bir Tabea, jedi Nacht weni go go luege schickt si mi wäg u seit "i luege de scho, gang nume go schlofe, Geschter het Tabea irgend e Bewegig gmacht u när het d Babette ganz erschtuhnt gluegt, so richtig vom Chopf bis zum Hingerteil het si se Kontrolliert. Mir bliebt eifach nüt anger übrig aus z warte, irgend einisch isch no jedes use cho.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Nach däm üses erschte Eseli gschtorbe isch heimir unbedingt wieder es schwarzes wöue u de heimer d Babette gfunde mitemene Füli bi Fuess, der Ramona. Wosi öpe 11 Monet aut gsi isch het d Babette se abgwöhnt, der vorbsitzer het no gmeint si chönnti de wieder trage da si no bim Hängscht sig gsi. U würkli, eines Morges hei ganz viu Ohre übers Dörli gluegt, e was söu de das? hesch du ganz allei gfület? I ha gfuetteret u däm triebe zuegluegt, do plötzli het d Babette di zwöi ine Egge triebe u se nüme use glo. Was isch ächt jetzt los hani mi gfrogt, muess i ächt d Ramona use näh? i ha hin und här überleit u do isch öpis passiert, zerscht het eis Bolle lo gheie u de z andere ou grad u do het d Babette beidi wieder düre glo, aha jetz hanis verschtande, d Babette het dene zwöine schnäu mou düre gä dass numeno i dere Egge gmischtet wird damit z Füli uf suberem Schtrou het chönne liege. Dr Babette ihri Füli hei das guet glehrt, ihres erschte isch jo d Ramona gsi u de isch dr Florian, Felix, Ritschi, u zletscht no dr Bonsai cho, u jedesmou wesi es Füli het gha isch immer Ornig gsi i dr Boxe, aber chumm isch z Füli furt het si wieder i dr ganze Boxe gmischtet. Scho chli komisch oder findet dir das öpe nid?

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jetz isch dr Summer ändli da. Üse Spirou u dr Carlos lö ihri Winterhaar la gah. Äs isch ungloublich wievil Haar di Esle im Winter umetrage. Ei Tag,  wos eso isch Heiss gsi, si beidi Esle Plotschnass am Buuch gsi vom Schwitze. Mir tüe ja üsi Esle immer 2mal bürschte. Einisch am morge und einisch am Abe. A däm Abe isch das Bürschte allwäg no besser gsi. Dr Carlos hat si Chopf a di chüeli Muur vom Stall drückt, u mit jedem Bürschtestrich het är müesse Stöhne. Zeinzige wo dr Carlos stört isch, wes de chli rüpft am Buuch. Das het är nid gärn. Mir säge ihm de albe, dass mir ganz fescht düe uufpasse u de macht das nümme.
Dr Spirou tuet ganz töif stöhne bi jedem bürschtestrich u luegt üs albe aa, wie wenn är wett merci säge für jedes Haar wo wäg isch. Beidi Esle überchöme wider e ganz schlanke Chopf u überhoupt het meh zgfüel, si heige abgnoh.
Bis jetz heimer ofe e 35lt. Sack voll mit Haar, aber es chunnt no vil meh.

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mi chönnt schier verzwifle vor luter  uf Füli warte, jede obe sitz i Schtundelang am Kompi um immer wieder go gügsle obsich öpis düeg im Schtau u wemer de dr Chopf uf Taschdatur gheit goni is Bett u am drü am morge stoni wieder im Schtau u probiere mit chline verschlofne öigli öpis z gseh, aber wo nüt passiert isch ou nüt z gseh. Irgend einisch muess doch di Tabea füle, hei no mole, i ma nümme warte, hüt sig Voumond het mi Maa gseit u das wott doch öpis heisse? Oder chasi öpe nid vorwärts mache wüu i ke Hängscht Name ha?, de wärs jo mi Fähler, auso es muess sofort e Name här, am beschte mitem afangs Buechschtabe T.. Tom, Tuareg, Timo, Toni, Tobias, hm hm es chunnt mir ke richtig schöne i Sinn, i Rächne äbe mit dr Malala.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Oder vielleicht : Teedy , Tesco , Tiziano , Tristan , Tudor , Taifun oder Totilas  ?

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ha ou no es paar gfunde...  :-)
Tenshi, heisst Ängu uf japanisch
Taifun, bi nid sicher ob dr scho mau so eine gha heit...
unnnnd Thiemo oder Tamino

Gaaaaanz liebi Grüess!!!!!

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Taifun war mein "geliebter" rabeschwarzer Wallach (polnisches Warmblut) !
An "Totilas" hab ich gedacht ,da mein Eselhengst (Toni/eigentlich Anton) auch in allen Gangarten Talent hatte !
(vielleicht ist er dann auch mal 10 Millionen wert ?) :=D

LG

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Do hani immer z Gfüuu i verschtöng miner Esle so guet u när bini so schwär vo Begriff, üsne Esle ihri Uhre gö komischerwys am Mittag immer e chli vor. Hüt si mi Maa u ni no chli vor em Huus am Sünnele gsi u hei so de Viecher zuegluegt, uf z mou het d Soraya ganz Intressiert zum Waud hingere gluegt, wär gseht si ächt? heimer gratiburgeret u zu de Esle gluegt. Es paar anger Esle hei ou afo zum Waud luege was ächt d Soraya dört gsengi, villicht isch es jo üse nöchscht Nachbar, dä het nämli d Agwohnheit plötzli vo irgendwo här z cho. Mir si so am überlege gsi u hei eifach d Pouse gnosse, do isch plötzli dr Benj ganz a Zuun ane cho u het ganz unmissverschtäntlich erklährt dass si am Verhungere sige u d Soraya zum Waud luegi ob ächt nid äntli öper chöm cho z Weidetor uftue, är het das so lut erklährt das ig sofort ufgschtandi bi u äntli d Esle i d Weid ha glo, das chame doch ou aschtändig säge, do brucht me eim doch nid so a z bäge, es hersche scho afang komischi Site uf dere Esufarm.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Juhui, jupi, Hurra üsi Malala isch äntli acho, isch scho echli e wyte Wäg gsi dass warte het sich glohnt. Chli chame däm Esuchind nid säge, i hase uf öpe 92 cm gmässe, es riese Beibi, es geit ihre guet am Mami weniger. I mache mir Vorwürf, do stohni 10 Tag jedi Nacht uf zum Kontrolliere ob mi Tabea brucht u wes de sowyt isch verschlofi i mi u si het mords Problem gha um das grosse Füli use z presse, es het ihre z Schloss verrisse, so öpis isch no nie passiert, ou chasi fasch nid loufe, irgend es Problem mitemene Musku oder überdehnti Bänder. Si brucht jetzt Rueh, das wird de scho wieder aber i bi glich truurig hani verseit. U de z Babettli, do het si mi au obe is Bett gschickt u gseit si rüefi de scho, u hüt am morge het kene grüeft ou nid z Babettli, woni ha wöue go fuettere gsehni wis z Füli probiert us dr Hut z schlüfe, Tabea isch links gläge u het gschlotteret u rächts isch d Malala gläge u zwüsche düre isch d Nachgeburt gsi, u was macht z Babettli? stiegt eifach über d Hut um zum Höi z cho. Si het sich gar nid um das Füli kümmeret, u wos probiert het uf z schtoh u ihre chli z noch cho isch het sis aknurret, i hase du i Schtaugang do zum Höifrässe u so hei di zwöi Rueh gha. Düre Tag isch dBabette nid einisch cho luege wo ächt Tabea sig, do hani scho dänkt, fertig mit Atoptivmami, am obe hani nid rächt gwüsst wo ane mit dr Babette u hase du zur Inca gschteut u i dänke es chunnt guet.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Herzlichen Glückwunsch und gute Besserung für die Mama !

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Härzliche Dank, dr Tabea geits hüt scho viu besser, i ha ihres Schloss-Scheide es paar mou mit Schwarztee ab tupft, jetzt gsehts scho schöner us. D Malala isch dr Hammer di chunnt eim jede Schritt noche, chum loufi übere Huusplatz hase scho am Hingerteil, si cha nid gnue Schmuse. D Tabea nimmts glasse we Bsuech chunnt u das Füli wott chnudle, si isch ganz Schtouz uf ihri grossi Tochter, hüt hani d Kaila i di glichi Weid gloh wi di zwöi, schliesslich si si lang gnue trennt gsi. Kaila het ganz intressiert d Malala ab gschnüfflet u dermit isch ihri Nöigier befridiegt gsi u si isch go grase, d Malala het wöue go luege obs ächt dört ou Miuch heig do het Kaila se ganz fin gschtüpft zum säge "gang zum Mami, d Malala het ganz verdatteret gluegt u isch haut zum Mami, aber dr Gwunder hetse scho gli wieder gschtoche u si isch wieder dr Kaila hinger noche, Tabea het ganz ruhig witer gfrässe, für si hets gschtumme. Di andere si schön ufgreiet am Zuun gschtande u hei d Malala beschtuhnet, morn lohni de es paar me derzue, sobaud aui einisch hei chönne das Füli schmöcki ischs nüme intressant u i chase de aui wieder zämeloh.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Dann bin ich kann ich ja beruhigt schlafen gehen , wenn es auch Deinen Tieren gut geht !

Gibt es auch mal ein Bild von dem langersehnten Zuwachs ? Die "Kleinen" sind doch immer so SÜÜÜÜÜSSSSSSSSS !

LG
Karin

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

We das so witer geit mit Bsuech dr ganz Tag wo d Malala chunnt cho luege, u när dr Chueche ufe Tisch schteut ,hani de baut no viu meh Uebergwicht. Für d Malala chas nid gnue Wisite gäh de louft öpis, hüt hani d Soraya mitem Sandro u d Cindy i di gliche Weid glo, dr Sandro het sofort gseh dass das es Eseli isch woner no nid kennt auso ischer was gisch was hesch gäge d Malala gsecklet. Tabea het grad angscht übercho wo dr Sandro so schnäu cho isch u do isch si sofort derzwüsche, das het d Soraya gseh u de angscht ume Sandro übercho, sones cheibe züg, zwe Müettere wo ihri Chinder müesse beschütze. Ds ganze schpieli hets sich gli wieder beruhigt, dr Sandro isch jetzt zwe Monet aut u gueti 20cm chliner aus d Malala, das gseht würkli luschtig us, d Cindy het überhoupt nid gluegt für si isch ds grase wichtiger gsi.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So mir heis gschafft, aui kenne d Malala sogar dr Figaro, obwou i gloub ims no nid eso, är duet dergliche är dösi aber unger de haub gschlossne Ougelider luegt er ob Tabea guet ufpasst, u sobaud är de freii Fahrt wird ha, dänk i das er d Malala  wird im äcke packe zum zeige är sig de hie dr Schef, das macht er mit aune. Hüt hei mi Maa u ig z Mittagschlöfli ungerem Oepfuboum wöue mache, äbe wöue, d Malala het ganz öpis angers im Sinn gha, bschdändig het si mi bloget u probiert uf mini Schoss z cho, mi bedänke was si für ne grössi het, komplett unmüglich. U de simmer grad ire Ungeziefer Wuueche gsi, d Malala het e ganze Schwarm Flöige u Bräme mit sich ume gschleipft u se mit üs teilet. Vo aune site het si probiert i ha fasch nüme chöne vor lache, i ha geng wieder probiert se zum Sandro z schicke aber si hets viu luschtiger gfunde mi z bloge. Tabea het no immer Problem, si het e Infektion, es isch Hut vor Nachgeburt ir Gebärmuetter bliebe, geschter heimer d Gebärmuetter usegschbüelet u do isch di Hut use cho, jetzt über chunnt si Antipiotika, u de beschteit no Gfahr vore Hufreh, das gits gärn we nid di ganzi Nachgeburt use chunnt.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch eifach schön z gseh was d Malala jede Tag nöis endeckt, das hüt jo dr ganz Tag grägnet het hani dine wöue fuettere, aber oha, do si d Esle gar nid iverschtande gsi. Geschter hani di drei Muhchörb dr Rahel gschickt um nöii Mundschtück z montiere, di schmale öffnige si mit dr Zyt immer breiter worde u d Esle hei baud wieder normau chönne Gras frässe, do hani dänkt die chline chönnte doch dr Parkplatz vom Gras befreie so überchömesi ömu sicher nid z viu. Di grosse hani wieder a Waud ufe glo u Tabea mit dr Malala unger d Oepfuböim damit di chlini unger de Böim schärme heig, damit si sicher übere Rügge droche blibi hani schnäu es Rägemänteli baschtlet, es Schtück Plasic übere Rügge u es Schnürli drum fertig. Natürli hets graschlet u do isch d Malala uf u dervo u hets Füdli glüpft, vor luter Galopiere hetsi doch no dr igang i d Weid verpasst u isch i de Seili glandet, "wart i hiufe dir, hani grüeft u si het würkli gwartet. Si het sich gli beruhigt, aber si het mir doch leid do, nume wüu z Mami unbedingt is Gras het wöue isch di chlini ups das schtimmt jo gar nid, i muess säge di Jungi gwäsche worde. Schpöter bini mit em Rägeschirm zuere uf d Weid u de simmer zäme ungerem Boum, u zur Sicherheit no ungerem Schirm gschtande u hei zäme gschmuset, auso das hät es wunderschöns Foti gä. Am zwöi isch no Denis cho u het ir Box Fotoschuting gmacht mit dr Malala, nidemou dr Blitz hetse gschtört, si isch jo im Mittupunkt gsi u das isch d Houptsach für das Fröilein. Mir hei eifach uf schön Wätter ghoft u di zwöi wieder use gloh u do isch doch Tabea rösssig worde, komisch scho nach 6 Tag, si het numne no das im Sinn gha u sich gar nüme um d Malala kümmeret, di het gar nicht rächt gwüsst was mit dere Freiheit azfoh,  bis jetz het jo z Mami aui verjagt wore z noch si cho. So hei di angere profidiert u heise i Rueh chönne abschnüfle, aber bim Figaro gloubi eifach no nid dra. Mir heise du zu de chline ufe gschteut damit mir i Rueh is Huus hei chönne, dr Sandro het sich sofort gfröit, aber Tabea hets nid zue gloh, ischs ächt wüu är e Hängscht isch`?  Hüt hetsi glernt es raschelnts Rägemänteli z akzeptiere, Blitzlicht, u de no am Häufterli bis i ober Schtau gführt z wärde, nid schlächt oder?

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

In Biel het e Maa sis Huus söue verloh, är het sich gwehrt u zletscht mit dr Waffe droht, d Polizei het das Huus umschteut u trotzdäm het är chönne flüchte. Genau a däm Tag si mir ufem Heiwäg z Biu düre gfahre, das heisst i ha wöue, ungerwägs het es Ziviuspolizeiouto gseh das mi Plache am Ahänger zue isch u das isch ne Suschpäkt vorcho u so heisi ihrne Kollege z Biu gfunket. Woni ab dr Outoschtrosse gfahre bi hei si mi use gnoh, " Grüezi, bitte Fahrzüguswyse, was heit dir glade? Esle hani zur antwort gäh, het jo gschtumme, oder? Dr zwöiti Polizischt het d Hand a dr Waffe gha u gsicheret, dr erschti het mini Papier agluegt u isch langsam zum chline Dörli hingere, vorsichtig het er ufgmacht u ine gluegt, hättit si Gsichtsusdruck söue gseh, ganz erschtuhnt het er gmeint "do si jo tatsächlich Esle drin, has jo gseit hani für mi dänkt, es isch ke Maa verschteckt gsi zwüsche de Esle, mir hei dörfe witerfahre,  i ha baud nüme gseh vor luter trähne so hani müesse lache.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mis Mueti läbt jo jetzt im Autersheim u dört erläbt me haut nüme so viu luschtigs, aber trotzdäm het si ihre Humor bhaute, uf d Frog vo dr Pflegerin ob si Französisch chönni het si gmeint aber sicher. Voulez vous cherché ma Höifüederli ? es isch uf dr hingere Matte ganz cassé und no eine, Je suis dusse gschtande jusque à haubi zwöi du nè pas gekommen, je suis wieder hei. Scho chli schwierig zum läse aber doch luschtig, i hare gseit i schribis de is Internet u do hets si fröid gha, was wott me meh? wünsche e schöne Tag.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Kennet dir das Lied no "Ein Männlein steht im Walde? fasch so gseht bi üs us, d Malala schteit ganz allei ufem Wäg u luegt ganz verwunderet wüu si ke angere Esu meh gseht, jo jo das chunnt dervo we d Esumüettere ou Antioutoritär erzieh. D Tabea het ihrer Tochter i sächs Tag aus erklährt u jetzt lot si si lo mache, Tabea u d Nela si Rossig u hei kener Ouge meh für irgend öpis angers, di zwone tschöttele dervo, d Malala luegt ne hinger noche u überleit ob si ächt ou söu go, si überleit eifach no chli lang u schteit drum plötzli allei do. U de chummi ig is Schpiu, zerscht luegi nume zue, d Malala knaberet e chli am Gras u luegt ir Gägend ume, u wes mer fasch z Härzli abdrückt goni zuere u säge "chumm i zeige dir wo di angere si, fröidig dräppelet si hinger mir noche u wemer de um di nöchschti Kurve chöme chunnts ihre i Sinn wo di angere si u si Galoppiert näbe mir düre zu de angere ufe. Geschter am obe si aui hei u d Malala isch ganz allei ir Zwüscheschtation gsi, dr einzig wo fasch düre dräit het isch mi Maa gsi, är het aui wöue i Schtaue u do het doch plötzli öper gfäut, d Tabea het ganz ruhig gwartet. Weni nid vor Thea wüsst das Clea genau glich isch gsi mit ihrne Zwillinge de würd i mir Sorge mache, d Soraya luegt ganz angers zum Sandro obwou er doch scho zwe e haub Monet aut isch. Es git scho verschiedeni Unterschiede zwüsche Zwärgesle u Grossesle, nid nume grössi, die chline hei ou viu meh Schpöiz im Füdli aus die grosse, u bim Füli behüete hani jetzt fescht gschteut ou.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Da si no föteli vor Malala... Das aui se chöi bewundere :-)

http://www.eselfreunde.ch/components/com_agora/img/members/32/06072013-1835_MAlala1.png    http://www.eselfreunde.ch/components/com_agora/img/members/32/Malala2.png

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Da muß man sich einfach VERLIEBEN   !

Wie geht es der Tabea (Mama) jetzt Gesungheitlich ? Alles mit der Nachgeburt erledigt ?

liebe Grüße aus Bayern

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt hani nüt erläbt mit dr Malala, i bi mit de 5 chline amene Fescht gsi aus Schtrichuzoo, mou mou dr Sandro het viu Intressants erläbt u gseh, zerscht mou Hänger gfahre u de Schtundelang gschtrichelet z wärde vo so viune Chinder, so nes Füli isch scho geng es Magnet. Zwe grossi Hüpfburge si näbe üs gschtande, e Ahänger mit drü Chäubli, zwe Geissböck, Ponys wo immer im Kreis hei müesse loufe, das hätte mini Esle nie mit gmacht für die hät i immer wieder e angere Wäg müesse näh, aber äbe mit Ponys chame das jo mache. Es isch scho heiss gsi, i ha e Sunneschirm mit gnoh u e Plache aber die hani niene chönne Befeschtige u so hei mir haut aui eifach dr Chopf a Schatte gschtreckt u z Füdli isch ar Sunne bliebe, gottlob hets no gluftet. Do wirdme jo me Müed aus weme dehei aues Mischtet u no grad dr Garte Jätet, dr Tabea geits guet, am Donschtig heimer no einisch gschpüelet, es gseht guet us, gottlob.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Woni vor zwe Tag im obere Schtau am mischte bi gsi het z Schwaubeli e Heidelärm gmacht obwou i doch gar nid i dere Box ungerem Näschtli bi gsi. Verwunderet hani gluegt was si de ömu ou für nes Problem heig, si isch ufem Schtängeli gsässe wo mi Maa äxtr 2 Meter vor em Näschtli montiert het, immer wieder het si probiert ihri Junge wo ufem Näschtrand gsässe si zum Flüge z überede. Si het i de verschienschte Tön pfiffe u träleret, u do uf z mou het eis aue Muet zäme gnoh u isch zu sim Mami gfloge u das isch grad witer zur Türe use, jo u do isches gsässe, ganz allei ufem Schtängeli u het nid witer gwüsst, immer wieder het es sich gäge di angere dräit u de wieder gäge Türe. Di angere vier hei ganz ufgregt gnschnäderet aber die Schbroch chani haut nid, für mi hets tönt wi wesi gfrogt hätte " hei Mann wi hesch das gmacht", u plötzli isches wieder zum Näschtli gfloge u het baud nid chönne lande wüu di angere ufem Rand gsässe si. Leider hani nid Nonschtop chönne ufe luege u so hani witer gschaffet, d Muetter isch ine cho löke u do isch doch eis mit gange u schpöter het si eis ums angere abghout, es isch luschtig gsi z luege wisi Flugschtund hei gha.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt hani e schwähre Entschluss gfasst, vor es paar Monet het e Maa dr Darius reserviert, är wöu gärn e Junghänscht noche zie, är het scho zwöi mou säuber eine gha. Letscht Johr si grad drei Grossesuhängschte gschtorbe u mir hei ir Schwyz baut es Problem um üsi Schtuetene z Decke, drum hani dänkt es wär doch guet we dr Darius chönnt ganz bliebe, schliesslich wird er zwüsche 130cm bis 140cm gross. Dä Maa isch einisch do gsi wo nume dr Rudolf ghüetet het u de no einisch woni dehei bi gsi, aber i ha nid einisch gseh dass er dr Darius aglängt hät oder gschtrichelet, är het ou nie aglüte um z froge was er so machi. Langsam erwachet dr Darius u merkt dass er no Hängscht isch u drum wirds Gfährlich, schliesslich hani Frömdi Schtuetene do wo nid Deckt dörfe wärde, u ou für mini Zwärgesle schtimmts nid. Jetzt hani mi Entschlosse e angere Platz füre Darius z finde, i muess eifach gseh dass sich öper ine Verliebt wener ne gseht, i ha d Müglichkeit ihn no zwe drei Monet uf d Aup z gäh u weni de bis den immer no ke Platz gfunde ha wird er haut doch Kaschtriert u de hani no lenger Zyt um nöii Bsitzer fürne z finde. I Liebe mini Füli u sueche drum gueti Plätz wosi ou wieder vo de nöiie Bsitzer gliebt wärde.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt hani wieder ab dr Cindy müesse lache, am morge weni di grosse useloh gö die Schnuerschtracks ufe um sich im Ufenthautsruhm iz stübe, Cindy isch ganz allei abe cho u zwar im Loufschritt so pressiert isch si gsi, jedi Boxe het si kontrolliert, es chönnt jo irgendwo no es bizzeli Höi ha. Zwüschedüre het si no ihres Stückli Rüebli über cho u de bini ufe zum mischte. Plötzli het Cindy ganz lut grüeft "he chömet dir wieder abe? zwe drei Esle hei zur antwort gäh "nei mir bliebe do" drei Minute schpöter isch d Cindy ou wieder dobe gsi, so öpis nennt me Komuniziere, hi hi hi

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I has wieder einisch bsunders schlau wöue mache u när ischs grad vou id Hose. Weni gseh wie di arme Esle vo de Flöige im Schtau bloget wärde hani  grad beduhre, he nu hani dänkt, düre Tag we aui dusse si chani doch dr Insektenvernichtergrill ine hänke u am obe we de d Esle hei chöme chöi si ine Insektefreie Schtau, schlau schlau.  Bim mischte hani ghört wis eis Insekt ums andere brate het, jo i weis es si ou Tierli aber miner Esle simer wichtiger aus es paar Flöige u Gnitze. Bevor dLangohre cho si hani schnäu dr Grill use gno u verruhmt, chömit chömit es git z Nacht hase grüeft, d Dunja isch meischens di erschti gfougt vom Darius u de grad Darinka, z gäbige isch weme dr Dunja rüeft het me  grad drei Esle din, auso d Dunja het dr Chopf ine gschtreckt gschnüflet u isch grad wieder ab. "He was söu das chum a di Platz" hani gseit, "de chunsch haut du Darinka" i ha probiert di Esle i Schtau z triebe aber jede wo e Nase vou gno het isch wieder ab. Müehsam hani eine ume anger mitem Seili müesse i si Box füehre, klar heisi gmerkt das ke Flöige chuzelet aber dä Duft hetne gar nid passt, mit grosse Ouge heisi im Schtau ume gluegt, "dir chöid mir id Schueh blose das ig öich no einisch probiere dr Schtau Insektefrei z mache, de söue doch die Flöige öich chuzele, isch doch wohr, do wott mene guets due u de het me sones Theater.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch scho komisch, zerscht muess me d Füli a d Lüt gwöhne u we de das klappet muess me ne wieder lehre abschtand z haute, gar nid so eifach z begriffe für nes Füli. Drei Froue si hüt z Bsuech cho um d Malala e chli gneuer cho z bschoue, i hase vorgwarnt dass sie sehr Mönschbezoge sig, aber auema heisis nid gloubt, um di schönschte Fotis z mache si si abgrubbet klar isch d Malala grad uf se ufe. Säubertschued, weme sich chliner macht aus der Esu de isch haut de dä dr Chef, isch doch Sunneklar, oder findet dir das öpe nid. I ha z gfüu das es mit dr Malala klappet aber mit em Darius gloubi nid, aber mir isch lieber d Lüt überlege sich das guet e Hängscht zu z tue. Jetzt warti no 14 Tag u we de nüt isch de geit dr Darius no uf d Aup, u weni ke Platz finde woner Hängscht cha bliebe de heissts haut de Kaschtriere. Da üsi Wanderig jo is Wasser gheit isch hei mir üs entschlosse am 15 Septämber e "Tag der offenen Stallstüre" düre z füehre, wär schön we viu Lüt dr Wäg zu üs würde finde, auso Reservieret öich das Datum.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

1 zu 1 übersetzt Du den Text aber nicht in das andere Forum ?

LG

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt hani nid viu Zyt gha zum Esele, mi Maa drängt mi immer zum Frücht verwärte, aber hüt hane am Schlawittli gno u gseit "we scho wotsch dass i Confi mache de chasch gfäuigscht häufe" u är het tapfer ghoufe. Himbeeri hei mir no igfrohre gha, sider das i gmischtet ha het är d Rebarbere grüschtet u gschnitte, nachem churze Mittagsschlöfli ungerem Boum simmer go d Meertrübeli ablässe u Schtrupfe. I muess säge är het mi doch überrascht, bis zletscht het är mir ghuefe, 29 haubliter Gleser heimer gmacht. Wüsst dir eigendlich we dir d Rebarbere zerscht planschieret de geit d Süri use u dir bruchet viu weniger Zucker. Doch no öpis vom Sandro, är het jo z gfüuu är sig hie agschteut zum Schtuetene Decke, dr ganz Tag ischer ungerwägs, vo eire zur angere, aber am obe i dr Boxe ischer wieder ganz z Junge Füli u luegt eim mit sine Knopfouge ganz tröihärzig a, drum sägim jetz Chnopföigli aus Kosename, dä passt 100 Prozänt. Chumm ischer är i dr Box schläcket er am Sauzläckschtei, wär jo eigendlich guet aber är hört nüme uf, auso nimm i über d Nacht dr Schtei use. Dr lähr Läckschteihauter chani grad guet bruche für ihn aus Chrüpfli, 5 - 6 Schtückli Rüebli u chli Churzfuetter gib ihm u är het di gröschti fröid, u zerschte woner isst si d Rüebli, übrigens dr Darius ou. i muess immer derbi schtoh damit d Müetter nid de Füli ihres Fuetter frässe.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt si si ine andere Weid wo scho d Chüe abgfrässe hei, aui si rächt ufgregt gsi, u när isch Poscht ab, natürli het wieder dr Sandro agfange, wines schturms Wäschbi isch er uf dr ganze Weid  hin und här  Galoppiert wo das d Malala gseh het hetsi ou tapfer mitghuefe. Dr Darius het dänkt we di das chöi de ig ou u so si aui drü Füli uf dr Weid ume Galoppiert, i chönnt do Schtundelang zueluege. E Maa het uf üsere Site gläse u de agfrogt ob är nid e Wuche uf dr Esufarm chönnt cho häufe, natürli gärn hanim gantwortet, hüt ischer itrofe u het scho tapfer mitghuefe. So Hinterlischtig wi miner Esle si bini scho lang,  u drum hanim dr Vortritt gloh bim uschraze, hi hi hi, schlau muess me si, es isch scho aube komisch weme nid weiss wär do chunnt aber mir hei Glück gha är isch sehr Sympatisch. Zerscht heimer e schwähri Maschine züglet u de no Schtrobaue füre gno da jo di Wuche z Gärschteschtrou chunnt, mir si so schnäu vorwärts cho dass mer no mitem Schtaubou bi de Chüe hei chönne afo. Hoppla das isch grad e chli agäh gsi, z Dach schteit scho u es liege no viu Elemänt vore aute Baragge ume u mit dene mache mir e Rückwand so gits Platz um angeri Sache z verschtoue. Leider het dr Michael no nid viu mite Esle erläbt aber d Wuche het jo erscht agfange, morn weni mischte chaner de Schtrigle, dMalala het no scho wöue frässe aber das isch jo bi däm Fröilein normau.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Am z morgetisch hei mir e Tagesplan gmacht, het wunderbar tönt, mi Maa macht d Hühner i mischte d Esle u dr Michael cha Esle strigle, heimer gmeint. Chumm ar arbeit isch dr Nachbar cho froge ob das Agebot vom Boumfäue no giuti, aber klar, mir häufe doch gärn. Dr Michael hiuft öpe die im Forscht, bimene Gwitter het dr Blitz i di Edutanne gschlage u sithär wartet si dass me se umtuet, bevor dr nöchschti Schturm das bsorget u de villicht no grad ufs Dach. Ok Plan wird gänderet, i mischte allei u d Manne gö hinger di Tanne, si isch öpe 12 Meter höch, es rächts Ding, zugäh i ha scho chli angscht, aber schliesslich bini jo e Frou. " Säget de wes los geit damit i de d Esle cha wägschperre u si nid vor luter Chlupf weis der Hergott wohi Galoppiere, aber klar het dr Michael gseit. Us sicherer entfernig hani zuegluegt wi dr Michael e Keil use gsaget het, di Tanne isch mitemene Schpannset am Outo gsicheret gsi, u het de so id Faurichtig söue zoge wärde. Woni do so schön im Schatte schtoh rüeft doch der Nachbar i söu zum Schtrössli ufe go luege ob nid si Frou im blötschte Momänt derhär chömi, dass hani villicht gärn im letschte Ougeblick düre Gfahrezohne z seckle,immer uf di chline dicke. Dr Michael het ufghört sage u isch is Outo gschtige u langsam agfahre, är het chumm zoge hani scho bäget "Boum gheit   u do im letschte Ougeblick het si doch no e chline Schwänker gmacht u dr Gibu isch uf si Zuun abe gheit, aber mit Verluscht muess me rächne. Bravo Michael das hesch guet gmacht, läck het di Tanne gschtunke, so ganz unnatürlich, u scho het mi Nachbar gfrogt, "chame das de Esle fuettere? um Himmus Gottwiue N E I  N E I, so wi das schtinkt isch di Hochgiftig, i ha bim Putze u wägfüehre wie gluegt dass es kes Eschtli zu de Esle ine gheit. A übrigens die hei ganz ruhig dere Sach zue gluegt, es het se gar nid öpe gschtört. Der räschte vom Tag isch Houz sage , schpaute, Escht verruhme u Putze agseit gsi u wieder nüt mit de Esle, dr Michael het sich die Wuche äuä ou angers vorgschteut.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Üse Carlos isch e chli es Schlitzohr worde. Scho zwöite Mal isch är gester us em abhagete Breich uf dr Weid uusbüxt. Zluschtige dranne isch dr spirou chunnt üs das albe cho säge. Är chunnt id nächi fo üs, u luegt ganz uufgregt id richtig vo Carlos. Dr Carlos tuet so als wär gar nüd passiert. We mir aber när zu ihm loufe ,De seklet är ab. U de chame ne nume no mit Rüebli locke. Ig gloube das är das gmerkt het, u drum ab und zue mal usbüxt. Gester hani ne mit rüebli glockt, aber z`rüebli hani ihm nid gä. Das het dr Carlos gar nid lustig gfunde. Är het afa bätle u isch mer ständig nache glüffe. Ig ha ihm du erklärt, dass mir ihm nid nu chöi belohnig gä, für setige Seich wo är heig gmacht. Mal Luege, ob das het gwürkt. Hi,HI,Hi

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ihr seit auch im Besitz Eurer Esel (glaube Carlos ist nicht allein ?)

Alle Tiere können uns Mensch doch wunderbar "Manipulieren "  , denn die haben noch mehr funktiunierende Antennen (Sinn) als der Mensch !

Das fängt schon bei der Katz an , die uns als "Dosenöffner" usw. sieht !

Ich kann mich noch an Anton´s   (Toni) 7  1/2 jähriger Eselhengst empörtes Gesicht erinnern , als ich seine 2 ha Koppel betreten habe !
(er hat ca.5-6Jahre allein gestanden)
Das war 7 Jahre sein Reich und er hat jeden Verbissen usw. !

Ich hab in von der Koppel geholt und ich bin der Meinung , das er sich ein wenig gefreut hat , das ihn jetzt mal jemand als Esel versteht.

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt morge hani frei gno da ig jo so ne gueti Schteuverträttig gfunde ha mitem Michael, mi Maa u ig si nach Biel gfahre grad nachem z morge, das hets scho ewig nüme gä dass ig nid ha müesse mischte, dr Maa het ichöif gmacht u i bi go d Mueter überrasche. I ha se i Rouschtuul gno u de simmer düre schön Garte gschpaziert, de isch mir i Sinn cho dass dr Buur witer vorne Kirschi agschriebe het, auso hani dMueter dört hi gschtosse, "wo geisch mit mer hi? hetsi ganz erschtuhnt gfrogt. Hm lo di lo überrasche, hani gseit, ganz früsch abgläsni Kirschi hani chönne choufe u d Mueter het fasch so grossi Ouge gmacht wi d Kirschi gross si gsi, sofort hetsi afo Schnouse. U scho isch mi Maa wieder cho u mir si hei gfahre mit 20 Kg. gschtrupfte Kirschi zum imache, dehei isch dr Michael scho fertig gsi mit Schtaune u isch mit sim Klapschtuel bi de Esle gsässe. "Ha ha ha lueg dr Esuhirt" het mi Maa glachet, i gloube dr Michael gschpührt scho chli dr Esuvirus. Am Nomittag isch für mi Kirschi verarbeite agseit gsi u d Manne si äntli di Rückwand bi de Chüeh go fertig mache, nachem Nachtässe hani em Michael gseit "chumm mir gö no mit dr Tabea u dr Malala go loufe, ui dä hets sich aber gfröit. Es isch ganz härzig wiener mit de Esle umgeit, zerscht het er se dürebürschtet u immer mit ne gred, prima, u de si mer los, är het Tabea gno u ig d Malala, d Sina dr Hund het e Mordsschpektaku gmacht vor fröid. Tabea het nid wöue loufe si het immer wieder zrügg gluegt ob Kaila ou chömmi, dr Michael het si glöhckt u de isch si wieder es paar Schritt cho u de wieder bliebe schtoh, mi Nachbar het dr Garte vou Lüt gha zum Grilliere u di hei sich fasch Kugelet vor lache. Das isch üs doch glich, mir hei d Esle gwächslet u i ha energisch gseit "so jetzt chumm Tabea fertig mit geng bliebe schtoh, u äntli simmer vorwärts cho, d Malala isch geng vorne glüfe u im Waud vorne hani dr Michael mit ihre zwüsche de Böim düre gschickt, si heis prima gmacht. Z ganze Plateau simmer schpaziert öpe 3 Kilometer, das isch dr Malala ihri erschti richtigi Wanderig gsi, wäg vo dehei, bim Buur bi dene grosse hüfe wisse Bauene verbi, si het das so super gmacht mir hei si globt u globt. I weiss würkli nid wär do meh fröid het gha dr Michael oder d Malala, isch jo glich, si heis beidi guet gmacht, i gloube we d Malala nid scho verschbroche wär wettse dr Michael sicher grad choufe.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch wunderbar i ha scho e Chöiferin für d Malala gfunde, si  chunnt zuere Esufachfrou, klar erscht nöchscht Johr, aber für mi isches sehr wichtig dass i früezytig weiss wo mini Füli hi chöme, judihui.  Jetzt sötti es Plätzli ha für e Darius, er isch jetzt 11 Monet aut u ganz e feine, er wird öpe 135 cm u isch e Grand noir du Berry, nöchschti Wuche wird er Kaschtriert. Dr hüttig Bsuech het sich grad ine Verliebt aber sie het scho zwöi Schtüetli u no zwe Buebe u leider zwenig Zyt um dr Darius richtig z fördere, schad, aber mir isch lieber we d Lüt Vernünftig si. Di richtige Lüt chöme de scho no, u de wär do no dr Sandro, für ihn suichi de für nöchscht Johr e guete Platz, är isch e richtige Luusbueb, dr ganz Tag schpiut er Hängscht u z Nacht i dr Box ischer wieder ganz z Füli. I finde es git doch nüt schöners aus weme si schpöter Schtaugenoss scho dürs erschti Johr cha begleite u so sini Entwicklig cha mitverfouge. I ha doch am Michael genau erklährt was üsi Esle für bsunderi Müschterli behersche, geschter het er jo für mi gmischtet, d Cindy isch fouer fröid i unger Schtau cho u het ihres obligate Schtückli Rüebli erwartet, dr Michael het si nid beachtet do isch si haut i di Box woner am mischte isch gsi. Zwöi mou het er se wieder usegschickt aber si ischwieder id Box u het ne erwartigsvou agluegt aber är het eifach ihri Schproch nid verschtande, d Cindy het ab soviu nidverschtoh fasch e Krise übercho. Womer si hei cho hani gfrogt "isch aues guet gange? dr Michael het mir verzeut wi d Cindy im immer i Wäg gschtande sig" "he jo si het doch ihres Rüebli wöue" hanim erklährt, nei aber ou, het er gmeint i hase eifach nid verschtande. Jo jo di Esuschproch muesse me zerscht lehre.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt isch am Michael si Frou cho, si het äuä angscht gha är chömi nüme hei wüus im bi de Eseli so guet gfaut. Zerscht het är ihre aui Esle vorgschteut u zeigt was für arbeite mir zäme di Wuche gmacht hei, si het rächt gschtuhnet, am Nomittag hei si mit dr Inca u dr Babette dörfe go Wandere, ganz glücklich si si hei cho, plötzli seit si Frou "mir müesse hüt hei. "Was? dr Michael isch ganz erschrocke, är het jo bis am Sunntig wöue bliebe u no einisch mit de Esle go Wandere, dir chöid öich gar nid vorschteue wi truurig är dri gluegt het. Mir hei gmeint är wärdi nüme fertig mit Packe u när ischer aune Esle go tschüss säge, er isch grad so trurig gsi wi d Chinder wo aube nüme hei wei." Los Michael, mir danke dir ganz härzli für dini Hiuf u chumm doch eifach wieder einisch es Wuchenänd, fröidig het er das Agebot agnoh, lang het er no gwunke. Do hei mir äuä wieder einisch chönne dr Esuvirus Pflanze, was gits schöners aus dä z ha, so ab morn heissts wieder säuber mischte u de sött de no z Schtrou cho, o chönnte me doch die arbeit imWinter mache, s wär viu agnähmer.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch wieder einisch so wit gsi dass mir d Eseli mit Entwurme hei müesse ploge, dasmou hani mit Telmin entwurmt, dass isch ganz blöd es het nämmli ke Skala. Dr Inhaut längt für es Ross zwüsche 400 Kg - 800 Kg., do söu no eine drus cho, auso hani für 6oo Kg. grächnet, es het ou ke Ring zum brämse damit me de nid zviu git. I ha mim Maa gseit är söu cho häufe, mit dr Aisha hei mer agfange, i ha es Gummeli aus Zeiche drumdo, mis Mandli het d Schprütze is Muh drückt aber natürli nid uf dr Site wo keni Zähn si u d Aisha het drufpisse, im Kampf um d Schprütze het mi Maa nüme a z Gummeli dänkt u eifach drückt u dr ganz Inhaut wo für nes Ross wär het d Aisha übercho. Scho chli blöd, aber mi Tierarzt het mir scho vor Johre gseit dass das nid schlimm sig, do hani ou gseh dass di Schprütze gar nid bis as ändi gfüut isch, ei Zentimeter isch läär, auso het mi Iteilig gar nid gschtumme. Uf di fini art hani mim Maa gseit är söu doch lieber dr Esu hebe u ni drücki de d Paschte is Muu, di chlini Cindy het e Schou abzoge, mir heise nid möge haute u heise haut abunde, das isch no nüt gsi aber de d Soraya, di isch gschtige u z letscht heimir se mit zwöi Seili abunde um se z entwurme. Dr Benj und Ronja si di einzige gsi wo Freiwiuig mit gmacht hei, bis vor zwöi Johr hets doch Granulat gä zum Entwurme u när heisis nüme härgschteut, si hei äuä zweni Verdienet, das Granulat heisi eim grad us dr Hand gfrässe.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es gibt doch seit ein paar Jahren eine Entwurmung mit Tabletten !
1 Tablette für 100 kg glaube ich !

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Die Tabletten habe ich  mal ausprobiert. Die Esel haben sie mir vor die Füsse gespuckt, weil sie es nicht kannten. Unbedingt unauffällig zusammen mit ein paar Guezli verabreichen! Sonst kannst du die Dinger im Stroh suchen.
Ich kann die Spritzen zum Glück ohne Probleme verwenden. Bei uns gibt es immer gleich was feines hintennach, und ich lasse sie schon vorher an der Belohnung schnüffeln. So drängeln quasi alle vor, um als erster entwurmt zu werden :-)

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch ganz eifach ou e Choschtefrog, Telmin isch 22.50 Fr., Eqvalan 36.- Fr. u Equimax Tablette 45.-Fr.   e 300Kg. Esu choschtet mit Telmin 11.25 Fr. mit Eqvalan 18.- Fr. u mit de Tablette 22.50 Fr.. Mit 16 Esle geits de schön is Gäud u da me jo zwüschdüre sött abwächsle bliebt nume Telmin und Eqvalan.  Das mitem Gudeli isch sone Sach, gisches z früeh schpöie sis grad mit dr Paschte use, villicht bi  ig tschuuld, i go scho mitemene schlächte Gwüsse wüi weiss das es grussig isch u de überdragi dä Eku grad uf d Esle. Z nöchschtemou probieri si überlischte u rüehmes das feine Gudeli woni do heig, aber äbe zerscht muess i mis Hirni usschaute u das isch gar nid so eifach. Wemir öper das Granulat cha bsorge de nimi grad für di nöchschte paar Johr, es heisst Equivermex u das frisst jetzt jede Esu diräkt us dr Hand, Toni könntest du nicht mal in Deutschland schauen ob du das kriegst,? danke . I dänke drum wärde so viu Esle nüme Entwurmt wüus sone Sach isch.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jo jo üsese Fröilein Malala isch scho baud ei Monet aut, si entwicklet sich guet u isch guet Integriert i dr Gruppe, mängisch scho rächt fräch. Geschter wo di angere suber ungerem Band düre putzt hei het d Malala gmeint si müess no viu witer, so mitemene Gsichtsusdruck "die Schtrombänder si nid für mi " isch si grad unger drüne Bänder düre. Da si jo so Mönschbezoge isch, isch si sofort cho woni grüeft ha, wart nume morn hets de Schtrom druf do chasch de sicher si. Hüt morge hei wieder aui schön Rändli putzt u d Malala het grad wieder unger düre wöue, aber äbe nume wöue, autsch het das zwickt u si het ganz verdatteret us dr Wösch gluegt u für e ganz Tag het das Fröilein dra dänkt.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mir wird die nächsten Tage der ein und andere TA über den Weg laufen.
Da frag ich gleich mal nach "Equivermex-Granulat" !

LG

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

churz befor d Sorraya dr Sandro übercho het, bini bir Dolores am Eselihüete gse.
Einisch am ne abe woni nomau bi go luege bir Sorraya isch si im Stroh gläge und het kurz und abghacket sträng gschnufet. I bi verschrocke und ha dänkt, Jetzt chunnt das Fühli. Es wär ja nache gsi vom Datum här... Schnäuu hani Stroh gholt und ihres Bettli no ufplschteret. Chli gnärvt über d stöhrig isch si du ufgschtange und het wider ganz normau gschnufet...
Ja... dr Sandro isch haut e grosse :-) Und i som ne chline Esu buuch hets ni so viu platz für fühli, lunge, darm.... De geits schnufe haut chli schwerer bim lige aus weme stoht :-)

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Herzlichen dank für deine Bemühungen, Toni, ich hoffe du wirst fündig. Hüt morge woni gseh ha dass es wieder emou e chüelere Tag wird hani sofort am Tierarzt glütet u gfrogt obs ächt müglich sig dr Darius cho Kaschtriere, är het zuegseit für am Nomittag am zwöi, i söu doch dr Darius dinne bhaute är sött nüme frässe.  Schnäu gseit, dä dräit jo düre wener Schtundelang allei ir Boxe söu warte, i ha churz überleit, he klar i legim  eifach e chline Muuchorb a de chaner ou nid frässe isch aber bi de angere. Was isch de das wieder het är dänkt, i ha no müesse z Nackeschtück apasse, chumm hani dr Rügge kehrt isch dä Muuchorb scho am Bode gläge, "He was söu das ? hesch du dä öpe säuber chönne abzieh? do hani gseh dass dr Riehme zum zuetue ganz nass isch gsi, aha do het öper beduhre gha mit em Darius u het ihm dr Muuchorb abzoge. "Los Darius es git nume zwe Müglichkeite du geisch allei id Box oder du akzeptiersch dä Chorb, i hase is Gras glo, aui hei chönne frässe nume dr Darius het müesse zueluege aber wenigschtens ischer bi de angere gsi, nidemou drinke bim Mami het er chönne. Am haubi drü isch dr Tierarzt äntli cho u mir hei chönne afo, mir Kaschtriere meischtens i dr Quarantäneschtation, d Dunja heimer dört is Böxli gschperrt, jo wi schwär isch är ächt? i ha gmeint so um die 200 Kg. är isch jo praktisch glich gross wie Dunja u di wiegt 270 Kg. üse Tierarzt git immer zerscht zweni, kontrolliert u git de no chli u villicht no einisch, är isch vorsichtig. Es isch es paar Minute gange biser z bode isch, dass gseht nid schön us u mi wett immer häufe aber bi däm Gwicht cha das gfährlich wärde, Dunja isch ganz ufgregt gsi wosi gseh het dass dr Darius liegt. Nach dr Kaschtration ischer no es Zytli sturm gsi u mi Maa het ne gha, är wär gärn go drinke het aber si Chopf nid gedtrout z dräie us angscht är ghei wieder um. Die angere Esle si schön ufgreit am Zuun gschtande u hei dere Sach intressiert zue gluegt, mir si du mit dene zwöine i Schtau abe u di angere si wi wiud go z Bluet schläcke. So jetzt hani Zyt es Plätzli für e Darius z finde u es cha nüme passiere, jo i weiss nachem Kaschtriere chöi si no Decke aber är isch gottlob no nid so wyt gsi u drum bini Ruhig.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es geit am Darius super guet, hüt morge hanim d Bei u dr Buch gwäsche vo däm idröcknete Bluet u de hani asim Buch u de Bei ganz viu Eutergel vom Künzle agmacht damit de z Ungezifer ne i Rueh löh. I ha mou e Plüschesu übercho wo zur Musik tanzet, öpe so hets Nomittag ir Quarantäne Box tönt wo d Dunja u dr Darius drin si gsi, i ha gmeint si heige Bräme u ha wöue go häufe, aber si hei nume d Bei vou Flöige gha, villicht sis Schtächflöige gsi uf au fäu hei si Tscha Tscha Tscha Tanzet. Nei nei si si nid separat, sid letschem Dezämber wo d Telefongseuschaft isch cho Loch buddle hei d Esle ihres gliebte Böxli ir Quarantäneschtation nüme chönne benütze, sid dä Mäntig isch äntli wieder aus wis sött u d Esle gniesse ihres Böxli. Mi gloubt fasch nid was di für fröid hei, do chömme es paar cho z schpringe, eine nimmt das Böxli i beschlag u duets Verdeitige, di angere wei ou ine aber dr erscht lots nid zue. Do gö haut aui wieder wäg, jetzt ischs aber nüme Intressant füre erscht auso chunnt er ou use u sofort schpringt e angere is Böxli u z Schpiele geit wieder vo vorne los, u genau uf das schpiele heisi sächs Monet müesse warte, klar isches jetzt wieder sehr Intressant.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

D Malala isch so öpis vo Vorwitzig, do het si doch gseh dass aui am obe öpis im Chrüpfli über chöme auso isch si bim Mami go luege aber di het ihre Chopf natürli nid drus gno.  Si het drückt u drückt u do het äntli Tabea dr Chopf einisch glüpft u si het chönne es bizeli Fuetter schtibitze, woni das gseh ha hani zuere gseit "he bisch du scho sone grossi wo ou öpis im Chrüpfli wott ha, wart morn überchunsch ou echli. Am angere obe hetsi scho schön gwartet bim Chrüpfli u när hetsi chönne schmatze, jedes Eggeli  hetsi putzt, es paar Schtückli Rüebli u nes haubs Expressotasseli Würfeli, ui das hetere gschmöckt. Bim Sandro muess i geng derbi bliebe süsch frisst d Soraya aues wäg, Schinheilig putzt si dr Bode ungerem Chrüpfli u chunnt ganz zuefäuig bi sim Chrüpfli ufe u scho hetsi z Muu drin, dr Sandro het jetzt gmerkt dass d Würfeli ou ganz guet schmöcke, am afang het er immer brav zerscht d Rüebli gfrässe.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I weiss es git Lüt wo fröid hei a dere Hitz, aber zu dene ghöri 200 % nid, aues wo über 25 Grad isch isch zviu für mi, dr ganz Tag bini wine toti Flöige, im Chriechgang machi mini arbeit u we öper alütet u frogt "wie geits ? de foni afo Jammere dass d Lüt sofort dänke "hät i doch nid gfrogt. De Esle geits guet u do i mi meh oder weniger im Huus ufghaute ha weissi gar nid was z verzeue. Wosi uf dr Weid si gsi hani im obere Schtau nocheputzt u wär isch do ufzmou cho? jo genau d Malala isch cho id Boxe brünzle, ganz allei, uf mini Frog "woisch de z Mami ? hetsi gmeint "i bi scho gross i muess nüme immer ir nöchi vom Mami si" u het grad d Situation usgnützt mit mir z Schmuse. Si gseht  baut nüme zu de Ouge use, d Hoor wachse drüber, jedesmou wesi bi mir isch schtrichli di Hoor ufzite um ihri Ouge z gseh. Nid emou uf Bräme isch hüt verlass gsi, i bi doch viu z kaputt gsi um d Esle us dr Weid z hole u ha dänkt d Bräme mache das de scho, chasch dänke, i ha säuber ufe müesse u d Esle us dr Weid triebe.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Miri , kurze Mitteilung über den Stand der WURMKURSUCHE  :

Hab jetzt durch Zufall einen jungen TA (noch im Studium) kennen gelernt und auf die Suche nach Deiner Wurmkur (Equivermex;Granulat;Wirkstoff:Fenbendazol)
angesetzt !
Eine Kollegin , die ihre Wurmkuren aus Holland bezieht hört sich dort auch mal um !

LG

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hallo, das ist aber nett dass du dir soviel mühe gibst, aber es ist schliesslich für die Esel da kann keine Anstrengung zu gross sein, pst du Verräts mein Pseudonym, hi hi hi

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Entschuldigung ! (meinst Du das war noch so GEHEIM ?)

Ich wollt mich hier auch als " Priska" anmelden , aber der NAME war schon vergeben !
Das ich sonst KARIN heiße hab ich bestimmt auch schon geschrieben !?

liebe Grüße aus dem z.Z. gewittrigen Bayern in die Schweiz

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Womer am afang hier gwohnt hei u no nid soviu Esle hei gha, bini mitem gepackte Langohr uf d Eiertuur, mi Maa het z Outo brucht zum go schaffe. Am Nomittag hani feins Brot bache u nachem Schtaune hani z Babettli bürschtet, hanim dr Marokkanisch Paschtchorb ufe Rügge bunde u de d Eier u z Brot drin verschtouet u de simer abzöttelet. I bi am afang no allei gsi u bi de vo Huus zu Huus go probiere d Eier u z Brot z verchoufe, i ha versuecht dr Esu irgend wo azbinde u de hani glütet, "grüezi heit dir inträsse a früsche Eier u Brot diräkt vom Hof?  "nei nei heisi gseit u scho wöue d Türe zuetue, dr Gwunder hetse gschtoche u si hei gluegt mit was i de ömu ou ungerwägs sig, wosi dr Esu gseh hei si si fasch düredräit vor fröid "e richtige Esu, chömet cho luege heisi id Wohnig grüeft u nachdäm si z Babettli genüegend gschtrichelet hei si si doch bereit gsi dere unbekannte Frou Eier ab z   choufe, auso hani das mim Esu z verdanke dass i hüt soviu Chunde ha. Es isch gar nid eifach gsi dr Esu irgendwo azbinde wonid Giftigs züg gwachse isch u es het viu Zyt brucht, woni eimord wieder zum Babettli cho bi hei d Nachbare visavi ufem Baukon glachet, was heisi ächt? hani mi gfrogt u de hani d beschärig gseh. Z Babettli het dänkt jetzt heigsi de lang gnue das duftende Brot umedreit u woni nid ume bi gsi hetsi haut hingere i Chorb greckt u es Brot usegrisse u gnüsslich afo frässe, isch jo ou verschtändlich gsi. I ha du sofort gmerkt dass i muess Hiuf ha u ha de es Chind gfrogt obs ächt nid jedi Wuche wöu cho häufe es überchöm de ou e Batze, u d Chunde hei ou fröid dass d Chinder häufe u gäbe de ou no öpis drüberri u so rändirts für d Chinder auimau. Hüt hani zviu Chunde u Esle auso goni mitem Outo bis zum erschte Huus u vo dört gömer mitem Ichoufswägeli u em Hund vo Huus zu Huus, d Lüt froge "wo si de d Eseli? jo das isch äbe so, drü si z chli um soviu Eier z drage, zwöi hei Füli für die isch dr Wäg z wyt, vieri hei nid wöue cho, eine Schohnet u di angere si so dräckig gsi dass i bis am morge hät müesse putze. D Wohrheit isch dass i mit Schtauhne z lang ha u de isch dr Wäg so wyt dass i am viertu ab Sächsi ha müesse Schtarte u erscht am haubi zähni wieder bi dehei gsi u das isch mir mit dr Zyt z viu worde u de hani ou immer meh Chunde u muess meh Schachteli Eier mitnäh u das wird langsam aber sicher schwähr.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Wes so heiss isch wie gägewärtig warti geng das Bräme mini Esle us dr Weid jage, aber hüt hets wieder einisch nid klappet, auso isch mir nüt angers übrig bliebe aus bi dere Hitz di schteili Weid uf z chlätere u si isch Migottdüri rächt gross. Woni ufs Bödeli ufe chume, was gsehni do?, am Nachbar sini Chüeh si uf dr andere Site vom Zuun, u was mache mini Esle? si Profidiere Schamlos dervo. Wiso ? He we dänk soviu Chüe u Chäubli ume si de hei di aui Bräme bi sich u d Esle bliebe verschohnt, schlau schlau si di Esle. Heit dir ou scho mou gachtet wi viu Bachschtäuzli uf dr Weid um d Bei vo de Esle si, zerscht hani angscht gha es wärdi eis Drabet u erscht bi lengerem Beobachte isch mir ufgfaue dass d Esle bim vorwärtsloufe Müggeli ufschüche u genau uf die warte d Bachschtäuzli, geniau find i wi di Natur funktzioniert.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

In einer Pferdeklinik habe ich gestern die Auskunft erhalten :

Equivermex gibt es in DE nicht ! (ist ja klar , denn die Wurmkuren haben wohl in anderen Ländern auch andere Namen)

Den Wirkstoff : Febendazol  gibt es nur als Paste mir anderen Zusatzstoffen !

LG

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Danke für deine Bemühungen, Equivermex kam eindeutig aus Deutschland, stand ja so auf der Verpackung, aber eben es gibts nicht mehr, wirklich schade. I ha chli Hitzefrei gno, hüt isch wieder einisch aues drunter u drüber, scho weni am morge ghöre dass es 35 Grad heiss wärdi hani grad dr Verleider u de isch no Schtrou hole agseit gsi. Mit zwöine Outo mit Pferdetransporter si mir nach Biu gfahre u natürli we mi Maa derbi isch, simer viu z früeh dört gsi, i dänke mi Maa wird einisch no z früeh im Himmu acho u wird de no einisch Hei gschickt. Nachere haub Schtund warte isch dr Buur äntli cho Presse u mir hei chönne lade, da Tanja jo Schwanger isch het si mini arbeit dörfe mache, das heisst langsam Outo fahre u mir angere hei d Schtroubäueli inegäh, mi Maa macht geng erschte Lader, mit üsem Outo isch si aschtändig gfahre, schön im Krichgang, das isch äbe e Outomat. Mit em Rudolf sim Outo het si rächt Müeh gha Langsam z fahre, es isch immer wieder Ruckartig vorwärts gange u dr Fredy isch einisch uf de Schtroubäueli glandet u z nöchschtemou baud hingeruse gheit. U mir drü wo d Bäueli hei wöue ine gä hei diräkt müesse noche schpringe u i ha vor luter lache baud id Hose gmacht. Mit de erschte Fuehre si mir schnäu dehei gsi u hurtig isch abglade gsi, es isch scho Komisch, we ni ir obere Bühni bi de lot mi Maa di Bäueli ire Gschwindigkeit ufe dass i fasch nid noche ma, si aber di zwe Herre dobe de wartet er bis eis Bäueli ufem Förderband dobe isch bevor är z nöchschte druf tuet, jo jo di Männer, zunang heisi scho Sorg. U wieder si si gäge Biu gfahre u i bi dehei bliebe um afo z Schtaune, i bi no nid fertig gsi si si scho wieder do gsi u mir hei abglade, dr Rudolf isch u isch nid uftoucht, isch ächt öpis passiert? hei mir gratiburgeret, woni id Wohnig go gsehni ufem Telefon 10 Anrufe, aues dr Rudolf, är heigi e Panne mit em Outo, mi Maa het gseit "i reiche dr Pferdetransporter" u wäg isch er gsi. "He Momänt i ha jo no Eiertuur wie söu i jetzt go? U z Fürli het schön brönnt,mir hei doch nach dr Arbeit wöue Grilliere, dr Ronny het gmeint "de fahr i di haut damit du dini Eiertuur chasch mache" o guet, aber zerscht heimir no müesse e haube Kilometer loufe sis Outo het er dört vorne Parkiert, da är e Schpoiler het u üse Wäg nid unbedingt grad isch het er angscht er schlöng uf. Woni vor däm Outo schtoh hani dänkt, ou ou, "wie schtiegi ächt i, vo mim Landqruiser bini mir höchi gwöhnt u jetzt hani am Bode unger söue ischtige. Da üse Ort jo zimmli am Schtutz liegt hets dr Ronny fertig brocht geng so z Parkiere dass i gäge ufe ha müesse usschtiege, i bi mir vorcho wie 100 Jährig, vo eim Huus zum angere fahre usschtiege ischtiege u das öpe 20 mou, u zu auem ane si fasch kener Lüt dehei gsi, isch de öpe Zyt dass die Ferie verbi si. Chumm dehei hets gheisse, "so dass Fueder muess ou no abglade wärde, i bi so öpis vo fix und fertig, jetzt goni go schlofe guet Nacht.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Vor zwe Tag wos äntli wieder einisch e chüelere Tag het gä hani dr Rudolf gfrogt ob er ächt mit chöm mit de Esle go  loufe. Aus erschts heimer Tabea und Malala zwäg gmacht, i muess immer wieder stuhne ab dr Junge Malala, jetzt isch si 5 Wuche aut u macht das aues wine aute Profi. Abinde, Putze, Huf kontrolliere u de zum Dörli us immer vorem Mami dr ganz Wäg, klar zwüschedüre hani es Gumpeseli am Seili gha, mir si düre Waud u hei Slalom gmacht um Böim, sidefin isch si um di Böim oder ou grad zwüschedüre wesi noch binang gschtande si. Mit einer Säubschtverschtäntlichkeit wi wemer jede Tag ungerwägs wäre gsi, dass git es Bombeeseli, was heisst git ?es isch scho jetzt eis. Womer wieder heicho si hani gseit "jetzt gömer no mitem Darius, i muess igeschtoh dass i mit ihm am afang müeh ha gha, nid dass er öpe e Böse wär gsi, aber er het wiene Puatuu usgseh u die hani u gsehni nid gärn. Stop, stop müesst mir nid wüescht säge i ha klar u dütlich gschriebe I CHA NUET MIT IHNE AFO" i ha nis gseit si sige nid schön, i weiss es git viu Lüt wo gfaue hei ane u das isch ou rächt, aber i ghöre eidütig nid derzue. Auso wo dr Darius so usgseh het hani mini müeh gha mit ihm, aber jetzt ischer e rächte Grand noir du Berry, ganz schwarz u jetzt bini grad richtig Verliebt i ihn, är isch jo fasch 1 Jährig u chläpt no fescht ar Dunja, u Darinka sini Schwöschter chunnt fasch dürs Döri wemer ohni si gö. He Rudolf weisch was mir mache? mir nähme dr Darius u Darinka mit, gesagt getan, Dunja het scho chli blöd gluegt womer ohni si dervo si, dr Darius hetme scho chli müesse überzüge vo sim Glück aber nach 50 Meter het er sich doch lo überzüge u isch du fröidig mit glüfe, ou mit ihne simer düre Waud und um Böim, es liegt ou viu Houz am Bode das lehrt se grad d Scheiche z lüpfe.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So hei mir ächt hüt äntli dr letscht heiss Tag gha?, wär jo schön, de chönnt me wieder normau läbe u Schaffe, bi dere Hitz ischme jo nume no ume gläge wi toti Flöige. Mir hei üse Transporter so a Drocheplatz gschteut dass d Esle säuber ine chöi, si heis ou flissig usgnützt, dr Malala hani gseit "chumm mit mir ine u si isch eifach cho, när bini wieder use ohni öpis z säge, si het mir läng nochegluegt u het du nid rächt gwüsst was si jetzt söu mache. Woni hüt obe aui i Schtau brocht ha isch si ömu ou derbi gsi, de hetsi doch wieder usegfunde, auso das hetsi ou scho glehrt, i muess baud Schtudiere was si de no sött lehre. Morn wotti de mitem Darius üebe, är isch scho igschtiege aber i wett gärn dass er no chli lieber ine geit, u ou Darinka luegt no chli Skeptisch, es isch äbe scho so, mit de chline goni meh vo Huus aus mit de grosse, aber jetzt heimer jo de dr Kurs mit dr Judith Schmid us Belgie, do goni mit dr Darinka, wei mou luege ob mir no öpis chöi lehre, i bi gschpannt. Heiter dr 15 Septämber igschriebe für üsi offeni Schtaustüre? wär schön we chli Lüt würde cho.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Z Dütschland hei si agfange ihri dunkle Esle wie Zebras azmale das hauti d Bräme ab, si chönni nid lande, irgendwie chöni si das Muster nid i ordne, das het feiechli luschtegi Biuder gä vo dene bemalene Esle, u schins nützis, ei Bsitzere het grad säuber es gschtreifts Tischört agleit u ou Rueh gha vo dene läschtige Viecher. Dr Darius isch dr ermscht, da är jo no di Wunde het vom Kaschtriere gö di Viecher immer dört dra u de chunnt er scho gli wieder us dr Weid u schteit de im dunkle Schtau verschteckt. Komisch, de suecht ne Dunja nid, aber wehe mir gö mitem Darius u emene angere Esu go loufe de schteits si ufem Drocheplatz u duet ganz fin Jammere, mi muess grad lache. D Malala het eimimmer im Oug, chumm chunnt me cho z loufe frogt si scho "weimer öpis mache? oder chunnsch eifach um mit mir z Schmuse" "Nei nei Malala,du bisch nid di einzigi wo gärn wott Schmuse di angere chöme ou dra, es wird schön glichmässig verteilet dass aui öpis dervo hei".

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Steht der 15.September fest ?

Ich geh morgen zum Norma das Eseltoilettenpapier kaufen (2 Packungen) , eine für Dich , wenn Du willst !

LG

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hoi hast wohl nicht gelesen was ich geschrieben habe in "Eselwelt.org"? es ist lieb gemeint aber ich putz mir nicht meinen Hintern mit WC Papier wo Eselfotos drauf sind, dafür liebe ich meine Langohren zu sehr. Heisst das etwa dass du an meinen "Tag der offenen Stallstüre am 15 September 2013 kommst? wär ja schön.  Woni no mit de Esle uf d Eiertuur bi isches einisch ganz gfährlich gsi, d Schtrosse si voukomme Verischet gsi, i ha probiert mit em Esu ganz am Rändli im höchere Schnee z loufe doch plötzli isch si uf Isch cho u d Bei si i aui Himmusrichtige grütscht u bevor i ha chönne Reagiere isch si ufem Füdli ghocket u dr Chorb mit dene vile Eierschachteli isch im Zytlupetämpo hinger abe grütscht. Mir si rächt verchlüpft, u was mache mir jetzt? d Eselin het d Luscht verlohre, u d Schtrosse si ou geng schteiler worde, i ha mi Ghiufme vo dört us gschickt go d Eier z verchoufe, woner fertig isch gsi hani gseit "chum Eseli jetzt gömer wieder ganz vorsichtig hei" u si isch du cho u mir si ohni witeri Zwüschefäu dehei acho.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Auso hüt hei 16 Esle Glück gha dass dr Metzger nid gschaffet het, di hei mi soöpis vo veruckt gmacht dass es baud Salami usne gä hät. Fömer vo vorne a, da mi Maa mi jo geng bekocht u ou mi Muetter das Wuchenänd bi üs isch zum Ferie mache vom Heim, gits dr Schwiegermuetter z lieb scho am viertu vor Zwöufi z Mittag. "Hesch no 5 Minute Zyt um d Esle id Weid z loh" het er mir zum Fäischter us grüeft, hoppla de muess i jo pressiere, i han  em Neli u dr Ronja dr Muuchorb agleit u de gseit "schnäu schnäu chömid id Weid i muess go ässe. I bi z vorus glüfe u ha grüeft u glöhckt "chömmid chömmid, woni hingere luege isch ke einzige Esu cho, "he was söu das ? heitir öpe ke Hunger?, i bi wieder zrügg u bi hingerse gange u hase triebe, wiederwiuig si si vor mir här gschlärpelet u bir nöchschte glägeheit grad wieder ab boge u wieder gäge ufe gsecklet. Langsam aber sicher hets mir dr Nuggi use gjagt "de bloset mir doch id Schueh, de goni haut go ässe u dir müesst  Verhungere" hane noche grüeft. I weiss gar nid was si gha hei, werum si nid id Weid hei wöue, i ha natürli äxtra langsam gässe u dänkt, weder nid chömmet weme rüeft de müesst dir haut jetzt warte. Am viertu vor eis bini wieder use u ha es viuschtimmigs "MIR HEI HUNGER" ghört, i ha gar nid reagiert, i bi ei Wäg ume anger go zuemache u hase de wieder gäge d Weid triebe, si si dervo gsecklet, di hei nämli mi Wulle gschpürt, schön dr Wäg ab u jede zwöit het wieder wöue abbiege, isch aber nüme gange do i jo zue gmacht ha in weiser vorussicht, das het so luschtig usgseh wiesi hei wöue abbiege u im letschte Momänt z Seili gseh hei, e Schlänker gmacht hei u du äntli ir Weid glandet si wosi doch scho vor mer aus ere Schtung hi söue hätte. I gloube a dere Gschicht isch sicher mi Maa tschuuld gsi, wüuer immer so pünktlich wott ässe, u d Esle löh sich eifach nid lo Schtresse, u woni gseit ha "schnäu schnäu" het nämli di ganzi Misere erscht agfange. Ir zwüschezyt hani mi wieder beruhigt u es git devinitiv ke Salami us mine Esle, Pasta.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I finde es isch immer wieder schön weni nöi Esubsitzer mit ihrne Tier cha häufe dr Rank z finde. Sit afang Johr si di zwe Schtuete bi dere Buurefamilie, dir gloubet gar nid viu viu Wärt di zwöi hei, dr Maa het äntli e nöie grössere Traktor wöue choufe, do het d Frou gseit "aber erscht  weni darf mini Esle choufe, auso de heisi doch glichviu Wärt wine Traktor, oder. Mir Telefoniere öpe zäme u de wirts immer e chli es läns Telefonat, vor churzem hani zu mim Maa gseit "chumm mir gö einisch di Familie go bsueche, i muess luege ob i nid öpis cha häufe damit di Esle meh use chöme. Mir si ufemene grosse Buurehof glandet, aues bigobelo, es het Hühner, Schöfli u Buuregeisse gha, jo aber wo si de ömu ou d Esle?, mi cha mi doch nid so uf d Foutere schpanne. D Buurefrou het üs i Schtau gfüehrt u do hani di zwe Schtuetene gseh, si si uf viu viu Schpöhn gschtande u hei ou dervo gfrässe, das hetmir nid so passt, Bsitzere het mir zeigt viu viu si Fuetteret," hm hm scho chli wenig, dir dörft ruhig e chli meh gä," si söue lieber Schtrou frässe aus soviu Schpöhn, u de nid immer aues userume, es darf ruhig e chli auts drin bliebe, u de Weize Schtrou gä das heisi weniger gärn aus Gärschteschtrou. D Boxe isch scho rächt aber aues mit Pänels u das mitts im Schtau, uf eire Site si d Geisse, aber es isch eifach aues offe, do chönnt me doch mit Plache e chli abschirme damit si zur Rueh chöme. Mir si di verschiedene Weidli go aluege, si het viu Platz u mit dene verschiedene Tier chasi es guets Weidemänäschmänt mache. Aber di Esle chöi nid säuber use u das schtört mi, i ha umegluegt u gschtudiert, "was isch das für e Platz? wenn wird dä brucht? Das sig z Güueloch, u do wärdi ab u zue e Wage Parkiert u süsch sig das läär, "hei ideau, es Dach hets scho, auf beidne Site mitemene Bang abschberre u scho hei d Esle e super Drocheplatz , 15 uf 10Meter öpe, u mitere Usicht wo me nume cha dröime, uf eire Site si d Chüe mit de Chauber dört louft ou immer öpis, u de isch no d Chauberbox wosi ou ine chöi we nid grad e Chue am Chaubere isch. Am angere Tag isch scho d Rückmäudig cho," das isch dr Wahnsinn, di zwöi si schtändig ungerwägs, hingere u füre, eini luegt de Chüeh zue u di angeri luegt id d Witi, mit so eifache mittu hei mir üsi Esle Glücklich gmacht, vile vile dank, "aber gärn gscheh, mängisch gsehtme vor luter Böim dr Waud nid" ha ha ha.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt hani wieder einisch Bricht übercho vor Samantha, i ha doch es Wulle chnöieli verchouft u jetzt uf de nöischte Fotis gseht si scho richtig Erwachse us, nüme vo Wullechnöieli, i dänke jetzt darf i de einisch go luege, ha nid z früeh wöue go, bim Tambo voni bi go Bsueche hets mir grad z Härz abdrückt woner fasch übere Haag het wöue gumpe um mit mir z cho, so öpis wott i nid no einisch erläbe. Bir Samantha u ihrne Gschpähnli gsets so friedlich us, uf eim Biud chunnt si grad im gschtreckte Galopp derhär, super Foti, danke Regula. Es isch schön weme vo Zyt zu Zyt öüis vernimmt vo sine ehemalige Füli, u me d Gwüssheit het e guete Platz usegläse z ha.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch scho gemein, do überchumi so luschtigi Fotis vo dr Samantha u chase immer no nid zu mine Gschichte zügle, mischt mischt, o we doch äntli öper Zyt hät um mir das z zeige. HILFE Lütlis, het niemer es Härz u chunnt mi cho Schuele?, irgendwo muess doch öper si wo chli Zyt fürig het u mir mit mire länge Leitig das chönnti bibringe, weme nume dänkt wi viu Lüt dervo chönnte providiere, zu jedere Gschicht das passende Foti derzue, das wärs. Z Fröilein Malala het hüt wieder es eigets Weidli gha, das fräche Ding isch eifach unger de Bang düre, ok gits morn wieder Schtrom druf, di cheibi Gumsle hets gmerkt, aber immerhin hets 2 Wuche duret. Morn wott se wieder einisch mässe, s nimmt mi scho Wunder wi viu si scho gwachse isch. Hüt isch d Nachbari mit Chinder z Bsuech cho, i Schtuhne eifach immer wieder wi Geduedig di Tierli mit dene Chinder umgöh, dr Sandro het zerschte Chind wone gschtrichelet het grad Atoptiert, u wes de zumene angere Esu het wöue go ischer eifach grad mit u isch wieder vor dra gschtande damit das Chindli jo wieder ihn schtrichli, schlau schlau.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt hani ärnschthaft mitem Darius gred, "weisch langsam müesse mir für di es Plätzli sueche, chasch nid immer bim Mami bliebe, hüt chunnt es Ehepaar cho Eseli luege, viellicht wär das öpis für di, geisch de fründli go grüezi säge". Am zwöi si si cho u mir si zäme zu de Esle, aui si cho luege was das für Lüt sige, nume eine het sich verschteckt, dr Darius isch zhinderscht im Ufenthautsruum gschtande u het sich nid bewegt. D Malala het di Wädli vo dere Frou zum a bisse gfunde u i ha di gröschti müeh gha se dervo abzhaute, "nei nei das darfsch du nid, hani gseit u se chli witergschupst, u was het di Frou gmacht? si het se gschtrichlet u gseit "aber das macht doch nüt. Aber hallo, ou Füli muess me erzieh u weni säge nei u se wägschtosse de darf me se nid no Belohne. Die Lüt hei dr Esuführeruswys gmacht bi dr Edith aber si müesse no viu Lehre aber i dänke das mache si scho no, ömu z Marisa Hafner Buech hei si kouft. Aber es si eidütig nid di richtige Lüt für e Darius gsi, si sueche für e Früehlig zwe Schtuetene so um di 110cm u wenn müglich dunkli mit Mäuhmuuh.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So, jetz hei mir dr Salat, d agate het aune Lüt wo nume eis Ross, Pony oder Esu  hei, e Frischt gä bis mitti Septämber es zwöits Tier zueche z tue. I ha Telefonat vo Lüt wo jetz schnäu e Esu zum Ross sueche eifach aus Alibi üebig, klar versuechi di Lüt z überzüge si söue doch zwöi Eseli näh, wesi nämli mitem Ross usrite schreit sider dr Esu dehei di ganzi Umgäbig zäme u de si d Problem scho vorprogrammiert. Aber si löh sich nüt lo säge, i hoffe d Esubsitzer schtudiere wohi si ihres Tierli verchoufe. Wieder einisch öpis us dr Esuberatig, e Maa wo einisch bi mir e Esu gsuecht het, het mir schpöter gseit är heig jetzt zwe 160cm grossi Esle chönne choufe, " guete Maa, das gloubi erscht wenis säuber gseh ha, ir Schwyz findet me fasch keni so grossi Esle. Nacheme Johr het er mir si Jung Wallach uf d Verchoufslischte wöue gä. "wie gross ischer de? hane gfrogt, öpe 110cm, antwortet er, WAS bi Eutere vo 160cm?? Si si äbe nid so gross, nume 120cm, i ha mi fasch nid chönne erhole vor lache, dä guet Maa isch Lehrer, woni äntli wieder ha chönne rede hanim gseit "das si aber Wäute, 160cm isch bi mire Schtirn u 120cm bi mim Buchnabu, hi hi hi. Im Januar het si Schtuete wieder gfüllet u jetz heig är 4 Esle u heig doch nume zwe wöue, "aber i muess öich doch sicher nid erklähre dass e Schtuete u e Hängscht zäme unweigerlich für Nachwuchs sorge? Jetzt het er dr Wallach u dr Hängscht zäme imene angere Schtau gha aber dr Hängscht plogi dr chli, är wöu jetz di zwöi Junge zäme tue u dr Hängscht wieder mit dr Schtuete. "Nei nei, das dörft dir nid, di chlini Schtuete brucht doch ihri Muetter no u dr Hängscht deckt doch grad wieder d Schtuete u de gits wieder Nachwuchs. Es git Lüt di löh sich eifach nüt loh säge u i Löu rege mich no uf, i ha mis müglichschte do.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Vor zwei Wochen habe ich Dolores zu Besuch gehabt.Wir haben uns durch die Eselberatung kennengelernt. Auf der Suche nach unseren zwei Meitli war sie uns eine sehr grosse Hilfe. Nun stand eine Stallvisite an. Es ist schon Zweierlei von einem Tierli zu Traeumen oder eines zu besitzen.Nach Tierschutzgesetz ha ten wir die erfordrlichen Masse fuer Stall, Auslauf und Weide.Aber wir moechten alles daran setzen das es mehr als nur das ist. Mit dem nicht alleine in den Stall oder auf dir Weide waren wir nicht Gluecklich. Dolores empfahl uns auf dem sogenannten Guellenloch eine einfache Absperrung zu errichten. Da wir Gebrannte Kinder sind (wir besitzen Ziegen )Zweifelten wir anfaenglich ,obwohl es auch fuer uns als die beste Loesung erschien. Wir richteten alles ein . Nun sind die Eseli den ganzen Tag Draussen und koennen nach Bedarf in der Abkalberbox unterschlupf suchen . Das Fazit ist das unsere Tierli Ruhiger sind und Ausgeglichener. Anfaengliche Angst vor den Kuehen ist Beidseits kein Thema mehr. Auch veraenderten wir die Boxen Hygiene von fast klinischsauber zu sauber so fressen sie praktisch keine Einstreu mehr.Noch ein Thema zum Weidmanagment, bei so vielen Tiergattungen auf der Weide ist es von Noeten die Weiden zu sauebern. Danke Dolores fuer die Tipps! Mach weiter so es braucht ,es bracht euch als Berater zum Wohle der Tiere. Jetzt hoffe ich das es unseren beiden Meitli bei uns gefaellt , den Anschein macht es .

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Danke für d Blueme, es git doch no Lüt wo uf eim lose, u wär providiert? d Esle, exgüsi dasmou ou mi Maa, är het nämli e Site Schpäck übercho. Nöchschts Wuchenänd findet dr Kurs mit dr Judith Schmid in Le Bemont schtatt, s nimmt mi Wunder was mir aues lehre u üsi Esle ou, wen öper z Buech vore wett chaners mir säge u am 15.9. bi mir abhole we dr a üse "Tag der offenen Schtallstüre" chömmet. I hoffe doch schtarch das  ganz vieli Esu Lüt erschiene u natürli ou angeri um üsi Alag cho z beschtuhne, üses Wägnetz wett i gärn zeige, ä Chabis, das  mache doch d Esle, we mir nämli Bsuech hei de gits aubot e Esuwanderig uf de Wägli, so zeige si de Lüt "gsehter wi mirs schön hei?.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ich glaube schon , das viele Leute kommen , denn ich mache auch Werbung für den 15.09. bei Euch.

LG

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Vielen dank, Mensch do hei mir üs uf öpis igloh, das isch so schnäu gseit mir mache e "Tag der offenen Stallstüre" aber was das aues für Fouge het heimer nid überleit. Do muess no öpis gflickt wärde, für die  arbeite isches no z früeh, zum Bischpiu d Schtäu nöi schtriche, das chöimer erscht im Septämber mache süsch si si scho wieder versch........, ou d Schpinnhumpele chani erscht e Wuche vorhär abesuge. I mim Chopf geits drunter u drüber, d Ideene chöme vo links u vo rächts, bim mischte ufem Mischschtock chunnts mir ds Sinn, dä sött i äuä de ou schön verlege, am früechere Wohnort heimir sogar Buure gseit i heig e schöne Mischschtock. Nöii Schtrombänder müesse ou montiert wärde, das isch wenigschtens öpis womer scho morn chöi mache, u de wetti no früsche Mertu ufe Drocheplatz due, nid viu villicht 5 cm, aber äbe, es muss aues gmacht wärde, vo däm hani no gar nüt gseit, i muess e gäbige Momänt abwarte. Dr Garte muss gjätet si, d Ränder müesse gfädelet wärde, u de was muess i aues aschriebe? mi Maa baschtlet grad Esuchöpf womer de a d Wägwyser chöi hängke um dr Wäg zu üs ds zeige. Wär macht was? Wie müesse mir üs aschriebe damit d Lüt wüsse a wän sich wände, dir gseht 100 Froge, u was wei mir aues zeige u erklähre, mir erwarte zwe Gruppe Lüt, d Esufründe u de d Lüt vo Moutier wo nume wei Eseli luege u d Chind lo rite. Was biete mir zum ässe a? Wieviu z drinke i choufe? We mir nume öper chönnt säge wie viu Lüt chöme de wär z läbe viu weniger Kompliziert, z einzige wo parat isch si d Esle, di chöi mini ufregig gar nid verschtoh, si säge mir "irgendwie geits immer mach di nid verruckt" u i muess säge si hei rächt, es chunnt wis chuunt paschta.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

D Esle froge sich was ächt das söu, es wird gwärchet dr ganz Tag, si schtuhne u luege u chöme aues cho kontrolliere, mi Maa isch scho chli e arme, aues muess schtimme. Bim Zuhne wärde zerscht Pföschte a zeichnet u de d Isolatore agschrubt u de ziehni di nöii Kordle i, woni hingerluege gsehni das es nid grad isch, auso no einisch dr Isolator richte, das heisst für mi Maa immer wieder dr Isatz wächsle bir Bohrmaschine. Vom Drocheplatz gäge Wäg heimir no  zwe Reihe Latte am Zuhn, u di si leider nüm grad nöi, i ha zu mim Mandli gseit "chumm mir näme di ungere wäg, we nämli d Chinder druf schtöh lösi sicher grad a däm Tag lo go u das gseht de nid schön us". Mir hei vomene Fründ vili Sache chönne Erbe unter anderem ou nöii Kordle, mir hei drüfach gschpannet u klar hets wieder nid glängt, schad es isch schön rot gäub gsi u das gits ir Landi nid, "de näme mir haut gäubts für z ungerscht, hani gseit. "Nei nei das isch nid schön het er gmeint, auso mängisch isch är no bingeliger aus i, är het no rot gäubs gfunde aber viu dünner u das het er montiert, äs gseht super us. Mir hei nid nume e Chrampf, mi gseht ou öpis dervo.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Dolores , macht Euch doch nich Verrückt !
Es muß nicht alles passen , denn man soll doch wohl nur Euch und Eure Tier besuchen !?
Wer von uns hat nicht hier und da seine Baustelle ?
Wenn das Wetter mitspielt (und das wisst Ihr ja auch noch nicht),laufen die Leute ja draußen rum und Betrachten die Gegend und Eure Esel.

Ich bin ab dem 13.09.2013 ca. Mittag bei Erna Schmid auf dem Hof (ich glaub die kennst Du?) , wenn Ihr was für Euren Sonntag braucht , was Ihr nicht oder nicht mehr
bei Euch besorgen könnt , versuch ich es mitzubringen ! (mach ich gern)

lieber Gruß aus Bayern

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ja das sagt sich so leicht, hab heute Erna Schmid Telefoniert und gefragt wie viele Leute da waren "500" ok, machen wir doch mit links, mein Gott. Die Zäune sind fertig und mein Mann auch, er meinte wenn er einst im Himmel sei und es da Esel hätte würde er sofort sagen "ich zaune keinen Meter mehr", ach der arme Mann. So jetzt gits drei Tag Rueh da ich jo a Kurs go u mi Maa muess ganz allei dehei d Schtellig haute, dr Ghiufme isch wäge sine Zähn z Ungarn und cha nid häufe, mischt, do versuechi immer aues schön z Plane u de chunnts geng angers. Nöchschti Wuche probieri de mou z Thema vom Drocheplatz ufs Tapet z bringe, drücket mir doch ganz fescht d Dümme, nei nei mir mache üs nid verruckt, i bi nume e chli Närvös, klar müesse mir das nid aues mache, es zwingt üs niemer, aber eso isches gmacht u mi Maa cha nid immer Brämse. Z letschtemou woner bi sine ehemalige Arbeits Kollege uf dr Kunschtiisbahn isch go ne Bsuech mache het er klagt, är müess jo dehei me Schaffe aus woner no garbeitet heig, hi hi hi u när het gmeint nach dr Pension chönn är när e ruhigi Chugele schiebe. Was gar ke arbeit git si d Esle, si gseh so schön us u es geitne prima, i probiere dr Malala z lehre nid wiene Ragete us dr Boxe cho z schiesse sobaud i Türe ufmache, gar nid so eifach bi däm Muschter.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So, zwe Tag vom Kurs mit dr Judith Schmidt si düre, si isch sehr e Symphatischi Person u het öpe di glichi Wäuelänge wie ni. Mir si 10 Persone u heis luschtig, leider für mi keni nöiie Erkenntnis, eifach Beschtätigung vo mim Wüsse, würkli öpis nöis hani nid glehrt. Dr Klaus wo vor 4 Johr bi mir dr chli Bonsai kouft het, isch mit sine zwöine Esle derbi, är het scho Parelli, Monti Roberts u no viu angeri Kurse bsuecht, mit em Bonsai wo jetzt Felix heisst, het er sini liebi müeh, är isch zwüschedüre rächt fräch u ungeschtüm. D Judith het ne chli gsäncklet u em Klaus zeigt wiener söu reagiere, us luter angscht dass dr Felix wieder blöd düeg, het er ne so churz dass er fasch nüm cha Schnufe u sich erscht rächt gäge Druck vom Haufter uf d Nase wehrt, erichtige Tüfuskreis. Es nimmt mi Wunder was mir morn no mache, es het gheisse Zirkuslektsione.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch scho Komisch, so ne komplett angere Tagesablouf macht eim meh müed aus weme dehei di normali arbeit macht. "Gäu Mandeli bisch froh we morn nüme muesch mischte?" jo jo, het er gmeint, u i fröie mi wieder chönne go Bouele z jage u luege ob no irgendwo e Matratze sig oder aui ufem Mischschtock  glandet si, mi Maa macht aube churze Prozäss u rummt eifach aues use anschtatt erläse, he nu, jedes machts uf sini Art u meint es sig di richtigi, aber äbe weles isch di richtigi das isch hie d Frog. Hüt heimer no Zirkuslektionen düre gno, i ha d Inca bimer gha, i ha nämli de angere dr umbouti Transporter wöu vorfüehre, si si sehr intressiert gsi. Geschter hani d Darinka zu zwene Wallache inegschteut wo Haargenau wi si usgseh hei u di drü si grad eis Härz u ei Seuu gsi, glichheit verbindet, woni hüt mit dr Inca wo jo drüfarbig isch, zu dene Wallache ine bi, heisi ganz verdatteret gluegt," was söu ächt das si? das isch sicher ke Esu" hei si dänkt. D Inca het ne z Hingerteil zuedräit u adroht "wehe eine chunnt mir z noch de chlepfts", jo so si si hat aui e chli angers.  Es isch luschtig zue z luege wi di verschiedene Esle uf di gschteute Ufgabe reagiere, wi d Judith scho im Kurs erklährt het si d Wallache eidütig Nöigieriger aus d Schtuetene, i ha das nid uf üs wöue lo Sitze aber z  Ingeli het ganz längwilig ihr Gägend ume gluegt u het mi Schüli Nachthafe blamiert, sone Seich. Auso we d Judith Schmidt wieder einisch id Schwyz chunnt de göt doch go ihre Kurs bsueche. Jetzt wird dr Umzug vom Eidgenösschische Schwingfescht parat gmacht, no einisch aues guet überlege, wie Dekoriere das es guet usgseht u mir e prima Idruck hinger löh bi de Zuschouer, auso nid verpasse am 30 Ouguscht z Burgdorf am drü findet er schtatt, zwüsche 20 bis 30 Langohre wärde mitloufe.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt woni d Weid putzt ha isch ei Esu ume anger cho hoi säge, d Malala het ganz intressiert gluegt was i do so machi mit em Boueletaxi, wos vou isch gsi hani dr Arm über ihre Haus gleit u gsei "chumm mir gö zäme go z Taxi id Garette lähre " wunderbar isch si mit mir cho, zwüschedüre hani gseit "schteh und vorwärts", si het guet glost u mir hei das schpieli sicher füf mou gmacht. Mi muess geng ufpasse dass si nid z Schtürmisch uf eim zue chunnt, am obe i dr Box woni ha dr Tabea d Huf gmacht hetsi mi ganz süfferli am Chopf abgschnupperet, ganz fin, i ha überhoupt nid müesse angscht ha si wöu mi i Chopf bisse. Schpöter im obere Schtau hani am Sandro sim Mami d Huf gmacht u ou är isch cho dr Chopf abschnüfle aber plötzli het er doch wöue zubisse u i ha müesse he säge, jo jo, är het äuä nume wöue zeige dass är mi zum frässe gärn heig. I ha no es riese Problem für uf Burgdorf, d Cindy u d Soraya si rossig, das wird mir öpis gä am Umzug, i gloub i mache dene zwöine chli öpis schmöckigs a damit dr Sandro nüme rossigs schmöckt, so wis tönt het müesse aui ganz aschtändig si u a ihrem Platz bliebe, schön längwielig, z Publikum wott doch ägschen gseh u nid so bravi Schöfli. D Nadja u ni hei abgmacht dass mir beidsitig wyt use loufe, u wemer de müesse warte so chöimer de chli zu de Lüt damit si chöi d Eseli schtrichele, u we üs öper wott wüescht säge de mache mir haut nieme mit.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So i dänke das i aues parat ha für e Umzug, i ha mi jetzt entschlosse dr Cindy z Reklamedüechli ufe Rügge z due, do het mi Maa ganz droche gseit "das chasch nid mache, d Cindy mit ihrem grosse Buch schtreckt jo das Düechli grad u de chöis nume no di Lüt usem Helikopter läse" u när het dä Böggemöff no derewäg glachet. Auso i finde das gar nid luschtig u d Cindy sicher ou nid, schliesslich hei mir ihn ou nid usglachet woner sones grosses Bidoo gha het. Do dr Sandro gägewärtig sowieso nume z Decke im Sinn het würd das Decheli niemous uf sim Rügge bliebe. Geschter isch wieder emou sones Telefon ine cho woni nid gärn ghöre, e Frou het bim Piuze sueche 3 Esle gfunde, zwe Schtuetene mit bluetige Sarkoide u es Füli, aui mit schlimme Hufe. Si het scho Kontakt mit dr Polizei gha u het wöue wüsse wie witer. I hare es paar Tipps gä u jetzt het si mitem Polizischt abgmacht um am Samschtig mit dene Bsitzer go z rede ob si di Eseli use über chunnt u de gösi de uf Bärn i z Schpitau zum Operiere u schpöter chömme si de zu mir bis si wieder guet zwäg si umse de nöi z Plaziere. Wenn aui wo das läse am Samschtig dr Dumme drücke de schaffe mirs beschtimmt das die Eseli grettet wärde, ganz fescht drücke.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Also  ich drück schon die Daumen !

LG

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I bi Fix und Fertig, aber es isch mega schön gsi z Burgdorf am länge länge Umzug, am morge am haubi zähni si mir abgfahre u am obe am 10 si mir wieder dehei gsi. D Eseli hei super mit gmacht , dr Sandro het zwüschedüre sis furchtbare Röhre lo erklinge u d Lüt hei gschtuhnet wi so ne chline Esu cha töhne. Di schön zwäg gmachte Eseli hei Ufmerksamkeit us sich zoge, di gröschti arbeit isch gsi di Dekoration vo de hungrige Esle z schütze, d Babette mit ihrem Servelaring u em Brot isch e rächte Blickfang gsi aber leider hei ou d Wäschbi fröid dra gha u mir hei mitemene Eschtli dergäge gwädlet u do hei doch d Lüt gmeint mir düege däm Esu Fächere wüus so heiss sig, ha ha ha. Womer wieder zum Usgangspunkt heigwanderet si hei üs viu Lüt es Komplimänt gmacht wie schön doch  üsi Esle heige usgseh, das het üs natürlich uwäuts gfröit. Das jo hüt rächt heiss isch gsi hani miner Socke im Outo glo u natürli ungerwägs ebluetige Zeie gha, churzerhand hani haut miner Sandale abzoge u bi Barfuess glüfe, ungerwägs isches kes Problem gsi, erscht ufem Schwingergländ hets viu viu Schteindli gha, mini arme Füess hei scho chli müesse liede, aber das geit aues wieder verbi, churz gseit es isch e wunderschöne ermüedende Tag gsi u i bi froh das mir mitgmacht hei. Mängisch bini fasch e chli verläge worde we d Lüt so fescht Klatschet hei womer vorne düre gwanderet si.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mängisch chame nume lache ab dene Langohre, di füf hei hüt d Gringe geng no höch höch obe, di meine äuä mir sige geng no am Umzug, irgendwie isches haut scho idrücklich gsi, zwe e haub Kilometer zwüsche tussige vo Lüt düre Flaniere u gfötelet z wärde. Die hingerüs hei üs auerdings scho chli d Schou gschtohle, zerscht het z Puplikum üsi schön gschmückte Esle mit viu Aplous gutiert u  im nächschte Momänt hets gheisse "was si de das für grossi Teddybäre?  "das si waschächti Puatu (Poitou), das si Franzose mit dene müesst dr de Wäutsch rede, hani zur antwort gäh. Es si eifach Schätz gsi üsi Esle, di mache gärn so Sache mit, no öpis wägem Verlade, i ha jo beschriebe wiemer mit Alulatte d Esle sichere im Ahänger. Mir hei mit dr Soraya und em Sandro agfange, di hei dr ganz Spitz gha, chum hei mir d Alulatte ighänkt isch dr Sandro scho wieder ungerdüre gschlüfe, dä cheibe Löli, den isch d Cindy cho u wieder e Latte u de z Babettli, jede isch schön higschtande nume dä chogge Sandro het gmacht was er het wöue, zhinderscht isch d Inca gschtande u de heimir schnäu zuegmacht. Bim hifahre isch dr Sandro bir Cindy gschtande womer uf gmacht hei, z Nacht bi üs de hei hani d Maria no gfrogt "bi wäm schteit ächt dä luser dasmou? ganz brav bim Babettli het er gwardet bis mir ufmache, jo di Füli mache immer e chli öpis angers aus si söue, isch doch glich, so chli eigeiniazitive muess si.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ja, das war wirklich eine einmalige Sache da in Burgdorf. Über eine volle Stunde an tausenden Leuten vorbeizulaufen mit ständigem Applaus. Es hat mir sehr gefallen mit Euch SIGEF-Leuten. Gerne ein anderes Mal wieder. Aber es war auch sehr anstrengend. Der Ballenberg wird dagegen wohl ein Picknick sein? Auf den freue ich mich auch schon. Auch meine Helfer sind an ihre Grenzen gestossen und das ist auch gut so, aber sie haben sich tapfer geschlagen. Um 23.00 Uhr war ich dann in meiner Wohnung. - Wie viele andere Leute und Tiere bei dem Umzug auch noch mitgemacht haben sah ich erst in der Zeitung und im Fernsehen. Ich bin auch sehr stolz auf unsere Esel wie cool die das alles mitgemacht haben. Abends, als es draussen fast dunkel war und wir lecker bei Gisela gespeisst hatten, mussten wir die vier Esel noch von der Weide holen bzw. jagen und in den Transporter laden. Alle stiegen sofort ein ausser Morena, sie ist dann immer auf Geschleck aus, sonst steigt sie grundsätzlich nicht ein. Gerne denke ich an diesen Umzug mit Euch zurück und es kommt mir in der Erinnerung fast noch schöner vor als in Wirklichkeit.

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jo, dir gseht mir si ganz higrisse vo däm Ereigniss, schad für aui wo nid derbi si gsi. Uf dr Gmeinsweid isch ghouzet worde, dr ganz Tag het me d Sagi ghört u zwüschedüre wiene Boum gheit isch. Woni d Esle nachem Mittag us dr Weid triebe ha, hei si sich entschlosse i unger Schtau z go, genau i däm Momänt wosi ar ängschte Schteu düre si isch 10 Meter witer äne wieder e Tanne gheit, ganz intressiert heisi zuegluegt wi dä riese Boum gheit, u kene het angscht gha. Schpöter hetsi mi dünkt i ghöri di Sagi ganz noch u scho het dr Holunderbusch gschüttlet "he was söu de das? di chöi doch nid eifach bi üs cho Böim ummache ohni üs Bscheid ds säge, i bi sofort nöcher ane u ha wöue go wüescht due u was gsehni dört im Loch unge? dr riesig Schottisch Hochlandrindochs het sich sini länge Hörner a mim Holunderbusch gwetzt u das genau zum lärme vo dr Sagi, was hani do müesse lache wägä däm Missverschtäntnis.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Am nöchschte Sunndig, dr 8 Septämber isch in Fahy e Esuwanderig, wie wärs we dir ou würdet mitmache? Wo Fahy liegt? churz nach Porrentruy, es wär schön we öper würdi mitmache, i ga uf au fäu, i weiss no nid wie mänge Esu i mitnimme, s chunnt druf a ob öper mitmacht. Gäbet öich doch e Ruck u chömmet doch, es isch immer luschtig, jede nimmt sis z ässe säuber mit, es het e müglichkeit zum Brätle, auso bis am Sunndig.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch wieder emou Schindumärit gsi in Reconvilier, i go au Johr um z luege was für Eseli verchouft wärde, zwöi Hängschtli si no rächt jung gsi, dere Frou hani scho letscht Johr is Gschäftli gschpöit. E Sympatische Maa het es Schtüetli agluegt u het glichzytig mitem junge Hänschtli glieböiglet, natürli hani mi wieder müesse imiesche, "nei nei das Hängschtli isch eidütig z Jung u di Schtuete isch ou scho euter, mi Vorschlag wär, dir choufet di Schtuete, dr Bsitzer söu se no einisch heinäh u mir sueche e Jungi Schtuete derzue woder schpöter einisch chöid Decke" Nach langem überlege ischer iferschtande gsi u dr Bsitzer ou u dä Handu isch gmacht worde, jetzt sueche mir unbedingt e Zwärgesuschtuete so zwüsche 2j -10j. weder öpis wüsst de gäbet doch bscheid.Eine wo au Johr mit z Junge Esle chunnt het es Jungs Schtüetli gha wo äuä no nid mängisch e Bürschte gseh het, u am Haus hetsi rächti Verletzige gha, anschienend vom Hängscht. "W A S ?? die isch mitem Hängscht zäme gsi i däm Auter, de dreit si villicht scho, hanim gseit "Nei nei vor 14 Monet chöisi nid ufnäh" het er mir wöue wismache, ganz fautsch, si chöi mit 1j Decke u ufnäh. Zwe Schäggesle het er no derbi gha, ou die hei verschiedeni Verletzige gha, i ha verschiedeni Lüt ghört zäme rede "lueg was die für Verletzige hei di chöme sicher nid vomene guete Ort" i ha fröid gha dass d Lüt so reagiert hei. Zwüschedüre hani mis Chärtli verteilet u gseit Lütet mir a i ha e Lischte mit Eseli vo e nöie Platz sueche. U när isch mir so öpis Pinlichs passiert, i darfs fasch nid verzeue so muess i mi Schäme, bi de Ponys hani e Buurefrou vom gliche Ort gseh mit ihrem Meitschi, di isch ufemene Pony gsässe. Si het mir verzeut dass si das Tier kouft heig da ihres Ross allei sig, i ha e Plastigsack u e Schtäcke gha, do gsehni dass das Pony mitemene Panikhoge abunde isch gsi, i ha erklährt dass das ganz gfährlechi Höge sige u hane aglängt, i däm Momänt bini auem anschien mit mim Schtäcke z noch vom Pony gsi u das het dr Chopf zrügggrisse u dr Hoge isch offe gsi u das Pony frei. Läck isch das e blödi gfährlechi Situation gsi u di chlini isch immer no drufegsässe, klar hani aues sofort lo gheie u ha das Pony am Haufter chönne hebe u wieder abinde, auso wes es Muusloch gha hät wäri grad drigschlüfe. I ha mi tuusigmou entschuedigt, ha di chlini no grüemt wisi das guet gmacht heig u sich mit de Bei gha heig am Pony u när bini gange, mitemene ganz schlächte Gwüsse, das i das Chind i Gfahr brocht ha mit mim blöde Chafle.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Eigendlich dünkts mi i sig Ruig aber innerlich bini äuä scho ufgregt, üse "Tag der offenen Stallstüre nochet nämli, i hoffe dir heit öich z Datum nämli de 15 Septämber ufgschriebe. Sit emene Monet hani e endzündede Eubogge, am Umzug hani mi arm chli Zeie bluetig glüfe dass er fasch nüme wott heile u hüt bini vo Wäschbi agriffe worde, we das so witer geit ligi de a üsem wichtige Tag im Schpitau. I läbe jo nachem Motto, we dir öpis weh duet de wott dir di Körper öpis säge, är red u red u i lose nid, kes Wunder passiert eis ums andere, uf d Wäschbigschicht müesst dir no warte. Hüt heimir Bsuech über cho, es nätts Pärli wo isch cho dr Darius aluege, si heis ömu probiert aber äbe d Malala isch immer wieder derzwüsche, das isch sone Chläblus mi gloubts fasch nid, di ganzi Zyt verzeui am Darius dass eines Tages de Lüt chöme und ihn wärde useläse. Mit grosse Ouge lost er mir zue, dä Maa isch ganz ruig ufe Darius zue u hetne gschtrichelet u mitim gred, de heimir no aui angere Eseli vorgschteut, i ha dr Darius beobachtet är het immer wieder zu dene Lüt gluegt, är isch sich ömu nid go verschtecke. Dr Maa het sich sofort i Darius verliebt, es isch jo ou e schöne, mir hei verzeut u är het üs vo sine drü chline verzeut u immer wieder isch dr Darius gschtrichelet worde.Mir si öpis go drinke u de hei si wieder müesse go, ihri Tier hei jo ou gwartet dehei, si si no go adiö säge u de heimir bim Outo no chli gred, u wär isch drü mou cho usem Schopf luege? dr Darius, är isch bis a Zuun cho luege u het überleit, jo was het er ächt überleit? Weisch Darius ou bi angerne Lüt chas schön si, hane beruhigt, d Lüt hei einisch wöue drüber schlofe. Ke Schtung schpöter, auem anschien e Blitzschlof gsi, heisi scho bscheid gä si wöue dr Darius unbedingt, aber das fröid mi de schono. Das Wuchenänd wei mir go dr Platz luege u de chaner nachem Feschtli de Zügle, i bi froh dass so liebi Lüt dr Darius usegläse hei.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt no Gschicht vo de Wäschpi, mir hei gseh das Wäschpi usemene Loch ufem Esuwäg gfloge si, mir hei beschlosse öpis z ungernäh bevor d Esle gschtoche wärde. Auso hei mir gratiburgeret was mache, "chumm mir dränke e Lumpe mit Disuu, züntene a u stecke ne is Loch, es het sicher e viurtu Schtung schön brönnt. Am anger Tag si si wieder gfloge, auso no einisch mit Füür probiere, u wieder si si gfloge, mir hei e Schpreidose mit Wäschbigift kouft u wos ignachtet het simmer go di ganzi Dose is Loch  schbrütze. Woni am nöchschte morge go go luege wieder z chliche Biud, jo Heinomole was chöi mir de no mache? bim mischte hani dänkt, jo jo do hani no dänkt schpöter äbu du nüm, i muess jo d Wasserchessle lähre das chönnti doch grad is Loch kippe. I ha di schwähre Chessle bis zu de Wäschbi dreit, u was hani dört atroffe? dr Fuchs het über d Nacht das ganze riesige Näscht ufdoh, es het e rächti Unrueh gherrscht, u äbe do hani vergässe z schtudiere, i bi z fuu gsi das Wasser wieder zrügg z drage u has mit Schwung is offne Loch gschüttet, läck si di Wäschbi cho u i ha gar nid gwüsst das i no so schnäu cha seckle, es het numeno eis gä Flüchte. U scho hets ufem Handrügge brönnt u de no am Oberschänku, sofort hani mit Eutergel küehlet, uh das het gut do, i ha am Chammerjäger aglüte u mi Gschicht verzeut, i söu nüt me mache das sig Gfährlich är chömm no vor em Mittag, är het e Chutte agleit u unger het er bluti Scheiche gha, het würkli luschtig usgseh, mitere Pumpi het er Pulver is Näscht drückt, das sige öpe 400 bis 500 Wäschbi i däm Näscht. Ds Loch isch übrigens fasch 40cm witer äne gsi aus si usgfloge si, aues Taktik, so verrate si nid wo ihres Näscht isch, dä ganz Schpass het no viu Gäud koschtet nämli 120.- Fr., i ha sicher 10mou Eutergel druf gschmieret, es isch nid fescht ufgschwuule aber bisse duets das i fasch verruckt wirde, ha hüt doch no Fenistil ir Apitek ghout. I dänke das d Esuwanderig vo Fahy is Wasser gheit, d Wätterprognose si sehr schlächt füre Sunndig, schad.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Geschter simer go dr Platz aluege wo dr Darius sött hicho, wunderschön, drü hübschi liebi Eseli, e wunderbare Schtau, uslouf u viu müglichkeite um Wägli z mache, aues het super usgseh u mir si mit guete Gfüuu  hei gfahre. Hüt heimer d Esuwanderig mit und ohni Eseli in Fahy düregfüehrt, i muess säge das ou i ohni gange bi, bi dene Wätterverhäutnis hani nid wöue Riskiere se Schtundelang im Räge lo z schtoh. Mir si trotzdäm es luschtigs Grüppli gsi, nacheme guete Apero simer zur Waudhütte ufe gschpaziert, vorab isches 5j. Meitschi glüfe mitere 130cm grosse Schtuete, het uwäuts luschtig usgseh. Bir Hütte heisi Grilliert u när  ei Chueche nachem angere füre gno, i ha mi nume gfrogt wär ächt die aui söu ässe, uf mini Bitti het d Maria ganz chlini Schtück gschnitte, so hetme doch me verschiedeni chönne probiere, mmh mmh das het schöckt. Nach langem Palavere hei mir üs wieder ufe Heiwäg gmacht u do hets afo Rägne, ds Meitschi isch wieder mit ihrem grosse Esu dervo marschiert u d Mueter mit dr chline Schwöschter hinger noche, ungerwägs isch si plötzli bliebe schtoh. Es het immer feschter grägnet u das Chind het mit siner Mueter Diskutiert, es git jo nüt schöners aus im schtröhmende Räge z warte, d Mueter het gfrogt "wotsch rite? "nei nei du hetsi gmeint, d Mueter het erklährt das si nid mit dr chline Schwöschter chöni rite, läng läng isch si gsi di Diskusion. Z Letscht isch d Mueter ufgschtiege, i ha di chlini ad Hand gno u di 5j. het dr Esu gfüehrt, mi hets scho dünkt e Frou i däm auter sött doch säuber chönne rite, aber es het eifach so söue si het das Meitschi gmeint, hi hi hi. Woni dehei achume lütet ds Telefon u es isch dr Maa wo sich für e Darius intressiert, plötzlich het er angscht ihm nid gerächt z wärde, i verschtohs nid, geschter isch no aues ir Ordnig gsi u hüt das Telefon, i go jetzt go schlofe u drücke ganz fescht d Düme dass es klappet, es wär schad wenn nid, es si würkli nätti Lüt, villicht chöid dir jo häufe drücke, danke.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Bi dere Frou wo di Wanderig Organisiert het, hani vor 9j. Tonga verchouft, natürli e Esuschtuete, jedesmou wese gseh ha ischs si dicker gsi u immer wieder hani gseit si söu weniger Fuettere. I Schätze d Eselin über 20j. u di angeri het ihr zwüschezyt gautet, si isch e richtig auti Schtuete, ganz igheit u verlührt aui Hoor, di Frou het es Problem, aui Tier wosi het wott si unbedingt am Läbe erhaute, mir aui säge immer dass sig fautschi Tierliebi. Si nimmt immer Hüng uf wo angeri Lüt wei ischläfe, dr letscht isch e Schtrossehung usem Usland gsi, plötzlich het er Problem gha bim Brünzle, ihri Tierärztin het mit Tablette ghuufe, uf einisch isch wieder fertig gsi mit Brünzle, i dänke dass ihri Tierärztin gseit het me chönn däm Hung nüme häufe auso het si ne is Tierschpitau uf Bärn brocht. Dört heisi feschtgschteut das dä Hung e ganz Bösartige Proschtatachräbs het u heinim du es Röhrli id Harnröhre gleit damit dr Urin het chönne abfliesse, schön grusig, überau wo dä Hung sich bewegt het isch e Urinschpur zrügg bliebe u nach eim Monet het si ne doch müess ischlöfe, um däm Hung no e "glückliche Monet z schänke" hetsi 4000.- Fr. usgäh. Die drei angere Hüng si ou aui aut u chrank, am beschte sött me se ou ischlöfe, e chline het e Chräbsgschwuulscht wiene Orange, söu mir eine säge dä heig keni Schmärze. Zrügg zu de Esle, di chlini het fasch  keni Zähn meh u cha z Höi nüme frässe do hani gseit si söu haut Churzfuetter gä, u dr Tonga nume nütigs es haubs EXPRESSO Tasseli, u was macht di gueti Frou??? si git dr Tonga zwe Chüble vou, da di chlini so lang heig a ihrem Fuetter lueg Tonga immer übere u düeg glüschtele, he hallo wäm duet das weh????? Die Eseli hei immer zuegang zur Weid, dr ganz Tag hei beidi e Widlichorb vou Höi u när no das viele Churzfuetter. Aber di Frou lot sich nid lo belehre, si mach jetzt sicher ke Abmagerigskur mitere aute Eselin, u schliesslich heig si di Tonga so vo mir übernoh. Vor 9 Johr wosi di Eselin isch cho hole uf Mutier hetsi am Bahnhof gwartet u i bi mit dr Tonga abeglüfe u do hetsi üs gfötelet, i cha mit 4 Fotos bewiese wie die Schtuete het usgseh. I dänke das di chlini nüme lang läbt u de hetsi es Problem, i ha gschwore das si weder e Adrässe no e Esu vo mir wird übercho, i wirde aues unternäh damit si keni nöie Tier meh cha ufnäh, si cha eifach nüme normau Schtudiere.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I bruche unbedingt öii Unterschtützig für nöchschte Sunndig, di ganz Zyt bini am Dumme drücke für irgend öper u jetzt söttet dir für mi drücke, dass aues guet louft am Sunndig u vorauem schöns Wätter isch, auso aui wo nüt bessers z tüe hei Dümme drücke. Was nöchscht Sunndig bsunders sig? froget dir öich, äbe dr "Tag der offenen Stallstüre" in Moutier, d Schtäu si gschtriche, d Schpinnhumpele gsuget, d Fänschter putzt u zwar so suber dass i mi Maa gfrogt ha "werum hesch du im Schtau z Fänschter offe? Hä??? är het nume Bahnhof verschtande, das chunnt öpe vor bi mim liebe Manndli, är het müeh mit mini Gedanke Schritt z haute, es isch äbe e Pensionierte. Morn wei mir no früsche Mertel ufe Drocheplatz tue damit ou dä schön usgseht, i froge mi Maa gar nid, dr Rudolf hiuft mir scho, de cha mi Maa go Fädele. Was das wieder sig? dänk go d Ränder putze mit dr Fademaschine, jojo nach däm Tag bruche mir grad es paar Tag Ferie, zwe Tag vor em Huus u zwe Tag hingerem Huus. Auso bis am Sunndig u dänket a ds Dumme drücke, danke, merci.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ich werde Dir auch die Daumen drücken, leider kann ich nicht vorbeikommen. Ein anderes Mal machen wir das bestimmt wieder. Vielleicht ist ja auch jemand da, der anständige Fotos von Deinem Event machen kann. Die könnte man dann auf die Webseite laden. Alle Deine Esel zum anschauen.

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Heit dir hüt mi Maa ghört chiffle?? I ha ganz fin agfange "du Schätzeliii" ou do chunnt nüt guets we du so afosch, het er gmeint. I wett gärn no früsche Mertu ufe Drocheplatz due damits am Sunndig schön usgseht u d Eseli hei ou fröid am nöie Materiau, was meinsch??? Schpinsch ? auso nei mir hei süsch scho gnue arbeit, das chunnt überhoupt nid i frog, schlo dir das sofort usem Chopf, eso u ähnlich hets töhnt, gar nid öpe fründlich. Aber äbe i ha scho z lang Esle u di hei abgfährbt, was i im Chopf ha das wott i eifach ou, paschta, i hane lo Zitig läse u bi mitemene längwilige Lätsch näbe dra gsässe. Hmm wie chane ächt umschtimme?? De machis haut mit em Rudolf allei, chasch mir dr Ahänger ahänke u de gone go Materiau hole, mir hei probiert uszrächne wie mängi Fuer i muess mache, i cha jedesmou nume dreiviertu Kubik lade. Gesagt getan, i bi i d Gruebe gfahre u ha Mertel lo lade u bi wieder hei u zäme hei mir afo ablade, zuegäh i muess äuä mängisch fahre aber ihre haub Schtund bini wieder zrügg, wemer früecher hätte chönne afo wäre mir scho witer. Langsam het sich mi Maa lo erweiche u het abote morn de z fahre, jubiiiiii, de wird dr Platz doch no fertig bis am Sunndig.  Letsch Wuche het d Sandra ihri Esle zue sich gno da si am Sunndig öpis vor gha het, u hinger ihrer Wohnig isch e Grasbiz u dört hetsi si wöue lo Grase damit si einisch wieder me Zyt chönni verbringe mitne. Z Nacht si si imene Rossschtau unger brocht worde, aber o Schreck aui drü ihr gliche Box, wini ghört ha si si am morge rächt hässig gsi, klar bi mir het jedes sis Böxli ganz für sich allei. Geschter obe si si wieder cho, dir gloubets viellicht nid , aber wosi ihri Böxli gseh hei hei si übers ganze Gsicht gschtrahlet, hüt am morge isch dr Nela ihres Matrazli ganz ungerobsi gsi, di het sicher di ganzi Nacht sich gschtreckt u fröid gha das dr ganz Platz nume für si isch gsi.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mir heis gschafft u si gschafft, dr Platz isch fertig worde, mir si dr ganz Tag vo de Esle beobachtet worde, si hei uf aui wis u wäg probiert zu üs z cho, äuä um z Häufe, morn chöi si de go dr Mertu flach drücke. Mi Maa het jo hüt z fahre übernoh, dä het Gas gä das i fasch nüm nochemöge ha mit Rächele, am afang hani probiert nume 2 cm. dick ufzdrage aber wos immer schnäuer abglade isch worde isch haut d Schicht geng chli dicker worde. Mis Mandli het sicher dänkt, wesi scho ihre Chopf wott düreschtiere de söi si ou Chrampfe, isch scho chli ermüedent gsi, aber i ha mi früsch Platz, juhuiii, u mi Maa het d gnuetuig das mir viu meh Materiau brucht hei aus i zerscht usgrächnet ha, ganzi 9 Kubik ischer go reiche. Hüt het plötzli ir Zytig gschtande, füre Sunndig e chli Räge ,aber mir gloube ganz fescht das mir schöns Wätter hei dank öiem Dumme drücke.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Irgendeine het äuä dr fautsch Dumme drückt, si mäude ganz schlächt Wätter, de ässe mir haut im Ufenthautsruum vo de Esle, jetzt heimir aues zwäg gmacht u ikouft, mir ziehs düre. Hüt morge woni bi go fuettere hani gseh das Darinka di ganzi früsch gschtrichni Wand verkaket het," i gloubs jo nid, was bisch du für nes Söili". I bi id Wohnig zum z mörgele u has mim Maa verzeut "das isch mir glich, sie muess sich jo schäme nid ig" het er gmeint, i ha so müesse lache. Chumm hei mir se use glo si si sofort zum Drocheplatz ufe u när hei si müesse gschbüre u schmöcke, dr Sandro het sofort afo es Loch grabe um z luege wieviu Materiau mir heige drufdo, i gloub si hei jede Meter ungersuecht, auem anschin heimir guet gschaffet es het ömu kene Reklamiert. Leider hei di Lüt wo sich für e Darius Intressiert hei abgseit, per SMS hanis vernoh, i möcht de schono gnauer wüsse was si bewoge het, es isch schad, aber es isch wis isch, de sueche mir haut ernöit es guets Plätzli für ihn.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Läck bini müed, z Wätter isch versch....... gsi aber mir hei üs nid lang geergeret, aui Tisch u Bänk hei mir am morge ungers Dach treit, dr Grill, z Büffet u eifach aues was mir brucht hei i Züglet worde, es isch mänge Wäg gsi z mache. I ha super Giufme gha u wett ihne es Chränzli wittme, Tamara u Tanja hei ihr Chuchi gwürkt, d Alexandra u d Martina hei rite abote. D Monique, Svenja u dr Rudolf si für z strichele u putze Verantwortlich gsi, mi Maa het dr Grill übernoh, dr Ronny isch erschte hou mir u bring mir gsi u i ha d Füehrige übernoh. Zerscht hets usgseh aus we niemer chöm, mir hei scho chli längwilig us dr Wösch gluegt, aber langsam si doch eis Grüppli ums andere ufdoucht u mir hei chönne würke. Es het gueti u Intressanti Gschpräch gä, i ha üses Syschtem chönne vorschteue, sogar Vermittlige hani chönne Ifädle, klar zwüsche düre hets immer wieder e schütti Räge gä, he nu de isch me haut a Schärme gschtande. Moutier unter Wasser hei mir chönne Demonschtriere, schad für aui wo sich agmäudet hei u när doch nid cho si, wesi de einisch es Fescht Organisere u soviu War ichoufe u de viu weniger Lüt chöme gsehsi de säuber wis isch. Aui wo cho si hei e luschtige, nasse, schöne Tag erläbt mit zfriedne Esle, was wott me meh.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

D Schwaubeli si furt, di flissigi Vogumuetter het drei Bruete gmacht, di erschti isch jo erfrohre oder verhungeret da  d Eutere bim ewige Räge nid hei chönne go Fuetter sueche, u jetzt si si furt. Im ungere Schtau hani hüt e nöie Bewohner endeckt, i de Resärveböxli bini go Bolle jage, do gsehni e dunkle Huufe im Egge, "was isch ächt das?? hani mi gfrogt u bi go Licht mache, e riesige Igu isch ganz z hingerscht ar Wang gsi. "He du läbsch no?? ganz vosichtig hane mitem Chröieli  agschtubst u do het er sich bewegt, "hei do chasch nid bliebe, ufzmou tschaubet di e Esu u di Böxli bruchi no. I bi go witermischte aber jedesmou we eine ine isch hani angscht übercho umne, klar nid ume Esu sondern ume Igu. Z nöchschtemou woni bi go luege isch er scho wieder züglet gsi, ei Boxe witer vorne, hmm was söi ächt mache? hani gschtudiert, zerscht hani wöue Türe zuedue aber de chaner jo nüme use, geit nid. I hanim eifach ganz klar gseit dass er nid chönni do bliebe u bi wieder go schaffe. U bim dritte mou Kontrolliere hane nüme gse, es isch ganz e grosse gsi aber glich so schnäu het doch dä nid chönne verschwinde, ganz vorsichtig hani mit em Chröieli afo Schtrou wägmache u was hani gfunde? äbe dä Igu, er het sich würklich scho füre Winter wöue ibuddle. I has mim Maa verzeut, är het gmeint dä würde jo gschider bi de Chüngle ungers Schtrou go, mis Mandli isch wieder i d Chuchi u ni bi go luege woni dä Kärli chönnt anezügle, u würkli bide Chüngle hinger imene Egge hani es schöns Plätzli gfunde, i ha z Schtrou wäg gmacht u de bine go hole. Ganz vorsichtig hane is Boueletaxi gno, läck isch dä schwär gsi, sicher anderhaub Kilo, mi Maa fuetteret immer frömdi Katze bi de Chüngle hinger u i dänke dä Igu het sicher ou tou higlängt, di hei nämli z Chatzefuetter gärn. Am afang het mis Mandli ir Schüür gfuetteret u einisch woner ufe isch heter grad dr Fuchs verwütscht wiener Chatzefuetter gfrässe het, sofort het er mir grüeft,i ha gseit "mach sofort aui Türe zue i lüte grad am Wiudhüeter a das er ne chunnt cho schiesse, dä Fuchs het d Rüde gha u furchtbar usgseh. U was macht mi Maa???? aui Türe het er ufgmacht u gseit "i wott nid tschuld si am Tod vo däm Fuchs. I dere Zyt womer zäme gred hei isch dä Fuchs d Schtäge ufe i ober Schtock u us luter Angscht ischer vo dört abegupet u när het er sich sicher Verletzt i ha nämli gseh winer uf drü Bei dervo ghumplet isch. Na Bravo. anschtatt dass me ne schnäu erschosse hät muess er jetzt Verhungere, uf drü Bei chaner jo nüt Jage, mir hei ne nüme gfunde. U vo däm Zitpunkt a het mis Mandli d Chatze bi de Chüngle hinger gfuetteret u do isch haut dr Igu go frässe u het du sicher dänkt "i bi so vougfrässe das längt bis zum nöchschte Früelig, oder wott das heisse mir überchömi e früeche starke Winter??? weme das jetzt scho wüsst, u i gwundernase darf nüme go luege ober no im Versteck sig oder scho nüme.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

No öpis wo eigendlich nid mit de Esle z tüe het sondern mit de Esubetröier/in, womer voubelade mit üsem Cadi ihr Tiefgarage zu üsem Outo si cho het mi Maa bi sim Schlüssu ufs Chnöpfli drückt. I ha natürli no nid eso es moderns Outo aber mi Maa het uwäuts fröid wener zChnöpfli cha drücke, das isch äbe "das ewige Kind im Mann", auso mi Maa drückt u probiert d Türe ufzdue, aber es geit nid, er probiert no einisch, wieder nüt. Do chunnt natürli mi Kommentar" du drücksch dänk ufs fautsche Chnöpfli" "nei nei sicher nid, er probiert no einisch u den luegt är is Outo "he das isch jo gar nid üses Outo do isch jo ke Hung drin, üses isch grad hinger dra gsi. I ha säute i mim läbe so müesse lache, vo jetzt a schtöhmer mitts id Tiefgarage u de drückt är wieder z Chnöpfli u bi däm Outo wos de blinkt schtigge mir de i, so chunnts sicher guet, ha ha ha.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt morge hani e rächte Schock übercho, woni wott go Fuettere gsehni das es Schwaubeli ufem Näschtli hocket, di letschte Tage hani kes meh gseh. "He was machsch de du no do? di angere si doch scho furt gfloge" i ha überleit was jetzt mit däm Schwaubeli söu gscheh, de lüt i haut am Urs a dä bedröit jo e Voguuffangschtation, hüt obe lüt i grad a hani dänkt. D Eseli heisich scho gfrogt uf was i de ächt warti, si sige doch churz vorem verhungere, auso schnäu schnäu Koschtbari Läbe rette, uff es het no grad glängt. I ha mim Mandli brichtet vo däm Vögeli u är het ganz droche gmeint "so isch haut d Natur. Hüt obe womer so gmüetlich am ässe si luegt er zuefäuig zum Fäischter use, "he do flüge jo ganzi Schwärm vo Schwaubeli, di si jo no aui do, är isch nid allei. Sid mir keni Schtrom und Telefondröht me hei gsehtme gar nüme ob si no do si oder nüm, das einte Schwaubeli gniesst auso eifach sis bequeme guet bekannt Näschtli u i ha für gar nüt angscht gha. D Eseli luege dr ganz Tag längwilig usem Schtau u Ufenthautsruum, es bliebt no jo nüt angers übrig bi däm grusige Wätter.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch mängisch scho verruckt, erscht no het me soviu arbeit gha für letschte Sunndig u jetzt simmer am zwägmache für e Ballebärg. Morn wird mis Mueti 90j. de wootis am 10 Uhr weni süsch immer Telefonisch guete morge säge s go überrasche mitemene Bsüechli, i gseh scho ihres Gsichtli, si wartet aube mitem Finger ufem Telefonchnöpfli um sofort z drücke wes lütet, das brucht si de morn nid. Am Nomittag chömme zwe Kolleginne, eini schpiut mit mir Zithere u di angeri Singt, mir wei chli üebe um am Samschtig we di ganzi Familie mit Grosschinder u Urgroschinder am Grosi si Geburtstag fyret chli z Musige. Am obe chunnt d Rahel u d Alexandra, di zwöi gö jo mit mine Eseli a Ballebärg, auso heissts am obe aues its Outo lade wo si bruche, u am Samschtig schtarte mir am 7 Uhr, mis Mandeli u ig bringe di Bandi,lade us, Parkiere dr Ahänger u frese wieder zrügg uf Biel zum Feschtli. I go erscht am Sunndig morge ufe Ballebärg go häufe, aber mini zwöi Ghiufe mache das scho guet do hani ke angscht. I hoffe dir heit öich das Wuchenänd ou reserviert es si immer zwe ganz schöni Tage mit viele verschiedene Eseli, i aune grössine u Farbe, auso bis am Sundig.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Genauso wienis gschribe ha isches passiert, am liebschte wäri grad am Ballebärg bliebe, au di  liebe Kolleginnen u Kollege mit ihrne Esle, das schöne Wätter u di viele Lüt, aber i cha jo morn dr ganz Tag no providiere. Was no ganz luschtig isch, es chömme immer meh Lüt wo mini Biträg läse üsi Esufarm cho Bsueche, nachem Grüezi wei si e ganz beschtimmte Esu gseh, de weiss i ganz genau dass sis usem Internet hei, isch jo guet eso, wenn derdür Frömdi Langohre chöi Providiere de hani jo erreicht was i ha wöue. Jetzt muess i go schlofe damit i früeh cha schtarte, morn hani de sicher z einte oder angere vom Ballebärg z verzeue.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I ha jo verzeut das mir dr Transporter Umbout hei damit di chline Esle gsicheret chöi wärde, vo Moutier bis ufe Ballebärg hei mir zwei u e viertu Schtung z fahre gha u mi het praktisch nie öpis ghört vo de Langohre, u das wome ghört het isch dr Sandro gsi wo no währent dr Fahrt probiert het ufe Schtuete z schtige. Dr Sandro het mit sine 4 Monet baud z Gymkhana gwunne we nid d Rahel über z Hinderniss gschtouberet wär, schön blöd, är wär gschider ganz allei gschtardet. D Rahel het übrigens Fotos gmacht wie d Esle jetzt im Ahänger schtöh u gsicheret si, sobaud si Zyt het wird si de d Fotine druf lade, i bringes eifach no nid fertig, aber z Heizöu hani wia Kompi bschteut, nid schlächt oder? i ha zwar zwe Uftragsbeschtätigungen über cho, villicht wird jetzt zwöi mou glieferet, hi hi hi. E Esufrou wo normalerwis e Grossesu rittet isch cho froge ob si nid z Gymkhana mit dr chline Cindy dörfi mache mit em Gross göngs nid," klar darfsch du das", für mi hani scho müesse lache. Wo grad e Familie mit zwöi Chinder am schtrichele isch gsi heimer söue id Arena go, auso hani däm vierjährig Bueb d Cindy gä zum füehre, di zwöi hei das prima zäme gmacht. Nachdäm mir üs aui ir Arena vorgschteut hei simer ufe Umzug, "wotsch ou mit cho ? magsch so wyt loufe" hani dä Büebu gfrogt, "aber sicher het er gmeint u d Eutere si iverschtande gsi u so simmer gschtardet, immerhin geit dä Umzug e haub Schtund, glücklich isch er acho zwar müed aber Schtouz, i gloub di Eutere hätte di zwöi Chinder am morge chönne bringe u am Obe wieder abhole so heisi fröid gha a de Esle. Am Dräiörgeli Maa si 37j. Eselin isch bi üsne im Gheg gsi das het am afang rächt Unrueh dri brocht u das het mir nid gfaue, schliesslich weni Schtrichuzoo abiete hani d Verantwortig u wott nid das em ne Chind öpis passiert. Dr Calipso e 2j. Suhn vor Cindy isch ou bi üsne gsi u mängisch wene so gseh machts mi fasch e chli truurig, är chunnt is Gheg, gseht sis Mami u Hipnotisiert se Schier so zum säge "Mami gsesch mi nid? kensch mi nüme??? u d Cindy wott eifach ihri Rueh, i weiss nid ob si ne no kennt oder eifach meint es sig e Wallach wo wöu nöchperle, aber dr Calipso kennt se no 100 Prozänt, är luegt di angere gar nid a nume immer d Cindy. Scho letschts Johr u jetzt wieder, dür z Johr gsehsi enang jo nie, nume am Ballebärg, aber wo du sini zwe Kollege usedüre gfüehrt worde si het er zuene wöue u das zeigt mir das er doch glücklich isch. Es si immer wunderschöni Tage ufem Ballebärg, vo mir us chönnts grad zwöimou si im Johr, viilicht mach i mou dr Vorschlag.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Juhui, i ha scho di erschti Antwort u di isch eidütig minere Meinig, ar nächschte Vorschtantssitzig wird i dä Vorschlag mache. Hüt heimer wieder e Schulklasse z Bsuech gha, es isch immer wieder idrücklich was i für liebi Esle ha, 16 Esle u 12 Chinder wiud dürenang gmischlet u 28 glücklichi Gsichter, hei was wott me meh???? Dr Sandro het natürli wieder sini Schou abzoge, zerscht het d Aisha grüeft si sig Rössig u dr Sandro het sofort gseit är sig jo scho ungerwägs, Säubverschtändlich hani dene Chinder aues übersetzt. Dir hättet di Ouge söue gseh vone, "was, dir verschtöht was die säge?? heisi ganz unglöibig gfrogt, ei Büebu het e Frog gschteut u isch dervo glüfe "he was söu das, we mi öpis Frogsch de chasch gfäuigscht ou d antwort abwarte, was hani erklährt?? mi gloubts fasch nid aber dä Luuscheib het mi ganz genau verschtande. Da geng aui dürenang gfrogt hei u haupzitig nid rächt glost hei, hani vo Zyt zu Zyt nochegfrogt, u do het doch uf einisch d Lehrerin öpis gfrogt woni vor es paar Minute grad erklährt ha, isch scho chli Pinlich gsi für se, aber aber Frou Lehrerin. D Chinder hei viu schnäuer ihres Picnic verdrückt aus d Esle, do hani dr Vorschlag gmacht is Bechli go Verschteinerige sueche, si si sofort derbi gsi, mir hei d Gruppe teilet damit si sicher ufpasse u nid schnäu schnäu über di rütschige Schteine chlättere, bis uf zwe si aui fündig worde. Schpöter heimir zäme d Esle us dr Weid triebe, do si du beidi Gruppe ufzoge gsi u i ha mi liebi müeh gha si wieder ufe Bode z hole, u scho isch Zyt gsi zum go, aus dank hei si mir no es schöns Lied gsunge zum abschied, schön hets tönt, danke danke.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So baud isch wieder Trekking Zyt, am 1.10. geit d Sandra u dr Rudolf mit dr Nela, Aisha, Dunja und em Figaro ufe Jakobswäg, zwe Gruppe Chinder wärde se Begleite. Dr Sandra ihri drü hei Rahel Schueh aber Dunja nid u drum isch hüt dr Hufschmid cho u het se Bschlage, jetzt chasi sich no dra gwöhne, dr Darius het komisch gluegt u glost, we sis Mami über herte Bode louft tönts angers. Irgendwie hei miner Esle chli müeh mitem Gras, dr einte u anger Pflüderet gar grusig, geschter bini zerscht no go di Weid absueche nachem Jakobschrut, ohni gäubi Blüemli findet me se fasch nid. I ha dr Hündin gseit si söu ou mitcho, si isch mitts ir Weid ghocket u het längwilig us dr Wösch gluegt, auemaschin a hets uf dr Weid nüt Intressants gä zum Schnüffle, d Schpure vom Fuchs sire glich gsi, si het nume zum Huus abe gluegt ob mis Mandli use chöm de gits nämli geng es Oerli. Hüt het d Malala immer wieder probiert dr Sandro zum umeschpringe use z Fordere aber dä het nume haubhärzig mit gmacht, si hets geng wieder versuecht aber ohni Erfoug. Am Mittag wo d Esle ufene Weid hei chönne wo si scho lang nüme si gsi heisi vor luter Ufregig Rundi um Rundi gmacht i ha baud gmeint si chönni nüme ufhöre. U d Cindy wo doch so verfrässe isch het dr afang gmacht, sihet so blöd do das sie aui agschteckt het, i ha du grüeft "weder nid baud aföht frässe isch de Zyt ume u dir müesst wieder use" mou mo das het gwürkt.

Dolotelley
Eselfarm Moutier
useravatar
Offline
646 Beiträge
Anonyme Beiträge sind nicht gestattet. Bitte einloggen oder registrieren.
Es sind 0 weitere Gäste in diesem Thema. Es sind 0 weitere Mitglieder in diesem Thema.

Board Info

Board Statistiken
 
Gesamtzahl Themen:
138
Gesamtzahl Umfragen:
5
Gesamtzahl Beiträge:
1091
Beiträge diese Woche:
1
Benutzer-Info
 
Gesamtzahl Benutzer:
540
Neuester Benutzer:
Britta