Anmelden

Anekdoten mit unseren Langohren

Re: Anekdoten mit unseren Langohren

Leider isch nid  aues luschtig aber mi cha immer öpis lehre ou usere Kataschtrofe. E Familie isch mit ihrne zwöi Chind a üsere Esuwanderig gsi, leider isch ihre Hung sehr Negativ ufgfaue, het er doch geng gäge d Esle wöue go u d Bsitzer hei di gröschti Müeh gha ne z rugg z hebe, si hei so richtig aus fautsch gmacht was me nume cha. Uf em Heiwäg hani zuene gseit si söuene doch frei loh u do isch är mit üsere Hündin schön vorus glüfe u woner einisch emene Esubei z noch cho isch het er e Schtupf über cho u hets du begriffe. Es paar Tag schpöter het di Frou wieder aglüte u gseit, das sig so schön gsi ob si nid no einisch chönni cho u mit de Esle go loufe, i ha zue gseit schliesslich hani jo Jung Hüng gha dank ihrem Rüd. Mir hei d. Eseli zwäg gmacht u di zwe Hüng hei mitenang gschpiut u dr Rüd het sich überhoupt nid um d Esle kümmeret, d Frou het sich entschlosse ihre Hung a d Line z näh u di drü Chind u ni hei e Esu gfüehrt. Mir si ganz gmüetlich gäge Waud schpaziert, ihre Nöwö het di Hochträchtegi Loraine.am Seili gha, im Waud isches ganz schteil ufe gange u i ha gseit " chömed ganz noch zunang, u jetz chöiter öie Hung abloh, u wener de blöd tuet chöimer aui enang häufe. Dä Rüd isch froh gsi das er mit üsere Hündin het chönne im Waud ume schpringe u het gar nid gluegt was mir mache, wis so isch bim loufe simmer immer wyter usnang cho. Do plötzli luegt dä Rüd zrügg , gseht di Esle u när het er düreträit, är isch vo hinger cho u het jede Esu wöue is Füdle bisse, d Esle hei sich gwehrt u mit beidne Hingerscheiche gäge ne gschlage, so isch er vo eim zum angere. Wo dä Nöwö dä Hung gäge si Esu gseht cho lohter z Seile a Bode lo gheie u d Loraine isch dervo gschtope u dä Hung hinger noche. D Bsitzere het chönne rüefe wi si het wöue, dä Hung het nid glost, i ha am gröschte Bueb gseit "gib mir di Esu u schpring hinger noche u heb wär de ou verwütschisch, viu wyter unge het er chönne d Eselin packe u isch mittere cho, aber wie het die usgseh. Gschlotteret am ganze Lib, z Bluet ischere über d Bei abglüfe, i ha dä Bueb mit em Hung zu üs heigschickt u ha gseit " i muess no go loufe um dä Schock z löse bi dere Schtuete, mit dr Zyt het si sich beruhigt u mir si ou Hei, vorem Huus heimer dr Bueb mit em Hung atroffe u mir hei dört fürbi müesse. D Bsitzere het ne wöue wägschperre, "nüt do, dä Hung wird jetz vo öich gha u i chumme mit mire Schtuete verbi u jedesmou wener gäge Esu wott cho schütt ig ihm e Chessu Wasser a " es het es paar Chüble Wasser brucht bis mir hei chönne verbi go, aber es isch ou wichtig gsi für d Schtuete damit si nid angscht het vor Hüng. Mir hei se abunde u när zäme verarztet, da si dervo gschprunge isch het dr Hung nid richtig chönne zuebisse, är isch mit de Zähn abgrütscht u das het längi Wunde gäh aber nid töifi. D Bsitzere het sich tusigmou entschuldigt aber das het jetz ou nüme gnützt, si het wöue dr Tierarzt bizieh aber i ha di Wunde säuber chönne sübere, Desinfiziere u Saube, är hät ou nid meh chönne mache. Die Familie isch hei, au paar Tag het si sich erkundigt wies däm Esu göng u ni ha gseit, "das gseht me de erscht wes Füli do isch ob würkli nüt passiert isch. Churzi Zyt schpöter, ihri Dochter isch bi üs i de Ferie gsi, hani gseh das d Loraine sich zwäg macht zum Füle,  "nachem z Nacht gömer de go luege was si macht hani verschproche. Womer zum Schtau ufe chöme hanget das Füli haub hinger use u isch scho Tod gsi, sofort hani das Chind id Wohnig gschickt u mim Maa grüeft är müess cho häufe, wo d Schtuete abgläge isch hani probiert z  zieh aber es het sich nüt bewegt. I ha mini Häng Desinfiziert u bi ihne go gschpühre was los sig u do hani es Hüfli gschpührt näbem Becki iklempt, do hani gwüsst das Problem chani nid säuber löse do bruch i Fachmänischi Hiuf, mir hei dr Tierarzt vom Tierschpitau lo cho. Si het sehr besorgt drigluegt, jetz wirts sehr unschön, bluetig, Kataschtrofau das is gar nid cha verzeue,d churzversion,6 Persone hei 4 Schtund probiert das Füli us dere Schtuete z hole, es isch nid glunge, um Mitternacht hei mir d Loraine müesse ischläfe. No nie i mim läbe hani so öpis müesse erläbe, i has bis hüt no nid ganz verarbeitet. I ha di Frou mit ihrem Hung azeigt, es isch zwöi Johr gange bis zur Grichtsverhandlig, mir isch nume Tierarzt Rächnig vergüetet worde, si het e Buess übercho u d Grichtschöschte müesse übernäh.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Dir heit sicher gmerkt das mini Emotione mit mir düre si, aber bim schriebe isch aues wieder füre cho. Aui wo Züchte wüsse dass es Hochträchtigs Tier egau weler Gattig i de letschte 6 Wuche nüme darf Galopiere oder Schprüng mache. Wo di Schtuete dür das schteile Gländ ab isch het si Schprüng über Boumschtämm gmacht nume um däm Hung z Fliehe. E Esufötus wachst genau wiene Mönschefötus schön boge wiene Banane. Wo die Schtuete het wöue Füle isch eis Bei ganz umeglitz gsi u isch du iklemmt worde wos Becki düre Geburtskanal het wöue gleite. I ha mit vier verschiedene Tierärzt Diskutiert, eine isch sogar Profässer gsi, für mi isch das dür di Schprüng passiert, zwe Tierärzt hei mir rächt gäh u di angere zwe hei gmeint dass chönne me nid bewiese. I ha weder e z grosse Hängscht gno, u für d Schtuete wärs ihres dritte Füli gsi, es isch eifach e Kataschtrofe gsi, vorauem wo si nach Schtunde seit "i muess di Schtuete ischlöfe. I ha geng no uf es Wunder ghofft, dass me das Füli irgentwie cha usenäh, niemous i mim Läbe hani mit so öpis grächnet, ou e Kaiserschnitt isch nid machbar gsi im Schtaugang. I ha dr Hundebsitzere gseit si söu das ihrer Versicherig agäh, aber si het nid wöue, plötzli het si nüme wöue wüsse vo Verletzige wo ihre Hung dere Schtuete heig bibrocht, dass sigi bim dervo Galopiere passiert, blödi Usred, de wäre di Verletzige jo ar Bruscht gsi u nid am Füdli. Mir isch do das blöde Häufersindrom i Wäg cho, i wott immer aune Lüt irgendwie häufe, wo di Frou zerscht mou mit däm Hung isch cho, hetsi gseit dass er die ganzi Fahrt im Outo bäuet heig. I hare dr Rat gä, ihres Chind söu e Wasserpischtole näh u jedesmou wener aföng bäue söi si ne aschprütze, wenn er aber schön ruhig sig über chöm er de es Gudeli. Dä Hung het das sofort begriffe, wie si mir fröidig beschtätigt het, es isch no nid aues binim verlohre gsi nume hät er eifach i angeri Häng ghört.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch e wunderbare Tag gsi u i bi mit  mine Eseli dür d Natur gwanderet, d Vögeli hei Zwitscheret, es isch vor Tämperatur här grad richtig gsi, nid z heiss äbe grad guet. Mir si so friedlich gwanderet u i ha mini Gedanke lo schweife, do gsehni wyt wyt wyt vorne e Rittere wo Problem het gha mit ihrem Ross. I hare zue gluegt u dänkt, "läck isch das e wiude Gügu, so eine wett i nid, langsam simmer immer nöcher cho u di gueti Frou het geng meh Problem über cho. Dä Buur muess jo fröid ha wener gseht wie das Ross ume  gschtoche het, hani so für mi dänkt. D Esle hei ganz Fasziniert zue gluegt, wo si äntli wieder uf dr Schtross isch gsi hani mine Esle gseit, "chömid mir mache dene zwöine Platz, u mir si näbe us. Wo die Frou mit gröschter müeh näbe üs düre isch het si Kifflet, "müesst dir unbedingt mit dene blöde Esle hie düre?  W A S? Wie seit di üs?" Gueti Frou, hare gantwortet, " d Natur isch für üs aui do, u weder nid z schlag chömed mit öiem Ross müesst dr dehei bliebe, isch doch wohr, oder? Das isch öpis woni nid verschtoh, vili Ross hei angscht vor de Esle, u mängisch fösi scho wyt wäg afo schpinne wesi d Esle no gar nid chöi schmöcke, auso was isches ächt was se so irritiert?

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I ha jo scho verzeut vo mine Zwillinge, letschte Früelig hase wöue Decke, natürli mitemene Hängscht u nid mitere Dechi, isch jo klar. Z Schönbüuu isch e schöne gschtande u i ha mi entschlosse di zwone dört hi z bringe, leider isch d uswau bi de grosse Esle nid sehr gross, schad. D Hängschtbsitzere isch iverschtande gsi jedi Schtuete nume au zwe Tag z Decke, bi de Ross macht me das ou. Villicht muess i das e chli gneuer erklähre, we d Schtuete am gliche Tag Deckt wird wo si dr Eischprung het gits es Hängschtli, di Männliche Sämli si schneuer ungerwägs schtärbe aber ou schneuer. Wird d Schtuete e Tag vor em Eischprung Deckt gits e Schtuete do di Männliche Sämli scho abgschtorbe si, schön kompliziert dänket dir sicher. Normalerwis loht me d Schtuete bim Hängscht u de Deckt er se jede Tag, mir hei in Serie 7 Hängschtli gha bis di erschti Schtuete gebore isch. Wes nid z wit isch fahri jede zwöite Tag, z blöde isch eifach dass si Närvös si vor Fahrt, mängisch Parkieri äxtra witer wäg u loufe no es rächts Schtück damit aues guet dürblüetet wird u si ruhig zum Hängscht chöi. Zrügg zu mini Zwillinge, Tabea het sich sofort lo Decke aber Kaila het es Problem gha, si het Kätschet u Brünzlet zum zeige si sig parat, aber jedesmou we dr Hängscht gschtigi isch u het wöue ifahre het si sich umträit u nim wüescht gseit u zwe Minute schpöter het si ne wieder glöckt. Mir hei däm schpieli es Zitli zuegluegt u när hani gseit "do schtimmt öpis nid, di het es Problem. Wose wieder ha dehei gha bini mitere is Tierschpitau um  ab z klähre ob Organisch aues ir Ornig sig, es isch aues OK gsi, dr Tierarzt het gmeint es chönni si das dr Hängscht für di Schtuete e z grosse Pennis heig, entweder söui zum ne andere oder es Chüssi derzwüsche schiebe, ha ha nid ganz ungfährlich. Bir nöchschte Rössigkeit hani vernoh dass dr Hängscht het müesse igschlöft wärde, auso wieder uf d suechi, ufem Bärg bini fündig worde aber dr Wäg isch abgrütscht u si müese ne zerscht flicke, ok i chumme am Samschtig hani abgmacht. Wär am Samschtig nüm isch Rössig gsi isch Kaila, henu warti haut wieder drei Wuche, so aber hüt gömer hani dänkt, do chunnt mi Maa hei u bevor i öpis cha säge meint är "i muess sofort mitem Transporter go Schtrou hole dr Buur het mir glütet, wieder nüt gsi, do hani mir müesse säge, es söu eifach nid si, i ha no nid begriffe werum nid aber irgend e Grund wirds scho ha.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Am 06. Februar sis de 3 Jahr wo mir üsi Esle, dr Spirou u dr Carlos bir Dolores Telley si ga abhole. Am Afang si mir scho rächt unsicher gsi. Bim chlinschte Gix hei mir scho Himmelangst gha, mir heige öppis falsch gmacht. Telefon isch ziemli heiss gloffe uf Mutier. Gäll Dolly. Üsi Esle hei das sicher o gmerkt, u hei üs gholfe, ds Richtige ds mache. Sicher o zu Ihrne Gunste.  Mir hei glehrt, bim loufe uf anderi Gfahre zluegge als vorhär. Mir hei o glehrt, uf Körpersprach zluegge u no ganz vil meh. Daderzue verzelle ig euch jitz e Gschicht.

Mir si mit üsne Esle am loufe gsi. U hei immer wider neui Wägli gsuecht, wo me nu chönnt ga loufe. Da heimer es Waldwägli gseh, wo under dr Outobahn düre geit u witer i Wald fürt. Mir hei gfunde, da chönne üsi Esle scho düre u si gloffe. Dr wäg isch steil opsi gange u immer schmäler worde. Da simer zu re Stäge cho. U jetz, was mache mir. ? Dr Spirou isch wi e Boum bliibe stah. Als" hü u chum" het nüt gnützt. Da hani didee gha, dr Carlos vorab zlah, de chöm de dr Spirou ou nache. Dr Carlos isch di Stäge ufegloffe wi är das Alltag miech. Ar Stäge dobe hei mir em Spirou grüeft, u dr Carlos isch ganz verwundert blibe stah. Dr Spirou het eifach Angst gha. Nach langem hei mir üs entschlosse zum ne Träffpunkt getrennt zloufe, will e Stäge ab loufe, hani mir nid chönne vorstelle. So si miner Eltere mit em Spirou wider abwärts gloffe, u DÀlexandra u ig mit em Carlos obe ume zum Träffpunkt z`loufe. Üse Wäg isch vil chürzer gsi, aber dä hei mir schwär müesse verdiene. Dr Carlos het nid ohni si Fründ wölle loufe. Immer wider ischer Blibe stah u het wölle umdräie, zrügg zur Stäge. Ig ha mit im gredt u ne Agfleht, är sölli doch cho, Ig wüssi wo das dr Spirou seg. u mir gönge jitz schnäll zu ihm. Zwe Drei Schritt isch dr Carlos gloffe, u isch wider Blibe stah. Da hani gseh, dass är Träne i de Ouge het gha. Ig hane versuecht ztröschte u mini Tochter ou. Zmiz im Wäg bini zu ihm a Bode Ghocket, u hane gstrichlet u mir hei ihm immer wider gseit, dass mir wider zum Spirou loufe. Mir hets fasch Ds`Härz verschrisse, E Esel wo grännet u churz dervor het är ja vo sim Mami o müesse Abschid näh. Dr Carlos het mi würklech duret. Wider hei mir es Parr Schritt chönne gah. U wider hei mir dr Carlos tröschtet. Nach langem isch üs e Spaziergänger begägnet, wo het gmerkt, dass mir grossi Problem hei. Är het üs gseit" Dr gross Brüdscht warti de da vorne ume Egge." Ig ha zu Carlos gseit, loos das cha nume Spirou si. Chum mir gö ga luegge. Är het mir nid würkli trouet, aber wo mir ume Egge si cho. Isch Carlos churz blibe stah, u het glost. Mini Eltere hei ihm Grüeft u dr Spirou isch im Wäg gstande. Da het dr Carlos aber di schnälle Bei füregno. Wo mir si bim Spirou gsi, hei sech die Zwe müesse abschnuppere. Mir hei üsne Esle Zyt gä, sech begrüesse. U DÈltere hei üs verzellt,dass dr Spirou dr ganz Wäg zügig Gloffe seg. u Da (bim Träffpunkt) wi e Bock seg blibe stah.  Si warte sicher scho 5 minute. Ig ha dr Carlos u dr Spirou gstrichlet u ne versproche, mir düe si nie meh trenne.

Bis hüt, si mir nie meh über di Stäge gloffe,aber ufem Wäg obe düre si mir öppe die underwägs. No hüt cirka 3 jahr später luege üsi Esle dä Punkt immer no aa. Sider denn luegge mir di Wäge vorhär besser a. U we e Gfahr chunnt, gömer alli düre oder niemer.

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Duet mir Schüli Nachthafe leid, ha ke Zyt gha zum schriebe.Hüt isch ganz e veruckte Tag gsi, am siebni het mi Maa z Biu im Schpitau müesse si für ne chlineri Operation, d Muetter isch allei dehei gsi u bi sofort wieder zrügg, normalerwis schlofi no so früeh am morge. Am eufi isch mi Brueder cho d Muetter abhole do si jetzt is Autersheim züglet isch, aui wo se kene wüsse wi mirs immer luschtig hei gha zäme u es tuet weh dass si nüme bi mir wohnt, aber es isch scho guet wis cho isch, langsam isch mir d arbeit übere Chopf gwachse. D Sandra u dr Rudolf simmer cho häufe mischte, u när si si mit ihrne drei Esle go schpaziere, i ha no dänkt dass wird sicher luschtig bi däm Schturm. Nachem Mittagässe heimer üs entschlosse no mit de chline Esle go z loufe, mir hei aui Häng vou z tüe gha di wiudsöili z bändige, dä Schturm het se ganz ufzoge. Dr Rudolf het dänkt i nime di zwöi chlinschte nämli d Cindy u d Samantha, do hani sicher keni Problem aber di zwone hei rächt gschpunne, " nei nei, het er geng wieder grüeft, Cindy so kenn i di jo gar nid. I ha einisch dr Voschlag gmacht är chönni jo mini zwe näh aber er het nid wöue. D Samantha het er müesse losloh, da er se immer am z länge Seile het gha isch es gfährlich worde wosi usgschlage het, aber äbe emene Maa öpis bi z bringe isch mega schwär, dass weiss jo jedes Ching, dass weme d Esle z wyt z vorus lot lo loufe, het me ke Gwaut me über se wesi fö afo blöd tue. Dr Füehrer sött am beschte uf Haushöchi vom Esu loufe, d Sandra het ou z tüe gha mit dr Ronja, di het immer schneuer wöue go u d Inca het dänkt, " numi nid gschbrängt i chumme jo, do hani d Inca zu mini zwöine gno damit d Sandra beidi Händ für d Ronja frei het gha. D Soraya isch für einisch ganz schön glüfe, si het äuä dänkt, eini muess jo brav si, dr Benj heimer chli müesse abschleppe, aber äbe drei mittenang haute isch nid grad so luschtig, aber irgend wie geits immer.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I verzeue de Lüt immer wieder wi Ifüuesam d Esle sige, dass si üsi Gmüetslune sofort gschpüre, aber hüt het mi dr Figaro doch ächt wieder einisch Erschtuhnt. Mir Gschwüschterti hei unger e nang Meinigsverschiedeheiten wäge üsere Muetter, u wo mir die hüt morge gseit het si heigi fasch nüt gschlofe wäge däm Gäudgschtürm hets mi fasch verjagt vor Döibi. I bi go mischte u es het mi dünkt äs schtöng mir aui äxtra i Wäg, i ha se agschnoutzt " göt mer us Wäg, i bi verruckt, löt mi eifach lo si. Di meischte hei gschpührt, u mit dere isch hüt nid guet Chirschi ässe, aber dr Figu het nid ufgäh, immer wieder het er dr gliche do är chöm i mini Box woni grad am mischte bi gsi. "Hör uf Figu, mach mi nid no meh verruckt, aber er hets immer wieder probiert u do hanis äntli gschpührt, är het aues probiert um mi ufzheitere u do hanim doch müesse Merci säge, es isch würklich erschtuhnlich gsi mit welere Hartnäckichkeit ärs immer wieder probiert het bis i ni verschtande ha. Danke Figaro. I gloube fasch i darf ihm nüme verzeue das i scho wieder öpis vonim gschriebe ha süsch wird er no Igebiudet.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I gloub i ha e Eselin mitemene Schprochfähler, we di andere Rüefe töhnts wie Esle, we aber d Samantha rüeft de ghört me öpis ähnlichs wie möööööööö  möööööööööööö. Wie chame ächt das wieder gradbiege?  I  ha zuere gseit, "Meite du muesch no rächt üebe bis du wiene Esu töhnsch. Dr Darius het gägewärtig e blödi Grössi, jedesmou wenim z Beckeli mit sim Churzfuetter hebe, wädlet är  mit sim Ohr unger minere Nase düre, läck wie das chuzelet, das brucht de Körperbeherschig, i gloube fasch dä macht das äxtra. Komisch isch scho, sit mer für aui nöii Dechine hei isch dr Winter bis jetzt so miud gsi dass mir se no gar nie hei chönne bruche, do fröid sich derfür mini Wöschmaschine. Mi Maa het di Wuche zwe Tag im Schpitau verbrocht, am Donnschtig het är wieder hei chönne u am Fritig simmer um Mitternacht uf dr Notfau gsi, i findes würkli blöd wie früeh d Patsiänte hei gschickt wärde um Gäud z schbare u när gits Komplikatione u si lande wieder im Schpitau. U jetzt muess er no einisch go Operiere, i hane gfrogt ab wann är wieder einisch gedänki mir z häufe, do seit doch dä fräch Kärli, är heig es Arzt Zügnis für sächs Wuche, do hani dänkt "Rache ist süss wie Blut und Leberwurst" i darf im jo jede obe e Schprütze mache gäge Trombose, hmm do muess i jo nid unbedingt fin tue. hi hi hi. Jetzt meint är, är müess mir no säge was i de no sött mache, d Vögeli hei nüt z ässe, entweder gisch ne öpis oder süsch muesch haut Schnee schufle u de goni säuber. Hesch d Chüngle gfuetteret, wie geits ne? U wie geits de Hühner? Komisch, nach aune Viecher frogt er, aber wies mir geit frogt är nid, das isch äuä Säubschtverschtäntlich das es mir guet geit schliesslich darf i zu au miner arbeit no Chrankeschwöschter schpiele, aber äbe was macht me nid aues us Liebi.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Letzte Sunntig simer wieder ga loufe. Diesmal aber die alti Strecki übere Flugplatz. Will dr Waldwäg isch steihert gfrohre u das isch üs gfährlich gsi mit de Esle dert düre. Äbe wo mir si mit de esle anders abboge si, hei si richtig freud gha. Dr Spirou het sech fasch nümm chönne behersche mir hei ne zwöit müesse häbe, dass är üs nid übere huufe grüert het. Dr Carlos het näb dr Alexandra ganz langsam dschöggerlet. Nach emene MOment hei sech di zwe beruhiget gha. U mir hei di schön verschneiti Gägend, bir schönschte Sunne chönne gniesse. Dr Spirou het nu gwüsst wo düre das dä Wäg geit, u het es rächts Tempo vorgleit. Immer wieder hei mer es Kürfeli gmacht u hei dr Carlos füre gla. Dr Spirou het das nid eifach eso hinoh, u het wider überholt. Da hei mer im gseit, wen du jetzt nid aständig tuesch de loufe mir de nu Holzgass uuf. (D`Holzgass isch sehr stozig, u dr Spioru louft die gar nid gärn ) Zum Ablänke het är mit üs währet em loufe wölle schmüsele. So richtig es Schlitzohr isch är gsi. Dr Carlos het eifach D`Natur gnosse u het Di vile neue Sache müesse aaluege. Aber bedi Esle si so richtig Glücklech gsi. Mi het mess also agseh.
Dä Wäg isch ziemlech wiit, u ufem retourwäg isch dr Spioru e chli Müed worde, ä het eifach wölle schmüsele u D`Muetter het ne afa strichle u plötzlich het dr Spirou ihres Halstuech verwütscht u het zoge. Wo D`Mueter het he he grüeft, hat är ganz unschuldig das Halstuech losgla u sofort es Müntschi nache glieferert. Ir Panoramastrass  si di zwe du würkli müed worde. Dr Spirou het e Hufe Pouse brucht, u dr Carlos isch i sim Trapp eifach gloffe. Nach 2 1/2 Std. simer wider dehei gsi. Dr Carlos u dr Spirou si i Stall inne gstande u hei sech e moment gar nüm bewegt. Abe rsi si so richtig glöcklech gsi.

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ganz am Afang wo mir D Esle hei gha, simmer ja wi witer obe erwähnt no zimmlich unsicher gsi. Wo mir si ga loufe, hei mir e Herr gseh mit emene Jagdhund. Dä Herr het dä Hund a d`leine gno u mir si mit üsne zwe Esle näbe dürre. Mir hei nid gmerkt, dass dä Herr dä Hund wider het losgla. Dä Hund het üs vo hinde aagschliche u direkt hinder üs afa Bälle. Nid nume mir si verchlüpft, sondern o Dr Spirou u dr Carlos. U si hei sech losgrisse vo üs. Mir hei dene zwene nachewölle, aber e Esel wo galopiert isch nid zum erreiche.
Dä Herr het sim Hund grüeft u grüeft aber dä Hund het vo folge allwäg no nie öppis ghört. Mir hei em Spirou u em Carlos grüeft, aber di neugwunni Freiheit isch scho no cool gsi. Bis uf zwe Meter si mir ase häre cho. U när si si wider absecklet. Mir hei scho chli Angst ka um di Zwe, will a däm Wäg hets o no Eibe ka. U witer vorne wär de D àutobahn cho.
Dä Herr het si Hund wider chönne ifaa u mir hei im znötige no zugrüeft. Was gnau möcht ig jetz nid im Detail erwähne. Item, mir si üsne Esle nache u hei gmerkt, we mir nid springe sondern loufe, bliibe di länger stah. Dr Vater het du afe dr Carlos chönne ifaa. Dr Spirou het das Spiel so langsam nüm lustig gfunde. Soo ohni si Fründ. Ig ha im du chönne uf ds Führseil stah u ne wider häbe. Mir hei doch e chlini Verschnuf Pouse brucht u D Esle o. Mir hei de Esle no itz Gwüsse gredt, dass si nümme dörfe abga. Aber im brinzip si wider Mir zwenig ufmerktsam gsi bi dere Gschicht. We mir hüt gö ga loufe isch immer öper zhinderscht mit dr Gerte.. U we mir Hünd gseh, warne mir enand u o D èsle warne mir..
Dä Herr mit sim Jagdhund hei mir scho no meh gseh. Aber är nimt ne jetz a D`leine, wenn är üs gseht. U D`Gerte würd ig Isetze, gäg dä Hund.

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jo jo dä Spirou u d Hüng, das passt gar nid zäme, woner no bi üs gläbt het isch üse chli Jung Bärnärsennehung drunder cho. I bi am Bolle sammle gsi uf dr Weid u das Hündli bi mir, dr Spirou isch uf dr Drockeweid gsi u het üs ganz genau Beobachtet .Zwöi drümou hets Hündli wäg zu de Esle wöue, aber i has sofort zrügg grüeft, u plötzli isches doch ab, dr Spirou het nume druf gwartet, är hets mit sine Zähn am äcke packt u ufglüpft u när heters lo gheie u isch ufim umetramplet bis i äntli binim gsi bi u das arme Hündli ha chönne rette. No hüt Johre schpöter chunnt d Hündin  niemeh z noch zu de Esle, dass isch mir e Lehrplätz gsi wie schnäu das cha go.U wenn e Schulklasse wott cho, nume ohni Hünd, süsch Konzentriere sich d Esle nume uf d Hüng schtatt uf d Chinder, u das weimer jo nid. Wemer ungerwägs si u üs Hüng entgäge chöme klähre mir d Lüt uf, "vorne chöi si cho grüezi säge, aber hinge chlepfts, lueget zu öine Hüng oder es passiert öpis, u bis hüt simmer guet gfahre eso.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I ha jo verzeut dass Babette d Atoptive Muetter schpiut für Tabea, di letschte paar Tag het Babette jede Mittag blöder do wese ha wöue ischtaune, si isch sicher 3 mou ume Mischtstock gseklet. Nach drei Tag hani gnueg gha u ha Zwillinge i ihri Box gschperrt, u när z Höi verteilet, dr Babette hani im Schtaugang ihres Hüfeli gä, aber anschienend het si das so iplanet, nume Tabea isch ganz Närvös gsi ohni Babette. Am zwöi wose aui wieder use glo ha si Zwillinge sofort zur Babette u heisi ganz ufgregt gfrogt wosi ömu ou gsi sig," jo Babetteli was isch ächt für nes Problem zwüsche öich zwöine, wes de nüme zäme geit muesch haut wieder zu de chline go schlofe. I bi ganz gschpannt gsi obs si ächt am obe wieder a ihre Platz göngi, aber ohni Problem isch si mit dr Tabea i ihri Box, sehr wahrschinli het si dr Tabea öpis wöue bibringe.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

We mir e Schtuete hei wo baud sött Füle längi mir geng wieder d Zitze a damit si de gwöhnt isch wes Füli wott go drinke, genau so hanis ou bir chline Cindy gmacht. Mitts ir Nacht het si gfület, aus isch guet gange, wo aber das Chline het afo d Miuchbar sueche u langsam am Buch entlang gschnupperet het u äntli i d nöchi vom Uter cho isch het d Cindy das Füli furt gschtüpft, das chline isch gfloge, nume guet isch d Boxe dick igschtröit gsi so hets ihm nid viu gmacht. Sofort isch si go luege wos sigi u isch wieder schön näbe dra gschtande, wi zum säge chumm probier no einisch, so isch das zwöi drü mou passiert, das arme Füli het langsam Angscht übercho. Nei Cindy so geit das auso nid, i ha versuecht eis Bei vore z lüpfe damit si nid chönni Schloh aber Esel chöi sogar uf zwöi Bei schtoh wes muess si. I ha mi Maa grüeft är söu cho häufe, mir hei d Cindy a bunde u när het mi Maa z Bei glüpft u i ha probiert das Füli zum Uter z reise, aber mis Mandli isch ke grossi Hiuf gsi, är hets sich nume ufgregt dass di Cindy so blöd tüeg. I ha ne wieder is Bett gschickt u säuber witer probiert, vo mir hets si sich lo alänge aber sobaud z Füli gäge z Füdli hingere gange isch hets sis wöue schloh, villicht hets si gmeint äs wöui wieder ine. Langsam si mini Ouge chliner u chliner worde, do hani e Schprütze greicht, ha vo dere erscht Miuch ab gmulche u däm chline langsam is Müli gschprützt. Läck het das gschläcket, i ha chli uf mini Hang gmulche us am Uter verschtriche, " chum Füli, vo dere guete Miuch hets no ganz viu bim Mami, hanis glöckt. Es het geng no nid wöue klappe, do hani d Schprütze no zwöi drü mou gfüullt em Füli igäh u wos du äntli abgläge isch zum schlofe u d Nachgeburt ou abgange isch hani dänkt, so jetz chani ou go schlofe isches doch i dr zwüsche Zyt zwöi am morge gsi. Am morge woni bi go Fuettere hets sich ds Problem glöst gha u das chline het chönne go drinke, u d Cindy isch ganz es schtouzes fürsorglichs Mami gsi, wunderschön.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Am Sunntig isch d Sandra wieder einisch cho, dr Rudolf isch ou no do gsi da i jo aubot mit mim Maa zumene Doktor ha müesse, mit soviu Hiuf simmer schnäu fertig gsi mit Schtaune. Vorem Mittagässe hets no glängt mit es paar Esle go z loufe, aber wär weimer näh ? bi soviu uswau isches mängisch schwierig, d Sandra het wieder d Ronja gno, da me mit ihre no chli muess schaffe. Dr Rudolf het Dunja gno u i ha z Vergnüege gha dr Darius z füehre, i weis nid was di Sandra macht aber di het e Schritt dass me fasch muess nocheseckle weme dr aschluss nid wott verlühre. Ihres liebschte Hobby isch mit de Esle Tschogge, aber für mi isch das nüt, di Esle chöme nämlich ine Gschwindigkeit dass me se fasch nüme cha brämse, si het di gröschti fröid gha mit dr Ronja, di zwone si dervo Tschogget u dr Darius het sofort hinger noche wöue. I ha di gröschti müeh gha dä hagu z hebe, u woner nid hinger noche het chönne git mir doch dä fräch Kärli e Schtupf, aber das machsch nid mit mir, poschwändet het er ou eine vo mir übercho, wi du mir, so ich dir, är het ganz verdatteret us dr Wösch gluegt.. Wo mi Arm immer lenger u lenger isch worde hani doch d Sandra müesse bitte zwüschedüre doch wieder einisch normau z loufe, we dr Darius z vorderscht het chönne si ischer wines Schöfli glüfe. Dür dä höch Schnee isch sehr ermüedet gsi z loufe u i ha chönne scheichle wieni ha wöue, aubot bini wieder z hingerscht gsi u ha müesse rüefe "wartet doch wieder einisch uf d Grossmuetter. Dr bescht het no üsi Hündin bote, dr Rudolf geit öpe drümou am Tag mit ihre go loufe, natürli hei mir se mitgnoh aber aubot heimere müesse rüefe wüu si immer meh zrügg bliebe isch. Ufzmou woni froge "hei mir no e Hung? seit dr Rudolf "di isch nüme mit cho, was ? das gloub i jo nid, dere passt das äuä nid wesi nid im Mittupunkt schteit. Mir hei e Rundwanderig gmacht u womer wieder uf üses Schtrössli chöme wo zum Hof füehrt wartet doch d Hündin uf üs, di fuli Täsche het dänkt es füehrt jo nume dä Wäg hei auso müesse si wieder hie verbi cho, raffiniert das Bischt. Wo d Sandra u dr Rudolf sich am Nomittag no einisch mit ihrne drei Esle e längeri Tour gmacht hei bini schön deheime bliebe u ha mi Nase i Kompi gschtreckt.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Was me do nid aues erläbt, i bi mitere Schtuete zumene Hängscht, i ha mit däm Bsitzer über siner Esle gred, är het gfrogt wie tür i miner Esle verchoufe. Woner ghört het wieviu isch ihm grad z Muu offe bliebe, är gäbi sini immer viu biuiger, " jo guete Maa, so wie öii Esle usgseh chöiter nid meh höische. D Huf si viu z läng, z Fäli isch ou nid schön u gwöhnt heit dir se ou a gar nüt, eso chamese nid guet verchoufe. Di chlini ei jähregi gäb är jetzt de emene Bekannte, leider heig si es Vorbiss, i ha däm Tierli is Muu gluegt u was i gseh ha het mer grad d Hoor zbärg gschteut. Dr ungerchiefer isch sicher sächs centimeter witer vorne gsi aus dr ober, " aber so öpis dörft dir doch nid verchoufe, hanim probiert z erklähre, dass Tierli cha sis ganzi lange Läbe nie normou frässe. Jo jo dass heig är sim Bekannte scho erklährt, dass das Eseli immer Höi müess zur verfüigig ha, do es jo nid chöni Gras abrise. Mi ganzi überredigskunscht hani usprobiert, da är jo Metzger sig u siner Schof ou Metzgi söuer doch das Eseli  erlöse, aber är het nüd wöue wüsse dervo. Was passiert mit däm Eseli wes wieder ane angere Platz chunnt u di Lüt nid guet luege u ke Höi gä, de muess das arme Eseli ire Weid mit gnueg Gras qualvou verhungere.-

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Wos z letschte mou gschneit het isch mi Maa grad Operiert worde u het natürli nid chönne Schnee rume, so u jetzt heimer z Gschänk. Dr Uslouf isch di reinschti Isbahn, gfährlich wi nume öpis, i ha probiert Schpöhn drüber z schtröie aber es het nid viu brocht. Jede Winter isch z gliche Problem, wenns schneit isch di grossi Frog ?rume oder nid, we dr Schnee abetramplet wird isches rächt unäbe u guet z loufe, chunnts aber einisch druf cho nass schneie oder sogar e chli rägne het me sofort e Ischbahn. Rumt me dr Schnee sofort gits vome bizeli Niederschlag ou wieder, äbe e Ischbahn, mi cha mache was me wott uf z mou het me wieder z gliche Problem. Hüt heimer haut glich müesse Sauze, es isch mer eifach z gfährlich gsi, i ha nid rächt gwüsst ob z Sauz öpe schädlich isch für d Huf oder ob d Esle das Sauz chömi cho schläcke, aber Gottlob isch kene uf dä Gedanke cho. Nach zwe Schtund hani chönne afange dicki Platte wosich glöst hei wäg z rume, es isch no nid aues wäg aber es isch ömu wieder unäbe u weniger glatt, dos bi üs immer no dr ganz Tag minus 6 - 7 Grad isch chöme d Esle sowiso nid gärn use u wächsle nume intern d Boxe. Heiter ou d Esuposcht gläse? Gschicht vor Erna Schmid wo di Frou Eibe de Esle gfuetteret het u zwe Esle gschtorbe si? bi üs vor em Huus isch e Rhododendro gschtande wo mir scho lang nüme passt het, nachem läse vo dere Gschicht simmer grad use u hei ne umgloh. Obwou mir doch gwüsst hei dass dr Rhododendro Giftig isch heimer doch viu z lang gwartet mit Reagiere, erscht di Gschicht het üs ufgrüttlet, mängisch isch me eifach viu z Nachlässig u dänkt es Passiert scho nüt.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Üse Spirou isch e richtige Tuschi worde. We mir am morge e Haselsträcke ids gheg inne gheie, isch dr Carlos sofort dranne u beansprucht dä Stacke grad für sich. Mir säge de albe scho," Dä Stäcke ghört de bedne, gäll Carlos." Aber uf däm Ohr ghört üse Carlos gar nüd. Är steit so richtig breidspurig da. U we dr Spirou id nächi chunnt, De lüpft är sis Füdi u gigset. Dr Spirou het sech albe verteidiget, u isch emel zu sim Stäcke cho. Das het jetz aber gänderet, Dr Spirou chunnt öper vo üs cho stüpfe, u de müesse mir use, di sach ga klar stelle, wenn nötig dä Stäcke halbiere, u de het Spirou wider si Fride. Äs chunnt mer vor, wi we är ke Erger mit Carlos wott.
Hüt am Morge hani no Schnee grumt, u da het dr Spirou es Problem ka. Är het mi ja gar nid chönne cho Stüpfe, u Rüefe cha är ja o nid. Also het är mit em Chopf gäge dr Igang drückt, u mit de Huf gscharet, bis ig bi zue im cho. Ig ha ne gfragt, was är o heig, da het är mi gmüpft u het si Underlipppe verwurget u isch sofort zum Stäcke gloffe. Da ha ig ds Problem gseh. dr carlos isch quer über em Stäcke gstande u het D òhre aglehnt ka. Da ha ig dä Stäcke halbiert u em Spirou o chli gä. U so hani müesse schmunzle u dr Spirou het ke Erger ka mit sim Fründ. HiHiHi

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Vor zwöi Johr het mit e Frou brichtet, ihre Schwiegervater sig gschtorbe, är heig vier Eseli gha u ihr letschti heig si se betröit. Z eutischte Eseli müess me Ischläfe, es sig nüme guet zwäg, aber bis jetzt heig sis nid dörfe solange dr Schwigervater no gläbt heig. Ob i nid e Platz wüssti für di drü verbliebende, damit si chönnte zäme bliebe, leider hare müesse säge dass das fasch unmügli sig dass öper grad drei Esle ufnähmi. Woni so mit ihre Diskutiert ha hets mi dünkt si hangi doch a dene Esle, i ha dr Vorschlag gmacht für ei Esu e Platz z sueche u de blibi jo nume no zwe anschtatt vier wie vorhär. Langsam het si sich mit dere Idee chönne befründe u i ha i churzer Zyt es Plätzli gfunde, das Eseli Namens Brämi isch Züglet worde u het sich sofort mit em Wallach wo scho dört isch gsi, agfründet. Vor 5 Tag Telefoniert mer di Frou wieder, ganz ufglöst verzeut si mir dass di 10jähregi Schtuete am morge Tod im Schtau isch gläge, sofort müess me e Platz für e 10jährig Wallach finde. Leider hani grad niemer uf dr Lischte gha wo es Eseli suecht hare müesse säge, i düeg mis müglichschte. I dene zwöi Johr wo d Brämi am nöie Platz isch, hei mir Froue flissig Kontakt gha u si hüt Befründet, i ha dänkt i chlöpferli doch eifach einisch a, gedacht getan, wo d M... abnimmt frog i ganz fräch " hei i schänke dir e Esu, was meinsch? am angere ändi vom Telefon isches e momänt schtiu gsi, "hä was meinsch? jo dr Rambo suecht es Plätzli wüu d Lolo gschtorbe isch. WAS, d Lolo isch gschtorbe ? Si isch grad trurig worde, nachdäm d Brämi nämli es paar Monet bi ihre gsi isch het si einisch di auti Bsitzere bsuecht u wo d Lolo a ihrne Schueh wo si im Schtau dreit gschmökt het isch si  ganz ufgregt gsi wüus nach Brämi gschmökt het. M.. het gmeint, si göng sofort go dr Buur froge ob ächt dr Rambo no Platz heig, u wener iverschtande sig de reich si ne grad. Nach eim Tag isch klar gsi dass aues klappet u nach vier Tag si d Brämi u dr Rambo nach zwöi Johr wieder zäme gsi, schneuer geits würkli nüme. Mängisch geits im Läbe scho chli drunder u drüber aber houptsach am ändi isch wieder aues guet.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Das choge Schtrou us däm Winerfähli bürschte isch jo scho mit viu arbeit verbunde do isch mir dr Schtoubsuger i Sinn cho. Churz entschlosse hani d Babette abunde u ne zerscht hinger em Töri a glo, si het nume churz glost u süsch nid wyter reagiert, auso hani d Bürschte i d Hang gno u afo putze. I ha scho chli müesse lache, si het sich überhoupt nid uf mi konzentriert nume uf di längi Schlange wo sich vor ihre ufem Bode gringlet het. Bi mir gits höchscht säute es Gudeli aber do hets eis gä, i hase grüemt das si so schön ane hebi, schliesslich bruchi dä Schtoubsuger säute, wose ab gloh ha isch si was gisch was hesch dervo Galopiert fasch bis nach Honolulu. Di angere si immer wieder ganz noch cho luege was i ächt do mit dr Babette machi, aber weni d Hang mit dr Bürschte gägse gschtreckt ha hei si sofort abschtang gno. Aus nöchschte hani dr Dario, üses 6 Monet aute Grand Noir du Berry Füli a bunde u de hets gliche schpili wieder vo vorne a g fange, d Dunja d Mueter vo nim isch cho luege was i do mit ihrem Füli machi. I gloub fasch dä het vo irgend wo Poitu drinne, dä isch dr schlimmscht zum Putze, i ha doch viu verschiedeni Bürschte u Schtrigle aber es isch kene würklich nützlich, bi nöchschter Glägeheit choufi ir Landi mou e Chatze- schtrigu mit ganz fine Zähnli villicht geits de mit däm besser, ou är isch schnäu wäg wo ne los glo ha. Ir Satuchammere hani es grössers Haufter greicht u woni use chumme isch kene me ume gsi, di hei sicher dänkt "Rette sich wer kann" hi hi hi.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ui do isch e Gschicht wieder einisch vou i d Hose, is has nume guet gmeint. Bi mir si zwe Pensionäre, dr Wallach isch scho über zwänzgi u däm gfauts guet bi üs, d Schtuete isch zähni u het Pauer für zwe, si isch Chronisch unter beschäftigt u drum viu Hässig. D Bsitzere isch no ir Usbiudig u het säute Zyt zum cho um di Schtuete z Beschäftige u so hani dänkt villicht wärs besser we di Eselin anes anders Plätzli chiem wosi gforderet wurdi. Es isch üs Verbote gsi mit dere Schtuete go z loufe u drum hani nid gwüsst wi di cha tue ungerwägs. Jetzt hani doch üsi chlini Samantha so guet wi verchouft u dummerwis hets dört no kes angers Eseli, auso hani mir so überleit, würum nid beidi a das nöie Plätzli vermittle de wär jo aune ghulfe. D Bsitzere isch iferschtande gsi dass mir di Schtuete vo nun an mitnäh we mer gö go loufe, z erschte mou isch Kataschtrofau gsi, si het nume wöue dervo Seckle u mir hei di gröschti Müeh gha um se z hebe, ja nu dass isch sicher nume d fröid gsi dass si äntli wieder einisch het dörfe mitcho, heimir üs dänkt. Chasch dänke, ir zwüschezyt simmer sicher säschs mou gsi u immer z gliche Theater, säute e normale Schritt, bschtändig wott si wieder ab, es isch wahrli kes Vergnüege mit dere Schtuete go z loufe. So hani mini Bedänke dr nöie Bsitzere vor Samantha mitteilt, natürli isch si jetzt Verletzt u trurig, aber i hare gseit dass mir e angeri ruhigi Schtuete wärde finde. U für di verruckti Schesse müesse mir öper finde wo gärn wott Wägele, di geit sicher bis Honolulu ohni Haut, si muess eifach Beschäftigung ha u gforderet wärde, es isch ke Eselin für Afänger, si brucht öper wore dr Meischter zeigt, dehei isch si scho umgänglich, do muess me ke angscht ha, nume ungerwägs lot si z Sou use.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hallo da bini wieder, leider hani es paar Tag nid is Internet chönne u i ha baud Entzugserschinige gha, wi chame nume so abhängig wärde ? Dir wüsst jo mi sött e Esu nid me Belaschte aus 20 Prozänt vo sim Eigegwicht, momentan isch d Inca Rössig, ihres Gwicht 180 kg. , jetzt het doch d Aisha 300 kg. gmeint si müessi Hängscht schpiele u het probiert z Decke. Auso das isch mir de doch z schwär gsi für d Inca u i hase müesse trenne, di zwone si de öpe gar nid mit mir iferschtande gsi, aber dass isch mir egau, wesech die nüme gschpüre. Es isch nume schad chamer niemer häufe e Drüfarbescheckhängscht z finde, obwou i doch sit drei Monet im Internet nach eim sueche u über 200 Lüt z Foti vore agluegt hei, het mer niemer bscheid gä, schad schad schad.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Weder scho meh Gschichte vo mir gläse heit de wüsst dir jo das i mi gärn über angeri Luschtig mache, aber i chas ou über mi, houptsach me het öpis z lache. Dr Mönsch isch scho es Gwohnheits- tier, jede Tag bim Mischte passiert mir z gliche, i nime jo d Bouele mit em Boueletaxi-Schtallboy da i jo z Schtrou wott dine loh, de legis Taxi uf d Garette um vorwärts z fahre. Ir nöchschte Boxe wott i beschtimmt  Nasses näh mit dr Gable u weni de zur Garette chume mitemene Mordsfueder liegt doch no das choge Taxi druf, auso de muess i de scho chli chiffle, z blöde isch nume i bi jo säuber d Schuld. Oder z nöchschte Problem, i nime immer zerscht Bouele u de Wüschi aues Schtrou wieder schön uf ihres Bett, Schliesslich muess jo nid di ganzi Boxe igschtröit si, d heufti längt ou. U aus letschts chöme no d Wasserchessle zum früsch mache, aber da j jo totau 13 Boxe zum Putze ha vergeit viu Zyt u langsam aber sicher hani Not u sött unbedingt ufs Hüsli, aber äbe zerscht di arbeit und dann das Vergnügen, so bliebt mir nüt angers übrig aus mitere voue Blase Wasser uffüue, e rächti Tortur. Mi chönnt jo einisch zerscht mit Wasser uffüue afo u erscht nächäre mischte, aber weni afo, dänki no nid so wyt u när isches äbe wieder z schpät, schöne Seich. Jetzt chunnt de baud wieder Zyt wo d Schtuetene Füle, einisch, es isch natürli wieder z mitts ir Nacht gsi do het sich d Babette parat gmacht, schnäu hani mi warm agleit u gwartet. Nei nei, het z Babettli dänkt, du hesch mir das ibrocket jetz chasch mir ou häufe, si isch hingertsi cho bis zu mir u när hani müesse z Hingerteil massiere, mi hets dünkt es göngi Schtunde lang. Jedes mou weni ha wöuue ufhöre isch si wieder e Schritt hingertsi cho, fasch uf mini Zeie u so hani haut witer gmacht. U do hets si doch äntli gnue gha u isch abgläge, i hase Moralisch ungerschtützt, u se ermunteret das Füli z Gebähre. Si isch wieder ufgschtande u hets sich ir Boxe umedräit, z Füli het äuä no nid di richtigi Position gha, u wieder isch si z Bode, sisch wichtig d Boxe dick i z schtröie u a d Wänd no äxtra viu damit si nid z noch a d Wand liegt. Langsam het me e Blottere gseh cho u de hani d Hüfli drin gseh, "jo Babettli es chunnt, drück witer, hase ermuetigt, woni ha chöne a packe hani ghuufe Zieh aber immer nume we d Schtuete presst het. Dr Kopf isch immer am Schwirigschte, bis dä düre isch muess si ächt fescht presse, do äntli, z haube Füli isch dusse gsi, u z Babettli het e Pouse brucht, d Hut isch scho verrisse u z Füli het afo Schnufe u d Ouge ufgmacht. Do Plötzli schteit d Babette uf u louft dür ihri Boxe, " he was söu das, lieg wieder ab, mir si no nid fertig, aber si het nid glost, z Füli het fasch mit sine Huf a Bode möge u het füre zu sire Mueter gluegt wie zum säge "i wott ganz use. I ha das Füli a ghebt u Probiert ob igs chön use zieh aber es het sich nid bewegt, es isch mit de Hüfte bliebe schtecke, uf aui wis u wäg hanis Probiert u z letscht hani mim Maa grüeft, i hamer nüme z häufe gwüsst u z Babettli het nüme wöue abliege. Ou är het das Füli a glüpft u dräit u zoge aber es isch nüt passiert user das Babette mitemene Füli wo nume haub dusse isch ir Boxe ume glüfe isch, i ha wöue go alüte is Tierschpitau, do chunnt mi Maa u  seit " äs isch äntli dusse, u jetzt goni wieder go schlofe, und tschüss. I ha z Näbeli Desinfiziert u z Füli ermunteret uf z schtoh u go d Miuchbar z sueche, do het d Babette so komisch do, wi wesi  wett Brünzle aber es isch nume Bluet cho, das isch nid normau gsi, wosi nid ufghört het bini haut doch no go alüte. Dr Tierarzt het es Schmärzmittu gschbrützt u erklährt, wo das Füli no haub drin gschteckt sig heigs mit sine hingere Huf gäge d Blase vor Schtuete gschtüpft drum Brünzli si Bluet, das sig rächt Schmärzhaft. Am anger Tag isch aues wieder guet gsi u z Babettli het agfange sis Füli z Erzieh u mir hei aui fröid gha , u i natürli schwarzi Ringe unger de Ouge, schliesslich hani jo nid viu gschlofe, aber das isch aube schnäu vergässe weme de Füli cha zueluege.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es git graui, bruni, schwarzi Eseli, mängi hei es sogenandes Mäumuu, dass heisst dass si um z Muu und um d Ouge häui Hoor hei u nid öpe si heige ihres Muu is Mäu dünkt. De gits aber ou wissi, creme Farbigi di sogennante Barockesle, u de gits e chli au Farbigi fasch nume einzelni Hoor i jedere Farb mi weiss gar nid wiemene söu säge, oder si hei einzelni Fläcki. Aber es git ou Drüfarbe Schägge, di hei würkli jedi Farb klar abgränzt, u genau soeini hani, wonis einisch Fründe bsuecht hei u di Inca zerscht mou gseh hei, meint d Frou " auso di gfaut mer öpe gar nid, für mi müesse d Esle grau si, süsch sis kenner Esle. "Das macht gar nüd we dir d Inca nid gfaut, mir gfaut si, u weisch si muess gar nid aune gfaue, dass isch eifach Gschmacksach. Mir si witer Gwanderet uf de Eseli ihrem Wäg, zwüsche düre heimer  wieder emene Esu grüezi gseit. u womir do so Fachsimple chunnt vo hinger d Inca u schtubbst mit ihrem Kopf gäge d Hand vo dere Frou. Di het gar nid umegluet, si het eifach Kräbbelet u witer üs zueglost, i ha mir z lache schön müesse Verchlemme, z Inggeli het sich sicher dänkt, si wöu dere Frou de scho zeige dass si ganz e liebi u schöni sig. Nach 10 Minute hani mi nüme chönne Behersche u ha zu dere Frou gseit, "weisch du eigentli wär du do am Chräbele bisch? Si het sich umdräit u isch ächt erschtuhnt gsi wo si d Inca gseh het,i bi sicher wesi gwüsst hät dass es d Inca isch hät si si nid Kräbbelet.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mängisch verschtohni nume Bahnhof, z Neli isch jo e Pangsionärin, si isch nid sone Verschmuseti wi mini Eigete, aber weme öpis vore wott de machts sis eifach. I bi grad so am mischte u dänke nüt böses do chunnt si um mi ume u schteit vor mi u luegt mi a. "Jo Nela, das fröid mi aber we du zu mir chunsch das i di chli cha schtrichele, sägi zuere, schteue mis Boueletaxi wäg u schtrecke d Häng gäge se um se z schrichele u was macht si ? Si dränglet ganz Ungeduudig näbe mir düre das i baud z Glichgwicht verlohre hät u wäg isch si gsi, i hare nume no chönne noche rüefe, "du bisch doch e dummi Scheese. I bi haut witer miner arbeit noche u ha gschtudiert, was het si mir ächt wöue säge? A jo, jetzt ischs mir i Sinn cho, i ha gseh das ihri Ouge wieder afö loufe, si reagiert nämli uf Polle, aber was flüegt de jetzt scho wieder ume?, es schneit jo no aubot, villicht d Hasle, de muess i haut wieder Tablettli gä, aber das hätt si mir jo ou angersch chönne säge, isch doch wohr, heinomole.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I liebe mini Esle jo würkli vo Härze, aber was die sich so leischte jede morge jagt mir de öpe dr Nuggi use. Vouer Fröid chummi i Schtau u wünsche e guete Morge, i probiere di Vorwitzigschte Köpf z schtrichele u was mache di undankbare Esle? Si litze d Ohre, zieh dr Chopf zrügg u muhle, "so ane mit däm Höi before mir no Verhungere, do muess i jo scho Lache, bi jedem gsehtme chlini Pöuschterli. I muess ufpasse wiene Häftlimacher dass si nid z dick wärde u di rede vom Verhungere, na ja!!!!!He nu de dueni haut Fuettere, nüt mit Schmuse, i nime e Gable vou Höi u probieres näbe dene Chöpf wo so Girig nachim schnape düre z schiesse. Dr Darius überchunnt z meischte übere Chopf oder Rügge u scho rüeft d Darinka, sini Schwöschter ir Näbebox "chum nöcher zur Wand, u de chasi schön abem Rügge vonim frässe u muess sich nidemou bücke, di si scho Klever oder meinet dir öpe nid?

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Leider si üsi Wägli no sehr nass u nid sehr iladend, u so schtöh üsi Esle haut nume ufem Platz vor em Schtau u Längwile sich, do isch doch wieder eim e Seich i Sinn cho. Er isch go am Mischtschtock schnüffle, der ander het vo wytem gmeint är heig öpis z frässe gfunde u isch ou sofort cho u het grad e Schnörre vou gno u so isches wyter gange u zletscht heisimir e rächte Ecke vom Mischtschtock abegrisse. Woni di Souerei gseh ha bini rächt sauer worde, wie weni nid scho gnue Arbeit hät, u grussig isches ouno, wartet nume hani dänkt. I ha mi ufem Höischtock verschteckt u wo dr nöchscht het probiert z frässe hani es grosses Chuechebläch lo abegheie, läck het das glährmet u dä Esu isch was gisch was hesch ab, aber leider hets nid lang tuuret u wieder isch eine cho. Weder znöchschtemou z Wisite chömed wüsst dir ömu de würum dr Chueche sone komischi Form het. Auso das isch Längwilig gsi mit däm Bläch de muess i haut dr Mischt abzuune, d Esle hei komisch us dr Wösch gluegt u dänkt was macht si jetzt ächt wieder? sicher öpis zum schpiele. So dä Mischt isch i sicherheit u was mache si ächt aus nöchschts? I warte scho lang ufene Alumischtrampi, jetz hei d Esle dänkt mir chönnte doch häufe dass d Dolores schneuer eini überchunnt. Vor zwe Tag het mi Maa zwe nöii Querschträbe agschrubt damit i nid abrütschi ufem Brätt  u auema mit guetem Houz, heiss doch d Esle schneuer wieder abgfrässe aus das mi Maa het agschrubt gha, mi cha däm ou säge dass isch arbeit beschaffig. Weni dr Mischt due verlege mani chumm das schwäre Brätt wäglüpfe,  d Esle machsech jet e Schpass dass schwäre Brätt vom Mischt wäg z zieh bis haub i uslouf u weni wott go lähre muess i zerscht wieder z Brätt go hole, s geit nüme lang uni ha e Rüggeschade.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Letschte Dezämber womer agfrogt si worde wägem Samichlöisle hani leider müesse absäge wüu mer Igschneit si gsi, i hane gseit, "dür z Johr mache üsi Esle ou gärn öpis mit Chind u jetz heimer e Mordsuftrag übercho. Di verschiedene Chiuchene vo Tavanne hei e grossi Vernisasche u Oschtergschicht über 10 Tag u do dörfe mir mit de Eseli teilnäh um mit de Chinder go z loufe. Natürli mache mir das gärn, i ha mir überleit mit 5 Eseli z go, hüt morge hets gheisse, Outo lade u när Eseli ilade, aber oha, üsi Samantha isch sit letschtem Septämber womer ufem Ballebärg si gsi, nieme Verlade worde u het anschienend aues vergässe. Di vier angere si scho lang din gsi u d Samantha het sich gweigeret u do heimer haut chli müesse häufe, mi Maa het mi gfrogt " wär Hiuft dir de dört? hmm hani gmacht, irgendwie geits immer u bi losgfahre. Chumm bini z Tavanne acho hets afo rägne, nei nume das nid, hani dänkt, i bi i Transporter gschtige u ha aui wieder abunde damit i hinger chönni uftue, eis ums andere hani usglade u a Transporter bunde, dr Inca hani Baschtchörb ufe Rügge montiert u z ganze Gepäck drinne verschtout. U los isches gange, gar nid eifach mit 5 Esle z loufe, z Soraya het usgrächnet z chürzischte Seili gha u het gmuhlet si heig jo ke Platz zum loufe we d Inca dr ganz Platz bruchi mit ihrne Chörb, "so chömid es geit jo nid wyt. Mir hei zwe Plätz zwäg gmacht, eine am schärme Gottlob, i ha mi inschtaliert u scho si di erschte Chinder cho, i ha jedem e Bürschte gä u si hei afo Schtrigle, nach es paar Minute het dr Pfarrer jedes Chind mitemene Esu gfötelet u när si mir go ne Schpaziergang  mache. Plötzli schtöh mir voremene Brüggli, jo drümou chöid dir rate wär wieder gschtreikt het, d Samantha het das viu z gfährlich gfunde, aues guete zuerede het nüt gnützt. I ha d Chinder e chli wyter gschickt ir Hoffnig d Samantha chömi doch, aber ihres nei isch klar gsi, i ha de zwe Buebe gseit mir gönge no es Schtückli, si söue eifach warte. Womir wieder zum Brüggli chömme het üs di chlini Muus ganz vorwurfsvou grüeft, i has mitemene Guddeli probiert u mit chli schiebe isch si äntli bi de angere äne gsi, z gemeine a dere Gschicht, si het sich wieder müesse zum Brüggli dräie u grad wieder mit de Chinder u de andere Eseli drüber, es isch scho viu besser gange, u bis ändi Wuche ischs kes Problem meh. Woni nach 3 Schtunde wieder bim Transporter bi, hei aui hei wöue nume d Samantha het 10 Minute brucht bis si äntli igschtige isch ,di andere hei ungeduldig gscharret, "höret uf dir machet ihre jo angscht, wart nume hani dänkt, hüt obe gits de z Churzfuetter im Transporter. Am obe hani dr Cindy u ihres Chübeli i Transporter gschteut, d Cindy isch sofort go frässe aber d Samantha het immer wieder vo 4 Meter entfernig probiert e Schprung ine z näh, natürli viu z wyt wäg, äntli isch si noch gnue gsi, e Mords Schprung u si isch mitts i ihrem Chübeli glandet. Na ja, de hole mir haut no einisch e Portion, si het ganz ruig gfrässe, i hase glöst u si isch no es paar Minute im Transporter ume gscheichlet.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Juhui, es isch es chlis Wunder gscheh, d Samantha hets nach drümou Churzfuetter fuettere im Ahänger hinech gschafft uf ahib izschtige, s geit haut nüt über ne chlini Lischt. Morn muesses de ohni Chübeli go süsch weis de di andere frässe, i bi gschpannt wiesi de bim Brüggli reagiert, es isch eifach wichtig Positiv z dänke, klar chas geng no id Hose. I ha garn nid verzeut wi schön si glüfi isch mit de zwöine Chind, si het das wine Profi gmacht dä Luuszapfe. Leider weisi nid grad schöns Wätter, si rede scho wieder vo Schnee, chöid jo chli dr Dumme drücke für üs und um schöner Wätter bitte, mir währe sehr Dankbar.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch scho veruckt was die Langohre üs z lieb aues tüe obwous für si eigentlich nit schtimmt, mir si jo wieder nach Tavanne, d Samantha isch eifach e chline Schatz, sie het nume no churz zögeret bis zerschte Hüfli uf dr Rampi isch gsi u när ischs grad vo lei gange. I bi mit dene 5 Esle zum Brüggli cho, fröidig drüber wär übertribe, si hei aui komisch gluegt, auso hani 3 Esle abunde, dass geit jo bsunders guet weme d Händ vou Seili het, d Babette u z Inceli si schnäu drübergscheichlet, när isch di Hochträchtigi Soraya cho u aus letschte d Cindy u d Samantha. Woni aui däne gha ha hani müesse zuegäh dass i e blödsinn gmacht ha, das Brüggli isch nämli us Houz u ganz nass gsi auso rächt rütschig u di Esle hei mir das mit ihrem zögere dütlich gseit, jo jo do si d Esle wieder einisch gschider gsi aus d Meischtere. Wo d Chinder mit de Eseli schpöter gäge das Brüggli schpaziert si het Babette sofort e abchürzig gno wo näbe däm ungliebte Brüggli verbi gange isch, i häts jo ou im Sinn gha, aber si isch eifach schneuer gsi. Wo ni mitne hei ha wöue nach 3 Schtund, simmer fasch d Finger abgfrohre u i has fasch nid fertigbrocht si am Transporter azbinde, jo jo Gäud verdiene isch nid immer eifach, morn nimmi für aui e Dechi mit, simmer doch dr ganz Tag dört. D Chinder chöme vom nüni bis am eufi u de gösi wieder ufe Zug, di nöchschte chöme vom zwöi bis am vieri, derzwüsche räntierts nid z Verlade, Heizfahre u de Heim nachere Schtund wieder ilade u nach Tavanne fahre, villicht nimm i sogar no e Blache mit gäge d Bise, es Dach heimer scho.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I cha nume eis säge, i bi müed u d Esle ou, so mit 50 Chinder nachenang go loufe ou wes nume e chlini Tuur isch brucht eim scho. Nachem vierte Spaziergang isch dr Pfupf dusse gsi bir chline Samantha u si het afo schlärbele, ou für d Soraya isches langsam z viu worde. Aber tapfer heisi mitgmacht u si ulieb gsi, d Chinder hei zerscht gmeint si chönni ritte aber so isches nid abgmacht gsi, si hei sich schnäu dermit abgfunde u heis du uluschtig gfunde mit de Eseli go z loufe. Bi mir bruchts eifach e chli meh, i möcht gärn de Chinder d Eseli chli nöcherbringe, mit Schtrichele u Bürschte u se eifach gschpüre. U we de Chinder chöme u sich nid emou getroue se a z länge de heis sie ou nüt ufem Rügge vom Esu verlohre, dass isch mini Meinig, u do bini schtuur wime geng de Esle nocheseit. Am morge am achti simmer gschtardet u am vieri heicho, es isch e länge Tag gsi, i bi froh wemer fertig si, es isch scho schön so öpis mit z mache, aber wes de so mänge Tag isch wirts müehsam. Hüt simmer jo dr ganz Tag unger em Dach gsi u 5 Meter entfernt isch au haub Schtund dr Zug düregfahre, bim erschte het d Samantha grad wöue dervo seckle, aber wo si gseh het dass die andere ke Bewegig mache het si ne du ou Ignoriert, jo si begrifft schnäu. So jetzt gömer no am Mittwuch Nomittag de sis wieder 50 Chinder u när no einisch am Donschtig morge u de simmer fertig u e Kollegin macht di drei letschte Tag, gottlob.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mir sind 50 Esel lieber , als 50 anstrengende Kinder !

liebe Grüßeaus Bayern

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jo dir heit jo rächt, aber i bi äbe nüme di Jüngschti, obwou normalerwis füehli mi wi 40j. aber do mi Dochter erscht chürzlich dä gfieret he chani nüme säge, es gloubt mers niemer. I ha no e Erfougsmäudig vo hüt, i ha natürli nach däm grusige Tag für hüt schön Wätter bschteut, z Brüggli isch droche gsi u aui Eseli si eifach drüber ohni z zögere, isch doch schön, oder? E Frou ischis immer noche cho u i ha dänkt was macht die ächt? u do hanis gseh, si het d Bouele zämeputzt, dass sig nämli Guuld für d Rose, das weis i dänk. Am Platz heigs e ganze Chessu vou dä chönnsi ou cho hole, u het di fröid gha, mängisch chame no mit Schi......... öperem e fröid mache, ha ha ha. Im grosse u ganze machts d Samantha jo prima aber ihres lüpfige Füdli passt mer nid eso, chumm chunntere öper e chli z noch chlepft si u i bi nid immer grad hinger dra um ihre wüescht z säge, ä cheibi drucke. Mit de ruige Chinder isches guet gange u mit de lute närvöse weniger, mängisch hanise haut gno, ha chli mitere lut gschumpfe u de ischs si wieder brav glüffe. D Chinder hei dr Lehrerin gseit si sig böse u schpinni, he hallo, i ha zu de Chinder gseit " öich hetme scho vo wytem ghört so heiter bäget u heit Blöd do, sit umegsecklet, u we jetzt d Samantha z gliche macht sägeter si sig bös, si isch eifach es Chind es Esuchind u het öich nochegmacht" mit grosse Ouge hei si mir zueglost, isch doch wohr, oder? I lo doch nid miner Esle .Beleidige, do wird i zur Hiäne, si hei bis jetzt soviu Geduuld bewise, hüt sis wieder ganz vili Chinder gsi, ei Klass het dr Zug verpasst u när het Zyt nüme für aues glängt, es het aues schnäu schnäu müesse go, schad.Ab dr Babette hani ou müesse lache, nachem zwänigschte mou di glichi Schtrecki hetsi dänkt si wöu einisch emene angere Ort düre u het eifach z Chind hingersich nochezoge. D Alexandra wo mängisch chunnt cho ushäufe het äxtra chürzeri Seili baschdlet öpe haub so läng u di hani jetzt guet chönne bruche, we nämli so chlini chöme, füehre zwöi Chinder eis Eseli u de heisi geng es gnursch gha mit de länge Seili.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So, no dr räscht vo Tavanne, hüt morge sis 60 Chinder gsi womir schnäu schnäu hei müesse düreschlöise, jetz simmer fertig, hei wieder e chli Rueh u de blanger mir scho baud wieder uf öpis nöis, villicht nid grad so mänge Tag, u we haut glich de mache mir das ou, schliesslich heimer fröid dra. Jetzt mäudi mi ab für 10 Tag, i bi abwäsend u d Rahel luegt dehei dass aues klappet, villicht schriebt si de öpis. No was vor Samantha, das zviu Chinder si gsi heisi mit dr Füehrig dür di Usschtellig fasch nid nochemöge u hei mi mit mine 5 Esle u 13 Chinder ufe Schpaziergang gschickt. Die Chinder si fasch nid z bändige gsi u für di chlini Muus isch das eidütig z viu gsi, si het praktisch di ganzi Tuur uf de Vorderbei bewäudigt, he jo di hingere si meischtens ir Luft gsi, i hase chumm chönne beruhige. Dz nöchschte Grüppeli het nume us 6 Chinder beschtande u di si ruihig gsi, do hei wieder zwöi Chinder chönne d Samantha füehre u si isch ganz brav mitglüffe. Sisch grad gsi wiesi di ganzi Energi vo dene wiude Chinder übernoh hät.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Immer wenn Dolores eine Woche wegfährt, fragt sie mich, ob ich die Esel eine woche hüten möchte.
Bisher hat es immer geklappt und so bin ich diese woche mal wieder auf der Eselfarm in Moutier. Wie ich schon beim Vorstellen geschrieben habe, ist es für mich erholung obwohl ich auch mal müde bin.

Letztes mal hatten wir eine sehr lustige situation:
Meine älteste Mirjam und die jüngste Schwester Noëminkamen zu besuch. Wir wollten Spazierreiten gehen. Aischa, Nella, Figaro und Babette durften mitkommen.  Noëmi durfte auf Nella reiten. Alexandra auf Figaro und Mirjam und ich ritten auf Aischa oder fühtren Babette. Ich mag es nicht wenn jemand einem Esel im Maul rumzieht, so hatte Nella mit Noëmi, die noch nicht viel geritten ist, nur ein Halfter an mit 2 Stricken als Zügel. Eine Zeitlang führte Mirjam Nella und Babette. Dann durfte Noëmi alleine Reiten. Nella wollte immer wieder Fressen und mein Tip nur an einem Strick zu ziehen half nicht immer. Einen kleinen Weg hoch konnten wir Traben und trotz der einladenden Grasnarbe wollte niemand Fressen. Ich wollte Mirjam auch reiten lassen und stieg nach dem Trabstück ab. Figaro und Babette blieben stehen. Nella aber marschierte weiter wie nur Nella es kann. Wenn sie mal läuft dann läuft sie. Noëmi war mit ihr schon gute 100m voraus und rief sie konne nicht anhalten. Ich rief zurüch, sie solle sie ins Gras lenken, damit sie frisst. Doch Nella war nicht zu bremsen und vor dem Abspringen hatte Noëmi zu grossen respekt. Ich rannte mit Babette hinterher. Zum Glück kam nach weiteren 100m ein Tor. Da hielt Nella an und wartete ungeduldig bis ihr jemand öffnete. Wir konnten wieder aufschliessen und den restlichen Spaziergang gemeinsam beenden.

Was erlebt ihr so mit Eseln? Man muss ja keine eigenen Haben, um etwas zu erleben mit Ihnen
http://www.eselfreunde.ch/components/com_agora/img/members/32/Aischa.jpg

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ja , der Anton (Toni) ist mir einfach beim Vorbeifahren aufgefallen und ich hab meine Visitenkarte da lassen wollen  (Hufpflegerin .....).
Nach Hause kam ich mit einem 7 jährigen Eselhengst   !  Viel Ärger war die Folge , aber auch ein "Umdenken" in meinem Kopf !

EINE GROßE LIEBE ZU ESELN IST GEBLIEBEN !

Hab zur Zeit etwas viel zu Tun (ich beklag mich nicht , denn mit fast 60 brauch ich nicht mehr Werbung für meine Hufpflege zu machen , deshalb
nehme ich auch andere Job´s an !

LG

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Wieni jo gschriebe ha heimer chönne Gäud verdiene über d Oschtere, sider dass ig e Wuche wäg bi gsi het mi Maa u dr Rudolf wo geng wieder chunnt cho häufe, i beidne Schtäu e nöii Dili inne gmacht. Hei das gseht grad us wie wesi dr ganz Schtau umbout hätte, di Dili lot ds ganze ganz angers usgseh, i ha wäuts fröid, mi meint grad es sig grösser worde, so richtig fründli isches worde, e ganz grosse Dank dene zwe flissige Manne. Wo mir di Boxene i däm grosse Hangar bouet hei, was isch ächt das wieder froget dir öich? e Schopf aber us Metau, alles klar? hei mir Decki mit aute Telefonschtangene gmacht. Dört druf si d Bauke cho u när Brätter mit Nuet u Fädere, nei sägit nid es sig scho wieder z höch für öich, Nuet u Fädere heisst we eis Brätt -/ sone Kante het u ds andere grad z gägeteili, de chamese ganz inang montiere u es git ke schpäut derzwüsche, isch jetzt aues klar? Vo unge het das Houz i verschiedene höchi nid schön usgseh, u jetzt mit dene Schpannplattene isch aues drunter verschteckt u e suberi Dili worde. Wär gar nid fröid wird ha si d Schwaubeli, aber für die schrubemer churzi Bauckeschtückli ufe u de müesse si haut wieder nöii Näschtli boue, s gid doch fasch nüt schöners aus we d Schwaubeli düre Schtau flüge u flissig Insekte vernichte.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Seit meine Schwester für die Auto-Anhängerprüfung übt, packen wir öfters unsere Esel in den Pferdetransporter, um einen kleinen Ausflug zu machen. Die Esel finden es spannend, an fremden Orten spazieren zu gehen und sind immer sehr motiviert.  Noah, der älteste der drei, stürmt los, sobald er aus dem Anhänger ausgestiegen ist. Mit gemütlich spazieren ist dann erstmal nichts, er hoppelt halb im Schritt, halb im Trab neben einem her und lässt sich  nicht zu einem vernünftigen Schritt bremsen.
Das Verladen klappt mit Noah und Joschi sehr gut. Flurina macht meistens etwas Ärger, bevor sie sich überreden lässt. Sie geht oft erst in den Anhänger, wenn ich oder meine Schwester nach vielen geduldigen Versuchen laut mit ihr geschimpft haben. Kaum im Anhänger drin, frisst sie dann gemütlich ihre Belohnung (Rüebli, Apfel, etc.), als ob nichts wäre.
Das braucht jeweils auch viel Geduld von den andern beiden Eseln, die finden, wenn man ja nicht losfährt, möchten wir auch gern wieder raus und sie werden sehr zappelig.
Gestern aber konnten wir zum ersten Mal alle drei problemlos verladen - ohne Halfter und Strick! Und drei mal dürft ihr raten, wer als erstes im Anhänger stand. Natürlich Flurina, sie schlug sich dann den Bauch mit Leckerli voll und blieb tatsächlich drin, bis die andern beiden Esel auch im Anhänger standen. So viel zum Thema zickige Stuten! Wir mögen sie wirklich sehr, aber eine Stute werde ich mir nie mehr anschaffen :-)

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jo so si d Gschmäcker verschiede, für mi bitte nume Schtuetene, mit dene chame so  richtig längi Diskusione ha, bi de Wallache hani eifach immer z Gfüu si heige ihri Seu verlohre bim Kaschtriere, wi wesi ke eigente Wiue me hätte machi si meischtens ohni z mure was me vone verlangt, für mi längwilig. Ui Ui das  wird Reaktione gä, hi hi hi. I  hätt do e Frog, wie Reise dini Esle im Transporter? Hesch e 2er Ahänger mitere Zwüschewand ? So eine hei mir, bi de grosse Esle isch klar, di Reise wie d Ross, je eine pro Site. Aber weni mit de chline ungerwägs bi u mängisch sehr wyt bis ufe Ballebärg fahre hase eifach so im Ahänger, ohni Azbinde, meischtens Reise si sitwärts u d Füli schtöh vorne im Schpitz. Womer z letschtemou ungerwägs gsi si, bini ganz langsam ine Kreisu gfahre, vo links isch Plötzli es Outo cho z schiesse i ha nume no chönne e Voubrämsig mache u  dr Kopf izieh. Grad wini angscht hät gha d Esle flügi bis zu mir führe, es het rächt Pouderet hinger im Ahänger, wo di Outofahrerin das ghört het ischs ere niene rächt gsi u si het mit Gebärde Exgüsi gseit. Womir dehei usglade hei, si aui 5Esle normau gsi, si hei ke angscht zeig, si si eifach ganz ruhig usgschtiege, so, hani zu mim Maa gseit, jetz mues öpis go. Mir hei zäme gratiburgeret (Diskutiert) wie mir das Problem chönnte löse, imene Säubschtfahrende Transporter schtöh jo d Ross Diagonau u es wird immer e Schtange derzwüsche ighänkt, so öpis müesse mir ou mache. Mir hei afo usmässe, dr Rudolf hets Materiau bsorgt, anschtatt Schtange hei mir 20cm breiti Aluprofiu gno um zwüsche di verschiedene chline Esle z hänke, es gseht grad us wi vomene Profi gmacht. Z vorderscht chunnt d Cindy mit dr Samantha u de wird das Aluprofiu ighänkt, u de chunnt dr nöchscht Esu u wieder z gliche schpili, bis aui 5 Verlade si, dr Vorteil, bim Fahre cha jetzt jede Esu a das Aluprofiu lähne u si müesse sich nüme gäge nöchscht  drücke, eifach geniau. Da d Cindy nume öpe 87cm und d Inca 108cm misst hei mir nid  Schtange chönne näh, bi dene 20cm Aluprofiu schtimmts für beidi, für d Cindy isches echli z höch u für d Inca chli z töif, aber bi 20cm schpiut das ke roue. Uf beidne Site vom Anhänger isch e Aliuchiene agschrubt worde u dört drin si verschiedeni Löcher Bohret, so chame bi jedem Esu änger oder witer ischtecke, weni mit de grosse wäg wottbruchi nume d Aluprofiu use z näh u Trennwand montiere u scho simer Reisefertig. Bi glägeheit wird di de es Föteli dri tue damit dirs besser verschtöht.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hoi Dolores
also meine Wallache haben mir genug Seele und Willen :-). Noah wurde erst mit ca 15 Jahren kastriert, da merkt man es noch besser. Und je älter er wird, desto stärker ist sein Willen, habe ich das Gefühl. Aber sie sind natürlich schon einfach pflegeleichter. Habe ich auch bei Pferden festgestellt.

Wir haben keinen eigenen Anhänger und leihen jeweils einen 2-er Anhänger mit Mittelwand aus. Wir binden sie nicht an. Sie sortieren sich dann selber ein. Meistens steht Flurina auf einer Seite allein und Joschi und Noah zu zweit auf der anderen Seite. Einer schaut dann jeweils nach vorn und einer nach hinten. Manchmal wechseln sie auch während dem Fahren die Seite und wenn wir aufmachen, stehen sie genau andersrum. Oder Flurina steht vorne in der Mitte (vor der Zwischenwand).

So ein Anhänger zum diagonal verladen ist natürlich super! Würden wir mehr fahren, müssten wir uns auch überlegen, sowas anzuschaffen.

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Leider gseht är bis jetzt eifach super us aber mir heine no gar nid chönne go usprobiere, i dänke d Langohre wärde de di abschrankige komisch aluege jetzt wosi doch no so nöi u glänzig si, aber wemer de zerschte mou gfahre si u si dr Vorteil merke wärdi ou si glücklich si. D Sandra het ihre 2er ou vom Rudolf lo umboue, si het jo d Aisha wo 135cm gross isch, u de dr Figaro wo öpe  122cm misst u de no z Neli 105cm. Auso d Aisha het ihre ganz Platz bhaute, da si jo nid so läng isch wienes Ross het dr Rudolf Zwüschewang 30cm kürzt, bim Figaro het er di vorderi Schtange no chli meh zrügg gsetzt u jetz het z Neli vorne schön Platz. Mi muess eifach zum fahre am Figaro dr Mundschutz alege damit er nid di ganz Zyt z Neli neckt, si chasich jo nid wehre, es funkzioniert prima, aui chöi irgendwo alähne u si sicher abunde. Da dr Rudolf jo scho lang Pangsioniert isch het är fröid so öpis ab z ändere, we öper Intressiert isch chaner sich bi mir mäude u de chunnt dr Rudolf verbi u wird die Sach a Ort u Schteu mit öich aluege u villicht ou usfüehre.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt morge hani üsi Bärnersennehündin zum Tierarzt brocht, är het se Schterilisiert, am Nomittag hase wieder chönne go hole mitemene uwäutschrage. Di ermschti isch überhoupt nid drus cho, überau wosi düre het wöue isch si abutscht u so isch si haut eifach ganz verdatteret bliebe schtoh, si het sich nidemou getrout ab z liege. Das wär jo no nüt, aber wosi ume Egge cho isch si au Esle zu Sauzsüürine erschtarrt u hei ganz entgeischteret dä Marshund agschtarrt. Chumm het dr Hung e Bewegig gmacht si d Esle dervo gschtübt u hei sich erscht wieder i sicherer entfernig umdräit, das wär doch es guets Schpieli für nes Gymkhana, do bliebt sicher ke Esu ruhig we e Hung mit Chrage ume Egge chunnt. Eigentlich hätti gnueg z tüe gha aber däm Schouschpiu zu z luege isch eifach mega mega luschtig gsi. D Hündin isch bis am obe nid richtig abgläge, i ha gar nüme chönne zu luege u hare dä Chrage abzoge, keni 5 Minute schpöter hetsi ganz töif gschloffe, äntli, i ha natürli scho ufpasst dass si nid ar Wunde schläcket. Mir müesse 10 Tag eso düre süche, dr Tierarzt het gmeint si gwöhn sich de scho dra, nach drei Tag chönni de go Gase lo entferne wo si mit drei Schtiche agnäit heige, auso so öpis chani de no säuber, so gömer erscht nach 10 Tag um d Fäde z entferne u zur Kontroue. S nimmt mi Wunder wi langs geit bis sich d Esle a Hung mit Chrage gwöhnt hei, i froge mi mängisch über was ächt d Lüt lache wo keni Esle hei?

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

. :cool:  :cool: D antwort uf mini Frog wär sich ächt ender a Chrage gwöhni dr Hung oder d Esle isch usgliche, d Hündin chunnt hüt scho viu besser z schlag u d Esle seckle nüm dervo si luege nume no chli komisch, oder ächt Mitfüehlend? s chönnt jo si dass si Bedure hei mit dere Hündin.  Themawächsu, ir Gschicht 136 hani jo verzeut wi di Manne z nöie Plafo oder Dili im Schtau gmacht hei, woni das Wärch so beschtuhnet ha hani dänkt öpis schtimmt nid, aber i bi nid druf cho was. Am andere Tag hani wieder obsi gluegt u Gschtudiert, was schtimmt nid? hei no mole, i ha mis Obergädeli agschträngt, schöns Wort gäuet, dass het mir mi  Ungle e eutere ämmitalerbuur gseit u i ha geng gwartet bisis einisch chönnni iboue. Woni hüt ihr Tierwäut d überschrift lise, d Schwaubeli bruche üsi Hiuf, ischs mer äntli ds Sinn cho was nüme schtimmt im Schtau. Wo di Manne Dili hei ufe to heisi doch d Schaubenäschter zuedeckt u do aues ei glatti Dili isch chöi d Schwaubeli niene me Lande u hei o ke Bauke meh zum Näschtli boue. Heit dir gwüsst das e Schwaubefamilie bis di Junge usflüge 2 Kilo Insekte frässe? Hüt heimer es Näschtli montiert u Sitzschtängeli, u zwöi drü Brättli damit si besser chöi säuber Näschtli boue we ne di koufte öpe nis passe. Wosi letscht Johr hei afo boue hani müesse Schmunzle, eis, sicher z Wibli, het immer breiter Näschtmateriau a Bauke kläbt, z andere, sicher dr Mani het sis Materiau viu änger akläppt. Oder isches ächt grad umgekehrt gsi? hets Wibli gseit "schpinsch weisch wi lang i ha für das grosse Näscht z putze? mir mache das viu chliner das längt ou, wi ou immer, si si ömu fertig worde. U när ischs los gange, heit dir scho mou ghört wi z Wibli oder ächt dr Mani cha driliere um z andere zum S..... izlade? Dir gloubet mir nid? aber sicher, genau so hets sich das abgschpiut. När si si näbenang uf dr Schibe ghöcklet, dr Mani isch immer chli nöcher u nöcher u plötzli het är se deckt u das grad vor mine Ouge, ha scho chli verdatteret us dr Wösch gluegt. Schpöter hei si Brüetet u scho si di chline usgschlüfe, u vo do a hets Theater agfange, jedesmou weni d Boxe ungerem Näschtli ha wöue Mischte hei si mir wüescht gseit. Si hei angscht gha wüu i so noch vo de Junge bi gsi. mängisch hei si mi fasch agriffe,si si ganz noch über mi Chopf gfloge. I ha mittne gschumpfe, schliesslich bi ni vor ihne do gsi, i ha dänkt der gschider gid no u ha pressiert mir dere Boxe putze, sobaud i ihr nöchscht  bi gsi hei si Rueh gä. Woni so zueluege wi si Fuettere hets mi scho Wunger gno ob ächt jedes öpis überchömi, 4 Köpfli si schön näbenang ufgreiet gsi, aber si hei immer vo links afo Fuettere bis zum dritte u z letschte het vergäbe Bättlet, i ha mer scho afo Gedanke mache. Plötzli isch das wo ganz rächts gsi isch hinger de angere düre u het sis Chöpfli ganz links ufegschtreckt, di angere si schön chli übere grütscht u heinim Platz gmacht u scho hets öpis z Frässe übercho, do chame nume schtuhne, zue gäh i ha scho chli lang brucht mit mire arbeit aber schliesslich isches Intressant gsi. Wo di chline scho rächt gross gsi si isch uf einisch es angers Schwaubeli cho es nöis Näschtli boue u dr Mani ischere go häufe, läck het das es Gschtürm gä. Beide hei dä Mani wöue, di erschti het ihm sicher gseit si bruchi sini Hiuf no zum Fuettere, u di angeri het afo driliere u het fasch nid wöue ufhöre. Ihres Näschtli isch nume haub fertig gsi u när isch si scho bliebe hocke, i ha dänkt, auso we di Junge schlüfe gheie di jo us däm haub fertige Näscht, aber es het du nüt gä. So jetz muess i go luege ob d Soraya äntli wott afo Füle, si isch scho 2 Tag drüber, aber bi so grusigem Wätter het si jo rächt wesi no chli wartet.   :P

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Dä Winter ha ig ou fasch es chlises Härzchriesi gha!... Wo ig vorem Schaffe no schnäu ha wöue ga Esle fuere, isch dr Stau läär gsi.... Itz hei doch die Schlingle ihri "Knabbertanne" ungere Zun düregstosse u hei nä wie nä Keil zum Zun alüpfe brucht. U wäg si si gsi! Wo muess ig nume sueche?.... Schnäu e Funk a mini Schefi, dass i später uf d'Arbeit chume u ab wie ds Bisiwätter ufs Velo! I suechi hie u sueche dört u überau wie gstört.....E graue u e grau -wisse Schägg im Schnee, Isch und Näbu sueche isch dr Hit! D'Houptstrass isch nid wyt, d'RBS-Zuglinie isch grad oberhaub u i bechume scho wieder es paar graui Haar meh u vo de Sorgefaute rede mir itz nid! Nach äre guete Stung Velofahrt, wo meh aus nume schweisstribend isch gsi ha ig du när ohni Esle dr Heimwäg ungers Füdli gno... Kaputt u dr Salami scho cheibe nach......bi ig du när trurig u wüetend uf mi säuber hei cho. I ha du mim Ma gseit, dass i itz äue ufd Polizei müess, i wüssi itz nüm wo sueche..... Da lachet er mi charmant a u seit zu mir: Cum obe abe, i ha dir se itz gad ita. Es isch e Frou mit ihrem Hung ga loufe u üser 2 Lusbuebe hei das cool gfunge u si hingernache zöttelet.... Wenn was si use sie u wie lang was si wäg si gsi weiss ig no hüt nid.....Aber i bi ächt froh, isch nüt passiert u ha mini Schätz beidi unversehrt retour. E chline Tip vo mir zum Schluss: Wie wärs we ou dir öii Zühn wieder einisch würdit nachezieh? Ev. chönt sich dä Ufwand lohne!....:) LG us Urtene

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Schön dass du ou wieder bi üs bisch du hesch üs gfäut u de grad mit sonere Gschicht, jo jo di Langohre chöi eim mängisch scho e Schreck i Jage. U dass si dir nid gseit hei wosi si gsi isch jo logisch es si jo Männer, di gniesse u schwige.ha ha ha.       Hüt heimer dr Zwätschgeboum e chli abe gschtutzt, natürli hei d Esle d Nase müesse z vorderscht ha, i hase hinger z Döri bugschiert u de zuetoh, wo dr Buur d Motorsagi agloh het hei si doch e chli abschtang gno. D Nöigier isch aber grösser gsi u si si wieder ganz noch bim Döri gschtande, dr Buur isch d Leitere uf u mi Maa u ni hei am Seili zoge damit dr Ascht de öpe nid gäge d Esle oder dr Buur faui. Dr Buur het gsaget u mir hei zoge u zoge u äntli isch er cho, ganz knapp vor de Nüschtere vor Darinka u em Döri isch er abegheit, gottlob, u jetzt no dr zwöit Ascht, dä isch du nid ganz am richtige Ort abecho, het aber nid viu Schäde gmacht. Chumm hani z Döri uftoh si aui Esle sofort derhinder, vouer fröid heisi di Knoschpe wo hei afo schpriesse abgfrässe, es richtigs Feschtmau, schmatz schmatz schmatz.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Nei nei, das choge Füli isch immer no nid gebore, langsam wirts müehsam, jede obe hocki do am Kompi um Wach z bliebe, muess doch geng go luege was si macht, nei sicher goni nid go schtöre. Sitere Wuche brönnt es chlis Lämpli di ganzi Nacht, so chani mi aschliche u zum Fäischter i luege ohni dass sis merkt, i grife nume i wes muess si. Mi dünkts si heig e angere Buch aus di zwöi letschte mou wos Hängschtli het gä, dr Santiago wo jetzt ganz gwöhnlich Benj heisst u de dr Speedy wo si Name het chönne phaute. Si luegt eim so vertröimt a, es dünkt mi, si heig e angere Usdruck i ihrne Ouge, mi seit doch geng wes so lang duret, es gäb es Schtüetli di müess sich no Schminke drum göngs eso lang.  U wes haut wieder es Hängschtli git de nämers ou vou fröid in Empfang, es isch jo wi bi üs, mi muess näh was use chunnt, mi chas nid Umtusche, mi darf froh si we aues guet geit. So jetzt goni no einisch go gügele wies dr Soraya geit u när goni go schlofe, übrigens häti zwe Schtuete Näme scho parat, Salome oder Saskia, töhnt doch guet oder?

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Vor zwe Tag heimer Kaila, ei heufti vo de Zwillinge zum Hängscht brocht, aber i cha öich säge obwou beidi glich gross si het er ächt Problem se z Decke.Mängisch paare sech gross u chli wo me nie dänkt dass so öpis cha klappe, u di zwöi heiso müii, i darf gar nid alüte um z froge obs äntli .gange sig. Tabea isch ganz ruhig, si vermisst ihri Schwoscht sehr, i muess se geng dröschte u re säge dass i doch nie würd Zwillinge usenang risse. Di chlini Cindy d Mueter vor Samantha isch ganz e luschtegi, immer wesi rossig isch u di angere se wei begogere geit si mitne wäg damit niemer zueluegt, di schiniert sich, jo so öpis gits ou bi de Esle, hi hi hi. Aber da sie dasmou während em söige so viu abgnoh het lose es Johr meh sich z erhole bevor se wieder decke, de machts de 3 Johr Pouse. Wo das schöne Wätter cho isch hani d Esle fasch mitem Sackchare müesse zum Schtau use schtosse, di hei umsverohde nid use wöue, jo aber würum de nid hase gfrogt? he jo mir hei doch z heiss schliesslich heimer no dr Winterpeuz a. Jo do heisi rächt, das heist äuä für mi vom morge bis am obe bürschte, bürschte u no mou bürschte, das git Muskle do brucht me nid go z dräniere.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mängisch bini scho schtouz uf mini Eseli, es git doch Lüt womi froge ob d Langohre ihre Name kenne ? "Natürli. Wi dir jo wüsst schpaziere üsi Eseli uf de Wägli rund um d Weide u ou zwüsche düre, geschter hani di chline scho dine gha nume eini het gfäut, drümou dörft dir Rate, was? scho bim erschte mou rate grad richtig, jo es isch wieder einisch d Samantha gsi, schtinkefräch het si di grosse agfüehrt wo ufem Heiwäg gsi si. Si si ufem grade Wäg zwüsche de Weide gsi u dört chöme si ane Chrüzig wosi links oder rächts chöi abiege, i bi obe vorem Schtau gschtande, dass si 60 Meter vo dere Chrüzig. Wo d Samantha dört acho isch hare grüeft " chumm chlini Muus rächts rächts" u di Luusmeite isch würkli richtig abboge, u nes paaar Meter gäge ufe cho aber när aghaute,de andere hani gseit "göt hei links links göt hei" klar hanis es paar mou müesse rüefe aber es het würkli klappet, jede wo links abboge isch het zerscht no zur Samantha gluegt u isch du doch i di richtigi Richtig gange. Jo när hani haut e Fähler gmacht u zu mim Maa gseit "hesch das gseh? dass cha nume ni, uf 60 Meter Dischtanz siner Esle dirigiere, zue gäh i ha grad e chli rächt blöffet u scho ischs passiert, d Samantha het sich umdräit u isch doch no de angere hinger noche, ä Mischt, z früeh blöffet.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt heimer Bsuech gha vomene Schwaubeli, es isch ds nöi montierte Näschtli go usprobiere, auema hets ihm gfaue. Früecher wos no kener Schwaubeli het gha isch me im Summer fasch düredräit, bim mischte hetme e Schwarm Flöige as sich gha wo eim Nonschtop kutzelet hei. Sit mer di Ungermieter hei isches viu agnähmer, mängisch we ne Schtau Johre lang lähr isch gsi, geits es Zytli bis d Schaubeli wieder chöme.   I ha fasch nüme chönne zueluege wi d Tabea trurig isch gsi, ganz allei isch si im Schtau gschtande, do si für morn Schnee bis uf 800 Meter gmäude hei simmer hüt obe Kaila go heihole, jetz chöi si di ganzi Nacht Wiedersehn fiire. Im Gägezug heimer Dunja u dr Darius chli uf d Aup i d Ferie brocht bis dr Hängscht se Deckt het. Am Samschtig bringi no z Ingeli bis uf Stalden/Obwalden id Hochzyzsferie u när isch de Rueh. Geschter u hüt heimer chönne ei Mischtschtock usetue, läck bini froh, dä Räge cha jetz das Züg i Bode wäsche u de wachsts de wieder guet. Dr ander Mischtschtock wott ei Buur de zu sich hei näh, leider muess är Schaffe u wener äntli frei het isches z Nass, schöne Seich.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Judihui, hurra, i bi so happy, schad ghöret dr nid wini Singe u Holeie, üses Füli isch äntli cho nach 10 Tag überzyt. Hüt obe hani wöue d Mueter im Heim bsueche, bevor i abgfahre bi hani mi Maa no beuftreit nach dr Soraya go z luege, i ha scho aues im Outo gha wo mi mis Gfüuu no einisch i Schtau gschickt het. U tatsächlich, si het mindeschtens vier mou gmischtet, Alarmschtuefe rot, es geit los, si macht Platz, i bi sofort wieder i d Wohnig go d Chleider wächsle, ha dr Maa beuftreit dr Mueter abtsäge i chömi de morn, d Soraya wöui Füle. Sofort bini wieder i Schtau go luege wi wyt si sig, mi Maa isch ou cho  u wos nid sofort los gange isch het är scho nach 5 Minute gseit " das cha no lang go " u isch wieder gange, ach di Männer, mängisch heisi ke Gfüuu. So öpis geit nid Rucki zuki, das brucht Zyt u Rueh, do isch dr Rudolf ine cho, ou är het nume es paar Minute zuegluegt u het gmeint är machi no e Schpaziergang mit em Hung. Göt nume aui de hei mir Rueh, d Soraya het lang gmacht, öpis isch nid guet gsi, aubot isch si abgläge het probiert z drücke u isch wieder ufgschtande u umeglofe, i ha scho baud gmeint i müess dr Tierarzt ha. Wosi wieder vergäbe presst het bini mit dr Hang go gschbüre u do ischs langsam cho u plötzli het si mi duschet wos d Fruchtblase gschbrängt het, isch doch glich, chame aues Wäsche, d Bei hei öpe 15 cm usegluegt u do ischsi wieder ufgschtande, "nei nei du muesch bliebe liege jetz isch z Füli wieder inegrütscht" hare gseit u do isch mi Maa wieder  ufdoucht. Si isch wieder z Bode u mir hei chönne witermache, d Nüschtere si zum vorschin cho u när ischs rächt müehsam worde, bis dr Chopf düre chunnt ischs e mordschrampf, i ha probiert häufe z zieh u do hets si wieder wöue ufschtoh, do bini zum Haus u hase dunde bhaute u mim Maa gseit är söu häufe zieh sobaud si pressi. Irgendwie het er nid gmerkt wenn är söu zieh u so hanim geng gseit "jetz chasch häufe" är het meh gschtöhnet aus d Soraya u äntli heimers gschafft. "Lueg Soraya äs isch dusse, dis Füli isch do, es isch verbi dass hesch du prima gmacht, si isch ganz gschafft gsi, z Füli het dr Chopf glüpft u zum Mami gluegt. D Soraya isch cho schmöcke, het dr Gruch vom Füli ufgnoh u plötzli isch si ufgschtande u di ganzi Nachgeburt isch uf einisch ab, normalerwis duuret das bis e Schtund. Si hets afo schläcke u es het probiert uzschtoh, aber di cheibi Nachgeburt isch ihm im Wäg gsi, i ha geng wieder e chli dra zoge damit si bir Bruchschteu söu lo go, aber erscht wo z Füli ufgschtande isch u i chli uf d Nachgeburt gschtande bi hets logoh u i ha chönne z Näbeli Desinfiziere u grad luege was e gäh het, jo mini Meitlinäme chani nid bruche. Da mi Maa so tatchräftig ghuufe het darf är dr Name gä u är het sich für Sandro entschiede, isch doch guet dä passt guet. Es geit immer lang bis z Füli cha schtoh, aber das isch no nüt, bis es de begrift wieme wieder abliegt, dass isch no zämou schwiriger, i ha beduure gha u has abgleit, äs het wine Fädere geng wieder wöue ufschpike, i has gschtrichelet u nim gseit äs müess jetz schlofe u äs het dr gliche do äs mach jetz d Ouge zue u chumm hani mi Griff glockeret hets grad wieder wöue ufschpike, z letscht hanis lo mache u äs isch wieder gschtande. Die Nacht chani äntli wieder einisch ruig schlofe.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So, di nöischte Nachrichte vom Sandro, i ha no vergässe z verzeue wi gründli d Soraya ne gschläcket het, ou hinger de Ohre hets si ne wöue dröchne u das het är gar nid gärn gha, är het immer gseit "hör uf Mami i has nid gärn" u si het druf gantwortet "mou mou ou dört muess i di drocke schläcke". Gottlob isch hüt Sunndig gsi, hani so richtig Zyt gha um mi mit däm Füli abzgäh, woni einisch bi de Ohre ha wöue chräbele het er wieder dr Chopf wäg drückt, "nei nei du Luusbueb nid mit mir" hanim gseit u grad äxtra witer gmacht. Si Chopf het är fasch bis zur Bruscht abe drückt u sini Ouge verdräit, i ha so müesse lache, i ha mi fasch nüme chönne erhole. D Soraya isch cho luege ob ig ächt ihrem Füli nüt düeg z Leidwärche, si isch scho wieder Rank u Schlank. Mir hei ne hüt no gwoge, äs het üs grad dr Huet glüpft, normalerwis wiege d Füli zwüsche 9 bis 12 kg. är bringts scho uf 14kg. ke Wunger het d Soraya so müeh gha, aber äbe 10 Tag z lang im Buch. 14 kg, 60cm höch u sini Ohre si scho 17cm läng, wahrli e rächte Kärli, hüt hase usegloh, är het komisch gluegt aber nume churz u när het er afo Rundine dräie u z Mami immer hinger noche, u di angere immer bös agluegt zum säge " äs luegt mer de niemmer mis Füli wäg. Morn probiere de mou 2 Eseli zuere z loh, u wes de für di nüme Intressant isch de chöme wieder 2 anderi bis aui begriffe hei, dass das dr Soraya ihres isch, bi diuneSchtuetene geits schneuer u anderi bruche lenger, de lohne haut di Zyt.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Geschter hei mer d Inca fasch bis uf Interlake brocht zumene Drüfarbeschäck u när simmer uf Au am Zürisee zwe Esle go hole ines Chinderheim wo wäg hei müesse. D Schtuete isch 7j.u öpe 130cm u dr Wallach 1o5cm u 15j. , leider heimerse scho müesse trenne, d Schtuete chunnt zure Familie wo im Jura Esutrekking abietet. Dr Wallach chunnt für ne Wuche zu mir u när zu Lüt wo e 1j. Wallach choufe u e Gschpahne sueche, är heisst Mandio u isch e liebe u luschtige Bueb, sofort het är mit mine chline Kontakt ufgnoh, klar zwüsche dri rüeft e scho no nach sinere Fründin schliesslich si si 6 Johr zäme gsi. D Hüfli gä ke Problem, Putze u Füehre macht er ou tip top, är dörft e chli meh Fleisch uf de Rippe ha,  wonim so zue gluegt ha bim frässe hani sofort gseh dass er Problem mit de Zähn het. I lüte de morn grad am Tierarzt dass er ne chunnt cho Impfe u is Muuh luegt, i findes nid guet we di nöie Lüt dr Mandio grad mit so Sache müesse bloge, si überchöme würkli e guete Esu. Hüt nachem Mittag wose ha wöue use loh isch är bir Cindy u dr Samantha äne gsi, isch doch dä Kärli eifach über z Wändli gumpet, am obe hane du ine anderi Boxe unter bracht wos höheri Zwüschewänd het, s nimmt mi de Wunder morn am morge woner isch.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Am morge isch dr Mandio doch no i sire Boxe gsi, nach em Fuettere het är mir unmissverschtäntlich gseit är wöu nüme igschperrt si, do hanim haut z Dörli zum Schtaugang ofe gloh u so isches gange. Am Nomittag isch dr Tierarzt scho cho, i ha di andere chline churz is Gras gloh u ihn sider i si Boxe gschperrt, do isch er doch scho wieder drüber gumpet, äs het niemer gseit dass das so ne Gumpesu isch, i ha eifach angscht dass er sich Verletzt. Mi Maa het aui Sitene vo däm Böxli no einisch erhöt, Zähn si gmacht worde aber es fäut ihm unde ei Zahn u drum isch dä obe lenger worde da är jo nüm abgwetzt wird u jedesmou wenn är Höi frisst geit das i di Zahnlücke u är chas fasch nüme use näh drum macht er so komischi Bewegige mit em Muh. Ou är het no chönne go Grase, dr Sandro het Rundi um Rundi dräit u d Soraya isch fasch nid zum frässe cho, so mene Füli chönnt me Schtunde lang zueluege, drum heissi si bi mir ou Versumerli.Am morge hani d Cindy u d Samantha bir Soraya glo, wenn Blicke töten könnten wäre Samantha jetzt tod und Regula müsste eine andere Eselin suchen. D Cindy aus erfahreni Schtuete het gwüsst dass me nid z noch geit aber d Samantha het doch eifach wöue go Sälü säge aber das het d Soraya gar nid zuegloh.I hät do no e ganz anderi Frog, heit dir öich eigentlich dr 26 Mai Reserviert? do mache mir doch üsi aujähregi Esuwanderig, es wär schön we vili Lüt sich würde amäude, mir verbringe immer e luschtige Tag zäme, gäbet öich e Ruck u mäudet öich a, danke.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Dr Mandio het ächt Problem zum Höifrässe, i gibim am morge u am obe Churzfueter damit er nid mues Hunger ha, är isch so Girig derhinder dass i ne ha müesse brämse, i ha zue nim gseit "we du so schnäu frissisch über chunsch de e Kolik" u do het er doch lengsemer gfrässe. Jetzt am dritte Tag het är scho begriffe wis bi üs louft, es isch würkli e luschtige, är het zwüsche dri gschohnet u do hani dänkt i gäb ihm e chli Arnikachügeli gäge Verlezige, i ha es paar is Decheli gschüttlet, aber oha, woni ne ha wöue häbe u sis Muh uftue het är äuä gmeint mi wöu no einisch a sini Zähn, är het sich gwehrt u abträit, mi het nume no sis Hingerteil gseh, är het kener aschtaute gmacht z Schloh. Mi Maa wo zerscht het wöue häufe isch grad wieder zur Boxe us, Feigling, i ha natürli nid ufgäh, ha mitim gret u geng wieder probiert si Chopf z hebe damit i chönni di Chügeli is Muh lähre, är isch immer wieder uf sini Hingerscheiche gschtande, i ha nid dr Idruck gha äs wärdi gfährlich,  u äntli het ers loh gscheh. Es guets u liebs Eseli, schliesslich kennt är mi erscht sit drei Tag, mi muess eifach Vertroue ha, e Esu isch nid eifach bös, är wird so gmacht, villicht ischs guet dass si nid chöi Rede süsch müesst me sicher mängisch gränne ab ihrne Schicksau. D Samantha isch i drei Tag Erwachse worde, vorhär het si immer Rundine dräit schtatt gfrässe u jetzt het dr Sandro das übernoh u für d Samantha isch das jetzt Chinderkram. Hinech hani ou sini Scheichli glüpft wie zum Hüfli putze "he das si miner Scheiche, MAMI hiuf, är het zablet wi veruckt u z Mami isch cho luege was i do wieder mit ihrem Chindli machi, woni eis Hingerbei glüpft ha isch er grad nume no uf de vorderbei gschtande, praktisch dr Handschtand gmacht. Klar dueni no nid uschratze, aber jede Tag wird jedes Bei einisch gno u churz glüpft, i drei Tag geit das scho vo allei, früh übt sich wer ein Meister werden will. Wägem Mandio si di grosse Esle uf dr ungere Weid, wo jetzt dr Sandro Rundi um Rundi Galopiert isch si aui am Zuun gschtande u hei däm schwarze Blitz ganz erschtuhnt zuegluegt, si kenne jo dr Sandro no nid. Dr Figaro muess immer dr Matscho usehänke we frömdi Esle chöme u da dr Mandio nume e Wuche hie bliebt hani haut di grosse separat, klar heisi scho lang gmerkt dass do e frömde Fötzu isch, he jo we dr Mandio grüeft het heisis gmerkt.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Sit mi Maa Pensioniert isch gits bi üs klari arbeitsteilig, i go i Schtau u är i d Chuchi, so simmer beidi Glücklich, aui wo bi üs verchehre wüsse wi guet mis Näbegrüsch cha choche. Was söu ächt das wieder? froget dir öich, he jo dir wüsst jo dass i mi gärn über mi Maa luschtig mache, äbe, dä Esu mit de churze Ohre. I bi so schön am Mischte gsi u ha nüt böses dänkt do chunnt mi Maa ume Egge, "i darfs fasch nid säge aber mir isch öpis passiert" het er afo verzeue u när ufghört. He, das chasch nid mache, hanim gseit "entweder schwigsch oder we scho afosch de muesch när verzeue um was es geit, du weisch jo was i für ne Gwundernase bi. Zerscht het är sich no gschiniert aber es het use müesse süsch hätts ne no vertätscht, " du weisch jo bi däm Chuchichäschtli wo z Abzugsrohr düre geit hani doch es Brättli montiert damit mir nüme mit de Büchse das Rohr chöi beschätige? Mensch macht dä das schpannent " jo um was geits de jetz genau? hani ungeduuedig gfrogt. " är hets Migottsdüri fasch nid use brocht " äbe woni so am Raguu vorbereite bi u ne feini Sosse ha wöue mache hani d Lorbeerbletter niene me gfunde, ir ganze Chuchi hani gsuecht, i ha gwüsst dass es no het. U plötzli isch mer i Sinn cho wo si chönnte si, i bi id Wärchschtatt go d Bohrmaschine hole u ha das Brättli glöhst u was isch hinger dra verschteckt gsi???? Klar d Lorbeerbletter, söu no eine säge do drüber dörf me nid lache, ömu mi hets fasch putzt, was isch d Morau vo dere Gschicht, ou mitemene Pensionierte Maa chames luschtig ha.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Vor emene Johr hani es Telefon übercho, d Schtuete nähm ihres Füli nid a was si ächt söue mache, i ha probiert z erklähre vom Näbeli Desinfiziere u Koloschtrum, wo si nid rächt begriffe hei bini haut säuber verbi. Di Schtuete het scho zwöi mou es Füli verlohre oder totgebore, es isch unmöglich gsi das Füli a d Zize z füehre, abmäuche het me chönne, aber wehe me het probiert das Füli gäge d Zize z füehre de het si gschlage, mir hei Schtundelang probiert. Z letscht hets nüt angers gä aus Schöppele, i hane dr Rat gäh dr Hängscht sofort loh z Kaschtriere, mit sore Schtuete müess me sofort ufhöre, das bring nüt. I bi no zwöi drü mou go luege, z Füli isch ganz allei ufem Huusplatz umegscheichlet, einisch isch är zu de Chüeh di heine gschläcket bis er Plotschnass isch gsi, nähr isch er wieder em Hung oder de Lüt hinger noche, är het gar nid gwüsst was er eigentlich isch. D Schtuete u dr Wallach si zäme glücklich gsi aber si hei eifach nüt wöue wüsse vo däm chli, do isch einisch Tierärztin verbi u het Kinesologie agwändet u do hei di zwöi dä chli äntli akzeptiert, gottlob. Jetzt hani ghört dass di Schtuete wieder gfühlet heig, aber wiso de das? dr Hängscht hei si jo lo Kaschtriere, sofort bini go luege, mi chas fasch nid gloube aber di Schtuete luegt vorbiudlich zu däm Füli u lots ou lo suffe. Was isch de fautsch glüfe hani di Büri gfrogt? E si heigene nach dr Geburt zämegloh wüu si so nachenang gschroue heige u dr Tierarzt heig ke Zyt gha um sofort z cho u de sigs äbe passiert.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Dr Sandro entwicklet sich guet, es problem isch nume dä Kärli dusse izfoh, är isch schnäu wi dr Blitz u Schtinkefräch, jedesmou wener bimene angere Esu verbigalopiert duet är dergliche är schtüpfne eis. D Hüfli gä i dr Boxe isch scho ganz normau. Dr Mandio het scho es bitzeli zuegnoh dank em Churzfuetter, i ha no einisch iz Chinderheim aglüte um no einiges überne z erfahre, i hane erklährt dass är nä baud Verhungeret wär, ob si eigentli nid gseh heige wiener immer dünner sig worde? Si het müesse zuegäh dass si scho lang nüme gnueg Zyt mit dene zwene Esle heige verbrocht, es heig niemer meh würkli Inträsse gha u de sig haut d arbeit schnäu schnäu gmacht worde. Würkli schad heisi nid scho lang e angeri Lösig gsuecht für di beide, aber jetz geits ne langsam wieder guet. Vor es paar Tag heimer d Plake gschprützt, nach zwene Tag heimer dänkt mir chönnte langsam d Esle a z Gras gwöhne, aber haut, jetz heimer es Problem gha wäge de Gschprützte Plake. Aber es git jo für jedes Problem e Lösig, mir hei di rotwisse Hüetli gno u über jedi Plake eis gschteut u zuesätzli no es Plastig Pföschtli dri gschteckt, es het mega luschtig usgseh u isch grad e gueti üebig gsi für e chli Sandro, dä schpringt zick zack um di Hüetli u wird nie i sim läbe me angscht ha vor so öpis.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Heit dir hüt ghört wis Pouderet het, nei nei das isch nid dr Donner gsi, dass isch dr Schtei gsi wo vo mim Härz gheit isch. Hüt heimer Bsuech über cho vo de Nöie Bsitzer vom Mandio, si hei ne jo no nid gseh u eifach mir Vertrout, aber mir isches wichtig gsi dass si ne chöme cho aluege u i gloub mi darf säge es isch uf beidne Site Liebi ufe erscht Blick gsi. Es isch Wunderbar zue zluege gsi wie dr Mandio di Schtrichueinheiten gnosse het, u d Lüt hei gschtuhnet wie Lieb är isch gsi, sofort het är sich vo dr Frou lo umefüehre, Bürschte u d Hüfli nä. I ha ganz es guets Gfüuu dass das guet use chunnt, är cha de z guete Bischpiu si für dä Jungschpunn wo de mitim zu dene Lüt chunnt.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mir hei jo häugraui, Drüfarbig, rot bruni u no fasch schwarzi Esle, mir isch ufgfaue dass die Dunkle viu Heikler si i ihrem Hoorkleid. I gloube wes im Schtau irgendwo es Ungeziefer het wi zum Bischpiu Häärlinge de rüefene di Dunkle "chumm zu mir. Tabea di hellgraui Zwillingsschtuete schloft jo mit dr Babette wo ihri Atoptivmueter schpiut u es rot bruns Hoorchleid het ihr gliche Box, uf dr gliche Matraze. Tabea isch wunderschön im Fäli u d Babette gseht au Früehlig ganz verhudlet us, u Darinka e Grand Noir du Berry wo nid ganz Schwarz isch het ou Löcher im Peuz, es geit immer sehr lang bis dört wieder Hoor wachse, nid so schlimm wi bir Babette. Isch das nume bi mir e so oder heit dir die gliche Beobachtige gmacht, dass die Häugraue Pflegelichter si aus di mit de dunkle Hoor? Es würd mi fröie vo angerne Esubsitzer z ghöre wi si di Sach gseh, wär scho Intressant, danke für aufäuiigi antworte.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mir hei üse Carlos u dr Spirou langsam wider a ds Grase gwöhnt. Zersch nume am Halfter 5 min. , u de  5 min. meh usw. Geschter hei die Zwe zerschte mal frei uf D`Weid dörfe. für e halb Stund. Läck hei di Zwe Esle e Freud gha. Dr Spirou het afe mal es Muul voll gno u isch när umegsprunge. Vor luter Freud het är dr Chopf so hin u her Gwagelet.. Dr Carlos het ou mal sis Muul gstopft u het sech grad müesse walle, u will dr Spirou so isch umesprunge het är natürlich ou müsse D`verfolgi ufnäh. Ab u Zue hei si Ihres Füdli glüpft während em ganze umegalppiere.
.Es schöns Bild isch das, weme gseht wie glücklich das D Esle si. Nach emene Moment hei si du doch no chli Gras gfrässe. Aber sicher weniger, als no am Halfter. Hi, Hi, Hi

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt isch ganz e aschträngende Tag gsi, für d Esle wi für üs ou. D Sandra het mit ihrne 15 Konfirmante u 7 Esle es Trekking im Sinn gha, am haubi zähni si si ufem Hof acho u hei di Esle mit grosse Ouge agluegt, Bürschte fasse u jetz Putze hets gheisse. Am afang si d Arme vo dene Jugendliche eifach z churz gsi, söfu Reschpäckt hei si vo de Langohre gha, mit guetem zuerede si si du langsam uftouet. Eine het probiert dr Mandio z putze, ei Hang im Hosesack, het scho chli blöd usgseh, i hanim zeigt wiener dr Chopf vom Esu chli chönni lüpfe aber derzue bruchi är haut de scho ou di angeri Hang, so u jetz chönner ganz fin um d Ohre putze. Woni so zuegluegt ha, hets mi fasch krümt vor Lache, beidne ischs uf d Schtirn gschriebe gsi was si dänkt hei. Dr Mandio het dänkt "weis ächt dä wie fin me um d Ohre muess putze?, u dr Jüngling het dänkt "hoffentlich macht mir dä Esu nüt. I hane probiert z erklähre wi wichtig dass es sig scho bim putze z zeige wär dr Meischter sig, je klarer das vo afang a sig desdo besser göngs när Ungerwägs. Weme dr Esu nume chuzeli mit dr Bürschte de wüss dä scho dass er de ungerwägs cha mache was er wott, weme aber e chli rächt putzt u mit däm Tier red de het dä fröid u ungerwägs geits när viu besser. Gäbe mirs doch zue, üser Esle si doch Schlitzohre, sobaud si merke das eine nid druschunnt de profidiere si schamlos. Am eufi isch äntli aues packt u uf de Rügge vo de Esle feschtzurret gsi u si heis sich ufe läng Wäg vo 18 km gmacht, si hei nid so glücklich usgseh, do hase tröschtet u gseit, dass si ou viu Kilometer für d Esle ou die wärde müed. Do isch scho dr nöchscht Bsuech cho, si wei i 2 Wuche 5 Tag uf dr Esufarm verbringe u jede Tag mit de Esle uf Trekking go mit dr Sandra. Si hei viu Froge gha, wo schlofe d Chind? im Ufenthautsrum vo de Esle, wo schlofe d Begleitpersone? eine im Bouwage u di angere näb de Chind im Höi. Wo chöimer Choche, ässe u schpiele? im offne Hangar. wo mache mir z WC? mi Maa het gseit am höchschte Punkt de heige si e schöni ussicht über di ganzi Esufarm, är het ne e Schtächschufle u ne Bicku gä u si hei tapfer afo es Loch budle, he jo für nes Pfadfinderwc. U de sötte mir no Schnitzerli, Brättli e Grill ................u öpe no so viu Wünsch hei si gha, do hane zur antwort gä "i teile fasch aus mit öich usert mim Maa. Zfriede si si abgfahre u do isch scho wieder öper ufdoucht, e Vater het wöue cho luege wo sis Chind de 5 Tag verbringi, ou die heimer chönne überzüge dass aues ir Ornig sig. Jetzt heimer nume no gwartet dass d Sandra alüti mir chönni go d Esle hole mit em Transporter, aber mir hei nüt ghört u si langsam chli Närvös worde, schliesslich isch ou dr Mandio mit gange u mir si nid sicher gsi ob är so wyt ma loufe, aber mir hei abgmacht we ei Esu problem überchömmi de reiche mir ne hei. Erscht am haubi siebni hei mir di erschte zwe Esle chönne hole u zwar dr Mandio u d Kaila, chumm dehei u usglade simer mit zwene Transporter gfahre um ou di andere 5 Esle go heihole, de Jugendliche hets guet gfaue, mi cha säge si hei aui glich müed usgseh d Churzohre u d Längohre, das isch doch usglichendi Gerächtigkeit, oder findet dir das öpe nid?

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ui, geschter isch mir no öpis passiert, i ha jo verzeut wi Chaotisch dä Tag gsi isch, bevor mir di erschte Esle hei chönne go hole hani d Samantha näbem Mami id Boxe gschteut u gseit " i chume de schpöter u lodi wieder zum Mami. Mir hei Esle heizüglet, u si wieder gfahre, womir am 9ni aui dehei gha hei simmer no es Zytli ir Box vor Aisha am brichte gsi u mir wär nüt ufgfaue. Woni schpöter am Gschicht schriebe bi chunnt mir plötzli d Samantha i Sinn, i hase komplett vergässe, i ha churz überleit gar nüme z go aber mi Maa het beduure gha u het gmeint "nei das chasch nid mache, gang lose zum Mami u machs wi di angere mou ou, über ne Zytschpanni vo drei vier Tag. He nu, i bi am eufi zur Samantha u hase zum Mami glo u beidi si happy gsi. Hüt obig isch si ömu ohni murre i ihri Boxe gschtüret u i hare gseit "i chume de schpöter di cho zügle, si het nid reklamiert, do gits de mängisch anderi wo viu jammere bis si wieder zum Mami dörfe, aber äbe d Samantha isch haut scho richtig Erwachse, i rüehme se natürli ou gnue, wi si das scho guet machi. So jetz isch fertig mit verzeue i go zur Samantha.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I cha nume säge "super Samantha, hüt goni no einisch u lose übere u vo morn a isch de fertig, i ha nämli im Schtroubett es duli gseh dass heisst dass si scho gschlofe het. I weiss baud nüme wi mänge Esu no hie isch, zerscht sis 15 gsi, de isch d Inca, Dunja u dr Darius zum Hängscht, de bliebe no 12, de isch dr Sandro gebore macht wieder 13. Denn bini go dr Mandio hole u de sis 14 gsi, hüt heimer Dunja u dr Darius ghout, jetz sis 16, am Donschtig bringi dr Mandio a sis nöie Plätzli de machts wieder 15, u wenn z Ingeli heichunnt sis wieder 16, denn geit Samantha zur Regula auso 15 Esle, aber we de Tabea Fühlet hani wieder 16 bis de ändi Juni no dr Darius abghout wird u de bini wieder bi 15 Tier, dir gseht es isch gar nid eifach d übersicht z bhaute. Es duet eim scho weh wenn Esle wäg göh wo me doch so gärn het, aber äbe, i weiss es jo, zerschte Johr ghöre si mir u de überchömi si so viu Liebi wini nume cha gäh u denn suechi ganz liebi Lüt wo di Schätzeli übernäh, i ha ou scho es Füli es Johr lenger bhaute wüu di richtige Lüt nid cho si, schliesslich hani jo gnue Platz.D Hängschthautere het schön gschtuhnet abem Darius, dä Luusbueb het überhoupt ke angscht gha vorem Hängscht u het ne schiins am Chrage packt u ou dür d Weid gfüehrt wi dä sis Mami, dr Werner wird de fröid ha am Darius, är wott ne jo übernäh u ganz bhaute da mir jo baud kener grosse Hängschte meh hei um e rächti Zucht z füehre.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I warte immer no uf amäudige für üsi Esuwanderig am 26 Mei, müesst nid bis ir letschte Minute warte, dörft jetz scho amäude, danke. Uf minere Eiertuur isch e Familie mit zwöi chline Meiteli wo sehr fröid hei a de Eseli, letschte Donnschtig hane gseit es heig es chlises Eseli gäh, u hüt si si ufdoucht. D Frou isch Hebamme u het aues genau wöue ghöre u d Meiteli hei sider dr Sandro gschtrichelet, är het no chli komisch dri gluegt aber si heis ganz guet gmacht, aui drü hei glich viu Reschbäckt gha. Mir Froue hei über d Geburt diskutiert u vergliche, i ha gmeint es geit grad glich wi bi üs, do het si chönne lache u het gmeint d Bebe chömi nid mit de Arme zerscht. Ok, Französisch isch haut nid mi Muetterschproch aber i gibe mir ömu müeh, auso hani wieder vorne agfange u gmeint, d Esle heige ou Eröffnigsweh  u de Presswehe, woni gseit ha dass Tabea de no sött Füle het si sofort gfrogt ob si nid dörfi derbi si. I ha mir grad d Situation vorgschteut, do lütet e Maa a u seit " mi Frou het wehe chöid dir ächt cho, u d Hebamme git zur antwort "nei geit nid i hiufe grad ere Eselin gebähre, ha ha ha. Uf aui fäu heis si sich grad für d Wanderig agmäude u wägem Füle gseh mer de obs klappet.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I ha jo verzeut dass d Samantha sich am abnable isch vo ihrem Mami, geschter het si di erschti Nacht allei gschlofe, am morge woni i Schtau bi hase ganz ruig zur Muetter glo u när bini go z Churzfuetter go zwäg mache, wieder bi dr Cindy u Samantha hani gseit "chumm wieder i dis Böxli cho dis Fuetter fräse, sofort ischsi cho u i ha d Türe chönne zuetue u si het ganz ruig gfrässe, ke Schtress, si macht das wunderbar, genau eso söus si, ganz es ruigs trenne vo Muetter u Chind. Dunja u dr Darius si ou froh wieder dehei z si, es isch jo scho schön mou frömts Höi z frässe aber äbe dehei i Rueh i sire Boxe z frässe ohni angscht es wöu eim e angere cho z Fuetter schtritig mache isch eifach schön, jetz hoffi eifach dass Dunja dreit u si nid no einisch zum Hängscht muess. Am Fritig wotti no go z Inggeli hole u de si de wieder einisch aui dehei, gottlob. Morn hani vor mit dr Soraya u ihrem Füli em Sandro gone Schpaziergang z mache, zerscht bindine no ar Muetter a u ungerwägs wener de schön louft nimi de z Seili säuber i d Hang, bi mir si d Füli immer am Seili, i lose nie frei loh mit loufe, me weis nämmli nie wene Hung chunnt u das Füli jagt. Frei umenang schpringe chaner dehei uf de Wägli, so lehres sis grad vo afang a, weme ungerwägs isch wird am Seili glüfe.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So sid dir aui scho a dr BEA gsi ? wen nid de wärs de öpe Zyt. Mängisch gits Unfäu das gloubt me nid wi blöd die passiere, isch scho chli komisch gschriebe wie wenns gschidi Unfäu gäb. Ei Tag hets lut brätscht im Schtau, i bi sofort go luege, auso was i do gseh ha hani zerscht gar nid chönne gloube. D Sierra e Grossesuschtuete isch am Bode gläge u ihri Bei si zwüsche zwene Lade iklempt gsi, würum ou immer het si mit beidne Bei gäge di Zwüschewand gschlage u do hei di Läde nochegäh, ihri Bei si düre gschlüfe u hei se iklembt. Sofort bini zuere z Bode u hase probiert z beruige, obwou, si isch jo ganz ruig gsi im gägeteil zu mir, u när bini mim Maa go rüefe "chumm sofort mit dr Akkubormaschine u de Isätz, schnäu schnäu es isch öpis passiert. Woner gseh het um was es geit het er fasch düredräit, es het würkli grusig usgseh, mit zittrige Finger het er dr richtig isatz gsuecht u gfluechet, di einzegi wo ruig isch gsi isch d Sierra gsi. I ha se gschtrichelet u gseit "baud baud bisch wieder frei, mi Maa het mit dr Bohrmaschine ei Schrube um di angeri usegnoh, är het praktisch di ganzi Zwüschewand müesse demontiere. Woner z letschte Brätt wäggnoh het isch d Sierra ufgschtande isch churz bliebe schtoh, het churz überleit u isch du ganz ruig zum Schtau use, "hei wart doch, zerscht muess i kontroliere ob verletzt sigsch, aber i ha niene ou nume ei Schramme gfunde, trotzdäm hani di Bei küehlet. Mi Maa het di Lade aui wieder agschrubt u isch no go Dachlatte hole um di Wand z verschterche damit so öpis nüme cha passiere. Auso we dir Zwüschewänd machet wo lenger aus 1m50cm si müesst dir unbedingt mit Dachlatte verschterke damit nid z gliche passiert wi bi üs.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Na , Das ist ja noch mal Gut gegangen !

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mängisch frogi mi scho würum öpis so kompliziert muess si, hüt hei mir dr Mandio as sis nöie Plätzli brocht i dänke es chunnt de scho guet, aber i bi scho trurig, mi gwöhnt sich sofort a di cheibli. Am 19 Apriu hei mir dr Mandio in Au am Zürisee ghout u hüt heimerne uf Grossaffoutere brocht, zwöi Dörfer witer warte dringend zwöi Eseli uf es nöis Plätzli, jetzt intressiert sich e Frou usem Zürigebiet für se. Do bringe mir Eseli quer dür d Schwyz u derbi wärs mängisch nume zwöi Dörfer witer, aber äbe es het nid söue si. Am Mandio si Gschpahne isch e ei jährige luschtige Wallach nume leider hei d Lüt nüt aber ou grad gar nüt mit ihm gmacht , do chunnt viu arbeit uf di nöie Bsitzer zue. Es isch schad weme zerschte Johr lot lo verschtriche u ne nüt lehrt, es geit nämli nie besser aus den. Morn hole mir äntli d Inca wieder hei, womerse am 19 Apriu brocht hei hets ganz viu gschneit u mir si mit knapper Not bis zum Hof cho u jetzt mäude si scho wieder Schnee bis 12ooMeter, i ha ke Ahnig wie höch obe dr Hof isch, es wird scho irgendwie go.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Wieni ir Gschicht Nr. 138 verzeut ha vom Umboute Ahänger, hüt hetne d Inca chönne teschte, sit em 19 Apriu isch si in Schtaude ob Sarne bimene Schäggesuhängscht gsi. Chumm het si mini Schtimm ghört het si dr Chopf zur Tür usegschtreckt u ghopet," isch jo guet Inca , i bi do, jetz gömer hei, zerscht het si chli blöd gluegt ob dere Alulatte, aber z Heigoh isch doch schdercher gsi auso isch si igschtiege. Natürli isch si nid quer higschtande auso heimirse miter nöchschte Alulatte langsam hingere drückt bis si schön quer gschtande isch u de d Latte ighänkt, uf beidne Site isch öpe no 15cm Platz gsi. Leider heim mir nid emou chönne es Kafi drinke nach dere länge Fahrt, aber mi Maa het ds Outo nid wöue abschteue, dir froget öich sicher würum? De muess i haut öpis bichte, d Batterie het scho es Zytli gseit si mög de öpe nüm, u mi Maa het mi sicher scho drümou id Garasch gschickt um se z wächsle, aber i has immer wieder usegschdüdelet, he jo schliesslich gits ou immer wieder e Rächnig u vor dene hani geng angscht. Wie mi Maa gseit het, "di Batterie git de sicher im dümschte Momänt dr Geischt uf, u genau so isches cho, womer vo Sarne gäge Schtaude ufe gfahre si u es isch rächt schteil obsi, het mis Mandli es dringents Bedürfnis gha u mir si näbe us. Nach dere churze Pouse het ds Outo ke Wank meh gmacht, mi Maa derfür umso meh " i has jo mängisch gnue gseit, würum bisch nid go di blödi Batterie  wächsle..........................., i bruche jo nid jedes Wort ufzschriebe, dir chöits öich sicher dänke, u das blöde Natel hani ou niene gfunde, jetzt womes einisch hät chönne bruche. I ha mi uf d Schtross gschteut u z nöchschte Outo ufghaute und um Hiuf bittet, mir hei probiert mit em Kabu z überbrücke aber ds Kabu het grad glich grouchnet wi mi Maa auso hani em TCS aglüte u ou em Hängschthauter er söu doch bitte mit sim Natel cho da di näte Lüt witer hei müesse. Wo dä Maa cho isch heimer no einisch mit sim Kabu probiert u ds Wunder isch gscheh u z Motörli het gsuhret, auso wieder em TCS lüte dass mir se nüme bruchi, u drum hets du kes Kafi gäh. Wieder zur Inca, i ha di ganzi längi Fahrt nid einisch ghört dass si mit de Bei verschteut hät, si het wunderbar einisch ar vordere Latte oder ar hingere Latte chönne alähne, i froge mi nume würum mir dä Ahänger nid scho lang so umgrüschtet hei, es isch eifach mega mega guet, bequem u sicher für d Esle.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es git Tage do froge i mi würum i mir soviu müeh gibe mis wüsse über Esle witer z gäh wes d Lüt doch glich grad wieder angersch mache. Wo di Lüt si cho dr Mandio aluege het dr Maa zerscht nid igseh würum är zwöi Böxli söu mache, i hanim lang u breit erklährt, dass dr Mandio so Mager sig wüu di angeri Schtuete ihm aues wäg gfrässe heig da är so langsam frässi, si chönni dr Mandio nume choufe wesi Böxli machi. Womerne brocht hei hets zwöi Böxli gha aber e chli z chlini, dr Mandio het sofort afo Närvösele, schliesslich het är jo am aute Platz näb dr Weid nume es ganz chlises uslöifli gha, i ha beidi Boxedürli ufgmacht u sofort het är sich beruhigt. Es wär eifach gsi d Front umene Meter füre z setze u z Problem wär glöst gsi, woni zwe Tag schpöter aglüte ha het mir d Frou gseit "i muess no öpis säge, mi Maa het z Wändli usegnog" do hani gantwortet, "dass hei mir üs scho dänkt, schad dass dir üs nid gloubet. Si het gmeint si blibi bine bis si gfrässe heige, aber meischtens mache si das nume es paar Tag u de duurets z lang u si löh d Esle loh mache. Dä Jung Wallach isch no chli duche u kennt ke Churzfuetter, aber wehe är merkt wi guet das schmöckt chönnts de si dass er dr Mandio wägjagt u dä isch so unterwürfig dass er geit. Mir wärdes de gseh wis use chunnt, uf aui Fäu louft dr Luis am Mandio noche u so chöis si sicher baud einisch mitne go loufe. I weiss, dir dänket öii frässi ou zäme, bi diune klappets, aber dr Mandio cha jo nid guet Chöiie u brucht drum sehr lang um sis Fuetter ufznäh u de hets haut de si Gschahne scho wäg gfrässe.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I weis i ha scho viu gschriebe vo dr Samantha drum schribi dasmou vo dr Cindy, jede Tag weni di zwöi useloh geits nid lang u i gseh d Samantha längwilig ir Gägend umeluege, "was isch was suechsch? si luegt mi läng u villicht e chli trurig a. Wenni de i nöchschte Schtau go gsehni ufzmou d Cindy ganz verschteckt im Schtrou nüdere, aha jetz verschtohni d Samantha, si weis wieder nid wo ihres Mami isch, d Cindy het begriffe was es heisst wenni se z Nacht vo ihrem Chindli trenne u jetzt hiuft si idäm si sich zwüsche dry verschteckt. Jo jo das abnable isch nid immer eifach aber es chunnt scho guet. Hüt si di 15 Chinder cho vo di ganzi Wuche mit de Eseli wei verbringe, leider hei si chli churz Arme um d Eseli z putze, nachem z Nacht hei si no e churze Schpaziergang gmacht, es isch rächt Chaotisch zue u här gange. Mängisch chunnt me nid ganz drus bi dene Langohre, bi diune Chinder wo ou no viles fautsch mache drücke si d Ouge zue u mache trotzdäm fröidig mit, aber hüt het se se agschisse u si hei vou profitiert u mit dene Chinder gmacht was si hei wöue. Hoffentlich geits morn besser, dass heisst we di Chinder di Nacht nid verfrühre, mir hei e ganzi Rundbaue Schtrou verteilet u när e Camioblache drübergleit u z grosse Tor zue do, eigentlich sött das länge, aber äbe, es hei nid aui e guete Schlofsack.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mängisch muess i mis ganze Obergädeli dürforschte bis mir wieder öpis i Sinn chunnt zum schriebe u jetzt passiert grad so viu mit dere Klasse dass i fasch nid weiss wo afo. Das si aues Problemchinder wo sich bi üs i dr Schwyz müesse z rächt finde, vorauem ou mit dr Schproch, zerscht verzeui aues Bärndütsch u we mi de z Chind mit grosse Ouge aluegt weisi dass es nume Bahnhof verschtande het, erschtens wäge dr Schproch u zwöitens hei si ke ahnig vo Tier. Für aui isches zerschte mou dass si uswärts schlofe, ir erschte Nacht heisi chaut gha u si am morge am sächsi scho duse gschtande do hani am obe gseit "nachem Zähnputze chunnt jedes zu mir cho ne Bettfläsche fasse, wieder heisi mi frogend agluegt, "was soll ich machen mit dieser Flasche? " du nimmsch di Bettfläsche schön zu dir i Schlofsack uf di Buch u de wirsch du schön chönne schlofe. Geschter si si zwöimou mit de Esle go loufe jetzt weiss i nid ob si vor Müedigkeit oder dank minere Bettfläsche so lang gschlofe hei, uf aufäu si di erschte öpe am haubi achti ufdoucht. D Chöchi het bim CoopAessware bschteut aber es isch nid klar gsi wis jetzt zu üs ufe chöme, plötzli het Poscht aglüte si heige ganz viu Päckli für üs was si dermit söue mache, he jo mir si doch so abgläge dass ke Pöschteler zu üs chunnt. I ha dr Sandra dr Vorschlag gmacht mit de Chinder u de Esle uf Poscht di Frässalie go z hole, gesagt getan, di einte Esle hei Chörb gha u di angere Paschtsättu u so si dervo gscheichlet. Am Bahnhof heisi rächt ufseh erregt, wenn chunnt scho so ne Gruppe Chind u Esle uf Poscht cho z Päckli reiche, si si grad gfötelet worde u hei sich gfröit. Mi ganz Terminkaländer bringe si dürenang wüume geng glichzitig überau sött luege ob si Törli zuemache, u de bruche si no dis u das u dört e Frog u dört chli Hiuf. Es isch so schön zuezluege wi di Chinder jede Tag besser z Schlag chöme mit de Langohre, klar di dehei blibene singe dr ganz Tag wüu ihres Gschpähnli ungerwägs isch aber si überläbes scho. Wär wahnsinnig überrascht isch d Roja, i ha jo verzeut wisi gschpunne het dä Winter, si isch chumm z bändige gsi, es richtigs Wiudsöili, u jetz chöi di 10 bis 12 jährige Chinder mitere loufe ohni Problem. Hüt morge wieder, si hei d Ronja schön putzt u  usegnoh, de si si öpe drümou ume Boum schpaziert, u wüu di ungeri Gruppe no nid so wyt isch gsi si si mit dr Ronja abe zum unger Schtau go luege, d Sandra het veiechli z tüe gha mit Paschtsättu, Schueh u Chörb montiere, auso si si mit dr Ronja wieder gäge Boum ufe schpaziert, so isch das öpe e haub Schtung gange, immer wieder ufe abe ufe abe, ganz ohni e angere Esu näbedra, nume di zwöi Meitschi. Hüt weisi im Waud es Fürli mache u öpis Grilliere, i ha ke Ahnig wenns si heichöme, i gsehs jo de.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt morge hei si chönne useläse, schpiele oder mit Eseli go loufe, acht Chinder hei lieber wöue go schpaziere, si hei gmeint si wöue einisch Eseli mitnäh wo süsch immer dehei bliebe si. Si hei gfrogt ob si nid d Dunja u dr Darius chönnte mitnäh, d Ronja u äntli ou dr Benj, sowi d Cindy, i ha no so gseit dr Benj louft ganz brav, chasch dänke dä Kärli het fasch düredräit vor fröid das er dasmou ou mitdörfi u so bini bis uf d Gmeinsweid mitgange u vo dört isches du guet gange. Dr Darius isch ou rächt ufdräit gsi u d Sandra hetne am afang gno, d Sina dr Hund isch ou mit , i bi wieder hei um äntli fertig z mischte, 5 Minute schpöter isch dr Hung wieder dehei gsi, dummi Gurke do chönntsi mit u chunnt wieder hei.Wo si wieder heicho si hei zwöi Chinder dr Darius gfüehrt, är isch glüfe wienes Schöfli. Dir söttit di Chinder gseh, di schtrahlende Ouge, ob di Müettere si wieder einisch suber bringe, i dänke si müesse se e Schtung ir Badwanne iweiche, aber dass isch doch aues glich, Houptsach di Chinder u Eseli heis luschtig. Am Mändig si d Arme vo dene Kids z churz gsi u hüt chame säge "gang hou d Kaila u si reiche se, eifach schön. Hüt heimer e grossi arbeit gha, dr Schturm het e haubi dürri Tanne gfäut, si isch mitts uf dr Weid gläge u het mi gschtört, womer vordra gschtande si hei si ganz erschtuhnt glueggt, W A S ??? "sone grosse Boum chöi mir doch nid wägruhme, klar eis allei nid, aber wemer aui enang häufe de schaffer mirs chöid gseh, hane Muet gmacht. Mir hei üs beidsits vom Boumschtamm ufgschteut u de heimer Seili drunder dürezoge u uf mis Komando hei mir dä Schtamm aglüpft u si langsam vorwärts, i hane eifach a Rand vor Weid wöue bringe. Zwöi drümou heimer müesse abschteue, die wo am dickere ändi si gsi hei nid so guet möge, dört si äbe d Lehrer gsi, ha ha ha, u de heimer natürli viu ungerschtüzig vo de Esle gha wo üs immer wieder im Wäg gschtande si, di si äbe gwunderig gsi was mir do so chnorzi. Nach däm grosse Erfoug heisi dörfe d Eseli zwägmache u de si si aus krönenede Abschluss mitne go ritte, ui das het gfägt. Geschter am obe bini nid ume gsi, i ha mini Muetter bsuecht im Heim, do het öper vo de Leiter di Petfläsche für d Chinder gfüut, us luter angscht heisi no chauts Wasser igfüut, d Chinder hei reklamiert, die Fläsche vo mir sige de viu agnähmer gsi, hüt obe wird i se wieder füue. Jetz muess i ufhöre, i wott ouno chli as Fürli go Hocke u go Singe.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Am zwöite Tag het es Meitli über Rüggeweh klagt, d Leiterin het ihm erklährt dass sige sini Muskle, es heig jetz seregi brucht wo süsch immer schlofe, das Chind het ganz grossi Ouge gmacht u när ganz fröidig nochegfrogt "was i ha Muskle?, si isch zu jedem einzelne u het ganz ufgregt vo ihrem Muskukater verzeut, mit ganz glänzige Ouge. Gsunge heisi nid aber Witze verzeut, vorwiegend Blondinewitze, di si eifach irgendwie immer am luschtigschte, vorauem wo ei Blondine dr andere e Puänte het müesse erklähre. Hüt hets gheisse ufruhme, zämepacke, je schneuer das dir fertig sit je eher chöid dir no zu de Eseli, ui di Chinder hei bressiert um jedi Minute mit de Langohre z verbringe, do isch Küschelet worde, was heisi ächt de Eseli gseit?, no einisch gschtrichelet u eifach drücklet worde u natürli z Fotoschuting het nid dörfe fähle, es isch gar nid eifach gsi 15 Chinder, 16 Esle u 5 Erwachseni aschdändig ane z schteue, aber mir heis gschafft. Bevor si abmarschiert si , hei si e Gass biudet u mir gseit i  chönni useläse Zwüsche Fin, Mittu oder Schtarch, i bi chli vorsichtig gsi u ha mi für Mittu entschiede, si hei mi iglade düre z schpaziere, u di vile Händ wo mi ...hmm was isch ächt do z richtige Wort derfür? kräbelet oder massiert hei, i ha grad Hühnerhut bis i Zäieschpitze übercho. "Jo we das e so isch de chumm i grad no einisch aber dasmou wähli de Schtarch, läck di heimi fasch knätet, i dörf no einisch cho heisi gmeint, das hani mir natürli nid lo näh u bi ganz gmüetlich düreschpaziert, mängisch bini wieder e Schritt zrügg um das Filling lenger chönne z gniesse, dasmou heisi mi Rügge klöpferlet, auso wesi nid hätte ufe Zug müesse währi sicher bis am Obe dür di Gass schpaziert so schön isch das gsi. Danke Danke merci merci viu mou, Chinder us Keiserougscht.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

D Eseli hei am morge ganz verwunderet gluegt wo keni Chinder meh si ufem Hof gsi, jetz hei si sich doch grad so schön ase gwöhnt, schad isch di Wuche scho wieder verbi. I bi jo mängisch scho chli ängschtlich oder es grüsslet mi weni Schpinne gseh, u das ufeme Buurehof überau dervo het probiere eifach nid so gnau ane z luege weni öpis muess umedrage. Woni wieder einisch ha wöue d Weid umschtecke hani d Schpuele usem Gras gno u zum abschpuehle hani beid sitig e Finger dri gschteckt u so bini über d Weid glüfe, mängisch hani z Gfüu gha wi we öpis weichs a mim Finger achöm, aber i has gar nid gneuer wöue wüsse. Einisch woni d Schpuele is Gras gleit ha, isch es Schpitzmüsli use cho, es isch ganz langsam dervo, klar es isch ihm doch Schturm gsi wüu di Schpuele so mängisch dräit het. I ha scho chli blöd us dr Wösch gluegt u vo do a luegi zerscht  bevor i mini Finger dri schtecke. Hüt het d Samantha no baud Unfau gmacht, das wärs no gsi e Tag vor ihrer Abreis, sit 12 Johr hanget dr Garteschluch am Brunne, woni zum Schtau use cho bi gsehni wisi probiert em Mami hinger noche z go u komischerwis dr Schluch unger ihre. Sofort hani grüeft "wart Samantha i hiufe dir, obwou i no gar nid gseh ha was si zrügghautet, woni bire bi gsi gsehni dass dr Schluch zwöimou um ihre Haus gschlunge isch gsi, i ha veiechli müesse zieh bisine ha chönne löse, i ha grad chli müesse schimpfe vor chlupf. Gottlob hetsere nüt gmacht, grad wäge serige Sache goni säute furt, mir luege immer dass eis vo üs dehei isch u cha luege, dene Längohre chunnt immer wieder e Blödsinn i Sinn. Mir gö doch würkli mit offne Ouge über d Weide oder dür d Schtäu um Unfäu us z schliesse, aber aues chame eifach nid verhindere.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Liebi Samantha, hüt hesch du di gross Tag gha u bisch zu dine nöie Lüt züglet worde, i ha mis müglichschte do um di a aus mügliche u unmügliche z gwöhne, i ha dir soviu Liebi gschänkt wini nume ha chönne, mini einzigartigi, frächi Nudle, hesch ke angscht gha vo de grosse. Mi het jede Tag chönne lache ab dir, genau wi dis Mami hesch du unheimlich Säubschtvertroue, i cha aus, i wott aus, i bi d Samantha, di einzigartigi, so eini wi mi gits nume einisch, isch jo klar für zwöi setigi Muschter häts gar nid glängt. Jede Tag hani dir erklährt dass du jetz e grossi sigsch u drum nüme lenger müessisch bim Mami bliebe, jetz sig Zyt für di wyti grossi Wäut. I ha scho müesse z gränne verchlemme, ganz säubverschtändlich bisch du mit dr Regula zum Hänger schpaziert u ohni z zögere igschtige, bisch no baud vor dr Regula drin gsi. D Regula het zerscht no gfrogt "söu würkli i mit dr Samantha i Hänger? i ha das no nie gmacht, do het Begleitperson gmeint "dr Esu äuä ou no nie. He he, mini Eseli wärde säubverschdäntlich a z Hängerfahre gwöhnt, wär simmer de, i nime mini    Ufgab aus Züchterin ärnscht, mini Tierli choschte öpis, aber dr Chöifer überchunnt ou es Erzognigs Eseli wo z Einmaleinz glernt het, au zwe Monet dr Hufschmid gseht, regumässig Entwurmt wird u säubverschtäntli gimpft isch. Die erschte Fotine si scho itroffe u gseh sehr guet us, aui drü schtöh im Schtau näbenang am Höi frässe.  Tschüss Samantha, u wirsch immer e bsundere Platz i mim Härze ha, machs guet.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

D Cindy het es Uter do cha mängi Chue vor Nid erblasse, klar het si es paarmou grüeft nach dr Samantha, we jetz irgendwo es arms Eseli e Amme suecht söue si sich sofort mäude, d Cindy würdts sicher anäh, nume damit di Miuch nüm so drückt. Jetzt heissts eifach chli weniger Fuettere u meh bewege u ines paar Tag isch ou das problem glöst, es tönt guet vom nöie Plätzli, si si scho zäme go loufe u d Samantha het zeigt wime das macht, jo jo glernt isch glernt. Anschienend isch si scho dr Liebling vo aune, si isch jo ou es Schätzeli.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Woni hüt am mischte bi gsi het z Schwaubeli sim Partner grüeft, dusse hets grägnet, schöne seich gschriebe, klar dusse u nid dinne, hi hi hi,  s wär jo no schöner wes ufzmou dinne rägnet .Auso zrügg zu de Schwaube, da si bi Rägewätter nid chöi go Müggeli u Flöige  fange, heissi zäme di Junge müesse wärme so chaut isches gägewärtig. Dir chöid ruig Grilladene wo der scho heit wöue organisiere absäge, woni d Esle putzt ha si fasch kener Hoor cho, das wott heisse, es bliebt no lang so chaut. Ou mini gliebti Esuwanderig gheit buechschtäblich is Wasser, i luege jetz no zwe Tag opsi äntli besser Wätter mäude u süsch muess i haut de absäge, s wär schön schad sisch nämmli immer e luschtige Tag, mir wärdes jo gseh. Heit dir gwüsst dass es ganz fuli Vögu git? di si no z bequem es eigets Näschtli z boue, da mir jo im Jura wohne het ou üses Huus e Houzverchleidig, u genau do wo d Latte afö isch e chline Zwüscheruhm. Jetz hei doch Schpatze di Lücke entdeckt u Nischte dört inne, si luege zum Loch use u mache e Heideschpektaku, we jetz öper z Bsuech chunnt u seit dir heit e Vogu de schtimmt das hundert Prozänt. Mir hei sowiso Komischi Viecher hie ufem Hof, mir hei e Bärnersennehündin di heisst Sina u üse Nachbar het e Rüd u dä heisst Casar, wies eso isch mit Rüde di Markiere jo überau, egau obs mini Schueh sig oder eifach öpis wo umeschteit, aues wird a brünzlet, richtig grusig. Jetz het üsi Sina dänkt we dä Casar immer zu mir abe chunnt de goni haut ufe u mache mis Pfund bim Nachbar obe, i säge jo irgendwie isch aues chli angers aus bi angerne Lüt, aber chliesslich simmer ou nid angeri Lüt, mir si mir, pasta.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mängisch froge mi d Lüt, würum hesch du ke Musig im Schtau zum Mischte? he i wott dänk ghöre was um mi ume geit, gibi zur antwort, da d Esle meischtens irgend e Blödsinn im Sinn hei. I ha jo verzeut dass mi Hündin zum Nachbar ufe geit ihres Gschäft go mache, jetz hani dänkt i nähm chli Fuetter i Sack u wesi de am richtige Ort mischtet überchunnts si chli, jo,i  weiss, si muess abmagere, drum überchunnt si würkli nume ganz ganz wenig. Usem Schtau rüefe d Esle si heige Hunger i söu doch äntli cho, i bi richtig hin und här grisse. Goni jetz zu de Esle gsehni nid wesi wieder zum Nachbar ufe schdühret, si schnüfflet u schnüfflet u schnüfflet, u usem Schtau töhnts geng truriger u de goni haut dene Esle go z Läbe rette. D Hündin het schön gwartet u isch du wieder mit mir abe cho, si sig no nid bereit zum mischte, he nu de warte mer haut no. Woni schpöter ds Jäggli im Schtau ufghänkt ha, hani no dänkt hoffentlich gheits nimmer i Dräck u när hanis vergässe, aber d Esle natürli nid, di gseh jo sofort we öpis angers isch u so ischs nid lang gange u äs isch würkli im Dräck gläge, säuber dschuuud. So am nöchschte Tag z gliche schpili, i ha wieder nid dra dänkt das choge Jägli Esu sicher wäg z lege, woni so vertieft am Bolle jage bi ,ghöri es Grüsch, i ha überleit, was isch ächt das gsi?, i ha d Ohre gschpitzt u glost u glost aber mi het nüme ghört. Do chunnt mir mis Jägli i Sinn, i go go luege u was gsehni? natürli wieder einisch dr Figaro, gäbs ne nid de müesst me ne erfinde, gnüsslich het er a mim Jäggli umekätschet. " Nei Figu, so sägim we ner mi verruckt macht, "lo sofort mis Jäggli i Rueh, hi hi hi het er glachet u isch mit im im Muuh uf u dervo u ni hinger noche, mindeschtens zwöi mou ume Mischtschtock bis dä Kärli das Jäggli äntli het lo gheie. Sofort hanis agluegt obs nid kaputt sig, dr Sack wos Hundefuetter drin isch gsi isch plotsch nass gsi, dä het das Fuetter richtig düre Schtoff usgsugget. D Morau vo dere Gschicht, hätt i luti Musig gha hät äuä mis Jäggli di Prozedur nid überläbt.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Da  soviu Esle chöschte verursache, hei mir no 50 Hühner u vo Eier verchouf chani mängi Rächnig zahle u chumme erscht no zwöi mou ir Wuche so richtig zum Schnädere,mängisch weni chli pressiert bi de schicki dr Bueb wo chunnt cho häufe a di Tür go lüte wos immer e chli lang geit. Ob mes gloubt oder nid, de Schwätze doch di Lüt haut mit de Giele u ni warte u warte, wesi de äntli chöme frogi se "hesch no es Kafi drunke oder würum ischs so lang gange? hi hi hi. Auso jede obe weme bi de Hühner sött go dr Schieber zu tue hocke sicher no 10 ni dusse vor em Schtau, " so hü göht ine husch husch, dir söttit gseh was jetz passiert, langsam aber würkli im Schnäggetämpo schteit eis ums andere uf, dräit sich gäge Schieber u macht e Schritt u de bliebts wieder schtoh. Es isch zum verzwifle, mir chöme die Hühner grad vor wiene Gruppe Tiinetscher wo so richtig Provokativ duet, a jo d Hühner chiffle no wüu i se nid dusse lo lo schlofe, aber schliesslich chunnt jede obe dr Fuchs cho kontroliere obs öpis z Nacht gäb, aber äbe wie bi de Esle zeigi ou de Hühner wär dr Meischter isch, bi mir wird gfouget, u weders nid gloubet de froget eifach mi Maa.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Bei Hühner gibt es intiligente und na ja , auch weniger intiligente , wie bei allen anderen Herdentieren auch !

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Jo jo mit de Hühner het me scho nid dr glich Kontakt wi mit de Esle, si mache mi nume jede obe z lache, we si sich wi ungezogeni Chinder benäh. I froge mi scho was mir das Johr chöi für Höi choufe? S cha jo ke Buur i zwe Tag Höi mache u es gseht jo us wi wemer üs mit so churze schöne Tage müesste z fride gäh u schnäu schnäu dusse öpis arbeite bis di nöchschti Schütti chunnt. Es git doch sones schöns Lied "wann wirts endlich wieder Sommer? i gloube mir sötte das jede Tag chli singe villicht nützts öpis u wenn nid de heimer ömu sicher d Nachbare mache z lache. Vor cirka 3 Johr het öper e Platz gsuecht für drü Eseli, si sötte unbedingt zäme bliebe, leider hani nid chönne häufe, es wott niemer grad drü uf z mou. I ha dr Vorschlag gmacht di Eseli zu mir z näh u we si sich i dr Gruppe chli vonang trennt heige Einzuplätz z sueche, di Frou het sich das überleit u du schwähre Härze zuegschtimmt. Vor cirka 13 Johr het si es Schtüetli u e Wallach beidi 1 jährig kouft u isch mit ihrem Maa nach Frankrich go wohne, si het ufpasst um jo aues rächt z mache aber das Schtüetli isch immer dicker worde u di Frou immer unsicherer. Eines morgens wo si i Schtau isch hets uf zmou drü Eseli gha, das junge Schtüetli isch mit Jährig vo ihrem Vater deckt worde, furchtbar. Trotzdäm het si natürli fröid gha a däm Füli u hets Cindy touft, wo si wieder zrügg id Schwyz si cho läbe hets si d Eseli chönne ischteue, es het scho es Ross u es Pony gha i däm Schtau, es isch ne verschproche worde di grossi Boxe z ungerteile, aber es isch nie gmacht worde u di Eseli hei sich gar nid wou gfüuht, z Ross u z Pony hei se geng bloget. Mir hei di drü z üs ghout u si heisich sofort guet igläbt, eifach mit de Einzuböxli hei di zwöi Schtüetli zerscht chli müih gha, aber nach es paar Tag het ou das guet klappet, u när isch d suechi losgange. Vomene Autersheim isch e afrog cho do ihne eis gschtorbe isch, d Frou isch zerscht dr Platz go luege u wo aues guet usgseh het heimer d Schtuete brocht, si isch grad sofort mit dr Betröierin mitglüfe zu de Betagte vo vorem Heim uf üs gwartet hei go grüezi säge, ohni Problem hets si sich sofort wou gfüut. Dr nöchscht isch dr Faxi gsi wo mir hei chönne plaziere u när isch nume no di chlini Cindy bliebe, i ha no e angeri Schtuete gha wo es Plätzli gsuecht het d Carina. E Frou het aglüte, si heig e auti Schtuete u ihri Dochter, si heig eifach z Gfüu dass di auti Eselin langsam wöui go u drum suech si früezitig es Eseli, i hase iglade cho z luege, es isch luschtig gsu zu z luege. Einisch hetsi d Cindy kräbelet u när wieder d Carina, hin und här isch si, i bi fasch verdurschtet u ha geng gwartet dass si äntli a Tisch chömi aber si het sich eifach nid chönne entscheide, wosi äntli  cho isch hani gfrogt "so weles darfs de si? O i chami eifach nid entscheide i gloube i nime grad beidi, wouw, wie schön. Mir hei di zwöi brocht u ou dört hets sofort klappet, di Eseli si ganz lieb zunang gsi, z Terräin isch chli schtozig gsi u di auti Schtuete het nüme rächt möge aber üsi zwöi natürli scho u so isch ihri Dochter immer meh mit üsne zäme gsi. Nach eim Monet isch z Telefon cho, di auti Schtuete isch ganz friedlich igschlofe, richtig schön, si het sicher dänkt dass ihres Döchterli jo jetz Gschpähnli heig u de dörf si go. Ufzmou hei mir ghört dass dr Gschpahne vom Faxi gschtorbe sig u z Ross ihn  blogi, wieder hei mir e Lösig müesse sueche, i ha dänkt i frogi doch eifach bi dr Cindy u Carina ihrer nöie Bsitzerin, si het ei Tag überleit u när igwiuiget ihn ufznäh, juhui, so si d Cindy u dr Faxi nach es paar Monet wieder zäme gsi u aui si glücklich gsi. Jetzt anderhaub Johr schpöter isch d Cindy sehr chrank worde u het igschlöft müesse wärde, würkli schad für di chlini Muus.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I ha jo scho gschriebe vo de Reh wo immer wieder bi üs z Bsuech chöme, da bi üs obe e grosse Grasbiz isch wo de ghöiet wird simmir ufmerksam u beobachte ob und wo d Rehmüettere ihri Junge hei damit mir se de chöi vor em Mäie go vertribe. Hüt morge isch es Reh zimmli wyt unde gsi, Minutelang isch es am gliche Ort bliebe schtoh .,ou i bi unger dr Tür bliebe  u ha beobachtet was es macht. Wott si mir ächt öpis säge? hani überleit, wott si mir zeige wo di Junge si? damit i se de cha rette, wär weis, uf au fäu wärde mir witer jede Tag luege was si mache. Froget dir öich öpe was das söu weni vo angerne Tier schriebe?, aber i bi äbe e Naturmönsch u ha fröid, nid grad a aune Tier aber doch a viune. De haut no öpis vo de Esle, es isch gar nid so eifach jede Tag öpis z schriebe aber i bi gloub e chli süchtig worde, cheibe züg. I bi scho fasch fertig gsi mit dere Box mischte u ha natürli scho gmerkt dass dr Figaro probiert ine z cho, aber mi het das gar nüme gschtört,do plötzli wonim dr Rügge zuedräit ha isch er ine cho u Demonschtratif vor mi gschtande u het du gmeint i jagne wieder use. Fautsch dänkt Figaro, ha ha ha i bi jo scho fertig u du schtörsch mi gar nid hanim dr Wind us de Sägle gno, är het d Wäut nüme verschtande, u woni nüt zuenim gseit ha isch er haut wieder use, isch jo nid Intressant wener d Schefi nid cha ärgere.Dusse hanim du gseit dass i vo ihm am meischte schriebe u do het er grossi Ouge gmacht u isch schier es paar Zentimeter gwachse vor Schtouz, eigentli chönnti doch e Tag dr offene Schtaustür mache da jo d Esuwanderig nid isch düregfüehrt worde, wei mou luege was mi Maa meint, de chönntet dir einisch cho ineluege u mini Esle Persöhnlich lehre kenne.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Mir hei e schöne Höck grad näbem Schöpfli mit dem Gartewärchzüg wome jo  das Johr garnid cha bruche, auso mi Maa sitzt mitem Rügge gäge z Schöpfli u het e wunderbahri Ussicht i d Natur, u i sitze visavie u was gsehni? mi Maa u e lähri Schöpfliwand, schön längwilig, i ha überleit was i ächt chönnt mache. Einisch womer mit de Esle ungerwägs gsi si hani e luschtegi Voguhüsli Sammlig gseh, klar das isches hani mir dänkt, das Sammli jetz ou das isch öpis härzigs, schliessli hani läbegi Esle de bruchi die nid z Sammle. U so isch eis Voguhüsli ums andere cho, a schteu vo Blüemli überchumi Hüsli, die läbe sowiso lenger bi mir aus Pflanze. Da bi däm Wätter dr Sitzplatz jo nid benützt wird hei d Vögeli dänkt de heige si doch gnue uswau, wo mir so us dr warme Schtube useluege gsehni wi eis Vögeli würkli is Hüsli schlüeft u när no grad eis, hesch gseh hani mi Maa gfrogt, i gloube di göh doch i di Hüsli, "jo geschter si grad drü ine, i gloube eis isch dr Makler gsi wose wott vermiete" het er ganz droche gseit, mängisch het mi Maa so luschtegi Sache uf Lager, nid immer aber immer öfter. Hüt hani mine Esle so Zuuhnet dass si d Wägränder use ihrem Drocheplatz hei chönne abfrässe, läck het das nähr usgseh grad wie umegschtoche, wenn wott ächt das Wätter äntli bessere, bschtändig rede si wieder vo meh Räge derbi heimir doch aui Chüble u Chessle scho vou Wasser u bruchi würkli nümme meh.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hei danke viumou für di schöni Sunne, mir si aui am Sünnele gsi, jede Sunneschtrau isch ufgsogge worde, vo aune sitene heimir üs loh beschine, es het so guet do. Mir hei hüt zuwachs übercho, nei nei d Tabea het no nid gfület, dr Termin isch erscht zwüscheem 13 - 17.Juni, vorhär wott i doch no is Zitherewuchenänd nach Interlaken, mir hei 6 Mini Schöfli übercho, i weiss no nid emou gnau wie schriebe i gloube Quessant. Läck si die härzig, dank de länge u viele Hoor gseh si dick us u när di dünne Schtäckescheichli wo unger use luege, eifach zum schiesse, dr Bock het rächti Hörner u das het di letschti Bsitzere no grad müesse gschpühre. Si het sich no wöue verabschiede, si isch abgrüppelet u het am 3 Monet aute Böckli di offni Hand hi gschtreckt u dä isch sofort go popple, mit sim Chöpfli id Hand, dr gross Bock het zuegluegt u ufzmou ischere Gringsvora i ihre Buch." He he du fräche Kärli het si zuenim gseit u isch du use cho, "do seit dir jetzt jede Schöflerer dass du das säuber provoziert hesch, do chame nid emou em Bock wüescht säge, hani zuere gseit. Do isch ihre Maa ine u het so sitwärtsi agriff Schritte gäge Böcku gmacht, dä isch langsam zrügg u wo sich dr Maa abdräit het zum usecho isch dr Böcku gäge ihn cho, i ha mi gfrogt was das söu, es het scho mänge Unfau gäh we e Bock ufzmou unverhofft e agriff gschtartet het u dr Mönsch umgheit isch. So öpis macht me eifach nid, mi muess doch froh si um jedes Tier wo Lieb isch u eim nid agrifft, jetzt muess i immer acht gäh weni zuene ine go. Mir hei di Schöfli kouft damit si hinger de Esle noche gö go d Weid suber putze, wei mou luege obs würkli öpis bringt, wisi gseit hei frässi di Schöfli gärn dr Hahnefuess, das wär so schön, mir löh üs loh überrasche.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Es isch zum schiesse, aui Esle schtöh am Zuun entlang u luege de luschtige Schöfli zue, si si ganz Fasziniert vo dene chline Cheibli, i ha geng Angscht dass eis irgendwo use cha. I gloub i gseh scho Gschpängschter, überau gseh ni öpis schwarzes u när ischs numme mi Chatz, di Schöfli rüefe scho no rächt viu, i hoffe dass sich das no leit, eifach nid reagiere isch sicher z beschte. Langsam aber würkli langsam dröchne de Esle ihri Wägli aber leider müesse si doch no düre Pflüder, i chas leider nid angers mache, mir heine äxtra e Umwäg zwäg gmacht aber innert zwe Tag ischs ou do komplett Pflüderig gsi, aber si wei jo e ganzi Wuche schön de si äntli aui Wägli wieder schön pasierbaar. Dr Sandro isch e rächte Hängscht, no nidemou zwe Monet aut u scho geiter ei Schtuete um di angeri go Kontrolliere ob si ächt rossig sig, e chline Zwärg wo chum ufe ma zum schmöcke, u we de d Schtuetene ne wägjage geit er zum Darius wo drü mou grööser isch u hänkt sich ihm a Haus oder klempt ne id vorderbei bis er uf d Chnöi gheit u när ganz verdatteret us dr Wösch luegt. Das git mer eine dä Sandro, scho jetz ganz Säubschtbewusst u Schtinkefräch eifach e luschtige Kärli.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

So, langsam wirds ärnscht bir Tabea, si het e mords Buch, irgendwie schwabelet aues a ihre, z Uter isch no nid richtig gfüut. Es isch scho komisch, es git Schtuetene di hei scho fasch e Monet vorem Termin es Schteiherts Uter u mache mi scho Wuchenlang z Nacht uf z schtoh, u d Tabea isch für e 13 - 17.Juni vorgseh u i ha no nis z Gfüu dass i z Nacht müess go luege. Jede Tag redi mit dr Babette wo jo ir gliche Boxe schloft, i weiss nid ob Tabea si derbi loht oder nüme bi sich wott ha, " gib mir eifach es Zeiche we ine angeri Box wotsch hani zuere gseit, u do druff Vertroui eifach. Es isch ou vom Mischte här müehsam we drei Esle ir gliche Boxe si, aber i wüsst grad nid woane mit dr Babette, bide chline obe gfautsere nid si wott geng bi de grosse schlofe, si isch äuä chli Grössewahnsinnig. Kommt Zeit kommt Rat, i warte jetzt eifach zue, irgendwie geits immer.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I bi drei Tag wäg gsi, in Interlaken hei mir es Zitherplouschschpiuwuchenändi düre gfüehrt, zerscht hani ganz ärnschthaft mit dr Tabea Diskutiert aber si het mir z OK gä das i dörf fahre, süsch währi nid gange. Es isch mega schön gsi, nume isch aubot öper cho froge "wott keni Füle'? , letscht Johr hani em Maa sis Natel bimer gha u aubot hets glüte u i ha müesse use schpringe, damit i di angere nid schtöre u jedesmou weni wieder bi inecho heimi 40 Lüt 80 Ouge frogent agluegt " u isch das Füli äntli cho ?? nei nei hani geng wieder müesse säge, i ha mi wäuts ufgregt. Das mou hani verbote das me mir alütet, bimene Problem söi mi Maa haut dr Tierarzt lo cho i chöni jo sowiso nid viu häufe weni so wit furt sig, es isch gar nid so eifach weme soviu Tier het einisch unschiniert furt z go. I ha das Wuchenändi gnosse, aber am Sunntig nachem ässe hani uf z mou wahnsinnig Schtaudrang gha u mir si ufem diräkte Wäg hei gfahre, es isch aues ir ornig gsi, mi Maa u dr Rudolf heimi guet verträte. Dr Sandro wird jede Tag härziger, äntli het er gmerkt wi Schmüsele schön isch, di drü redli Rüebli länge langsam nüme, morn gib im de ou chli Churzfuetter, nume ganz wenig, jedesmou we me ne ine duet geit er sofort hingere Sauzläckstei, i muess ne immer z Nacht use näh. Villicht wener ou chli Fuetter überchunnt het er öpis z tue wener i d Boxe chunnt u vergisst de go z läcke, i muess es eifach usprobiere, är isch scho rächt gross u es richtigs Wiudsöili, es muess geng öpis loufe. Di chline hei scho meh schpöiz im Füdli aus di grosse, dr Darius mit sine 10 Monet het nume haub soviu Läbe dä isch grad wine Schloftablette gäge Sandro.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Was dänke sich ächt d Lüt mängisch wesi dr Esu toufe ? Dr erscht  wo mir für Esu in Not hei söue go hole het Tambo gheisse, drü Jährig u mi chöng nüt mit im afo, u we mir ne nid nähmi gönger i d Metzg, hets gheisse, mi Maa u i hei üs ufe Wäg gmacht. Wo mir bi dene Lüt acho si heimer e wunderschöne Wallach ufere grosse Weid gseh, " hei du, chumme e mou cho grüezi säge, hanim grüeft, sofort het er dr Chopf glüpft u gluegt wär ächt do rüefi u woner mi het gseh isch er sofort zuemer cho, ohni angscht , ganz Vertrouensvou het er sich lo z Häufterli alege vo mir. I ha ne chli gschrichelet u nim gseit är sig e wunderschöne Esu u chönni jetzt mit mir cho uf üsi Esufarm, u de isch er mit mir ohni z zögere i Transporter gschtige u mir si heigfahre. Aber äbe das mit däm Name isch scho gewöhnigbedürftig gsi, weme nid ufpasst het u usem b e p gmacht het hets tönt wie Tampo, soublöd würkli ober soublöd, i ha mi fasch nid getrout ihm z rüefe us luter angscht es töni fautsch. I ha säute sone liebe Esu gseh, auues wome vonim verlangt het het er gmacht, e ganz umgängliches Tier, leider hane nid chönne bhaute, är isch zu liebe Lüt cho. Es haub Johr schpöter bini ir nöchi gones Eseli hole u ha dänkt i göng hurti go grüezi säge, i hane uf dr Weid mit sim Gschpähnli gseh grase do hani zum Outofänschter us grüeft "hei Tambo, sälü, läck di Reaktion hät i nie erwartet, chum het er mi Schtimm ghört ischer cho z Galopiere bis a Zuun i ha gmeint är drückne grad i. Sofort bini usgschtige u zuenim gange, är het mi fasch gfrässse vor fröid, nachem Kafi womir wieder hei wöue fahre hani gseit si söune i d Box schperre i ha angscht gha dass er grad düre Zuun gieng um mit z  cho, do hani dänkt i göng kene meh go Bsueche es het mer mega weh do. Mir hei jo üse erscht Esu dür ne Vergiftig verlohre, sehrwahrschinlich dür Nussbrot, d Nüss hei müesse ranzig gsi si u das het me jo nid chönne gseh, aber es het glängt um dr Läbere dr räscht z gäh u mir heis müesse nachere Wuche Tierschpitau loh ischläfe, mir si truurig gsi. Si hei aues probiert aber eis Organ ums andere het ufghört schaffe u drum hei mir schwähre Härzens igwiuiget das Tierli z erlöse, u sit den überchöme miner Esle ke Brot me.  Wo mir wieder es Eseli gsuecht hei isch üs d Babette übere Wäg glüfe, wo mer se si go hole hani zu mim Maa gseit "wemer de dehei si ändere mir sofort dä blöd Name.  Das isch vor 16 Johr gsi, u ob dirs gloubet oder nid si heisst immer no so, woni nämli dehei gmerkt ha wie guet si uf dä Name lost hani gmerkt das es e blödsinn wär dä z ändere. Wesi irgend e Seich macht singi eifach z Lied vom Babettli, das het doch dr Mani Matter gsunge? gloub i fasch

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

"Tambo", das klingt doch recht nett. Fast wie "Rambo" oder so. Oder erinnert dich das zu sehr an dieses Reinigungsmittel aus der Migros? Einfach vergessen. Ich lasse mir von so Markennamen den schönen Klang von Namen nicht verderben. - Ich habe vor einiger Zeit einem Haus den Namen, und nun haltet Euch fest, "Passat" gegeben. Heute klingt das richtig gut. Selbstverständlich ist der Wind gemeint. - Ach ja, ich hätte da noch einen schönen Namen für eine Eseldame. Der klingt so wunderbar, wenn man ihn richtig ausspricht: Mercedes!

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Ja, ein sehr schöner Name ! Klingt "edel" und "spanisch/mexikanisch"  !

  " Djuna "   kann man auch ein  2.x nutzen als  "Dunja"

LG

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

OK, habe ich mal wieder etwas nicht mitbekommen. Ich sollte vielleicht langsam mal anfangen nach 18 Jahren Mundart zu sprechen. - Ach nein das lasse ich lieber.
Mir fallen aber auch einige Worte ein in Mundart, welche auf Hochdeutsch - naja, welche man in Deutschland besser nicht sagt. - Die verrate ich aber nicht!
- Bleiben wir doch mal bei den Eseln! Tschüss!

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Einisch hani e Wallach übernoh dä het "Citterio" gheisse, do frogt me sech ou was sie dänkt u überleit hei. Obwou es isch jo Sunneklar, di Frou het es Ross gha u dr Esu isch nume derzue cho damit es zwöi si u drum het si ihm dä Name ghä, dä seit jo scho aues, si het absolut nüt für das Tierli empfunde. Mir hei du C'itterio mit dr Betohnig ufem erschte i grüeft u de isches gange, da är sowiso nid bi üs bliebe isch hanis de nöchschte Bsitzer überloh e angere Name z gäh.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Sit ere Wuche hei mir 6 Quessant Schöfli, das si Zwärge si si mega luschtig, aber für 2 Böckli u e Kaschtrierte sueche mir es angers Plätzli, drü länge üs. Jo mir hei üs do wieder uf öpis iglo, da d Esle sehr schlächt d Weide putze muess i immer go nochemäie, zämechraue uf Garette lade u ufe Mischschtock füehre, jetzt hei mir dänkt dass die Schöfli üs di arbeit doch chönnte abnäh, das si ou dr Hahnefuess frässe. Wie Zuune isch no d Frog, momentan hei mir Flexinet gschpannet, aber das isch ou nid so eifach z Zügle, u zerscht müesse sich di Schöfli a üs gwöhne u de chöimer de villicht mit ne chli witer go, do wosi jetz si muess z Gras jo wieder nochewachse für d Esle. Mi gseht guet wo si scho düre si, dört hets würkli ke Hahnefuess meh, aber di ganzi Sach isch no nid ganz usgrift. Hüt isch eine cho vieri Schähre, bi de Oueli isch er fasch nid düre cho, di hei ganz fettigs Hoor gha, die zwöi Junge het me no nid müesse, aber dr Kaschtrat u dr Böcku, bi dene isches du fasch vo allei gange, Gottlob. Mi Nachbar het für sini normale Schof e Füfliber zaut,i 10 Minute isch eis gschore gsi, dä Maa isch sieder gschtorbe u do hani öper angers müesse sueche, wo jetz dä Maa fasch 2 Schtunde brucht het für mini vieri hani baut angscht gha zum froge was es choschti, "5.- pro Schof, het er gmeint, "do schaffi är jo fasch gratis, hanim gseit, do het er nume glachet, klar hanim öpis meh gä.Auso weder öper wüsst wo mini drü Böckli wett choufe de mäudet öich doch, danke im vorus.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Bei Euch ist auch immer etwas Neues !

Liebe Grüße aus Bayern

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Z luschtige isch doch dass mir di Minischöfli hei zueche do damit ig weniger arbeit heig, klar si frässe d Weid schön suber aber leider muess me jede Tag z Flexinetz witer stecke, d Weid vo de Schöfli hinterlassenschafte probiere z putze,  u ou ihres Böxli wird useputzt, mi gseht sofort, mir hei eifach jetz angeri arbeit aber nid weniger. Do mir immer versueche nüt wäg z schiesse isches doch besser es Tier frisst das was d Esle übrig löh,anstatt dr Mischtschtock dermit z füue, womer no es Ross hei gha isch d Weid geng suber putzt gsi. Mir si no uf dr suechi wimes am gschitschte macht, u so gits immer wieder e änderig, süsch wärs jo längwilig und das wei mir unbedingt vermide. Vo üsne 15 Eseli hani z gfüu das die chlini Cindy mit ihrne 87cm die gröschte isch, si isch so richtig Schpitzohrig, ihre chöme Sache z Sinn wo angeri nie würde dra dänke, i ha im Schtau es chlises Böxli  woni nid brucht ha, do hanis gäbig für d Resärve vo Schtrou u Höi chönne bruche.  Einisch woni i Schtau chume gsehni es paar Esle im Schtaugang irgend öpis luege, i ha gseh dass z Dörli offe isch, "he was machet dr wieder für e Seich? hani chli Sträng gfrogt do heisich aui sofort umdräit u si fasch i Achtigsschtellig do gschtande, " M I R mache nüt aber d Cindy. Na klar, di chlini Muus wise öpe ou nene, het ganz gmüetlich witer gfrässe u derzue e Mimik gmacht zum säge "i darf das i bi Mamis Schätzeli, u i chare eifach nid bös si, si macht aues so luschtig. Einisch heisst si Cindy Möis-chen, u wenns ganz Zärtlich zue u här geit de heissts Cindy-Malaika, das tönt doch Irsinnig schön, wemes zwöi drü mou nachenang seit wirts immer weicher, hm hm, eifach schön. Si isch so chli das me se grad cha unger e Arm näh, nei nei nid trage, mi leit eifach dr Arm über ihre Haus u het mit dr Hand vo unge ihres Chini, was ?dir chömed wieder einisch nid drus, es isch aber ou schwirig z Erklähre, e chömed doch eifach einisch verbi  u de gseht dir aui di verschiedene Tier. Eso chönnt me grad es Gymkana mit ihre mache ohni Häufterli oder süsch öpis zum hebe.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Gerade Du müßtes bei Deinen vielen Eseln wissen was passiert , wenn.........  !

Lg

Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Hüt isch ganz e aschträngende Tag gsi, üsi Esle hei uf ihrne Wägli zwe Schteue wo immer sehr Nass bliebe, di ganzi Zyt hani jede Schtei womir begägnet isch dört hi treit, aber d Esle hei se geng tiefer i Pflüder abedrückt. Jede obe hets grossi überwindig brucht di gruusige Huf id Hand z näh zum uschratze, u ou d Esle heisich gweigeret dört düre z go, aber komisch wesi vom Schtau wäg si de hets ke Roue gschpiut aber am Obe zum Heicho isches es ächts Problem gsi. Zerscht heimir mit schwähre Doppu T Dregger e Rand gmacht damit de z Materiau nid wägrütscht, schliesslich heimir nid chönne di ganzi breiti Saniere, 2 Meter breit u 15 Meter läng, heimir zerscht Fliess gleit u dört druf 3 Kubik Schotter verteilet. Jede v o öich wo scho mou mit Schotter gschaffet het weiss wie müehsam das z verarbeite isch, sämtlichs Gartewärchzüg heimir usprobiert, z geeignete gits äuä no gar nid. Di ganzi Zyt hani mir überleit wie ächt d Esle reagiere wesi dä nöi Wäg gseh, aber äbe, die diggge eifach angersch, jede het schnäu dra gschmöckt u isch du glücklich über dä Schotter Heizue tschöttelet, i gloub i ha ghört wi eine gseit het "sisch de öpe Zyt gsi dass si dä Wäg gmacht hei, hoffentlich mache si di zwöiti Schteu ou gli einisch" es danke viumou wär scho schön gsi für dä ganz Chrampf.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

I ha z gfüuu gha d Esle sige no nie so mängisch ufe u abe glüfe, i gloube das isch wägem nöie Wäg, i wett säge dr Chrampf het sich glont. Leider chani no nid vom Füli brichte, d Tabea isch no nid zwäg, villicht dänkt si we d Soraya scho 10 Tag überzoge heig de dörf si das ou, klar für mi isch das mega Längwilig, aber äbe es loht sich nüt erzwinge. Z einzige womer ufgfaue isch dass si sich absonderet vo de angere, dr ganz Tag luege mir immer wieder wo si ächt isch, wie gseit es isch schpannent, sobaud mir gfület hei verzeui öich was es gäh het, verschproche, und was de mit dr Babette wird, ob sie no duldet isch ir gliche Box.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Woni wieder einisch d Babett kräbelet ha het si nid noch gnueg chönne stoh u het mir ihre Chopf zwüsche d Bei gstreckt, i ha mir nüt witers dänkt u haut ufem Rügge kräbelet do plötzli het si dr Chopf glüpft u mini Füess hei kei Bodeberüirig meh gha. Verchehrt bini uf dr Babett obe gsi u so isch si mit mir düre Schtaugang glüfe, mi Maa het ganz droche gmeint "he du bisch doch viu z schwär für d Babett" wär het gseit i wöu rite? "heb se doch, i cha nid abe" hani ganz närvös gseit, u bi nume froh gsi das mi niemer gfiumet het. D Babett misst jo 95 cm und ig Wiege "hm hm eifach e chli z viu.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.

Re: Anekdoten mit unseren Langohren

Eigentlich Vertroue ig mine Esle 100 % aber jetzt bini doch glich echli unsicher, mir warte doch uf z Füli vor Tabea u d Babette isch doch z Atoptivmami vore, i bi go luege was Tabea macht u do het doch Babette gseit "gang nume go schlofe i luege de scho. Was gits für Zeiche das e Geburt churz bevorschteit ? Auso einisch das d Schtuete ganz e nassi Bruscht het vom Schwitze, hetsi, das si flissig Schwanzet, macht si, dr Termin schtimmt, jo, dass si sich absonderet vo de angere, hüt Nommitag isch si zwe Schtung ganz allei im obere Schtau gsi. Das si viu Mischtet um sich z laäre, ha mindeschtens vier Hüfe wägputzt, dass si Wehe het, bini äbe nid sicher. Bir Soraya hani am morge z Höi gäh u ha grad gmischtet u wose e Schtung schpöter ha wöue useloh hani gseh dass si sider viermou wieder gmischtet het u do hani gwüsst dass es los geit, aber vo Wehe hani nüt gmerkt.Es isch jedes mou wieder angersch, aber di Babette git ne mängisch rächt düre, geschter hani doch scho gmeint es göngi los, i ha vor Darinkas Boxe  us wöue beobachte aber das isch natürli nid ohni z chräbele gange, d Babette het das sofort gmerkt u isch ou cho ad Boxetüre schtoh. Gang jetz go schlofe hani zuere gmacht, "mir müesse ganz lieslig si u nid schtöre, do het si gmeint " aber du luegsch doch mit de Ouge de hesch no e Hang frei um mi ou z chräbele", u hüt schickt si mi is Bett si luegi de scho, de goni haut is Bett, i hare gseit "gib mir es Zeiche weni muess cho häufe, de machsch Lärme u i chume sofort, "ke angscht het si gmeint u i gloubes jetzt.

Dolotelley
Eselfarm Moutier
useravatar
Offline
639 Beiträge
Anonyme Beiträge sind nicht gestattet. Bitte einloggen oder registrieren.
Es ist 1 weiterer Gast in diesem Thema. Es sind 0 weitere Mitglieder in diesem Thema.

Board Info

Board Statistiken
 
Gesamtzahl Themen:
139
Gesamtzahl Umfragen:
5
Gesamtzahl Beiträge:
1090
Beiträge diese Woche:
2
Benutzer-Info
 
Gesamtzahl Benutzer:
499
Neuester Benutzer:
Larissa.monika@gmx.ch